ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာ အတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည် သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာ မေးပါ။
• အီးမေးလ် အခက်အခဲရှိလို့ Facebook Comment မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://dts-medicaleducation-adult.blogspot.in/ အသက် (၁၈) နှစ်ပြည့်မှဖတ်ပါ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Saturday, November 2, 2013

Toxic goiter Q and A လည်ပင်းကြီး ဟော်မုန်းများနေခြင်း

Q 1: လည်ပင်းက နဂိုထက် ယောင်ယောင်လေး ပိုကြီးနေလို့ပါဆရာ။ စိတ်ကလည်း အရင်ကထက် ပိုတိုတတ်လာပါတယ်။ အစားကတော့ ခဏတိုင်း စားတတ်ပါတယ်။ ပိန်တော့ မပိန်သွားပါဘူး။ ဝ တောင် လာပါတယ်။ အဲဒါက လည်ပင်းကြီး ရောဂါဆိုရင် မည်သို့ ကုသ၍ ရနိုင်ပါမည်လဲ ဆရာ။ လောလောဆယ် ဆေးစစ်ရန် မလွယ်ကူသေး၍ အရေးကြီး မကြီးကို ကျေးဇူးပြု၍ သိပါရစေ။ အကယ်၍ ယခုဆေးမစစ်သေးလျှင်ကော ရနိုင်ပါမည်လား။

A 1: လည်ပင်းကြီးဟော်မုန်း များတဲ့ရောဂါက Grave's disease ဆိုတဲ့ ရောဂါတမျိုးကြောင့် ဖြစ်ရတယ်။ Thyroid assay (Thyroid Function Test) ဆေးစစ်ရတယ်။ လက်ကောက်ဝတ် သွေးခုန်နှုံးစမ်းပါ။ လူနာရဲ့ လက်ကောက်ဝတ်ကို သက်တောင့်သက်သာ ထားပြီး၊ စမ်းတဲ့လူရဲ့ လက်ချောင်းတွေနဲ့ သူ့လက်မ အထက်ကနေရာမှာ သွေးခုန်နေတာကို စမ်းမိအောင်လုပ်ပါ။ တမိနစ်မှာ ပုံမှန်လူတွေက ၇ဝ-၈ဝ ခုန်နေမယ်။ လည်ပင်းကြီး ဟော်မုန်းများနေရင် ပိုများမယ်။ ၉ဝ-၁ဝဝ ဖြစ်နိုင်တယ်။ နှလုံးက ခုန်နေတာနဲ့ အတူတူပါ။

Propylthiouracil (PTU) ဆေးကို အများဆုံးပေးတယ်။ လူကြီးဆိုရင် တနေ့ကို 300 mg/day ၃ ခါခွဲ သောက်ခိုင်းတယ်။ လိုရင် 400 mg/day, 600 to 900 mg/day တိုးပေးမယ်။ သက်သာလာရင် 100-150 mg/day အထိလျှော့ ပေးတယ်။
၁ဝ နှစ်အထက်ကလေး 150 to 300 mg/day ၃ ခါခွဲ သောက်ခိုင်းတယ်။
၆-၁ဝ နှစ်ကလေး 50 to 150 mg/day ၃ ခါခွဲ သောက်ခိုင်းတယ်။ ဒါမှမဟုတ် 5 to 7 mg/kg/day ၃ ခါခွဲ သောက်ခိုင်းတယ်။

Methimazole (Tapazole) 5 to 20 mg TDS ဆေးကိုလည်းပေးနိုင်တယ်။

Carbimazole (NeoMercazole) 10 mg to 60 mg ဆေးကိုလည်း တနေ့တခါ ပေးနိုင်တယ်။ (Carbamazepine ဆိုတဲ့ ဆေးနဲ့ မမှားတဲ့။ ဒီဆေးက အတက်ရောဂါအတွက် ပေးတာပါ။)

အလွယ်ရှာရတဲ့ဆေးကတော့ Beta-blockers ဖြစ်တယ်။ နာမယ် အမျိုးမျိုးရှိတယ်။ Antolol, Propranolol, Inderal, Metoprolol, Nadolol, Betaxolol, Acebutolol, Pindolol and Bisoprolol တမျိုးကို ၂ဝ မီလီဂရမ် ကနေ ၄ဝ မီလီဂရမ် အထိ၊ တနေ့မှာ ၁-၂ ကြိမ် ပေးနိုင်တယ်။ စိတ်ငြိမ်ဘို့လိုတဲ့အခါ Valium/Diazepam ၅ မီလီဂရမ် သောက်စေပါ။ အိပ်ချင်တတ်လို့ အလုပ်မရှိချိန်၊ ဒါမှမဟုတ် ညမှာ သောက်ခိုင်းပါ။

လည်ပင်းကြီး ဟော်မုန်းများတာ မှန်ရင် တခြားစားဆေးနဲ့ မရရင် အနုမြူဆေး ပေးပြီး ကုမယ်။ ခွဲစိတ်တာကတော့ တချို့ လူနာအတွက်သာ လိုတယ်။ ပျောက်နိုင်တဲ့ရောဂါ ဖြစ်ပါတယ်။ မျက်စိ ပြူးလာတဲ့အထိ မစောင့်ပါနဲ့။

Q 2: သမီး အသက် (30) ထဲမှာပါ။ အပျိုပါ။ လွန်ခဲ့တဲ့ 2002-2003 လောက်တုံးက လည်ပင်းမှာ ဟိုမုန်း များလို့ ဖြစ်တဲ့ ရောဂါ ဖြစ်ဖူးတယ်။ ရောဂါနာမည်ကိုတော့ (သိုင်ရိုတော့(ခ်)စီကိုးစစ်) လို့ တပ်ထားပါတယ်။ အဲဒီတုံးက တောင်ကြီးမှာ သမားတော်ကြီးပြပြီး ကုသမှု ခံယူခဲ့ပါတယ်။ ဆေး ၁ နှစ်ခွဲလောက် သောက်လိုက်ရပါတယ်။ နာတာရှည် ရောဂါသည် တစ်ယောက်လိုပဲ နေနေရပါတယ်။ အခုနောက်ပိုင်းတော့ အဲဒီရောဂါနဲ့ ပတ်သတ်လို့ ဘာမှ ထပ် မဖြစ်တော့ပါဘူး။ ဒါပေမဲ့ နဲနဲဆို လန့်တတ်တယ်။ ဆိတ်ငြိမ်နေရာကနေ အသံလေး ဘာလေး ကြားလိုက်ရရင် လန့်လန့် သွားတယ်။ အဲဒီ ရောဂါရဲ့ Side Effect အဖြစ်နဲ့ မျက်လုံးပြူးပြီး ကျန်ခဲ့ပါတယ်။ အရမ်းကြီး ပြူးထွက်တာမျိူးမဟုတ်ဘဲ ဒေါသထွက်တဲ့ အခါတို့ အာရုံစိုက်တဲ့ အခါတို့မှာ မျက်စိ ပိုပြူးတတ်ပါတယ်။

2008 လောက်တုံးက အူအတက် ခွဲဖူးပါတယ်။ အရင်တုံးက ဒေါသကြီးလာတဲ့ အခါတို့၊ အရမ်း ဝမ်းနဲတဲ့ အခါတို့မှာ ရင်ဘတ်တွေ အောင့်ပြီး အသက်ရှုကြပ်ပါတယ်။ မျက်နှာနဲ့ လက်တွေ၊ ခြေထောက်တွေ ကျင်လာပါတယ်။ သတိလဲ လစ်သွားတတ်ပါတယ်။ အဲလိုအချိန်ဆို ဆေးရုံကို ပို့ပြီး အောက်ဆီဂျင်ပေးကြပါတယ်။ ဒိုင်ယာစီပန်ကိုလဲ အကြောထဲ ထိုးပေးပါတယ်။ အဲလို ဖြစ်တာတွေက လည်ပင်းရောဂါ မဖြစ်ခင် 2000 နဲ့ 2002 ကြားလောက်မှာ ထင်ပါတယ်။

1) အဲဒီ ရောဂါတွေ ဖြစ်ဖူးတဲ့ အတွက် သမီး အိမ်ထောင်ပြုတဲ့ အခါ ကလေး ရနိုင်ပါ့မလား ဆရာ။
2) နောက်ပြီး ကလေး ရခဲ့ရင်တောင်မှာ အဲဒီရောဂါတွေရဲ့ ဆိုးကျိူးတွေက ကလေးကို ထိခိုက်နိုင်ပါသလား ဆရာ။
3) သမီးကိုယ် သမီးလဲ ကလေး မမွေးနိုင်လောက်ဘူးလို့ ထင်နေပါတယ်။ စိတ်ထဲမှာ ကိုယ့်ကိုကိုယ် ချို့ယွင်းချက် ရှိတယ်လို့ ထင်နေပါတယ် ဆရာ။

၁။ လည်ပင်ကြီး ဟော်မုန်းများရောဂါ Thyrotoxicosis ကို ကုသနည်း အမျိုးမျိုးရှိပါတယ်။ စားဆေးနည်း၊ ခွဲစိတ်နည်း နဲ့ အနုမြူဆေးနည်းတွေ ဖြစ်တယ်။ ဘယ်နည်းဖြစ်ဖြစ် ရောဂါကို ထိန်းနိုင်တယ်။ ပျောက်နိုင်ပါတယ်။ မပြောမဖြစ်တာပါ ပြောပါရစေ။ ခွဲစိတ်ပြီး ပြောင်းပြန် (ဟော်မုန်းနည်းလွန်းသွားတာ) ဖြစ်သွားလို့ မေးတဲ့သူတဦးရှိတယ်။ တနေ့က လာလည်တဲ့ မိတ်ဆွေတဦး ဥရောပမှာ ခွဲတာပါ။ အဲလိုဖြစ်လို့ ဟော်မုန်းဆေး နေ့တိုင်း သောက်နေရတယ်။ အိန္ဒိယမှာ ဆရာ့လူနာတွေ အနုမြူဆေးကုဌာနလွှတ်တယ်။ ပျောက်သွားတယ်။
၂။ နှလုံးခုန်နှုန်း မြန်တာ၊ စိတ်တိုတာ၊ အပူမခံနိုင်တာ၊ ဒေါသကြီးတာ ဒါတွေ သက်သာရင် ကောင်းတယ်။ သွေးစစ်တာတော့ တိကျပါတယ်။ ဒီတော့ အိမ်ထောင် မကျခင်၊ ကျရင်လဲ ကိုယ်ဝန်မဆောင်ခင် ပျောက်အောင်ကုပါ။ Propranolol လိုဆေးက လက္ခဏာသက်သာစေတယ်။ ပျောက်စေတာတော့ မဟုတ်ဘူး။
၃။ Thyrotoxicosis နဲ့ ကိုယ်ဝန် ဆက်စပ်ပါတယ်။ လူနာတယောက် ကိုယ်ဝန်ဆောင်တုံးက လာပြတယ်။ ဆရာက မြင်တာနဲ့ ဒီရောဂါ သံသယရှိတယ်။ ကံမကောင်းလိုက်တာက ကလေးက အထဲမှာ ဆုံးလို့ ကုပေးလိုက်ရတယ်။ နေကောင်းမှ သွားစစ်ခိုင်းတော့ ရောဂါခြာတယ်။ အခု အနုမြူဆေးနဲ့ ရောဂါကောင်းနေပါတယ်။ ကိုယ်ဝန်ဆောင်နေတုံး ရောဂါကုဆေးတွေက ကလေးကို ထိခိုက်တာ အနဲနဲရှိတာကို သုတေသန လုပ်ထားတယ်။ အကြံပေးရရင် ကိုယ်ဝန် မဆောင်ခင် ရောဂါကို ကုထားတာ အကောင်းဆုံးပါ။ အနုမြူဆေးကို ကိုယ်ဝန်ရှိချိန်၊ နို့တိုက်ချိန်မှာ မပေးရပါ။
၎။ ကလေး မမွေးနိုင်လောက်ဘူးလို့ ထင်မနေပါနဲ့။ ကိုယ်ဝန်ဆောင်ရင်း လည်ပင်းခွဲတာ ကလေး-လူကြီး ဘာမှမဖြစ်ပါ။

Q 3: Thyrotoxicosis ရောဂါ ဖြစ်တုံးကတော့ Propranolol သောက်ရပါတယ်။ တခြား ဆေးတွေတော့ မမှတ်မိတော့ပါဘူး။ အဲဒီတုံးက လည်ပင်းကို လိုအပ်ရင် ခွဲမယ်လို့ ပြောပါတယ်။ ဆေး အရင် သောက်ကြည့်ပါဆိုပြီး ကြည့်ခိုင်းပါတယ်။ ၁ နှစ်ခွဲလောက် သောက်ပြီးတော့ နားလိုက်တာ။ အခု ပြန်စစ်ချင်ပါတယ်။ ဘယ်လိုပြောစစ်ရမလဲ ဆရာ။

A: လည်ပင်းကြီး ဟော်မုန်းများရောဂါ ဆေးတွေက Antithyroid drugs (Propylthiouracil, Methimazole) တွေ ဖြစ်တယ်။ Propranolol ဆေးက ထိန်းဘို့သက်သက်သာရတယ်။ မျက်လုံးအထိ လက္ခဏာပြရင် Propranolol ဆေးတခုနဲ့ မရဘူး။ ဒါပေမဲ့ ဆရာက Specialist မဟုတ်ပါ။

Serum thyroid hormone levels (T3, T4) စစ်ပါ၊ များနေမယ်၊
Serum TSH (thyroid stimulating hormone) စစ်ပါ၊ နည်းနေမယ်၊
Thyroid scan လုပ်ရမယ်။

Q 4: လည်ပင်းကြီးနေတိုင်း လည်ပင်းကြီးရောဂါဖြစ်နေတာ ဟုတ်ပါသလား။ လည်ပင်းကြီးရောဂါမှန်း မည်သို့ သိနိုင်ပါမည်လဲ။

လည်ပင်းကြီးနေရင် Goitre လည်ပင်းကြီးရောဂါ ခေါ်ပါတယ်။ Thyroid gland လူတိုင်းမှာရှိတဲ့လည်ပင်းကြီးအကျိတ် ကြီးနေတာပေါ့။ လည်ပင်းကြီးနေတာကို မမြင်ရဘဲနဲ့လည်း လည်ပင်းကြီးနဲ့ဆိုင်တဲ့ရောဂါတွေ ရှိနိုင်သေးတယ်။ လည်ပင်းကြီးအကျိတ် (သိုင်းရွိုက်-ဂလင်း) ကနေ လူတိုင်းမှာ (သိုင်းရွိုက်-ဟော်မုန်း) ထုတ်ပေးနေတာ။ အဲဒီ ဟော်မုန်းတွေ လိုတာထက် များနေရင်ဖြစ်တဲ့ Toxic Goitre (တောက်ဆစ် ဂွိုက်တာ)၊ Hyperthyroidism လည်ပင်းကြီး ဟော်မုန်းများရောဂါ၊ နည်းနေရင် Hypothyroidism လည်ပင်းကြီး ဟော်မုန်းနည်းရောဂါဖြစ်မယ်။

တိုက်တိုက်ဆိုင်ဆိုင် အခုတလော ဒုက္ခသည် ဆေးခန်းလေးကို လာပြသူတွေထဲမှာ ချင်းအမျိုးသမီး ၃-၄ ယောက် အဲဒါမျိုး လာတွေ့နေရတယ်။ သူတို့လည်ပင်းက သိသိသာသာကြီးမနေလို့၊ အသေအခြာစမ်းမှ သိနိုင်တယ်။ တယောက်က မေးတယ် “ကျမ လည်ပင်းကြီးနေသလား”။ နောက်တယာက်က လည်ပင်းအကြောင်း ဘာမှ မပြောဘူး။ ရင်တုံတယ်သာ ပြောတယ်။ မျက်စိက လည်ပင်းကြည့်၊ လက်က လက်ကောက်ဝတ် သွေးခုန်တာစမ်း။ သံသယဝင်လာတော့ ဆက်မေးရတယ်။ စိတ်တိုတတ်သလား။ “တိုတယ်”။ ဘေးလူတွေကို မေးရပြန်တယ်။ အလုပ်လုပ်တာမှာ အရင်ကထက်၊ သူများတွေထက် သွက်သွက်လက်လက်လား။ “ဟောဟော ဒိုင်းဒိုင်း၊ လုပ်တယ်”။ (သွက်တိုင်းလည်း မကောင်းတာ သတိထားပါ။) အရင်ကထက် စိတ်တိုတယ်။ သူများထက် ပိုပြီးအိုက်တတ်တယ်။ ပိုစားတယ်။ လင်မယားမှာ ယောက်ျား လုပ်သူကနေ အရင် သတိထားမိမယ်။ တယောက်က ပြူတင်းပေါက်ဖွင့်ပြီးအိပ်ချင်၊ တယောက်က ပိတ်ပြီးအိတ်ချင်။

နောက်တယောက်ကိုတော့ တခြားရောဂါလာပြတုံး မြင်တာနဲ့ ဆရာဝန်က သံသယရှိတယ်။ သူ့မျက်လုံးက ပိုပြီးသိသာနေ၊ ပြူးချင်နေတယ်။ Exophthalmos ခေါ်တယ်။ (သမင်မထက် မျက်လုံးပိုပြူးရင် သတိထား။)

အမျိုးမျိုးတော့ ရှိတယ်။ အများဆုံးဖြစ်ကြတာက (အိုင်အိုဒင်း) ဓါတ်ဆားနည်းလို့ လည်ပင်းကြီးနေတာကို အဝေးကတောင် မြင်နေရတာမျိုး ဖြစ်ရတယ်။ တောင်ပေါ်ဒေသ၊ တောင်ကုန်းရှိရာ အရပ်တွေမှာ ဖြစ်တာမျိုး။ ပုလဲမြို့နယ်ထဲက ယောသားတွေနေတဲ့ တောင်ပေါ်ကို တခါက နယ်လှည့်ဆေးကုတယ်။ တရွာမှာ လက်ညှိုးထိုးမလွဲ လည်ပင်းကြီးတွေ တွေ့ခဲ့ရတယ်။ ရွာလုံးကြွတ် ဖြစ်တာမျိုး။ စိတ်မကောင်းစရာက ကလေးလေးတွေက အရပ်ပုပြီး ဦးနှောက်၊ ဥာဏ်ရည် နည်းနေကြတာတွေက မျက်စိနဲ့ကြည့်တာနဲ့သိတယ်။ လည်ပင်းကြီးဟော်မုန်းက ကြီးထွားမှုကိုလုပ်ပေးတယ်။ ကိုယ်ဝန်ဆောင်မိခင်မှာ ဒီဟော်မုန်းနည်းနေရင် သူကမွေးတဲ့ကလေးတွေ အဲလိုတွေဖြစ်ကြတယ်။ အဲဒီ (မဆလ) ခေတ်မှာ ဆားကအစရှားလို့ (အိုင်အိုဒင်းဆား) ဆိုတာ လူကြီးတွေသာ ဝယ်ခွင့်ရတဲ့ဆိုင်မှာသာရတယ်။

Dr. တင့်ဆွေ