Sunday, May 23, 2010

Appendix အူအတက်

Q: မရှင်းတာလေး ၁ခုလောက်ရှိလို့ မေးခွင့်ပြုပါဆရာ။ ဝမ်းဗိုက်၏ ညာဘက်ချက်အောက်ဘက်က ဗိုက်အောင့်တိုင်း အူအတက် ဖြစ်နိုင်ပါသလား။ အမြဲတမ်း မအောင့်ပဲ တခါတလေမှ အောင့်ပြီး ၁၅ မိနစ်လောက်နေလျှင် ပြန်ပျောက် သွားပါတယ်။ အောင့်လျှင်လည်း ခါးကုန်းနေသည်အထိ အောင့်ပါတယ်။ အူအတက် သို့မဟုတ် မည်သည့် ရောဂါ ဖြစ်နိုင်ပါသလဲ။ မည်သို့ ကုသ၍ ရနိုင်ပါမည်ကိုလဲ ကျေးဇူးပြု၍ ညွှန်ကြားပေးစေလိုပါတယ် ဆရာ။

A: အူအတက်ရှိတဲ့နေရာကို အပြင်ကနေ အတိအကျသိချင်ရင် စိတ်ကူးမျဉ်းဆွဲရတယ်။ “ချက်” ရယ်၊ “တင်ပါးဆုံရိုးပြား ထိပ်နေရာ” ရယ်ကို မျဉ်းတကြောင်းဆွဲပါ။ အဲဒီနေရာဆိုတာက ခါးဘေးအောက်၊ ပေါင်အထက်မှာ လက်နဲ့စမ်းရင် အရိုးမာမာ ဘုကလေးလို ရှိနေတဲ့နေရာပါ။ ပိန်ပိန်-ဝဝ စမ်းလို့ရတယ်။ တင်ပါးမှာ ဆေးထိုးတဲ့အခါ အဲဒီအရိုးစွန်းလေးကို လက်မနဲ့ စမ်းပြီးထိုးတာ ကောင်းတဲ့သင်ကြားမှုကို ရထားသူဖြစ်တယ်။

ဆွဲထားတဲ့မျဉ်းကို သုံပိုင်းညီညီ စိတ်ထဲမှာဘဲ ပိုင်းကြည့်လိုက်ပါ။ ချက်ဘက်က ၂ ပိုင်းနဲ့ အရိုးစွန်းဘက်က ၁ ပိုင်း ဆုံရာ နေရာရဲ့ အောက်တည့်တည့်မှာ အူအတက်က ရှိနေတယ်။ အူအတက်မှာ တခုခုဖြစ်ရင် အများဆုံးနာတာက အဲဒီ (ပွိုင့်)မှာ နာတာက အများဆုံး ဖြစ်တယ်။ နည်းနည်းလွဲတာလည်း ရှိတာပေါ့။

အူအတက်ရောဂါတွေမှာ Acute Appendicitis ရုတ်တရက်ရောင်တာရယ်၊ Sub-Acute Appendicitis ရက်ပိုကြာတာရယ်၊ Appendicular Abscess, Burst Appendix ပြည်တည်-ပေါက်ထွက်သွားတာရယ်၊ Appendicular Lump အစိုင်အခဲ ဖြစ်နေတာရယ် ဆိုပြီးရှိတယ်။ ရုတ်တရက်ရောင်ရင် ချက်ချင်းဖြစ်၊ ချက်ချင်း ဆရာဝန်ဆီရောက်၊ ချက်ချင်း ခွဲစိတ်ရတာမျိုး ဖြစ်တယ်။ နာရင်လဲ ခေတ်စကားနဲ့ဆို အသားကုန်နာတာပေါ့။ ပေါက်သွားရင် ရုတ်တရက်ရောင်တာထက် ပိုနာတယ်။

သိပ်မဆိုးလို့ ဆရာဝန်ဆီလည်း မရောက်၊ ပေါက်လဲမထွက်သူတွေက ရက် နည်းနည်းရှိမှ ရောက်လာတတ်တယ်။ ချက်ချင်း ခွဲစရာလည်း မလိုဘူး။ ရက်နောက်ကျမှာလာသူတွေကို ပြောခဲ့တဲ့နေရာကို သေခြာခြာစမ်းရင် အစိုင်အခဲကို တွေ့နိုင်တယ်။ ဒီလိုလူနာကိုလည်း ချက်ချင်းမခွဲဘူး။ ၂ လတန်သည်၊ ၃ လတန်သည် စောင့်ပြီး၊ အေးအေးဆေးဆေး လူနာလည်းအား ဆရာဝန်လည်း အလုပ်မများချိန်မှာ ရက်ရွေးပြီး ခွဲစိတ်ရတယ်။

ပြောတဲ့နေရာမှာ နာတိုင်း အူအတက် ဟုတ်ချင်မှ ဟုတ်တယ်။ အူအတက်ရောဂါဖြစ်တာကို ပိုသေခြာအောင် စမ်းရမယ်။ ဆေးခန်း လက်ထောက်ဆရာမတွေကို သင်ပေးသလို ရေးပါရစေ။ လူနာကို ပက်လက်ထား၊ ဗိုက်ကို လက်ဝါးပြင်နဲ့ အသာအယာ စမ်းပါ။ အူအတက်ရှိတဲ့နေရာကို တခါတည်း သွားမစမ်းသေးနဲ့အုံး။ စမ်းတဲ့လက်နဲ့ လူနာ့ဗိုက် ရင်းနှီး ကြွမ်းဝင်သွားအောင် စကားစမြီပြောရင်း စမ်းပါ။ ပိုင်ပိုင်နိုင်နိုင်၊ ကိုယ့်လက်ဝါးနဲ့ သူ့ဗိုက်သားနဲ့ အမျိုးတော်နေသလို ဖြစ်အောင်လုပ်ပြီး စမ်းပါ။ ခဏနေမှ အူအတက်ရှိရာ တည့်တည့်ကို တပဲသားမှ လွဲမသွားအောင် စမ်းပါ။ နာ-မနာ ဆိုတာ သိဘို့ဖြစ်တယ်။ စမ်းနေရင်း လူနာကို နာသလား မေးစရာ မလိုသေးဘူး။ လူနာ့ မျက်နှာကိုသာ ကြည့်နေပါ။ နာတာကို အမူအယာနဲ့ သိနိုင်တယ်။ မျက်နှာ ရှုံ့သွားမယ်။ လိုမှသာ နာ-မနာမေးပါ။

နာတာကို ဘာသာပြန်ရင် Pain, Painful ပေါ့။ အမှန်က ခံစားရသူကနေ “နာတယ်ဆရာ” လို့ ဆရာဝန်က လက်နဲ့မထိခင် ပြောတာကိုသာ အဲလိုခေါ်တယ်။ စမ်းကြည့်တဲ့အခါ နာတာကို Tenderness လို့ ခေါ်ရတယ်။ အူအတက် ရောင်ရင် Pain ရော Tenderness ရောရှိတယ်။ လေနာသမားကို စမ်းရင် Pain ရှိပေမဲ့၊ စမ်းတဲ့လက်ကြောင့် အနာတောင် သက်သာနိုင်တယ်။

နာတာသိယုံနဲ့ “ဟာ အူအတက်ကွ” လို့ ဆုံးဖြတ်ချက်ကို (ဂျမ့်ပ်) မလုပ်နဲ့အုံး။ ဆက်စမ်းရအုံးမယ်။ နာပါတယ်ဆိုတဲ့ အူအတက်နေရာကို အသာအယာ ဖိပေးထားပြီး၊ ရုတ်တရက် စမ်းတဲ့လက်ကို ၉ဝ ဒီဂရီ ပြန် မ, ပြစ်လိုက်ပါ။ အဲဒီအခါ လူနာ့မျက်နှာ တခါထပ်ရှုံ့လိမ့်မယ်။ မတတ်သာလို့ “မရွှေတက်” နှစ်ခါနာ ဖြစ်အောင်လုပ်ရတာ။ “ဆောရီး” နော်။ ပိုသေခြာလာပြီ။ အဲ့့ လူနာနားက မခွါနဲ့အုံး။

စမ်းတဲ့လက်ကို အူအတက် မရှိတဲ့ ဗိုက်အောက်ပိုင်း ဘယ်ဘက်ခြမ်းကို စမ်းပါ။ မေးရင် မနာဘူးပြောမယ်။ အဲဒီဘက်ကနေ အူအတက်ဆီ တွန်းပေးကြည့်လိုက်ပါ။ ရောင်နေတဲ့ အူအတက်ဆီ တဖက်က အူတွေကို တွန်းဖိပေးလို့ နာပြန်ရတာ ဖြစ်တယ်။ “မရွှေတက်” ခင်ဗျာ တတိယမိနာတယ် ပြောလိမ့်မယ်။ ဒုတိယမိ “ဆောရီး” နော်။

ပိုပိုသေခြာလာပြီ။ ဒါတင်ဘဲလားဆိုတော့ မဟုတ်သေးဘူး။ ကိုယ်ပူတယ် မပြောလည်း အဖျားတိုင်းပါ။ အပူချိန် မြင့်နေရင် ပြောပေတာ့။ “ယူ့ အပဲန်ဒစ် တခုခုဖြစ်နေပြီ” လို့။

တော်တော့ဆရာက ဒါလောက်ဘဲ သင်မယ်။ ကိုယ်သင်တဲ့ ဆရာမ အကုန်အစင် ရစေချင်တယ်။ ဆက်မေးစရာ၊ စမ်းစရာ၊ ကျန်သေးတယ်။ လူနာတွေဟာ တယောက်နဲ့ တယောက် အနာခံနိုင်တာ မတူကြသလို ပညာခံလည်း ကွာတယ်။ တချို့က သဲတယ်။ ပါလာတဲ့ အမျိုးတွေရှေ့ ချွဲချင်လို့ ဟိုနေရာစမ်းလည်း နာတယ်၊ ဒီနေရာလည်း နာတယ်၊ လုပ်တတ်တယ်။ တချို့က ပညာခံနည်းတော့ မပြောတတ်ဘူး။ တိတိပပ သိရအောင်လုပ်ရမယ်။ Sympathy ကို ခဏထား Empathy နဲ့ စမ်းပါလေ။

လူနာက အမျိုးသမီးဆိုရင် ဆက်မေးစရာတွေ ရှိလာပြီ။ အဖြူဆင်းသလား မေးပါ။ ဆင်းရင် ယားသလား မေးပါ။ မွေးလမ်းကြောင်း ရောင်တာလည်း ထည့်စဉ်းစားရမယ်။ သားအိမ်ပြွန် ညာဘက်ရောင်နေရင် အူအတက်နေရာနဲ့ သိပ်နီးလို့ နာတဲ့နေရာ တူတယ်။ အူအတက်က သူချည်းဖြစ်ရင် အဖြူမဆင်းဘူး။ ဘယ်ဘက်ပါ နာချင်နာနေမယ်။ ဒါဆို အူအတက် မဟုတ်နိုင်တော့ဘူး။

ရာသီမှန်-မမှန် မေးပါ။ မမှန်ရင် ထိန်သလား။ အိမ်ထောင်ရှိရင် ကိုယ်ဝန်ရှိလား မေးပါ၊ စစ်ပါ။ ကိုယ်ဝန်နုတုံး၊ သားအိမ်ပြင်ပ၊ ညာဘက်ပြွန်မှာ ကိုယ်ဝန်တည်ရင် ဆင်တူနေပြန်တယ်။

ကလေး-လူကြီး၊ အမျိုးသမီး-အမျိုးသား၊ သန်ကောင်ကိုလည်း ထည့်စဉ်းစားပါ။ Pain ဘဲရှိမယ်။ Tenderness မရှိဘူး။

နောက်တခါ ဝမ်းကိုက်ဘူးတဲ့ ရာဇဝင်လည်း မေးပါအုံး။ (အမီးဗား) ဝမ်းကိုက်ပိုးက အူမကြီးအစပိုင်း၊ အူအတက် ထွက်တဲ့နေရာ Caecum မှာ လာရောင်တတ်တယ်။ သူကလည်း ဖျားနိုင်တယ်။ အစိုင်အခဲလိုလိုလည်း စမ်းလို့ရတယ်။ Appendicular lump နဲ့ ခွဲသိရမယ်။

ဆီးလမ်းကြောင်းမှာ ကျောက်ကပ်ကနေ ဆီးအိမ်ကို ဆင်းတဲ့ Ureter ဆီးပြွန် ညာဘက်ထဲမှာ ကျောက်က တစ်နေရင်လည်း နာတယ်။ နာတာက အူအတက်ထက်တောင် နာတယ်လို့ ပြောနိုင်တယ်။ ချွေးပြန်တဲ့အထိ။ သူနာတာကို Pain လို့ မခေါ်ဘူး။ Agony လို့ ခေါ်မှ တိကျတယ်။

ချုပ်လိုက်ကြအောင်။ မေးတဲ့သူမှာ Acute Appendicitis မဟုတ်နိုင်ပါ။ လိုတာတွေ စစ်ပါ။ လိုတယ်ထင်သေးရင် မေးပါ။

• Appendicitis treatment with Antibiotics အူအတက်ရောင်တာ မခွဲဘဲရသလား http://dts-medicaleducation.blogspot.com/2011/11/appendicitis-treatment-with-antibiotics.html

Dr. တင့်ဆွေ
၂၃-၅-၂ဝ၁ဝ

Wednesday, May 19, 2010

Peptic ulcer လေနာ ဆိုတာ ဘုရင်မှာလည်း ဖြစ်သည်

၁၉၈၂ အရင် ဆရာဝန်ဖြစ်ကြသူတွေက လေနာဆိုတာ ရောဂါပိုးနဲ့ မဆိုင်ဘူးလို့ သင်ခဲ့ကြရတယ်။ စားချိန်-သောက်ချိန် မမှန်သူ၊ စိတ်ဖိစီးမှု များသူတွေမှာ ဖြစ်ကြရတယ်လို့ ဆိုခဲ့တယ်။ အလုပ်များတဲ့ ဆရာဝန်၊ ဆယ်တန်းဖြေမဲ့ ကျောင်းသား အဖြစ်များလို့လည်း Stress ulcer ခေါ်ခဲ့ကြပါတယ်။ အလုပ်မများတဲ့ ဆရာဝန်၊ (စထွက်စ်) မများတဲ့ ကျောင်းသား ကံကောင်းသလား မမေးနဲ့။ တကယ်တော့ ထင်သလောက် ကံမကောင်းပါ။ ၁၉၈၂ ရောက်တော့ သြစတေးလျ ဆရာဝန် နှစ်ယောက်ကနေ လေနာနဲ့ Helicobacter pylori (H. pylori) ပိုး ဆက်စပ်တာကို သိလာရလို့ပါ။

အနာမျိုး ၉၆ ပါးမှာ လေနာ ၃၂ ပါး၊ ပါတယ်လို့ မြန်မာဆေးကျမ်းက ဆိုပါတယ်။ ကုန်းဘောင်ခေတ်မှာ ဝန်ကြီးတပါး အလုပ်များလား မသိပါ၊ လေနာ စွဲနေလို့ "ပခန်းမှာ-လေ၊ လောင်းရှည်မှာ-ဓား၊ ခန်းပတ်မှာ-နား၊ ရေနံ တတိုင်ချင်းနှင့် လင်းပါ့မလား။" လို့ ဗန်းမော်ဆရာတော်က သရော်ခဲ့ဘူးတယ်။ ပြင်သစ်ဘုရင် ချားလ်စ် နံပါတ် ၉ မှာလည်း ရှိသတဲ့။ ဒါလဲ သရော်တာ မဟုတ်ပေမဲ့ St. Bartholomew’s Day Massacre လူသတ်ပွဲကြီးဟာ ကိုယ်တော်မြတ်မှာ လေနာထလို့ ဖြစ်ရသလိုလို ဆိုပါတယ်။

Peptic Ulcer (PU) လေနာမှာ Gastric ulcer (GU) အစာအိမ်နာ နဲ့ Duodenal (DU) (ဒူယိုဒီနယ်)နာ ဆိုပြီး၊ ၂ မျိုး ရှိတယ်။ (ဒူယိုဒီနမ်) ဆိုတာ အူသိမ်အစပိုင်း “င” ပုံနေရာလေးကို ခေါ်တာပါ။ DU ဟာ အသက် ၃ဝ က ၅ဝ နှစ် အတွင်း အဖြစ်များတယ်။ အမျိုးသမီးတွေ လေ(စကား) များချင် များမယ်၊ ကံ ပိုကောင်းကြတယ်။ ယောက်ျားတွေလောက် လေနာ မဖြစ်ဘူး။ GU ကြတော့ အသက် ၆ဝ ကျော်တွေနဲ့ အမျိုးသမီးတွေမှာ အဖြစ်များတယ်။ ဖြစ်ရင်လည်း ၄% က အစာအိမ်-ကင်ဆာ ဖြစ်တတ်တယ်။ ကံမကောင်းပြန်ဘူး။

DU ၉ဝ% လောက် နဲ့ GU ၈ဝ% တို့ဟာ (H. pylori) ခေါ်တဲ့ ဗက်တီးရီးယားကြောင့်နဲ့၊ ကျန်တာက (NSAIDs) ခေါ်တဲ့ အကိုက်အခဲ ပျောက်ဆေးတွေကြောင့် ဖြစ်တာပါ။ ဆေးလိပ်စွဲ၊ အရက်စွဲ၊ ကော်ဖီ-လက်ဘက်ရည် စွဲသူတွေမှာ ပိုဖြစ်တယ်။ မျိုးနဲ့ရိုးနဲ့ ဆိုသလို အမေ-အဖေ ဖြစ်ရင် သား-သမီးမှာလည်း ဖြစ်တာတွေ ရှိတယ်။ အရင်က လက်ညှိုးထိုးခဲ့ကြတဲ့ အပူအစပ်နဲ့ စိတ်ရှုတ်တာတွေကတော့ လေနာရှိနေရင် ပိုဆိုးစေတယ်လို့သာ လက်ခံကြတော့တယ်။

စားနေကျ အချိန်ကျရင် အစာအိမ်က အစာခြေအရည် ထွက်လာတာက အကျင့်ဖြစ်လာတယ်။ ထမင်း မကျက်သေးလို့ ဖြစ်ဖြစ်၊ မအားလို့ဖြစ်ဖြစ်၊ ပိုက်ဆံမရှိလို့ဖြစ်ဖြစ် အချိန်ရောက်ရင် အက်စစ်ဓါတ်က အလိုက်မသိ ထွက်လာပြီး၊ ဝမ်းထဲမှာ တဂျုတ်ဂျုတ် မြည်လာတယ်။ ဘုန်းကြီးကျောင်းက ဆွမ်းစားတုံးခေါက်သံ ကြားတာနဲ့ ခွေးတွေ၊ ကျီးကန်းတွေ အူကြ၊ အာကြတယ်။ ဒီအကောင်တွေ ဗိုက်ထဲမှာလည်း အစာခြေရည်တွေ ထွက်လာတာကိုး။

PU ရဲ့လက္ခဏာတွေကတော့ သိတဲ့အတိုင်း ဗိုက်နာမယ်၊ လေတက်မယ်၊ အစာမကျေဖြစ်မယ်၊ ပျို့-အန်မယ်။ ကြာရင် အစားပျက်တော့ အလေးချိန်လျှော့၊ အားပြော့တာတွေ ဆက်လိုက်လာမယ်။ နာပုံနာနည်းက ပူပြီးနာတာ၊ အောင့်တာ၊ စူးနာတာ အမျိုးမျိုး ဖြစ်တယ်။ နှလုံးနဲ့ ဘာမှမဆိုင်ဘဲ၊ Heartburn လို့ခေါ်တာက အစာမြိုပြွန်ထဲကို အက်စစ်ရည်တွေ ဆန်တက်လို့ နာတာကို ခေါ်တယ်။ Gastro-esophageal Reflux Disease (GERD) ဆိုပြီး ရောဂါနာမည်သစ် ထွင်လိုက်ကြတယ်။ GU က အစာစားရင် နာတတ်ပြီး၊ DU က စားလိုက်ရင် သက်သာလို့ “ဆာနာ” လို့ ခေါ်တယ်။

ရက်တိုနဲ့ နာတာရှည် နှစ်မျိုးရှိတယ်။ ကြာတော့ အနာက ကျယ်လာပြီး၊ သူ့အနီးအနားတွေကိုပါ နယ်ချဲ့နိုင်သေးတယ်။ နောက်ဆက်တွဲ ရောဂါတွေက အတော်ဆိုးတာတွေပါ။ အစာလမ်းကြောင်းကနေ သွေးယိုတာ၊ အနာဖြစ်နေတဲ့ အစာအိမ်-(ဒူယိုဒီနမ်) ပေါက်တာ၊ အောက်ဆင်းလမ်း ကျဉ်းသွားလို့ စားပြီး အန်နေတော့တာ။ “တာ” သုံးတာဟာ အရေးပေါ်တွေပါ။ အစာအိမ်ပေါက်လို့ နာတာက စူးရှပြီး နာတာမျိုး။ ဗိုက် မနေနိုင်-မထိုင်နိုင် တအားနာပြီး၊ ဆေးရုံကို အပြေးအလွှား လာရတယ်။ အချိန်မတော်က များတယ်။ ရိုးရိုး ဓါတ်မှန် ရိုက်တာနဲ့ အစာအိမ်ပေါက်တာကို အသေအခြာ သိနိုင်တယ်။ “အသဲ” ပေါ်မှာ “လခြမ်းကွေးကွေးလေး” ကို မြင်ရတယ်။ စိတ်ကူးယဉ်စရာ မကောင်းပါလား။ မကောင်းပါ၊ ခွဲတာစိတ်တာ ခံရရှာပါတော့မည်။

သွေးအန်တာကို (Hematemesis) ခေါ်တယ်။ TB ဖြစ်လို့ ချောင်းဆိုးသွေးပါ (Hemoptysis) နဲ့ မတူဘူး။ ကော်ဖီနှစ်လို ညိုမဲမဲ အရည်တွေ အန်တာ။ အန်မထွက်ဘဲ အောက်ဆင်းရင် သွေးကဝမ်းထဲပါမယ်။ အချိန်ကြာတာမို့ ဝမ်းက မဲနက်နေမယ်။ (Melaena) လို့ ခေါ်တယ်။ ကတ္တရာစေးလိုနေတာ။ အစာအိမ်က သွေးယိုတာ မဟုတ်တာလည်း အဲလိုဘဲ ဖြစ်နိုင်တယ်။ အသဲခြောက်ရောဂါရှိသူ၊ အစာမြိုပြွန် အောက်အဖျားက သွေးပြန်ကြောအထုံးတွေ ပေါက်လို့ဖြစ်နိုင်တယ်။ မျက်စိနဲ့ မမြင်သာပေမဲ့ ဝမ်းထဲမှာ သွေးနည်းနည်းချင်း ပါနေတာကို အနုကြည့် မှန်ဘီလူးနဲ့စစ်မှ သိရမယ်။

လေနာရှိနေတာကို Barium meal ဆေးမြိုပြီး၊ ဓါတ်မှန်ရိုက်တာနဲ့ Endoscopy ကရိယာထည့်ကြည့်တာနဲ့ သေခြာအောင် စစ်ရတယ်။ မီးတောင်ကို အပေါ်က ကြည့်ရသလို၊ အလည်မှာ အနာနေရာက ခွက်နေ၊ အနားဇောက်က အောက်ကို တည့်တည့်ကျနေပြီး၊ ဘေးမှာ ချော်ရည် ဆင်းတဲ့လမ်းတွေလို ဖြာထွက်နေတယ်။

လေနာကို ကုဘို့ ဘာ့ကြောင့်ဖြစ်သလဲဆိုတာ သိရမယ်။ ရှောင်ရမယ်။ အဖြစ်များလို့ ဆရာလည်း များတယ်။ ဆေးပေးကုတဲ့ Medications လည်း မနည်းဘူး။ ပိုးကိုနိုင်တဲ့ဆေးနဲ့ အစာခြေရည်ကို သက်ရောက်တဲ့ဆေး၊ နှစ်မျိုးက မပါမဖြစ် ပေးပါတယ်။ ပိုးအတွက် Antibiotics ပဋိဇီဝဆေး၊ Amoxacillin, Tetracycline, Claithromycin, Metronidazole တွေကို သုံးတယ်။

Antacids အက်စစ်ဓါတ်ပျယ်ဆေးတွေ အများကြီးရှိတယ်။ ဗမာပြည်မှာ (ဂျဲလ်မက်)၊ ကုလားပြည်မှာ (ဒိုင်ဂျင်း) လူအတော် များများ ဝါးစာနေကြ။ အခုထုတ်သေးလားတော့ မသိဘူး။ (ဆိုဒါမင့်) ဆိုတဲ့ဆေးပြား အလည်မှာ ချိုင့်ခွက်လေးနဲ့မို့၊ “ချက်ပုံပါတဲ့ဆေး” လို့ အရပ်ထဲမှာ ခေါ်ကြတယ်။ စာအုပ်ကြီးတော့ ဆန်နေမှာဘဲ။ ဆေးသောက်ပုံ-သောက်နည်းကိုပါ ထည့်ရေးပါရစေ။

Aluminium Hydroxide and Oxide, Magnesium Trisilicate 250-1500 mg တနေ့ ၃ ကြိမ်၊ Magnesium Carbonate, Magnesium Oxides, Magnesium hydroxide 200-400 mg တနေ့ ၃ ကြိမ်၊ Calcium Carbonate 1250-1500 mg တနေ့ ၃ ကြိမ်။

အက်စစ် အထွက်နည်းဆေး Atropine Sulphate 0.5-1.0 mg IM ထိုးဆေး၊ Proton pump inhibitors (Omeprazole, Rabeprazole) 20-40 mg တနေ့ ၁ ကြိမ်၊ ၁ လ၊ ၁ လခွဲ သောက်ပါ။ Histamine H 2-receptor Antagonists (Ranitidine) 150 mg တနေ့ ၂-၃-၄ ကြိမ်။

DU ဆိုရင် Cimetidine 800 mg အိပ်ရာဝင်၊ 300-400 mg အစာစားပြီးတိုင်း တနေ့ ၂-၃-၄ ကြိမ်၊ ၁ လ၊ ၁ လခွဲ သောက်ပါ။ သက်သာလာရင် ည 400 mg သောက်ပါ။ လတ်တလော အစာအိမ်နာဆိုရင် 800 mg အိပ်ရာဝင်၊ ဒါမှမဟုတ် 300 mg အစာစားပြီးတိုင်း၊ ၂ လသောက်ပါ။ အစာခြေရည်တွေ အထက်ဆန်တာဖြစ်ရင် 400-800 mg တနေ့ ၂-၃ ကြိ်မ်၊ ၁ လခွဲ သောက်ပါ။ Heartburn နဲ့ အစာမကျေဖြစ်ရင် 200 mg တနေ့ ၁-၂ ကြိမ်၊ အစာမစားခင် နာရီဝက်ကြို သောက်ပါ။

Mucosal protective agents ဆိုတာကတော့ အစာလမ်း အတွင်းလွှာကို ကာကွယ်ဘို့ဆေးပါ။ အန်တဲ့သူတွေအတွက် Metoclopramide 10-15 mg စားဆေး တနေ့ ၃-၄ ကြိမ်ပေးရတယ်။

ဗိုက် တအားနာရင် Buscopan, Hyoscine 10-20 mg IV/IM ထိုးဆေး။ စားဆေး တနေ့ ၃-၄ ကြိမ်။ Diclofenac 25-75 mg စားဆေး တနေ့ ၂ ကြိမ်၊ Spasmocip, Spasmonil, Spasmo-Proxyvon စားဆေး တနေ့ ၂-၃-၄ ကြိမ်။ လိုအပ်ရင် ခွဲစိတ်ကုသတာ လုပ်ရတတ်တယ်။ Laparoscopic surgery, Vagotomy, Antrectomy, Pyloroplasty နောက်ပြီး G-J ခေါ်တဲ့ အစာအိမ်နဲ့ အူကို ဆက်ပေးတဲ့နည်းက စိတ်ဝင်စားဘို့ ကောင်းတယ်။

Lifestyle ဆိုတဲ့ လူနေမှုပုံစံပါ ပြောင်းဘို့ လိုနိုင်တယ်။ အပူအစပ် ရှောင်၊ ကော်ဖီ လျော့၊ ဆေးလိပ်-အရက် ဖြတ်ပါ။ စိတ်ဖိအားများတဲ့ အလုပ်ကနေ ပြောင်းလို့ရရင် ပြောင်းပါ။ တနေ့ နာရီဝက် လေ့ကျင့်ခန်း လုပ်ပါ။ (မယ်ဒီတေးရှင်း) လုပ်တာ ကောင်းတယ်။ “လေနာ ရောဂါရှိရင် စတုမဓူ၊ သကြား၊ ထန်းလျက်၊ ဆေး၊ စားတာဟာ ဥပုသ်စောင့်ပေမဲ့ သီလမပျက်ဘူး။” လို့ သတ်မှတ်ပါတယ်။

(ကာဗွန်ဒိုင်အောက်ဆိုက်) ကို ဖိအားနဲ့ထည့်ထားတဲ့ Carbonated beverage ခေါ်တဲ့ ဘီယာ၊ ဆိုဒါ၊ (စပရင်း-ဝါးတား)၊ ကိုကာကိုလာ၊ စပရိုက်၊ (အင်နာဂျီ-ဒရင့်ခ်) တွေက လေနာအတွက် မကောင်းပါ။ Sodium bicarbonate (Baking powder) ဆော်ဒါမှုံ့ သောက်ရင် ချက်ချင်းလို သက်သာပေမဲ့ ကြာရင် အစာအိမ် ပေါက်စေနိုင်တယ်။

ဘာဆေးမှ မရှိတုံး နာလာရင် ရေ တခွက်-နှစ်ခွက် သောက်လိုက်ပါ။ နွားနို့ သောက်ပါ။ သွားလေရာ ဆေးယူသွားပါ။ ဆာရင်စားဘို့ စားစရာတခုခု ယူသွားပါ။ ကျော်တဲ့အစားတွေ ရှောင်ပါ။ အစေ့အဆံတွေ၊ တိုဖူး၊ ပဲပုတ်၊ ပဲအမျိုးမျိုး၊ ပင်လယ်ထွက် အသီးအနှံတွေ၊ ဟင်းနုနွယ်ရွက်တွေ တည့်ပါတယ်။ အသားမှာ red meats ကိုလျော့ပြီး၊ lean meats, cold-water fish ပိုစားပါ။ ပြုပြင်ထားတဲ့ဆီ trans-fat လေနာနဲ့ မတည့်ပါ။

အစာကို နည်းနည်းချင်း ခဏခဏစားပါ။ စားနေကျ အစားအစာတွေသာ စားတာ ကောင်းတယ်။ အစာလမ်းက သူချက်လုပ်ပေးနေကြဟာကို ပိုကြွမ်းကျင်ပါတယ်။ အီတာလျန်-ပီဇာ၊ ဘာဂါ-ယန်းကီး၊ ဆူရှီး-ဂျပန်၊ ကုလားမှန်-ရိုတီး၊ ထမင်းချည်းစားတာ ဗမာ၊ တရုပ်ဟာ ခေါက်ဆွဲ။ ဘာဘဲဖြစ်ဖြစ် စားနေကြဘဲ ကောင်းတယ်။

အရပ်သုံး ဆေးနည်းမှာ Basil leaves ပင်စိမ်းရွက်ကို စားခိုင်းတယ်။ ဂျင်း (ချင်း)စိမ်းသည် လေနာ၊ ဝမ်းဗိုက်-ရင်ခေါင်းနာ တို့ကိုနိုင်၏လို့ ဆိုတယ်။ တိုင်းရင်းဆေး တခုက Vitamin C ဟာ လေနာနဲ့ မတည့်ဘူးရေးတာ ဖတ်ရတယ်။ မဟုတ်ပါ။ ဗီတာမင်စီ 500 mg တနေ့ ၂ ကြိမ် သောက်ရင်၊ သွေးယိုတာအတွက်ပါ အကျိုးရှိတယ်။ ချယ်ရီသီး၊ ဘလူးဘယ်ရီသီးလိုဘဲ ခရမ်းချဉ်သီးကလည်း အဆိပ်အတောက် ပြေစေပါတယ်။ ဒါပေမဲ့ ရှေးဗမာဆေးနည်းက တမျိုးဆိုတယ်။

စကားအရာမှာ နာမည်တလုံးနဲ့ ရှိခဲ့တဲ့ “စကားတောင်စား အမတ်” ဟာ ဘုရင်က ခရမ်းချဉ်သီး စားကောင်းတယ် ဆိုတော့ အလိုက်သင့် လျှောက်လိုက်တယ်။ မကြာခင် ဘုရင်မှာ ခရမ်းချဉ်သီးကြောင့် လေနာထတော့ "မှန်လှပါ အရှင်မင်းမြတ်ရဲ့ “ကျွန်” မို့ အရှင့် အလိုကို လိုက်ပြီး၊ တင်ရကြောင်းပါဘုရား။" လို့ လျှောက်ပြန်တယ်။

ရောဂါဘယများသည် တချို့လူတွေထက် သတ္တိကောင်းကြသည်။ အုပ်ချုပ်သူတွေအလို မလိုက်ပါ။ “ကျွန်” မဟုတ်သော လူများသည် သတ္တိ-ဗျတ္တိ ကောင်းကြသည်။ ဘုရင်ဆိုးများ ဗိုက်နာရင် ဆုမွန်ကောင်း တောင်းပေးကြမည် မဟုတ်ပါ။

Dr. တင့်ဆွေ
၁၉-၅-၂ဝ၁ဝ

Comments
အစာမကျဖြစ်ခြင်း Indigestion နဲ့ ရင်ပူလောင်ခြင်း heartburn အတွက် လူသန်းပေါင်းများစွာ မှီဝဲသုံးစွဲနေကြ တဲ့ Proton pump inhibitors တွေဖြစ်ကြတဲ့ Omeprazole (Prilosec), Lansoprazole (Prevacid), Rabeprazole (Aciphex), Pantoprazole (Protonix), Esomeprazole (Nexium), and Zegarid ဆေးတွေကြောင့် Osteoporosis အရိုးရောဂါ ဖြစ်စေတယ်လို့ ၃ဝ-၅-၂ဝ၁ဝ နေ့က လန်ဒန်မှာ သုတေသနစာတမ်းတခု ထုတ်ပြန်လိုက်တယ်။

Osteoporosis ဆိုတာ အမျိုးသမီး ၃ ယောက်မှာ ၁ ယောက်။ အမျိုးသား ၁၂ ယောက်မှာ ၁ ယောက်ဖြစ်နေတဲ့ အသက်ကြီးရင် အရိုးကျိုးလွယ်တတ်တဲ့ ရောဂါဖြစ်တယ်။ National Institute for Health and Clinical Excellence က ဒီဆေးမျိုးဟာ ထိရောက်တာ မှန်ပေမဲ့ သိပ်ကြာကြာ (၂ လက်ထက် ပိုကြာအောင်) မသုံးသင့်ဘူးလို့ အကြံပြုလိုက်ပါတယ်။

၃ဝ-၅-၂ဝ၁ဝ

ဆရာခင်ဗျား၊ အစာအိမ်မကောင်းတာကြာပါပြီ၊ Barium meal X'ray ရိုက်ဘူးတယ်၊ H pylori အတွက် endoscopy & biopsy လုပ်ပြီး H Pylori ရှိတယ်ဆိုလို့ ဆေးစားပြီး စစ်တော့ ကောင်းသွားပြီဆိုလို့ အစားလဲ သိတ်မရှောင်ရတော့၊ ဒါပေမဲ့ တလလောက်မှာ ဒိုင်းကနဲ ပြန်ဖြစ်တာ-လေပြန်ထဒါ၊ တဖြေးဖြေးနဲ့ပိုပိုဆိုးလာတာ-အခု - ကော်ဖီ၊ လဖက်ရည်၊ ငရုပ်သီး၊ မဆလာ၊ ခရမ်းချင်သီး၊ လိမ်မော်သီး စားလို့မရ၊ သောက်လို့မရပါ၊ anti acid တွေသောက်နေရ၊ အခု့ nexium တနေ့တလုံးသောက်၊ ဒီကြားတဲလိုရင်လိုသလို anti acid လဲသောက်ရပါတယ်။ နောက်ပိုင်းမှာ ရင်ညွန့်အောင့်လို့ gas pressure လာလာဆေင့်တဲ့သဘောပါ။ နောက် လေ့လာကြည့်တာ anti acid ထဲက calcium ကြောင့်မသင်ကာတာနဲ့ anti acid တတ်နိုင်သလောက်မစားဘဲနေတော့ အောင့်တာ gas pressure ဖြစ်စင်နဲသွားပါတယ်။ အခု Nsaid တွေ သောက်နေရလို့ anti acid နဲ့ Buffer လုပ်ပြီးသောက်နေရပါတယ်။

ကော်ဖီပြန်သောက်နိုင်အောင်ဘာဆက်လုပ်သင့်ပါသလဲ၊ အကြံပေးပါရန် - ကျေးဇူးတင်ပါတယ်ခင်ဗျား။
May 23, 2010 9:50 AM

အစာမကျဖြစ်ခြင်း Indigestion နဲ့ ရင်ပူလောင်ခြင်း heartburn အတွက် လူသန်းပေါင်းများစွာ မှီဝဲသုံးစွဲနေကြ တဲ့ Proton pump inhibitors တွေဖြစ်ကြတဲ့ Omeprazole (Prilosec), Lansoprazole (Prevacid), Rabeprazole (Aciphex), Pantoprazole (Protonix), Esomeprazole (Nexium), and Zegarid ဆေးတွေကြောင့် Osteoporosis အရိုးရောဂါ ဖြစ်စေတယ်လို့ ၃ဝ-၅-၂ဝ၁ဝ နေ့က လန်ဒန်မှာ သုတေသနစာတမ်းတခု ထုတ်ပြန်လိုက်တယ်။

Osteoporosis ဆိုတာ အမျိုးသမီး ၃ ယောက်မှာ ၁ ယောက်။ အမျိုးသား ၁၂ ယောက်မှာ ၁ ယောက်ဖြစ်နေတဲ့ အသက်ကြီးရင် အရိုးကျိုးလွယ်တတ်တဲ့ ရောဂါဖြစ်တယ်။ National Institute for Health and Clinical Excellence က ဒီဆေးမျိုးဟာ ထိရောက်တာ မှန်ပေမဲ့ သိပ်ကြာကြာ (၂ လက်ထက် ပိုကြာအောင်) မသုံးသင့်ဘူးလို့ အကြံပြုလိုက်ပါတယ်။

အစာအိမ် မကောင်းတာကြာပါပြီ။ Barium meal X'ray ရိုက်ဘူးတယ်။ H pylori အတွက် endoscopy & biopsy လုပ်ပြီး H Pylori ရှိတယ် ဆိုလို့ ဆေးစားပြီး စစ်တော့ ကောင်းသွားပြီဆိုလို့ အစားလဲ သိတ်မရှောင်ရတော့။

ဒါပေမဲ့ တလလောက်မှာ ဒိုင်းကနဲ ပြန်ဖြစ်တာ။ လေပြန်ထတာ။ တဖြေးဖြေးနဲ့ ပိုပိုဆိုးလာတာ။ အခု ကော်ဖီ၊ လဖက်ရည်၊ ငရုပ်သီး၊ မဆလာ၊ ခရမ်းချင်သီး၊ လိမ်မော်သီး စားလို့မရ၊သောက်လို့မရပါ၊ anti acid တွေသောက်နေရ၊ အခု့ nexium တနေ့တလုံးသောက်။ ဒီကြားထဲ လိုရင်လိုသလို anti acid လဲသောက်ရပါတယ်။ နောက်ပိုင်းမှာ ရင်ညွန့်အောင့်လို့ gas pressure လာလာဆောင့်တဲ့ သဘောပါ။ နောက်လေ့လာကြည့်တာ anti acid ထဲက calcium ကြောင့်မသင်ကာတာနဲ့ anti acid တတ်နိုင်သလောက် မစားဘဲနေတော့ အောင့်တာ gas pressure ဖြစ်စင်နဲသွားပါတယ်။ အခု Nsaid တွေ သောက်နေရလို့ anti acid နဲ့ Buffer လုပ်ပြီး သောက်နေရပါတယ်။ ကော်ဖီပြန်သောက်နိုင်အောင် ဘာဆက် လုပ်သင့်ပါသလဲ၊ အကြံပေးပါရန်။

အစာမကျဖြစ်ခြင်း Indigestion နဲ့ ရင်ပူလောင်ခြင်း heartburn အတွက် လူသန်းပေါင်းများစွာ မှီဝဲသုံးစွဲနေကြ တဲ့ Proton pump inhibitors တွေဖြစ်ကြတဲ့ Omeprazole (Prilosec), Lansoprazole (Prevacid), Rabeprazole (Aciphex), Pantoprazole (Protonix), Esomeprazole (Nexium), and Zegarid ဆေးတွေကြောင့် Osteoporosis အရိုးရောဂါ ဖြစ်စေတယ်လို့ ၃ဝ-၅-၂ဝ၁ဝ နေ့က လန်ဒန်မှာ သုတေသနစာတမ်းတခု ထုတ်ပြန်လိုက်တယ်။

Osteoporosis ဆိုတာ အမျိုးသမီး ၃ ယောက်မှာ ၁ ယောက်။ အမျိုးသား ၁၂ ယောက်မှာ ၁ ယောက်ဖြစ်နေတဲ့ အသက်ကြီးရင် အရိုးကျိုးလွယ်တတ်တဲ့ ရောဂါဖြစ်တယ်။ National Institute for Health and Clinical Excellence က ဒီဆေးမျိုးဟာ ထိရောက်တာ မှန်ပေမဲ့ သိပ်ကြာကြာ (၂ လက်ထက် ပိုကြာအောင်) မသုံးသင့်ဘူးလို့ အကြံပြုလိုက်ပါတယ်။

Peptic Ulcer Diagnosis လေနာရောဂါကို ဆေးစစ်ခြင်း
သိချင်တာက အစာအိမ်-လေနာဆိုရင် ဘယ်လိုမျိုး စစ်ဆေးချက်တွေပြုလုပ်ရင် သိနိုင်သလဲကိုပါ။ ဒါမှမဟုတ် ရောဂါက မှန်းဆရတဲ့ အရာမျိုးလား။ စစ်ဆေးရင် အကောင်းဆုံးက ဘယ်လိုစစ်ရမလဲ ဆိုတာတွေကိုပါ ရှင်းပြပေးပါဦး။

ပဌမ ဆရာဝန်က ရောဂါ-ရာဇဝင်ကို သေသေခြာခြာ မေးမယ်။ ဖြစ်နိုင်တဲ့ အလာအလာရှိသူ ဟုတ်-မဟုတ်၊ ဖြစ်တာ ဘယ်လောက် ကြာနေပြီလဲ၊ ဘယ်လောက် နာသလဲ၊ ကိုယ်အလေးချိန် လျှော့သလား၊ ဘာဆေးတွေ သောက်နေခဲ့သလဲ၊ NSAIDs ခေါ် အကိုက်-အနာ-အဖျားပျောက် ဆေးတွေက ဖြစ်စေနိုင်တယ်။ အရက်-ဆေးလိပ်၊ မိသားစုထဲ အဲလို ဖြစ်သူ ရှိသလား၊ အန်သလား၊ ဘယ်အချိန်မှာ နာတာလဲ။ လူပင်ပန်း-စိတ်ပင်ပန်းလား။ အစာကို အချိန်မှန် စားသလား။

နောက် စမ်းသပ်မှု လုပ်မယ်။ ဗိုက်၊ ရင်ပတ်၊ လိုအပ်ရင် စအို (သွေးယိုသူ)၊ နာတာရှည် လေနာသမားတချို့က အန်တတ်တယ်။ အစာ အောက်ဆင်းတာ နှေးလို့ အစာအိမ်ထဲမှာ စားတဲ့အစာတွေ တော်တော်နဲ့ အောက်မဆင်းဘူး။ အဲလို လူတွေရဲ့ ဗိုက်ကို လှုတ်ကြည့်ရင် ရေထည့်တဲ့ သားရေအိမ်ကို လှုတ်ကြည့်သလို အသံမျိုး ကြားတယ်။

ရောဂါကို သေခြာဘို့ စစ်နည်း ၁-၂ ခု ထပ်လိုတယ်။
(၁) Upper gastrointestinal (GI) series လည်းခေါ်သလို Barium meal x-ray ရိုက်တာ လုပ်ရတယ်။ ဆေးမျိုခိုင်းပြီး ဓါတ်မှန်တွေ တချပ်ပြီး တချပ်ရိုက်တာပါ။ သိပ်ကြီး တိကျတာတော့ မဟုတ်ပါ။
(၂) Endoscopy အစာလမ်းကြောင်းထဲကို ကင်မရာပါ ကရိယာ Endoscope ထည့်ကြည့်တာ၊ ပိုတိကျတယ်။
(၃) Endoscopy ကြည်ရင်းနဲ့ အထဲက အသားစကိုယူပြီး တရားခံပိုး H. pylori ရှိ-မရှိစစ်တယ်။ အဲလိုမျိုး Biopsies လုပ်တာက ကင်ဆာ ဟုတ်-မဟုတ်ကိုပါ သိစေတယ်။ GU အစာအိမ်မှာ အနာက ကင်ဆာနဲ့ ခွဲရမယ်။ DU အူသိမ်မှာ ဖြစ်ရင် ကင်ဆာ မဟုတ်ပါ။
(၄) သွေးထဲမှာ H. pylori နဲ့ဆိုင်တဲ့ Antibodies ရှိ-မရှိလည်း စစ်နိုင်တယ်။
(၅) Breath test ဆိုတာလည်း 95% မက သေခြာတယ်။
(၆) Stool test ဝမ်းထဲမှာ မျက်စိနဲ့ မမြင်နိုင်တဲ့ သွေး ပါနေ-နေစစ်တာ။
(၇) Blood test သွေးအားနည်းနေ-မနေ (သွေးယိုသူ)၊

Dr. တင့်ဆွေ
၁၄-၉-၂ဝ၁ဝ

Sunday, May 2, 2010

Clotho (ကလိုသို) နတ်သမီး သို့မဟုတ် ဇာတာထဲကအတိုင်း အသက် ၁၂ဝ ရှည်ချင်ပါသလား

“အသက်ရှည်စွာ၊ အနာမဲ့ကြောင်း” ဆိုတာ ကမ္ဘာဦးအစကတည်းက လူတွေ ရလို၊ ဖြစ်လိုတဲ့ အိပ်မက် မဟုတ်ပါလား။ အနာမဲ့ကြောင်းတွေ ရေးနေရာကနေ အသက်ရှည်ဆေး ရေးပါအုံးမယ်။ သိပ္ပံစာရေးဆရာများကလည်း ရေးခဲ့လှပါပြီ။ ဥပမာ (ကွတ်-ဗွန်နဂတ်) ရဲ့ “နက်ဖြန်-နက်ဖြန်-နက်ဖြန်” ဝတ္ထု။ နောက် ရှေးဟောင်းဂရိ ဝတ္ထုတပုဒ်မှာ (အီယို) နတ်သမီးက (တီသိုနီးယပ်စ်) ကို ချစ်ကြွမ်းဝင်ပြီးသကာလ၊ သူ့ချစ်သူကို “အသက်မသေသူအဖြစ် ဖန်ဆင်းပေးပါဘုရား” လို့၊ (ဇီးယစ်) ဘုရင်ကြီးထံ လျှောက်ထားတဲ့အခါ၊ (ဇီးယစ်) ကလည်း “တလုံး တဝတည်း ပြည့်ဝစေသတည်း” လုပ်ပေးပါသတဲ့။ မေ့သွားလိုက်တာကတော့ အစဉ်အမြဲ နုပျိုနေစေ ဆိုတဲ့ဆု မပါလိုက်လို့ (တီသိုနီးယပ်စ်) ဟာ မသေပေမဲ့ အို-အို-အိုပြီးသကာလ နှံကောင်လောက်သာ အသံထွက်နိုင်တဲ့ဘဝ ရောက်သွားရပါတော့တယ်။

အသက်ရှည်ဆေး Anti-aging medicine ရဲ့အောက်မှာ Diets အာဟာရ၊ Cosmetics အလှပြုပြင်ခြင်းနဲ့ Hormones ဟော်မုန်းတွေ ပါဝင်ပါတယ်။ ဒီလို ဇရာဖြစ်စဉ်ကို အံတုချင်တဲ့အရေးမှာ နိုင်ငံရေးရှုဒေါင့်နဲ့ ကိုယ်ကျင့်သိက္ခာ ရှုဒေါင့် နှစ်ဖက်ကနေ တင်ပြကြ၊ ဝေဖန်ကြ၊ ကန့်ကွက်ကြ အတော် ကျယ်ပြန့်နေတယ်။ အမေရိကန်လို တိုင်းပြည်မှာတော့ ဥပဒေအရ တားမြစ်ထားတာတွေ ရှိသလို လွတ်လပ်စွာ ထုတ်ဖေါ်ခွင့် ဆိုတာလည်း ရှိသေးတာမို့ အကန့်အသတ်နဲ့သာ လုပ်လို့ရပါတယ်။ “အမှားကို ဥပဒေနဲ့တားပြီး၊ အမှန်ကို အခွင့်အရေးနဲ့ လက်ရပ်ခေါ်ဘို့ ကြိုးစားတာပါ။”

(ပရိုတင်း) အားဆေး တခုကို (ကလိုသို) လို့ နာမယ်ပေးထားတယ်။ ဖိုးသက်ရှည်-ဖွါးသက်ရှည်ဖြစ်အောင် (ကလိုသို) အပါအဝင် Life extension drugs နဲ့ Anti-aging medicines တွေဟာ စမ်းသပ်ဆဲ အခြေအနေမှာသာ ရှိပါသေးတယ်။ Clotho (ကလိုသို) ဟာ ရှေးဟောင်း ဂရိ နဲ့ ရောမ ဒန္တာရီတွေထဲက နတ်သမီးတပါးရဲ့နာမယ် ဖြစ်ပါတယ်။ ရောမတို့အဆိုအရ (အူရန်နို) နဲ့ (ဂီး) တို့ရဲ့ သမီး (နိုနို) (နိုနာ) လို့ခေါ်ပြီး၊ ဂရိအလိုအရ (ဇီးယပ်) ဘုရင်ကြီးနဲ့ မိဖုရားကြီး (ဿီးမီးစ်) တို့ရဲ့ ကံကိုစီမံကြကုန်သော သမီးတော်သုံးပါးအနက် အထွေးဆုံးပါ။ အသက် ရှည်ခြင်း-တိုခြင်းမှာ သူမ၏ အလိုအရ ဖြစ်ရပါသတဲ့။

(ကလိုသို) ဟာ မျိုးဗီဇဖြစ်ပါတယ်။ ကြွက်တွေကို စမ်းသပ်ချက်အရ (ကလိုသို) မျိုးဗီဇ ပြောင်းလဲသွားလို့ အိုစာသွားရကြောင်း တွေ့ရပါတယ်။ ဆက်ပြီးစမ်းတော့ (ကလိုသို) ဟာ ဦးနှောက်၊ ကျောက်ကပ်၊ (ပါရာ သိုင်းရွိုက်-ဂလင်း) ဆိုတဲ့ လည်ပင်းက (ကယ်လ်စီယံ) ကို အသုံးချတဲ့အကြိတ်တို့မှာလည်း ပုံမှန်မဟုတ် ဖြစ်လာတာ တွေ့ရပြန်ပါတယ်။

လူတွေဟာ အသက်ကြီးလာတာနဲ့ (ကလိုသို) လျော့နည်းလာကြတယ်။ သွေးတိုးကို ထိန်းဘို့ အသုံးချနိုင်ပုံရတာကို ခုရက်ပိုင်းလေးမှာ သိလာရတယ်။ (ကလိုသို) ထိုးဆေးတလုံး ထိုးပေးတာနဲ့ သွေးတိုးကို ၃ လ လောက်ကြာအောင် ထိန်းထားနိုင်တယ်လို့ ဆိုပါတယ်။ (ကလိုသို) မျိုးဗီဇကို ဆွပေးတဲ့အခါ အသက်ကြီးခြင်းရဲ့ လက္ခဏာတွေဖြစ်တဲ့ အရိုး အားနည်းခြင်း၊ သွေးလွှတ်ကြောများအတွင်း သွေးသွားလာမှု နှေးကွေးလာခြင်းအပြင် ကြွက်သားတွေ အားယုတ်လာတာ တို့ကိုပါ တွေ့လာရတယ်။

(ကလိုသို) ကို ပိုမိုတက်ကြွအောင် လုပ်ပေးလိုက်တဲ့ ကြွက်ဟာ သာမန်ကြွက်ထက် အသက် ၂ဝ% မှ ၃ဝ% ပိုရှည်တာကို တွေ့ရပါတယ်။ ဒါ့ပေမဲ့ ကလေးရတာတော့ နည်းသွားပါသတဲ့။ ဘယ်အရာမှာမဆို ဒါပေမဲ့တွေ ရှိတတ်တယ်။ သကြားဓါတ် ထိန်းပေးတဲ့ (အင်စူလင်) ကိုလည်း သက်ရောက်တာမို့ "ကလေးရှားတဲ့ ဖိုးသက်ရှည် ဆီးချိုသမား" ဖြစ်သွားနိုင်ပါတယ်။

အာဟာရ နည်းက လက်တွေ့ ပိုကျပါတယ်။ “အစာလည်းဆေး၊ ဆေးလည်းအစာ” ဆိုကြတယ် မဟုတ်လား။ ဒီနည်းမှာက (ကွန်ဆက်ပ်) နှစ်ခုရှိတယ်။ တခုကတော့ “ကနေ့ လူသားတွေဟာ ပဝေသဏီကာလ ရှေးကတည်းက စားသုံးခဲ့ကြတဲ့ အစာတွေကို ကောင်းကောင်း စားသုံး ကျေချက်နိုင်တယ်” ဆိုတဲ့ အယူအဆပါ။ ကျောက်ခေတ် ကစပြီး၊ ဂူနေလူသားတွေ စားသုံးတဲ့ကြတဲ့ အစာတွေဟာ လူနဲ့ အသင့်ဆုံးဆိုတဲ့ Paleolithic diet အယူအဆက ၁၉၇ဝ နောက်ပိုင်းမှာ ဖြစ်လာတယ်။ သား-ငါး၊ သစ်ဥ-သစ်ဖု၊ အသီး-အရွက်၊ အစေ့-အဆံတွေ ပါတယ်။ နောက်မှ အသစ်ထွင်ပြီး စိုက်ပျိုး-ပြုပြင်လာကြတဲ့ ဆန်-ဂျုံ၊ ပဲသီး-ပဲတောင့်၊ ဆား၊ ချောထားတဲ့သကြား၊ ပြုပြင်ထားတဲ့ဆီတွေ သူတို့စားတာတွေထဲမှာ မပါဘူး။

နောက် အာဟာရအယူအဆတခုကတော့ “Calorie restriction (ကလိုရီ) ကန့်သတ်ပြီး စားသုံးခြင်း” ဖြစ်တယ်။ ပဌမ အယူအဆကို ငြင်းလည်း မငြင်းနိုင်၊ ဝယ်ချင့်စဖွယ် သွားရည်ကျအောင် တင်ရောင်းတဲ့ ဆိုင်ပေါ်က အစာတွေကိုလည်း မစားဘဲ မနေနိုင်ရာကနေ ပေါ်လာတယ် ထင်ပါတယ်။

ဒီတော့ လူတွေဟာ ဘယ်နေရာမှာမဆို လူ့အစဉ်အလာ၊ ရှေးအစဉ်အလာနဲ့ မကင်းဝေးသင့်ဘူး။ ဘာဘဲလုပ်လုပ် ချင့်ချိန်တာ၊ အကန့်အသတ်ထားတာဟာ အမှားနည်းစေပါတယ်။ ဖတ်သူအားလုံး အသက် ၁၂ဝ ရှည်စေသော်ဝ်။

Dr. တင့်ဆွေ
၂၄-၈-ဝ၉

ESL အင်္ဂလိပ်စာ

ကျောင်းစဖွင်ပြီလို့ရေးတော့ မေးပါတယ်။ ဘာသင်တဲ့ကျောင်းလဲ ဆရာတဲ့။  ကျောင်းအကြောင်း နည်းနည်း နည်းနည်း ရေးထားပြီး။ တယောက်က မေးဖူးတယ်။ အခုမှ...