Wednesday, June 30, 2010

Sterilization ပိုးသန့်ခြင်း

Sterilization ဆိုတဲ့ ဆေးစကားလုံးကို နှစ်နေရာမှာ သုံးတာ၊ အဓိပ္ပါယ်တွေ မတူပါ။ ကလေး မလိုချင်တော့လို့ သားကြော ဖြတ်တာကိုလည်း ဒီလိုခေါ်သလို ပိုးမွှားသန့်အောင် လုပ်ပေးရတာကိုလည်း ခေါ်တယ်။

လူတယောက်ကို ချီးမွမ်းတဲ့အခါ “သန့်ပြန့်လို့ပါလား” လို့ ပြောကြတယ်။ ကိုယ်ခန္ဓာသာမက ပတ်ဝန်းကျင်လည်း သန့်ရှင်းဘို့ လိုတယ်။ ဆေးကုသရာမှာတော့ “အထူးသန့်ရှင်းရေး" လုပ်ဘို့ လိုပါတယ်။ လူသန့်ရှင်းရေး နဲ့ အိမ်သန့်ရှင်းရေးကိစ္စတွေမှာ သာမန်အားဖြင့် အမျိုးသမီးတွေက ပိုကြွမ်းကျင်ကြတယ်။ မိန်းကလေးတိုင်းလည်း မဟုတ်သလို၊ ယောက်ျားလေးထဲမှာ “ဖိုးသန့်ရှင်း” တွေရှိတယ်။ တာဝန်အရသာမက စိတ်ပါမှ အရာရာ သေခြာတယ်၊ ခိုင်မာတယ်။ အမိန့်ထုတ်နိုင်သူတွေကနေ ကြေညာပြီး လိမ်တာမျိုးက တခြားနယ်ပယ်မှာ ရချင်ရပါမယ်။ ဆေးလောကမှာတော့ အသက်နဲ့ ကစားတာဘဲ။

HIV တို့ B ပိုး၊ C ပိုးတို့၊ နောက်ပြီး ဝက်တုပ်ကွေးတို့ရန်ကြောင့် လက်အိပ်နဲ့ နှာခေါင်းစီးတွေ ဖက်ရှင်လို ဖြစ်လာစေခဲ့တယ်။ ဒီဖက်ရှင်ကို တွင်ကျယ်စေချင်ပါတယ်။ လက်အိတ်စွပ်တာက သွေးကတဆင့် ကူးစက်လာမဲ့ ရောဂါပိုးရန်က ကိုယ့်ကိုယ်ကို ကာကွယ်ဘို့နဲ့ သူများတွေကိုပါ မကူးစေဘို့အတွက် ဖြစ်တယ်။ နှာခေါင်းစည်း တပ်တာဟာ အသက်ရှူလမ်းကနေ ဝင်မဲ့၊ ထွက်မဲ့ ပိုးတွေ မကူးအောင်ပါ။

ရောဂါပိုးတွေအတွက် သုံးတဲ့ဆေးက အမျိုးမျိုးရှိပါတယ်။ ကိုယ်ထဲဝင်ပြီးသားနဲ့ ဝင်လာမဲ့ပိုးတွေအတွက် ပါးစပ်ကနေ သောက်ရ၊ အသားထဲ-သွေးကြောထဲ ထိုးရတဲ့ ဆေးတွေကို Antibiotics ပဋိဇီဝဆေး လို့ ခေါ်တယ်။ အခုရေးမှာက အပြင်ကနေသာ သုံးရမဲ့ ဆေးတွေဖြစ်တယ်။ Antiseptic ဆိုတာတွေက သက်ရှိ (တစ်ရှူး) နဲ့ အရေပြားတွေကို Infection ရောဂါပိုးဝင်မှာ၊ Sepsis အနာရင်းမှာ၊ Putrefaction ပုတ်သွားမှာတို့ မဖြစ်စေအောင် လုပ်ပေးတဲ့ ဆေးတွေပါ။ တချို့ Antiseptic တွေက ပိုးတွေကို သတ်ပြစ်နိုင်ပြီး၊ အချို့က မျိုးပွါးမှာကို တားဆီးနိုင်တယ်။ Disinfectants ကတော့ သက်မဲ့ မျက်နှာပြင်ပေါ်ရှိတဲ့ ပိုးမွှားတွေကို နိုင်တယ်။ ပိုးမွှားနိုင်တဲ့ ဆေးတွေကို ခြုံပြီး Antimicrobial ခေါ်တယ်။ Antibacterials တွေက (ဗက်တီးရီးယား) တွေကို နိုင်တဲ့ဆေးတွေ ဖြစ်ကြပြီး၊ Microbicides တွေကတော့ (ဗိုင်းရပ်စ်) ကိုပါ နိုင်တယ်။

ပိုးသန့်ဆေးတွေကို လွယ်လွယ်မှတ်မိအောင် Antiseptic 1-2-3 လို့ သင်ပေးတယ်။ (၁) ဆပ်ပြာနဲ့ ရေ၊ (၂) အရက်ပြန် နဲ့ (၃) အိုင်အိုဒင်းတို့ ဖြစ်တယ်။ ခွဲခန်း၊ မွေးခန်း၊ ဆေးထည့်ခန်းတွေအတွက် ဥပဒေသတခုပေါ့။

ဆပ်ပြာပေါ်လာတာ အင်မတန် ကျေးဇူးကြီးပါတယ်။ ခွဲစိတ်ခန်းမဝင်ခင်၊ အနာဒဏ်ရာ မကိုင်ခင် လက်အရင်ဆေးရတယ်။ ဆပ်ပြာနဲ့အတူ Brush နဲ့ တံတောင်ဆစ်အထိ အပြန်အလှန် တိုက်ပါ။ Brush အမွှေးက မကြမ်းရဘူး။ မနုစေရဘူး။ ဆေးရုံသုံး လက်ဆေး (ဘရပ်ခ်ျ) ရှာမရရင် အမျိုးသမီးတွေအတွက် အလှအပပစ္စည်းတွေ ရောင်းတဲ့ဆိုင်က အနေတော် Brush ကို သုံးနိုင်တယ်။ အထက်က အောက်ကို ကျနေတဲ့ Tap ကလာတဲ့ရေနဲ့ ဆေးမှ ကောင်းတယ်။ ရေပိုက်ခေါင်းကို တံတောင်ဆစ်နဲ့သာ ပြန်ပိတ်လုပ်နိုင်ဘို့ စီမံထားရတယ်။ လက်အိပ်စွပ်ပြီးသား၊ ဆေးပြီးသားလက်ရဲ့ အဖျားပိုင်းက ဘယ်တော့မှ တံတောင်ဆစ်အောက်မှာ မရှိစေရဘူး။ ဆရာကောင်းတပည့် ဟုတ်-မဟုတ် ကြည့်တာနဲ့ သိတယ်။

Dettol က ဆေးခန်းရော အိမ်တွေမှာပါ အသုံးအများဆုံး Antiseptic ဖြစ်တယ်။ ဒီထဲမှာ Chloroxylenol ဆိုတာပါတယ်။ ဥပဒေသ (၁) အစား သုံးနိုင်တယ်။

ဥပဒေသ (၂) Alcohol အရက်၊ Ethanol အရက်ပြန်၊ Isopropanol (70% Ethanol) ကို ဆေးရုံ-ဆေးခန်းသုံး Surgical alcohol လို့ ခေါ်တယ်။ ဆေးမထိုးခင်၊ မခွဲစိတ်ခင် အရေပြားကို ပိုးသန့် ပေးတယ်။ “အနာထဲ သွားမထည့်ရပါ။” “သက်မဲ့ မျက်နှာပြင်တွေအတွက် မသုံးရပါ။” HIV, Hepatitis B, Hepatitis C ပိုးတွေအတွက် ပိုပြင်းတဲ့ (80% Ethanol + 5% Isopropanol) ကို သုံးရတယ်။ Fungal မှို၊ Bacterial spores နဲ့ Hepatitis A ပိုးတွေအတွက် အရက်ပြန်က အသုံးမကျပါ။

မြန်မာ့ဆိုရှယ်လစ်ခေတ်မယ် ပစ္စည်းဆိုတာ ရှားလွန်းလို့၊ ဆေးရုံတွေမှာ အခြေခံအကျဆုံး အရက်ပြန်၊ ဂွမ်း၊ ပတ္တီးတွေ မလုံလောက်တဲ့ပြင် အပြင်မှာတောင် ဝယ်မရဘူး။ မှောင်ခို အရက်ဖိုတွေကိုဘဲ အားကိုးကြရတယ်။ နံသလား မမေးနဲ့။ မရှိတော့လည်း သုံးရတာဘဲ။ (ဟောလီဝုဒ်) ရုပ်ရှင်တွေမှာတော့ ဇာတ်လိုက် ဒဏ်ရာရရင် (ဝီစကီ) ကို အနာပေါ် လောင်းချပြီး၊ မျက်နှာကို ရှုံ့မဲ့ပြရတယ်။ အမှန်က ချက်အရက်ဖြစ်ဖြစ် (စကော့ခ်ျ) ဖြစ်ဖြစ် ဆေးခန်းသုံး အရက်ပြန်လောက် မကောင်းဘူး။ (မီသိုင်း) ထည့်ထားတဲ့ အရက်ကမှ စိတ်ချရတယ်။ သွားတော့ မသောက်နဲ့။ ပါးနပ်သူတွေက အရက်ပြန်ကို ဆားခပ်သောက်တယ်။ အသက်တော့ မရှည်ပါ။

ဥပဒေသ (၃) အိုင်အိုဒင်းကို Betadine, Povidone-Iodine နာမည်တွေနဲ့ လာတယ်။ ဆေးရုံ-ဆေးခန်းတွေမှာတော့ Iodine ကို Alcohol နဲ့ရောပြီး၊ 2% ကို သုံးရတယ်။ ဒိထက် ပြင်းရင် လောင်စေတတ်တယ်။ အရက်ပြန်လိုဘဲ အနာထဲ မထည့်ရဘူး။ အနာဘေးက အရေပြားကိုသာ သန့်ပေးဘို့ သုံးရတယ်။ Tincture of Iodine (2-7% Sodium iodide or Potassium iodide) ခေါ်တာက (အိုင်အိုဒင်း) ကို Ethanol နဲ့ ရောထားတာ ဖြစ်တယ်။ Tincture of benzoin ဆိုတာက (အိုင်အိုဒင်း) မပါဘူး။ အနာသေးသေးတွေကို ထည့်တဲ့ဆေး။ နောက်ပြီး (တိပ်)၊ (ပလာစတာ) တွေ ပိုကပ်စေအောင်လည်း သုံးနိုင်တယ်။ Povidine ဟာ ရေနဲ့ စပ်ထားတဲ့ Iodine 10% ဖြစ်ပြီး ပိုကောင်းတယ်။ “Abscess ပြည်တည်နာ တခုကို ဘယ်လောက် သေးသေး (အိုင်အိုဒင်း) မရှိရင်၊ မခွဲပါနဲ့။”

တခြားအမျိုးအစာတွေပါ စုံအောင်ရေးပါရစေ။ Lugol's solution (Lugol's iodine) က Antiseptic and Disinfectant ပိုးသန့်ဆေးဖြစ်တယ်။ Iodine 5% နဲ့ Potassium iodide 10% ကို ရေ 85 % မှာ ဖျော်ထားပြီး၊ သောက်ရေ သန့်အောင် သုံးနိုင်တယ်။ (အိုင်အိုဒင်း) နည်းလို့ လည်ပင်းကြီး နေသူတွေကိုလည်း ပေးတယ်။ ပြင်သစ်ဆရာဝန်တဦး နာမည်ကို ဂုဏ်ပြုထားတာပါ။

Boric acid Antiseptic ပိုးသန့်ဆေးကို မွေးလမ်းကြောင်းမှာ Yeast ပိုးဝင်တာကို သန့်ပေးနိုင်တယ်။ Chlorhexidine 0.2-4.0% ဆေးမထိုးခင်၊ မခွဲစိတ်ခင် အရေပြားကို သန့်ပေး၊ ဆီးအိမ်သန့်ပေး၊ အနာကို ဆေးပေးရာတွေမှာ သုံးရတယ်။ Gentian violet (Methylrosanilinium chloride) ခရမ်းရောင်ဆေးကို ပါးစပ်နာ၊ မှက်ခရုနာ၊ မီးလောင်နာ၊ နို့နာ၊ အားကစားသမား ခြေထောက်၊ ပွေး၊ မှိုရောဂါတွေမှာ သုံးနိုင်တယ်။ Hydrogen peroxide 3-6% အနာသန့်ရှင်းဘို့၊ ပါးစပ်ဆေးဘို့၊ ဆီးအိမ်သန့်ပေးဘို့အတွက် သုံးရတယ်။ နားပြည်ယိုတာ၊ အနာတွေ ညစ်ပတ်ပေရေနေတာမှာ ဒီဆေး ထည့်ရင် အမြှုတ်ထပြီး သန့်ရှင်းလာမယ်။ Hydroxyquinoline sulphate အနာဆေးဘို့၊ ပါးစပ်ငုံဘို့၊ အရေပြား သန့်ဘို့ သုံးရတယ်။

Carbolic (ကာဘောလစ်) ဆပ်ပြာက အသင့်အတင့်သာပြင်းတဲ့ Disinfectant ဖြစ်တယ်။ Phenol (carbolic acid) ဟာ Germicidal ဖြစ်တယ်။ ကြမ်းပြင်၊ ဆေးခန်းသုံး ပစ္စည်းတွေသန့်ဘို့ သုံးတယ်။ (ဂျိုးဇက်-လစ်စတာ) ကနေ စသုံးခဲ့တဲ့ သမိုင်းဝင် ပိုးသန့်ဆေးပါ။ Phenolics ဆိုတာတွေက ပါးစပ်ဆေး-လက်ဆေးတဲ့ ဆေးရည်တွေထဲမှာ ထည့်သုံးတယ်။ Potassium permanganate (KMnO4) ကို ရေကူးကန် သန့်ပေးဘို့ သုံးတယ်။ ရေကူးကန်ထဲ မဆင်းခင် ခြေထောက် ကိုလည်း ဒါနဲ့ဆေးရတယ်။ ပါးစပ်ဆေးဘို့လဲ သွားဆေးခန်းတွေမှာ သုံးတယ်။ အမှိုက်ပုံတွေ သန့်အောင် သုံးနိုင်တယ်။

ဘာဆေးမှမရှိလဲ ဟင်းခပ်တဲ့ဆားကို ရေနဲ့ဖျော်ပြီး Sodium chloride ဆားရည်ကို ပါးစပ်ဆေးဘို့ သုံးနိုင်တယ်။ ဟင်းသီးဟင်းရွက်၊ အသီးတွေကို ဆားရည်ထဲမှာ ခဏစိမ်ထားရင် ပိုးသန့်စင်တယ်။ အစိမ်းတို့မြှုပ်စားနိုင်တယ်။

“ချွတ်ဆေး” လို့ခေါ်တဲ့ အဝတ်၊ ခြည်ခင်တွေကို အရောင်ချွတ်ပေးတဲ့ဆေးကို အရပ်ထဲက လူတွေပါ သိကြတယ်။ Bleaching powder ခေါ်တယ်။ Chlorinated Lime လို့လဲ ခေါ်တယ်။ သောက်ရေ သန့်အောင် ရေတွင်း၊ ရေကန်တွေထဲ ဒီဆေး ခပ်တယ်။ (ကလိုရင်း) နံ့လေးရနေတာဟာ ရေမွှေးထက် သာတယ်။ ပြည်သူ့ဆေးရုံခေတ်က ဆေးရုံတွေမှာ ဈေးချိုတာ ရှာသုံးကြရတယ်။ ဒီဆေးမှုံ့နဲ့ Boric acid ကို ရောပြီး Eusol (Calcium hypochlorite + 0.25% w/v of Chlorine + Boric acid) အနာတွေကို ဆေးထည့်ဘို့ သုံးရတယ်။ (ကွန်ပေါင်ဒါ) ကနေဖျော်ပြီး၊ စဥ့်အိုးထဲမှာ ထားရတယ်။ ကြာကြာ အထားမခံဘူး။ အသစ်ပြန်ဖျော်ရမယ်။ ကြမ်းပြင်လိုနေရာတွေကို သန့်စေချင်ရင် မျက်နှာပြင်ကို သန့်ပေးပြီးမှ Bleach နဲ့ ပိုးသန့်စေရတယ်။ တိရစ္ဆာန်တွေရဲ့ ဆီးအပါအဝင် အညစ်အကြေးတွေကို အရင်ဖယ်ပြီးမှ Bleach နဲ့ ဆေးပါ။

အိမ်မှာ TB, Hepatitis B, Hepatitis C လူနာရှိရင် Chlorine Bleach 5.25% Sodium hypochlorite ကို ရေ ၁ဝ ဆ၊ ဆေး ၁ ဆ ရောတာကို ဆောင်ထားရတယ်။ သွေး၊ အန်ဖတ်၊ ကိုယ်ကထွက်တဲ့ အရည်မှန်သမျှကို သန့်ရှင်းရေးလုပ်ဘို့ သုံးနိုင်တယ်။ ရောပြီးသားကို အကြာကြီး ထားလို့မရဘူး။ ချက်ချင်း ထိရောက်တာ များပေမဲ့ မိနစ် ၂ဝ အထိ ဆိုမှ စိတ်ချရတယ်။ Fungus မှို၊ တော်တော့ ဆေးမတိုးတဲ့ Bacteria (Staphylococcus, Enterococcus) ပိုးတွေအတွက်ပါ သုံးနိုင်တယ်။ Spores ဖြစ်နေရင်တော့ မရဘူး။ TB ပိုးကို သေစေဘို့ ၅ ဆ ၁ ဆ ဒါမှမဟုတ် ၂ ဆခွဲ ၁ ဆ ရောရတယ်။

ကိုယ်တွင်း-ကိုယ်ပ ပိုးကင်းစင်ကြပါစေ။

Dr. တင့်ဆွေ
၃ဝ-၆-၂ဝ၁ဝ

Q: ခါတိုင်း အနာတွေကို အရက်ပျံဆွတ်ဂွမ်းနဲ့  သုတ်လိမ်းပေးတာ မလုပ်သင့်ဘူးဆိုတဲ့ သဘောလား ဒေါက်တာ။ ဒါဆိုရင် အနာဝတွေကိုပဲ အရက်ပျံ သုတ်လိမ်းပြီး၊ အနာကို (အန်တီဆက်တစ်-ကရင်မ်) ပဲ ထည့်ပေးသင့်တဲ့ သဘောပေါ့နော်။ အရက်ပျံကို သက်မဲ့မျက်နှာပြင်ထဲ မသုံးရဆိုတာ သိပ်နားမလည်လို့ ထပ်ရှင်းပြပေးပါဦးဗျာ။


A: မှန်ပါတယ်။ အရက်ပြန်ရော အိုင်အိုဒင်းကိုပါ အနာထဲ မထည့်ရပါ။ “both help and hurt” လို့ ပြောနိုင်တယ်။ “ကောင်းတော့ ကောင်းတယ်၊ မျက်စိ စပ်တယ်။” ဆိုသလိုမျိုး။ အနာရဲ့ ဘေးက အရေပြားကိုသာ ပိုးသန့်ပေးဘို့ သုံးရပါတယ်။ ဒဏ်ရာတခုရလို့ အရက်ပြန် ထည့်ပေးရင် အင်မတန် စပ်တယ် မဟုတ်လား။ စပ်တာကို ခံနိုင်အုံးတော့ (တစ်ရှူး)တွေကို ထိခိုက်စေတယ်။ အရေပြားအောက်က အဆီ၊ သူ့အောက်က ကြွက်သား၊ ပါနေတဲ့ အာရုံကြော-သွေးကြောလေးတွေက ဆေးအပြင်းကို ခံနိုင်ရည် နည်းတယ်။

တကယ်တန်း ပြောကြကြေးဆိုရင် သန့်တဲ့ရေတောင်မှ (ဆဲလ်) ထဲဝင်ရင် မကောင်းဘူး။ ဆေးထိုးတာမှာ Distilled water, Water for injection မိုးရေဆိုတာက မကောင်းသေးဘူး။ ဆေးမှုံ့ဖျော်တာ၊ ဆေးသွင်းတာ၊ အနာဆေးတာတွေအတွက် Normal saline (0.91% w/v NaCl) ခေါ်တဲ့ ပုံမှန်ဆားရည်နဲ့မှ (ဆဲလ်) တွေနဲ့ ဖိအားတူကြလို့ အကောင်းဆုံး ဖြစ်တယ်။

အနာထဲကို Acriflavine ဆေးဝါရည်၊ Hydrogen peroxide ဟိုက်ဒရိုဂျင်-ပါအောက်ဆိုဒ်၊ Eusol ယူဇော ဆေးရည်တွေ ထည့်နိုင်ပါတယ်။ မသန့်တဲ့အနာကို ရေနွေးထဲစိမ်ထားတဲ့ ဂွမ်းနဲ့ သန့်ပေးနိုင်တယ်။ ညစ်ပေတာတွေ၊ အမှုံအမှိုက်တွေကို ဖယ်ထုတ်ပါ။ နောက်ပြီး သွေးထွက်နေရင် ရေနွေး ခပ်ပူပူမှာ စိမ်ထားတဲ့ Handkerchief အဝတ်သန့်၊ Gauze ပိတ်ကျဲစ Cottin wool ဂွမ်းကို ရေပြန်ညှစ်ပြီး၊ ဖိပေးထားရင် သွေးတိတ်စေမယ်။ အနာသန့်ပြီးရင် ဘေးက အရေပြားကို အရက်ပြန်နဲ့ ပတ်ပတ်လည်မှာ သုတ်ပေးပါ။ အနာ နှုတ်ခမ်းသားကနေ ဝိုင်းပတ်ပြီး လုပ်ရတယ်။ ဒါတောင် အနာထဲ ပြန့်ဝင်လာလို့ စပ်လာစေတယ်။ နောက်ပြီး (အိုင်အိုဒင်း) နဲ့ အဲဒီအတိုင်း လုပ်ပေးပါ။

ဒဏ်ရာက ချုပ်ဘို့လိုရင် ချုပ်နိုင်ပါပြီ။ ညစ်ပေနေတဲ့ အနာ၊ တိရစ္ဆာန်ကိုက်-လူကိုက် ခံရတာဆိုရင် မချုပ်ရသေးဘူး။ ချုပ်ပြီးရင်တော့ အပေါ်ကနေ အရက်ပြန်-(အိုင်အိုဒင်း) လိမ်းလို့ရပြီ။ (အိုင်အိုဒင်း) ပါတာဖြစ်ပေမဲ့ (Povidone Iodine Ointment) ကို အနာထဲထည့်ရင် ရတယ်။ သူက ရေနဲ့ စပ်ထားတာ။ (တင်ချာ-အိုင်အိုဒင်း) ခေါ်တဲ့ အရက်ပြန်နဲ့ စပ်တာကိုသာ အနာထဲ မထည့်သင့်တာပါ။ Povidone Iodine ကို ချုပ်ဘို့ မလိုတဲ့ အနာသေးသေးတွေ၊ ချုပ်ပြီးအနာ ပေါ်မှာပါ ထည့်ပေးနိုင်တယ်။

ဒဏ်ရာ ရလိုက်တာနဲ့ ပိုးဝင်နိုင်တယ်။ ပိုးတွေက ဝင်တဲ့နေရာမှာသာ နေတာ မဟုတ်ဘဲ ပြန့်တယ်။ ဒါ့ကြောင့် အနာကိုသာ အာရုံစိုက်တာနဲ့ မလုံလောက်ဘူး။ လိမ်းဆေးသာမက သောက်ဆေး-ထိုးဆေး ကူရတယ်။ Antiseptic Ointments တွေ အများကြီး ဝယ်လို့ရတယ်။ ဆေးထဲမှာ ဘာပါသလဲသိရင် ကောင်းတယ်။ ဥပမာတချို့ ရေးပါရစေ။

• Acriflavine ဆေးဝါရည်။ အနာထဲ ထည့်လို့ရတယ်။ အဝတ်အစားတွေကို ဝါစေတယ်။ မျက်စိထဲ မဝင်စေရဘူး။
• Betadine (Povidone Iodine Ointment 5 %) (အိုင်အိုဒင်း) ပါတဲ့ဆေး။ အရေပြားမှာ ပိုးဝင်တာ၊ အနာပေါက်တာ၊ ဒဏ်ရာရတာ၊ မီးလောင်နာ၊ ခွဲစိတ်ပြီးအနာ၊ အနာထဲကိုပါ ထည့်ပေးနိုင်တယ်။
• Betamethasone (ကော်တီဇုံး) ပါတဲ့ဆေး။ နာတာရှည် ပျောက်နိုင်ခဲတဲ့ နှင်းခူနာ Eczema လို အနာတွေ အတွက်ဆေး။ ရိုးရိုး အနာ-ဒဏ်ရာတွေကို မထည့်ရပါ။
• Burnol Plus Antiseptic Cream (Aminacrine, Cetrimide, Thymol, Emulsion Base) မီးလောင်နာ၊ အနာဒဏ်ရာ၊ ပွန်းပဲ့တာတွေအတွက် သုံးနိုင်တယ်။
• Chloramphenicol Eye Ointment 1%w/w ပဋိဇီဝဆေး Antibiotics မျက်စဉ်း။ မီးလောင်နာကို ပတ္တီး စည်းတဲ့အခါ ကပ်မနေစေတာမို့ သုံးလို့ ကောင်းတယ်။
• Chlorocresol (ဖီနော) ပါတဲ့ Antiseptic ဖြစ်တယ်။
• Clobetasol Propionate Cream (ကော်တီဇုံး) ပါတဲ့ဆေး။ နာတာရှည် ပျောက်နိုင်ခဲတဲ့ နှင်းခူနာ Eczema လို အနာတွေ အတွက်ဆေး။ ရိုးရိုး အနာ-ဒဏ်ရာတွေကို မထည့်ရပါ။
• Clotrimazole Cream မှို Fungus ကို နိုင်တဲ့ဆေး။
• Diclofenac နာတာကို သက်သာဆေး။ စားဆေး။၊ ထိုးဆေးလဲ ဒီနာမည်နဲ့ ရှိတယ်။ ပိုးသန့်ဆေးတွေနဲ့ ရောထား တတ်တယ်။
• Gentamicin Sulfate Cream 0.1%w/w Folliculitis, Furunculosis အနာ၊ Paronychia ခြေစွယ်ငုတ်၊ အရေပြားနာတွေအတွက် လိမ်းဆေး။
• Gentamicin Sulphate Ophthalmic Ointment 0.03% မျက်စဉ်း။
• Hansaplast, Handyplast ဆိုတဲ့ တခါသုံး အနာကပ်ပလာစတာတွေက ဆေးမပါဘူး။ သူတို့ဟာသူတို့ သန့်နေတာ သက်သက်ဖြစ်တယ်။ အနာကို ဖုံးပေးထားနိုင်တယ်။ အနောပ်ါဖုံးရတဲ့ ပတ္တီး-ပိတ်ကျုစ နဲ့ တိပ်-ပလာစတာ နှစ်မျိုးကို တခါတည်း ပါနေတဲ့သဘောသာ ဖြစ်တယ်။ ထိ-ရှတဲ့အခါ ချက်ချင်းသူ့ကိုသုံးနိုင်တယ်။ ခဏဆိုသလို ကြာမယ်၊ ထိခိုက်ရာမှာ မသန့်တာ ဝင်မယ်ဆိုရင် ဒဏ်ရာကို ပိုးသန့်ပေးဘို့ပါ လိုသေးတယ်။
• Iodochlorhydroxyquinoline မှို Fungus ကို နိုင်တဲ့ဆေး။
• Lignocaine Gel 2% ထုံဆေး၊ တခြားဆေးတွေထဲမှာ နာတာသက်သာအောင် ရောထည့်ပေးတတ်တယ်။
• Methyl Salicylate ဆေးက wintergreen အပင်ကထုတ်ထားတဲ့ အဆီ။ Aspirin နဲ့ဆင်တဲ့ နာတာ သက်သာဆေး။ များသွားရင် မကောင်းဘူး။
• Miconazole Cream မှို Fungus အားကစားသမားခြေထောက်၊ ပွေး Ringworm အတွက်ဆေး။
• Neomycin Sulphate Ointment 2 mg/gm ပဋိဇီဝဆေး Antibiotics ဆေး။ သာမန် အနာ-ဒဏ်ရာတွေအတွက် သုံးနိုင်တယ်။
• Penicillin Ointment ကို မွေးစကလေး၊ ကလေးငယ်လေးတွေမှာ ပေါက်တဲ့ Impetigo Neonatorum အနာကို လိမ်းပေးတာ ကောင်းတယ်။
• Povidone-iodine ဆေးက (အိုင်အိုဒင်း) ပါတဲ့ နောက်ပေါ်ဆေးဖြစ်တယ်။ (အိုင်အိုဒင်း) က ၁၈၁၁ ကတည်းက အလွန်အသုံးဝင်တာကို သိလာခဲ့တယ်။ Bacteria, Yeasts, Molds, Fungi, Viruses, Protozoans တွေကို နိုင်တယ်။ ဆိုးကျိုးတွေရှိတယ်။ Povidone (9.0% to 12.0% iodine) ပေါ်လာမှ တကယ် အသုံးဝင်လာခဲ့တယ်။ အနာထဲဝင်လည်း ရတယ်။
• Silver Sulfadiazine Cream 1% W/W ဆေးကို (ဆာလ်ဖါ) ပါတဲ့ မီးလောင်နာဆေး၊ (ဗက်တီးရီးယား) နဲ့ (ရိစ်) တွေကို သတ်နိုင်တယ်။ အနာကျက်တာ ကြာလို့ သိပ်မသုံးချင်ကြတော့ဘူး။
• Silver Sulphadiazine (ဆာလဖါ) ပါတဲ့ မီးလောင်နာလိမ်းဆေး။
• Sulphacetamide Sodium Ophthalmic Ointment 10% w/w ပဋိဇီဝဆေး Antibiotics မျက်စဉ်း။
• Tetracycline Hydrochloride Ointment 3% ပဋိဇီဝဆေး Antibiotics လိမ်းဆေး။ ဝက်ခြံ-အနာ-ဒဏ်ရာ လိမ်းဆေး။
• Tetracycline Hydrochloride Ophthalmic Ointment 1%w/w ပဋိဇီဝဆေး မျက်စဉ်း။ မျက်ခမ်းစပ်။
• Tolnaftate က မှို Fungus ကို နိုင်တဲ့ဆေး။

သက်မဲ့မျက်နှာပြင်တွေ၊ ဆေးထည့်သုံး-မွေးခန်းသုံး-ခွဲခမ်းသုံး ကရိယာတွေကိုလည်း အရက်ပြန်-အိုင်အိုဒင်း တို့နဲ့ သန့်တာ မလုံလောက်ပါ။ ရေပါတဲ့အတွက် Instrument တွေက Stainless ပစ္စည်းဆိုပေမဲ့ သံချေးတက်တယ်။ ဒါးတွေ-အပ်တွေ အသွားတုံးစေတယ်။ စားပွဲ၊ ကုတင်စတာတွေကို disinfectant solution နဲ့ သန့်ပေးရမယ်။ ဈေးချိုတဲ့နည်း ရေးပါစေ။

• ကြမ်းပြင်သန့်ဘို့ 1/4 cup household bleach to 1 gallon of cool water ကိုသုံးပါ။
• စားပွဲ-ကောင်တာ-လက်ဆေးခွက်-တွိုင်းလက် မျက်နှာပြင်တွေသန့်ဘို့ 1 tablespoon bleach to 1 quart of cool water နဲ့ disinfectant spray သုံးပါ။
• မီးဖိုအသုံးအဆောင်တွေ သန့်ဘို့ 1 tablespoon bleach to 1 gallon cool water မှာ ၁ မိနစ်စိမ်ပြီး၊ ရေပြန်ဆေးပါ။

Lysol (Benzalkpnium chloride) ဆေးက အလွန့်အလွန်အပြင်စား Disinfectant ဖြစ်တယ်။ အပြင်းစားကို ဆေရုံသုံး ဒါး-ကပ်ကြေး-အပ်တွေ စိမ်ထားဘို့ သုံးတယ်။ ပုံမှန်သုံးဘို့ One teaspoon of Lysol + one gallon of water ဆိုရင် ရပြီ။ ဆိုင်တွေမှာ တင်ရောင်းတာတွေက အချိုးအဆ မတူကြဘူး။ ကြမ်းပြင်တွေ မျက်နှာပြင်တွေ ဆေးလို့ ရတယ်။ ပိုးအမျိုးမျိုး ၉၉့၉% သေတယ်။ အနံ့ဆိုးလည်း ပျောက်စေတယ်။

Dr. တင့်ဆွေ
၂-၇-၂ဝ၁ဝ

Monday, June 28, 2010

Deep vein thrombosis သွေးပြန်ကြောပိတ်ခြင်း

Hello doctor: I can’t stand to laugh after reading your story, Varicose Veins. Please explain about deep venous thrombosis coz my friend who lives in မတ်တတ်ရွာ got trouble with that case.

သူများ တိုင်းပြည်တွေကို ခဏခိုးထွက်ပြီးဖြစ်ဖြစ် ခဏခဏ ခိုးထွက်ပြီးဖြစ်ဖြစ်၊ ဟိုမှာ အခြေတကျ နေပြီးဖြစ်ဖြစ် အလုပ် လုပ်ကြရာမှာ ကိုယ့်အရပ်နဲ့ အတော်ကြီး မတူဘူး။ “စက်ရုပ်ဝါဒ” ခေါ်ရမလားဘဲ။ အလုပ်ချိန်မှာ ထိုင်စရာဆိုတာ ထားမပေးဘူး။ ရပ်ပြီးလုပ်ရတာ မဟုတ်ရင်၊ ပြေးလွှားလုပ်ကြရတယ်။ အောက်ပိုင်း မသန်ရင် ဟန်မကျဘူး။ ကြာတော့ အောက်ပိုင်းက အတွင်းပိုင်း ရောဂါတွေ ရလာတတ်တယ်။

အမျိုးမျိုးရှိတဲ့ သွေးကြောတွေက ကောင်းနေပါမှ အသက်ရှင်နိုင်တာမို့ “အသက်သွေးကြော” လို့ တင်စားခေါ်ကြတာ မှန်တယ်။ နှလုံးကနေ တကိုယ်လုံးကို လွှတ်ပေးရတဲ့ Artery သွေးလွှတ်ကြော ပိတ်တာကို အတော်များများ သိကြတယ်။ Stroke လို့ ခေါ်တယ် မဟုတ်လား။ ဆေးစာ သိသူတွေကတော့ Myocardial infarction လို့ ခေါ်ပါတယ်။ တကိုယ်လုံးကနေ နှလုံးဆီ ပြန်လာရတဲ့ Vein သွေးပြန်ကြောမှာ သွေးခဲပြီး၊ ပိတ်တာကလည်း ဆိုးတဲ့ရောဂါဘဲ။ လူတွေကို ကြိုက်တာ၊ မကြိုက်တာ ပြောရမဲ့ ပါးစပ်ကို ပိတ်ခိုင်းထာတာ အပါအဝင် ပိတ်တာ-ဆို့တာဟာ ရောဂါဘဲ။ ဒီစာမှာ သွေးပြန်ကြော ပိတ်တာ ရေးပါမယ်။ အတိအကျ ပြောရရင် ဟို အတွင်းထဲမှာရှိတဲ့ သွေးပြန်ကြောတွေ ပိတ်တဲ့ရောဂါပါ။

အပေါ်ယံမှာရှိတဲ့ သွေးပြန်ကြောတွေမှာ ပိတ်နေတာကို Superficial thrombophlebitis ခေါ်တယ်။ အဆိုးကြီး မဟုတ်ပါ။ Thrombophilia ခေါ်တဲ့ မွေးရာပါ ရောဂါ ရှိသူများမှာ သွေးခဲတတ်တယ်။ အမျိုးထဲမှာ တယောက်မက ဖြစ်တတ်တယ်။

“လူမှန်-နေရာမှန်” ဆိုတဲ့ စကားလိုဘဲ လူ့သွေးက သူ့နေရာမှန်ဖြစ်တဲ့ သွေးကြောထဲမှာနေရင် မခဲဘူး။ အပြင်ထွက်ရရင် ခဲသွားတယ်။ အဲဒါ အလွန်ကောင်းတဲ့ အစီအမံ ဖြစ်တယ်။ ထိခိုက်မိလို့ သွေးထွက်ရင် ကိုယ့်ဖါသာ ကြက်ခြေနီလုပ်ပြီး၊ လက်နဲ့ ဖိထားပါ။ သွေးရဲ့ခဲတတ်တဲ့ သတ္တိကြောင့် သွေးတိတ်သွားတယ်။ မခဲရမဲ့နေရာ သွေးကြောထဲမှာ ခဲရင်တော့ ဒုက္ခရောက်ရတယ်။ အများဆုံး ဖြစ်တာကတော့ ခြေသလုံးနဲ့ ပေါင်က အတွင်းထဲမှာရှိတဲ့ သွေးပြန်ကြောတွေမှာ ဖြစ်တယ်။ သွေးခဲက ကွဲထွက်ပြီး၊ ဟိုဟိုဒီဒီ ရောက်တတ်သေးတယ်။ အရေးပါတဲ့ နေရာဖြစ်တဲ့ အဆုပ်ကို သွားပိတ်တာဟာ ရောဂါဆိုး တခု ဖြစ်ပါတယ်။ Pulmonary embolism (PE) လို့ ခေါ်တယ်။ သေနိုင်တယ်။

ခွဲစိတ်ခံထားရသူတွေမှာလဲ ဖြစ်လာတတ်တာမို့ ဆရာဝန်တွေက လူနာကို ခွဲစိတ်ပြီးနောက်မှာ ဒါမျိုး ဖြစ်မလာအောင် လုပ်ပေးကြရတယ်။ နောက် အကြောင်းတရားတွေကတော့ သွေးပြန်ကြောမှာ ဒဏ်ရာရလို့၊ ရောင်လာလို့ နဲ့ ခံနိုင်ရည် ပြဿနာ တခုခုဖြစ်လို့ပါ။ သွေးလျှောက်တာ နှေးရင်လဲ ဖြစ်တတ်သေးတယ်။ သွေးက လိုတာထက်ပို ပြစ်နေရင်လည်း ဖြစ်ချင်တယ်။ နာတာရှည် လူမမာဖြစ်ရ၊ အိပ်ရာထဲ လှဲနေရ၊ ခရီးရှည် အကြာကြီး သွားရတဲ့အခါမှာလဲ ဖြစ်တတ်ပါတယ်။

ကင်ဆာဆေး၊ (အီစထိုဂျင်) ပါတဲ့ ကိုယ်ဝန်တားဆေးတွေကလည်း ဖြစ်စေနိုင်တယ်။ ကိုယ်ဝန်ဆောင်နေချိန်နဲ့ မွေးပြီး ၁-၂ လ အတွင်းမှာ သတိထားပါ။ အမျိုးသမီးများကို သွေးဆုံးချိန်မှာ ပေးရတတ်တဲ့ Estrogen ဟော်မုန်း ကလည်း ဒီရောဂါမျိုး ဖြစ်စေတတ်တယ်။

ရွှေဗမာတွေ သူများတိုင်းပြည်တွေမှာ အလုပ်လုပ်နေကြရတာ သန်းနဲ့ချီနေပေမဲ့ သိပ်မဖြစ်ပါလားလို့ စောဒက တက်နိုင်ပါတယ်။ အထဲက သွေးပြန်ကြောမှာ သွေးခဲလေးတွေ ရှိနေပေမဲ့ ဘာမှမခံစားရဘဲ နေတတ်တယ်။ တချို့တဝက် လောက်မှာသာ ရောဂါ လက္ခဏာပေါ်တယ်။ ဖြစ်တဲ့နေရာမှာ ရောင်လာ၊ ပူလာ၊ နာလာ၊ နီလာတယ်။ မနီဘဲ အရောင် ပြောင်းလာတာမျိုးလဲ ဖြစ်နိုင်တယ်။ အကွေး-အဆန့် လုပ်ရင် ပိုနာတယ်။ ကြွက်တက်သလို ဖြစ်တယ်။ Pulmonary Embolism ဆိုတာ ဖြစ်ရင်တော့ အသက်ရှူရတာ ခက်လာ-နာလာတယ်။ ချောင်းဆိုးတဲ့အထဲ သွေးပါလာမယ်။ အသက်ရှူနှုန်းရော နှလုံးခုန်နှုန်းပါ မြန်လာတယ်။ အရေးပေါ် ဆေးရုံတက်ရလိမ့်မယ်။

ရောဂါရှိနေတာကို Doppler Ultrasound ရိုက်ပြီး သေခြာအောင်လုပ်ရတယ်။ A D-Dimer test, Venography, (MRI) နဲ့ (CT) scanning တွေကိုပါ လုပ်တယ်။

ဖြစ်လာရင် ကုတာကတော့ ခဲနေတဲ့သွေးခဲ ပိုကြီးမလာစေအောင်၊ သေးသေးလေးတွေ ကွဲထွက်ပြီး၊ တခြားနေရာတွေ မရောက်စေအောင် နဲ့ နောက်ထပ် မခဲစေအောင် လုပ်ပေးရတာပါ။ Anticoagulants ဆိုတဲ့ သွေးမခဲဆေး၊ သွေးကျဲဆေးတွေ ပေးတယ်။ Warfarin နဲ့ Heparin ဆေးတွေကို အသုံးများတယ်။ ကိုယ်ဝန် ရှိတုံးဖြစ်သူတွေကိုတော့ Heparin ကိုသာ သုံးတယ်။ ၃ လ ကနေ ၆ လအထိ ဆေးကုရတယ်။ ကိုယ်ဝန်နဲ့ ခွဲစိတ်ရာကနေ ဖြစ်သူတွေကိုတော့ ဒီလောက် ကြာစရာ မလိုဘူး။ ဒီဆေးတွေက သွေးယိုတာ ဖြစ်တတ်ပြန်လို့ သတိထား သုံးရတယ်။ Thrombin Inhibitors ဆိုတဲ့ ဆေးကတော့ သွေးမခဲအောင် တားဆေးပါ။ Thrombolytics ဆေးကိုတော့ သွေးခဲ မြန်မြန် ပျော်စေအောင် ပေးတယ်။

Thrombectomy ခဲနေတဲ့သွေးကို ခွဲထုတ်နိုင်တယ်။ ဆေးပေးဘို့ မသင့်ရင် ဒါမှမဟုတ် ဆေးပေးနေတာနဲ့ မလုံလောက်ရင် Vena Cava Filter ဆိုတဲ့ အစစ်ကို သုံးနိုင်တယ်။ Graduated Compression Stockings နဲ့ compression hose ဆိုတဲ့ ခြေအိတ်ဆန်းကို စွပ်ထားခိုင်းတယ်။ အကိုက်အခဲပျောက်-အဖျားကျ-အရောင်လျှော့ဆေး Aspirin က သွေးကိုကျဲစေလို့ ဒီရောဂါမျိုးမှာ အသုံးကျတယ်။ တခါဖြစ်ဘူးရင် ထပ်ဖြစ်တတ်လို့ ရောဂါရှိနေသူဟာ ဆေးမှန်မှန် စစ်နေရတယ်။

ဒီရောဂါ မဖြစ်အောင် အကြာကြီး မရပ်ရသလို၊ အ်ိပ်ရာထဲမှာလဲ ရက်အကြာကြီး လှဲမနေရဘူး။ အိပ်ရာက မထနိုင်သူများ ခြေထောက်တွေ လေ့ကျင့်ခန်း လုပ်ပေးရတယ်။ ဝလွန်းရင်လဲ ဒီရောဂါ ဖြစ်နိုင်တယ်။ တောင်ပေါ်အမြင့်မှာ နေရ၊ သွားရရင် သတိထားရတယ်။ အသက်ကြီးလာရင် မကောင်းတာတွေထဲမှာ ဒါလဲပါတယ်။ လူက ဖက်တီး၊ အသက်ကလည်း ကြီးရင် ခရီးမထွက်နဲ့။ တောင်ပေါ်သားများ နိုင်ငံခြား သွားနေချင်ရင် နှစ်ခါပြန် စဉ်းစားပါလေ။

လေယျာဉ်ပေါ်မှာ ကိုယ်လက်လှုပ်ရှားပေးဘို့ ဗီဒီယို နဲ့ ပြပေးတာက ဒါမျိုး မဖြစ်အောင်လို့ပါ။ ရေ-အရည် အများကြီး သောက်ပါ။ အရည်ထဲမှာ အရက်နဲ့ ကော်ဖီများတာ မပါဘူး။ အဝတ်အစားကို ကြပ်နေတာမျိုး မဝတ်ရဘူး။ တင်းကြပ်တဲ့ ဘာသာရေး အယူရှိတဲ့ တိုင်းပြည်က မိန်းကလေးများ သူများနိုင်ငံတွေသွားတော့ လေယျာဉ်ပေါ်ရောက်တာနဲ့ အဖုံးတွေ အကာတွေ ခွါချကြတာက ဒီရောဂါ မဖြစ်အောင်တော့ ဟုတ်ပုံမရဘူး။ ဒါပေမဲ့ လှချင်တာက ကျန်းမာရေးအရ (နော်မယ်) ပါဘဲ။ Aisle တလျှောက် လူးလာ ခေါက်တုံ လူလုံးပြသလို လုပ်တာက လေယာဉ်မယ်လေးတွေနဲ့လဲ အပြန်အလှန် ပြုံးပြနိုင်တာမို့ ကိုယ်ရောစိတ်ပါ ကျန်းမာရေးနဲ့ ညီညွတ်စေပါတယ်။

Dr. တင့်ဆွေ
၂၈-၆-၂ဝ၁ဝ

Saturday, June 19, 2010

Cancer 12 Facts သိသင့်သော ကင်ဆာ အချက် ၁၂ ချက်

• 20,000 people in the world die daily due to cancer
• 1 in 8 deaths that occur in the world is due to cancer
• Cancer deaths outnumber deaths due to AIDS, Tuberculosis and Malaria combined

• 12 million new cases of cancer will be diagnosed by the end of 2007
• Cancer death toll will be 7.6 million by end of 2007
• Cancers of the Lung, Prostate and Stomach are the most commonly diagnosed cancers in men
• Cancers of the Breast, Cervix and Colon are the most commonly diagnosed cancers in women
• Relative risk of developing breast cancer is doubled if there is a history of a first degree relative having the cancer.
• Pap smear for cervical cancer is the single best cancer screening procedure
• Lifetime risk of an American man developing an invasive cancer is 45%
• Relative risk of a smoker developing lung cancer
is 23 times higher than that of a non-smoker.
• Tobacco use is the major preventable cause of cancer in the world.
• In developing countries more deaths occur due to diarrheal disease than due to cancer.
• Heart disease is still the no.1 Killer in the world.

Monday, June 14, 2010

Diarrhea ဝမ်းတလုံးကောင်း ခေါင်းမခဲ (၁)

မဖြစ်ဘူးသူ မရှိတဲ့ ရောဂါတွေထဲမှာ အဖြစ်အများဆုံးက ဘာလဲ။ မှန်အောင်ဖြေနိုင်သူတွေရော မှားသူတွေပါ ဝမ်းလျှောတာ မကြာမကြာ ဖြစ်ကြရတယ်။ ဘယ်ဆေး သောက်ရမလဲကိုလည်း လူတိုင်းလိုလိ်ုက ဆေးနည်း ပေးတတ်ကြသေးတယ်။ အရင်ကဆို ဗမာပြည်မှာ (သာလာဆပ်) သောက်ခိုင်းကြမယ်။ နောက်ပိုင်းလူတွေက ပိုသိလာကြတာမို့ ORS ဓါတ်ဆား ထုပ်ကို ညွှန်းမယ်။ စေတနာ ပိုသူတွေက (မက်ထရို) ကိုပါ အသောက် ခိုင်းချင်ခိုင်းလိမ့်မယ်။ မသိတသိနဲ့ နည်းနည်း သိတာတွေထဲက လွဲတာတွေ့ရင် ပြင်နိုင်အောင် ရေးပါရစေ။

ရောဂါနာမည်တွေက Diarrhea, Loose motion, GE, Traveler’s diarrhea အမျိုးမျိုး ခေါ်ပါတယ်။ တနေ့မှာ ၃ ခါထက် ပိုသွားရင် ဝမ်းလျှောတာလို့ WHO က ဦးတိကျတွေက သတ်မှတ်ပါတယ်။ အမှန်ကတော့ လူတိုင်း ကိုယ့်အကျင့်နဲ့ ကိုယ် ရှိကြတာပါ။ သွားနေကြထက် “ပိုရင်၊ ပြောင်းရင်” တခုခုဖြစ်ပြီလို့ သိလိုက်ပါ။ တခုခုလုပ်ပါ။

ဝမ်းပျက်-ဝမ်းလျှော ကို (ဗိုင်းရပ်စ်) ပိုးကြောင့်က အများဆုံး ဖြစ်စေတယ်။ အများဆုံးဆိုတာ တကယ့်အများဆုံး။ ၁ဝ ခါ ဖြစ် ၉ ခါ ဖြစ်စေတာ (ဗိုင်းရပ်စ်)ပါ။ ကြုံတုံးရေးရအုံးမယ်။ (ဗိုင်းရပ်စ်) ကြောင့်ဖြစ်တဲ့ တခြားရောဂါတွေကလည်း များတယ်။ HIV ပိုး၊ အသဲရောင် A, B, C ပိုး၊ တုပ်ကွေး၊ အအေးမိ၊ ကျောက်၊ ဦးနှောက်မြှေးရောင်၊ ဝက်သက်၊ ကြွက်နို့၊ (ပိုလီယို)၊ ခွေးရူး၊ စတာတွေပါ။ (ဗိုင်းရပ်စ်) ဆိုတဲ့ အင်မတန် သေးငယ်လွန်းလှတဲ့ ဒီအကောင်ကို အလွန်မတန် နာမည်ကြီးလှတဲ့ ဆရာဝန်တွေတောင်မှ မနိုင်ကြသေးပါ။

Virus ကြောင့် မဟုတ်ရင် (ဗက်တီးရီးယား) ကြောင့် ဝမ်းပျက်စေပါတယ်။ (ပါရာဆိုက်) ဆိုတဲ့အကောင်တွေလဲ ပါသေးတယ်။ ဘယ်က ဝင်သလဲ။ ပါးစပ်ကနေဝင်တာ။ ပါးစပ်ထဲ ဘာထည့်ကြလဲ။ အစားအသောက်နဲ့ ရေ။ ကလေးငယ် ဆိုရင် တွေ့ကရာထည့်တာ။ ဘယ်အကောင် ဝင်လာလာ အူသိမ်ကို ရောင်စေတယ်။ အစာအိမ်ရော အူပါ ရောင်ရင် GE ခေါ်တယ်။ ရောင်လာရင် လှုပ်ရှားတာ ပိုမြန်လာတယ်။ အူတွေ လှုတ်လွန်းတာ နားကြပ်မပါဘဲ လူနာကိုယ်တိုင် သိတယ်။ ဗိုက်နာမယ်။ စားလိုက် သောက်လိုက်တဲ့ အစာနဲ့ ရေကို ကောင်းကောင်း စုပ်မယူနိုင်တော့ဘဲ၊ ဝမ်းထဲပါသွားမယ်။ ဝမ်းသွားရတဲ့ အကြိမ်တွေ များမယ်။

လူဆိုတာက ရေကို စုပ်တာဖြစ်ဖြစ်၊ ထုတ်တာဖြစ်ဖြစ် ဆားပါမှ လုပ်နိုင်တာ။ ရေတွေထွက်တော့ ဆားတွေပါ ထွက်တာပေါ့။ ဒါ့ကြောင့် ဝမ်းလျှော-ဝမ်းပျက်ရဲ့ မကောင်းကျိုးဆက်ဟာ ရေဓါတ်-ဆားဓါတ် ဆုံးရှုံးတာ ဖြစ်တယ်။ ဝမ်းသွားရင်း ရေတွေ အများကြီး ပါသွားတာက ကောင်းကျိုး တမျိုးတော့ ရတယ်။ ပိုးတွေပါ ပါသွားတာကိုး။ ဒါ့ကြောင့် ဝမ်းပိတ်ဆေးကို အလွယ် မသုံးသင့်ကြဘူး။ ပြောခဲ့သလို (ဗိုင်းရပ်စ်) ကို သတ်တဲ့ဆေးက မရှိဘူး။ ဓါတ်ဆားထုပ်သာ အရင်လုပ်ပါ။

ဆေးလိုလို့ သုံးရင် Loperamide (Imodium, Kaopectate II) ကို ၄ မီလီဂရမ်၊ ၂ ပြား စသောက်ပြီး၊ ဝမ်း ၁ ခါ သွားတိုင်း၊ ၁ ပြား သောက်နိုင်တယ်။ အာခေါင်ခြောက်၊ ခေါင်းနဲနဲမူးတာသာ ဖြစ်တတ်တယ်။ Lomotil ကိုတော့ တခါသောက် ၂ ပြား၊ တနေ့ ၃-၄ ကြိမ်။ တခြား ဆေးတွေကတော့ Bismuth Subsalicylate, Diphenoxylate and Atropine, Tincture of Opium (ဘိန်း)၊ Charcoal (မီးသွေး) စတာတွေ ဖြစ်တယ်။ ဘိန်းလည်း အရမ်းမစားနဲ့ မီးသွေးလဲ အရမ်းမဝါးနဲ့။

ဝမ်းသွားတာအပြင် နဲနဲဖျားတာ ရှိမယ်။ သွေး-အကြိအချွဲပါမယ်၊ တပြည်တရွာ သွားရင်းဖြစ်မယ် ဆိုရင် (ဗက်တီးရီးယား) ကြောင့် ဖြစ်နိုင်တယ်။ ORS အပြင် ပိုးသေစေမဲ့ဆေးကို သေခြာပေါက် သောက်ရမယ်။ Septrin လို့ လူသိများတဲ့ဆေး Co-trimoxazole ကို (ဆာလ်မိုနဲလား) ကြောင့် ဝမ်းပျက်တာ။ (ရှီဂဲလား) ဝမ်းကိုက်တာတွေမှာ သုံးနိုင်တယ်။ ၂ နှစ် အောက် ကလေးတွေကိုတော့ မပေးသင့်ဘူး။ ဒီဆေးက ယောက်ျား ဆီးအိမ်-ဆီးကြိတ်ရောင်၊ ကျောက်ကပ်ပြွန်ရောင်၊ ဆိုင်းနပ်စ်၊ နားကိုက်တာတွေ အတွက်ပါ သုံးပါသေးတယ်။

လူကြီး ဝမ်းပျက်ခြင်းအတွက် ဆေးများ
• Fluoroquinolones x 3-5 days
• Ciprofloxacin 500 mg BD x 3-5 days
• Norfloxacin 400 mg BD x 3-5 days
• Oflofacin 300 mg BD x 3-5 days
• Trimethroprim-Sulfamethoxazole TMP-SMX 10 mg/kg/day x 3-5 days
• Metronidazole 15 mg/kg divided TDS (maximum = 1000 mg/day) for 5-10 days
• Loperamide 3 mg stat 2 mg/diarrhea maximum 16 mg/day

Antiemetic အအန်သက်သာဆေးများ
• Promethazine 25 mg IM/IV/PR QID
• Prochlorperazine 10 mg IV/IM
• Metoclopramide 10-20 mg (1 mg/kg)

ကလေးဝမ်းပျက်ခြင်း
(1) (ဗိုင်းရပ်စ်) ကြောင့် ဝမ်းပျက်ခြင်းများ
• Roravirus, Enteric Adenovirus, Norwark ဝမ်းရေလိုသွားမယ် ဓါတ်ဆားသာလိုတယ်။

(2) (ဗက်တီးရီးယား) ကြောင့် ဝမ်းပျက်ခြင်းများ
• Campylobacter jejuni ဖျား၊ ဗိုက်နာ၊ ဝမ်းအရည်၊ သွေးပါ၊ Erythromycin 20-40 mg/kg/day
• Shigella ဖျား၊ ဗိုက်နာ၊ အချွဲပါ၊ ခေါင်းကိုက်၊ TMP-SMX 10 mg/kg/day x 3-5 days or Ampicillin
• Salmonella ဖျား၊ သွေးပါ၊ TMP-SMX 10 mg/kg/day x 3-5 days
• E coli, Entrotoxigenic, Enterohemorrhagic ဝမ်းအရည်ပါ၊ ဝမ်းကိုက်၊ TMP-SMX 10 mg/kg/day x 3-5 days
• Vibrio cholera, Yersinia enterocoliticus ဆန်ဆေးရည်လိုဝမ်းသွား၊ ဖျား၊ အန်၊ ဗိုက်နာ၊ TMP-SMX 10 mg/kg/day x 3-5 days
• Clostridium difficile, Staplococcus aureus အစာဆိပ်သင့် ပဋိဇီဝဆေးသောက်ထား၊ Metronidazole 15 mg/kg

(3) ပါရာဆိုက်ကြောင့် ဝမ်းပျက်ခြင်း၊
• Giardia lamblia ဝမ်းပျက်၊ လေချည်တက်၊ Metronidazole 15 mg/kg
• Entamoeba histolytica သွေးပါ၊ ချွဲပါ၊ ဗိုက်နာ၊ နောက်ဆက်တွဲ အသဲရောင်၊ Metronidazole 15 mg/kg

Furazolidone ဆေးကိုတော့ (ဂိုင်ယာဒီးယား) ပိုးဝင်လို့ ဝမ်းပျက်တာ၊ (ဗက်ဆလရီ) ဝမ်းကိုက် နဲ့ ခရီးသွား ဝမ်းပျက်တာတွေအတွက် ပေးနိုင်တယ်။

Metronidazole (မက်ထရို-နိုက်ဒါဇိုးလ်) ဆိုတဲ့ဆေးက ရောဂါအတော်များများအတွက် သုံးနိုင်တယ်။ (GE) အစာလမ်း ရောင်တာ၊ ခရီးသွားဝမ်းပျက်တာ၊ (ဂိုင်ယာဒီးယား) ပိုးဝင်လို့ ဝမ်းပျက်တာ၊ (အမီးဘား) ဝမ်းကိုက်တာ၊ (အမီးဘား) သွားဖုံး ရောင်တာ၊ (အမီးဘား) အသဲပြည်တည်တာ၊ လေမကြိုက်တဲ့ပိုးကြောင့် အူမကြီးရောင်တာ၊ မွေးလမ်းကြောင်း ရောင်တာ၊ တင်ပါးဆုံအတွင်း အင်္ဂါတွေ ရောင်တာ၊ ဦးနှောက် ပြည်တည်နာ၊ ဆီးပြွန်ရောင်တာတွေ အတွက်ပါ ပေးတယ်။ ရောဂါ မတူရင် ဆေးအဆ မတူပါ။ ၁ ပြား ၃ ကြိမ် ကနေ ၂ ပြား ၃ ကြိမ်အထိ ပေးရတယ်။ ကိုယ်ဝန် နုသေးရင် မပေးသင့်ဘူး။ နို့တိုက်နေရင် နို့ထဲပါတယ်။ ဘေးထွက်ဆိုးကျိုး အမျိုးမျိုးရှိတယ်။ ပျို့-အန်၊ ဗိုက်နာ၊ ဆီးနီ၊ အစားပျက်၊ ကိုယ်ပူမယ်။ တကယ် မလိုဘဲ မသောက်ပါနဲ့။

ORS ဓါတ်ဆားထုပ်ကို ပါးစပ်ကနေ နိုင်အောင် ဖြည့်မပေးနိုင်ရင် သွေးကြောထဲကနေ သွင်းရမယ်။ လူကို ကြည့်ရင် ပြော့ခွေနေမယ်။ မျက်တွင်းချိုင့်-ငယ်ထိပ်ခွက်နေမယ်။ လက်နဲ့ ဗိုက်က အရေပြား မ, ကြည့်ရင် တော်တော်နဲ့ အောက်ကို ပြန်မကျဘူး။ ခြေ-လက် အေးစက်နေမယ်။ လက်ကောက်ဝတ် သွေးခုန်တာ စမ်းလို့ခက်၊ စမ်းမရဖြစ်မယ်။ သွေးဖိအားကျ၊ တိုင်းမရ။ အရေးကတော့ ပေါ်ပြီ။ အသက်လုရပါတော့မယ်။

RL ဆိုတဲ့ Drip က ORS ပါဘဲ။ များများသွားရင် မြန်မြန်သွင်းပါ။ အကြိမ်များတာထက် ပြောခဲ့တဲ့ လက္ခဏာတွေက ပိုအရေးကြီးတယ်။ သွင်းတာ နှေးသေးရင် နှစ်လုံး တပြိုင်နက် သွင်းပါ။ တခါတလေ လက်နှစ်ဖက်၊ ခြေနှစ်ချောင်းကနေ Drips လေးစင်း တပြိုင်ထဲ သွင်းရတတ်တယ်။ ဒါမှ လေးဘက်နာတာ။ GE နဲ့ ကာလဝမ်းလိုဖြစ်ရင် လုပ်ရတတ်တာမျိုး။

Cholera ကာလဝမ်း ဖြစ်စေတဲ့ အကောင်တွေကနေ အဆိပ်လိုမျိုးပါ ထုတ်တယ်။ Secretory diarrhea ခေါ်တယ်။ အူနံရံက (ဆဲလ်) တွေထဲက ရေတွေပါ ထွက်သွားစေတယ်။ ကပ်ရောဂါတခု ဖြစ်တယ်။ အမြန်ကူးစက်လို့၊ နေရာတခုမှာ လူတွေ အများကြီးလာ ဖြစ်တယ်။ ရေနဲ့ဓါတ်ဆား နိုင်အောင် ပြန်မဖြည့်နိုင်ရင် သေတယ်။

ရွာတရွာမှာ ကာလဝမ်းဖြစ်တယ်။ တချို့သေကုန်ကြပြီ။ အဖိုးကြီးတယောက် သားတွေ၊ သမီးတွေက အစားအသောက် ဆင်ခြင်ဘို့ ပြောတာ နားမထောင်ဘူး။ သူ့မှာ အားကိုးစရာ ရှိတာကိုး။ ဗေဒင်က “သူများသတ်လို့သာ သေရမယ်” လို့ ဟောထားတာ။ ဝမ်းရောဂါကအစ ဘာရောဂါမှ ဂရုစိုက်စရာ မလိုဘူးပေါ့။ ကူးပါလေရော၊ ဖြစ်ပါလေရော။ သေပါလေရော။ ကာလဝမ်းမို့ ချက်ချင်း သင်္ဂြိုလ်ကြရတယ်။ အကာလညအခါ ဖျာလိပ်ထဲမှာထည့် သင်္ချိုင်းကုန်းပို့ရတယ်။ သုဘရာဇာများက မူးချိန်ပေါ့။ အဖိုးကြီးအလောင်း တွင်းထဲပြစ်ချ၊ အရက် ဆက်ချနေလိုက်ကြတယ်။ အဖိုးကြီးက တကယ် မသေသေးဘူး။ Coma-like state မြောနေတယ် ခေါ်တာမျိုးပေါ့။ သတိပြန်ရလို့ မြေကျင်းထဲက ထလာတော့တယ်။ အရက်မူးမူးနဲ့ သုဘရာဇာတွေက တစ္ဆေမှတ်ပြီး၊ ပေါက်ပြားနဲ့ ခေါင်းချလိုက်တာ အခုမှ တကယ်သေပါလေရော။ မှန်လိုက်တဲ့ ဗေဒင်။

ဝမ်းရောဂါ ကင်းစင်ကြပါစေ။

Dr. တင့်ဆွေ
၁၄-၆-၂ဝ၁ဝ

Friday, June 11, 2010

Gastric cancer အစာအိမ်ကင်ဆာ

ဆရာခင်ဗျာ ကျွန်တော် အစာအိမ်ကင်ဆာ အကြောင်း သိချင်လို့ပါ။ ဘယ်လို ကုသလို့လည်း ရပါသလည်း။ ပြီးတော့ ဘယ်လို ပြုမှုနေထိုင်သင့်သလည်း ဆောင်ရန် ရှောင်ရန်လေးပါ တစ်ချက်ပြောပါဆရာ။

“အစာအိမ်ကင်ဆာ” ကြောင့် တနှစ်မှာ လူပေါင်း ရှစ်သိန်း သေဆုံးနေရတယ်။ ကင်ဆာတွေထဲမှာ စတုတ္တအဖြစ်များဆုံး။ ကင်ဆာကြောင့် သေရတာထဲမှာတော့ ဒုတိယအများဆုံး။ တတိယနိုင်ငံတွေ၊ တောင်အမေရိက၊ အရှေ့ ဥရောပ၊ ဂျပန်၊ ကိုရီးယား၊ တရုတ် နိုင်ငံတွေမှာ ပိုဖြစ်တယ်။ ကျွန်တော်တို့ နိုင်ငံက တတိယထဲမှာတင် ရှိသေးလား၊ စတုတ္ထအဆင့် တက်ပြီလား မပြောတတ်ဘူး။ နောက်ပြီး သွေးအုပ်စု A မှာ ပိုဖြစ်တယ်။ O က အစာအိမ်လေနာ။

ဖြစ်စမှာ ဘာမှ မခံစာရလို့ရှိပြီး၊ သိတဲ့အချိန်ဆိုရင် နောက်ကျနေပြီလို့ ပြောနိုင်တယ်။ အစာမကျေသလို၊ အစားပျက်သလိုနဲ့ စတယ်။ နောက်ကြမှ ဗိုက်နာ၊ ပျို့ချင်-အန်ချင်၊ ဝမ်းပျက်၊ စားပြီးဗိုက်ကယ်၊ လူကပိန်လာ၊ အားယုတ်လာတယ်။ ဒီအထိက သိပ်ထူးတယ် မထင်ရသေးဘူး။ သွေးယိုတာနဲ့ အစာမြိူဘို့ ခက်လာမှ သတိထားသူတွေလည်း ရှိတတ်တယ်။ သံဓါတ်နည်း သွေးအားနည်းရောဂါ ရှိမှ သိရသူတွေလည်း ရှိတယ်။

Gastritis အစာအိမ်ကို (ဗိုင်းရပ်စ်) ဝင်တာ၊ Peptic ulcer လေနာဖြစ်တာတွေနဲ့ ဆင်သလို၊ ရောလည်းနေတတ်တယ်။ Helicobactor poloris ဆိုတဲ့ (ဗက်တီးရီးယား) ကနေဖြစ်တာလို့ အများအားဖြင့် လက်ခံယုံကြည်ကြတယ်။ ဒါ့အပြင် (အော်တို-အင်မြူးန်) ဆိုတဲ့ ခုခံစနစ် ကမောက်ကမဖြစ်တာ၊ မျိုးဗီဇ (၁ဝ%) ဆိုတာတွေပါ ဆက်စပ်နေသေးတယ်။ စားတဲ့ အစားအစာ အမျိုးအစား အပေါ်မှလည်း မူတည်နိုင်တယ်။ လက်ညှိုးထိုးခံရတဲ့ အစားတွေကတော့ မီးကင်ထားတဲ့ အသား-ငါး၊ အချဉ်ဖေါက်ထားတဲ့ အသီးအနှံတွေ ပါတယ်။ ဍရင်ကောက်ပင်ကို ထင်ကြတာလည်း ရှိတယ်။ ဒါတွေက သူများ တိုင်းပြည်တွေမှာ စားလေ့ရှိတာတွေပါ။ ကိုယ့်ဆီမှာ သူတို့နဲ့ မတူတာတွေ စားနေကြတာကို သုတေသန မလုပ်နိုင်ကြလို့ မသိရဘူး။

(အိုင်အိုဒင်း) ဓါတ်ဆား နည်းလွန်း-များလွန်း ရင်လည်း ဖြစ်တတ်သေးတယ်။ ဆေးလိပ်-ဆေးရွက်ကလည်း ဖြစ်စေတဲ့ အထဲမှာ ပါတယ်။ အစာအိမ်အပေါ်ပိုင်း ကင်ဆာ ရှိသူတွေထဲမှာ ဆေးလိပ် သောက်သူက များနေတာ သိသိသာသာ တွေ့ရတယ်။ အရက်လည်း ပါတာပေါ့။ ဒီအကျင့်တွေ များတာကလည်း ယောက်ျားတွေဆိုတော့ မိန်းမတွေထက် ပိုဖြစ်ကြတယ်။

သိထားဘို့က ကင်ဆာလိုရောဂါတွေက ဖြစ်စေတာ တိတိကျကျ မသိရသေးသမျှ ဖြစ်နိုင်တယ်ဆိုတာတွေက အတော် များလှတယ်။ “ပစ္စည်းပျောက် ငရဲရောက်။” ထင်တာတွေ လျှောက်တွေးသလိုဘဲ။

သွေးအုပ်စု အေ ဖြစ်တာနဲ့လည်း အစိုးရိမ် မကြီးနဲ့အုံး။ ရောဂါ ရှိ-မရှိစစ်ဆေးဘို့ Gastroscopic exam အစာအိမ်ထဲ ကင်မရာ ပါတဲ့ ကရိယာ ထဲ့ကြည့်တာ၊ Barium meal ဆေးမြိုပြီး ဓါတ်မှန်ရိုက်တာ၊ CT scanning ဗိုက်ကို (စကင်) လုပ်တာအပြင် အစာအိမ်ထဲက သံသယရှိတဲ့ အသားစ (တစ်ရှူး) ကို Biopsy လုပ်ရသေးတယ်။

အနု-အရင့် အဆင့်တွေခွဲတယ်။ ဒီဟာမှာ (၁) ကမစဘဲ၊ သုံညကစတယ်။ အစာအိမ်နံရံက လေးလွှာရှိတာ။ သုံညအဆင့်က အထဲဆုံး အလွှာမှာသာ ဖြစ်တာပါ။ ခွဲစိတ်နည်းနဲ့ ကုရတယ်။ Mucosal resection, Gastrectomy and Lymph-adenectomy တမျိုးမျိုး လုပ်တာပါ။

အဆင့် ၁။ နံရံ ၂-၃ ထပ်မှာ ရောက်နေတာကို သတ်မှတ်တယ်။ ဆိုင်ရာ Lymph nodes တက်စေ့တွေနဲ့ Omentum အမြှေးလွှာကိုပါ ခွဲစိတ်ထုတ်ပြစ်တယ်။ သေခြာအောင် 5-Fluorouracil ဆေးပေးတယ်။ ဓါတ်လည်းကင်ချင်ကင်မယ်။

အဆင့် ၂။ နံရံ ၂-၃ ထပ်မှာ ရောက်နေတာအပြင်၊ အနီးအနားက တက်စေ့တွေဆီကိုပါ ရောဂါရောက်နေပြီ။ ဒါမှမဟုတ် တက်စေ့မပါ လေးလွှာလုံး ရောက်နေတဲ့အဆင့် ဖြစ်တယ်။ အဆင့် ၁ ကို ကုသလိုဘဲ လုပ်ပေးတယ်။ သေခြာအောင် Neoadjuvant ကင်ဆာဆေးပါ ပေးတယ်။

အဆင့် ၃။ တတိယအလွှာနဲ့ ခပ်ဝေးဝေးက တက်စေ့တွေဆီပါ ရောဂါရောက်နေတဲ့အဆင့်။ ဒါမှမဟုတ် လေးလွှာလုံးအပြင် အနီးအနားက တစ်ရှူး (သရက်ရွက်၊ ဘေလုံး)၊ ပိုဝေးတဲ့ တက်စေ့တွေဆီအထိ ရောက်နေပြီ။ အဆင့် ၂ လိုဘဲ ကုပါတယ်။

နောက်ဆုံးအဆင့် ၄။ စောစောက အဆင့်တွေထက် ကျော်ပြီး၊ တခြားတက်စေ့၊ တခြားအင်္ဂါတွေဆီပါ ရောက်နေပြီ။ လေဆာနဲ့ ခွဲစိတ်တာ၊ 5-fluorouracil, Epirubicin, Etoposide, Docetaxel, Oxaliplatin, Capecitabine, Irinotecan ဆေးတွေ ပေးတယ်။

ဆေးပညာစာတွေ ရေးရတာက မမြင်ကွယ်ရာဖြစ်တာ၊ ရှက်စရာ သတ်မှတ်တာတွေလည်း ပါလို့ “အပြောမတတ်တော့ ဆဲသလို၊” မယဉ်ကျေးတာမျိုး ဖြစ်မှာစိုးရတယ်။ “ပရိတ်သတ် စုံတော့၊ ခြုံပြောရတာမို့ သိချင်တာနဲ့ ဒက်ထိမကျမှာမျိုး” ပါ သတိထားရတယ်။ နောက်ပြီး၊ စကားကြီး ခြောက်ခွန်းထဲက လေးခွန်းကို ပယ်ပြီး၊ အကျိုးရှိစေလိုလို့ နာလိုခံခက်ပါစေ၊ ပြောသင့်တယ် ဆိုပေမဲ့ ဆေးပညာစာ ရေးရတာမှာ တဝက်သာ မှန်ပါလိမ့်မယ်။

လူနာကနေဖြစ်ဖြစ် လူနာ့အမျိုးက ဖြစ်ဖြစ် မေးလို့ဖြေတာနဲ့ ပညာ-ဗဟုသုတ လိုချင်သူအတွက် ဖြေရတာ မတူရဘူး။ ဖြစ်ကြောင်း ကုန်စင် ရေးပြန်ရင် စိတ်ဓါတ်ကို ထိခိုက်စေနိုင်တယ်။ ထိန်ချန်တာလဲ ညာတာဘဲ။ စာတပုဒ်ကို ယေဘူယျ သဘောသာ ရေးရတာ။ အခြေအနေ မတူရင် ရောဂါဖြစ်စင် ကွဲလွဲတာ မပါဘဲနေမှာ စိုးရသေးတာ။ အကုန် ထည့်ပြန်ရင် လုံးချင်းစာအုပ် ထုတ်ရသလို ဖြစ်သွားနိုင်တယ်။ ဒီနေ့ခေတ်က သံခိပ်ရေးနည်းမှ ဖတ်ချင်သူများတယ်။

ရောဂါရှိမှန်း သိတဲ့နောက် အသဲကင်ဆာ ၆ လ၊ အစာအိမ်ကင်ဆာ ၁ နှစ်လို့ ရေးလိုက်ရင် လူနာကို ဆေးကုမပေးတဲ့ ဆရာဝန်က အဝေးကနေ နှိပ်စက်ရာ ကျနေမယ်။ ဆေးစာတွေမှာ ကံတရားကို မသင်ကြားပါ။ လောကမှာ ကံတရားက အခရာကျတယ်။ “လူတိုင်း ကံကောင်းကြပါစေ” လို့ ဆုတောင်းပါတယ်။

Dr. တင့်ဆွေ
၁၁-၆-၂ဝ၁ဝ

Wednesday, June 9, 2010

Hair Loss ဆံပင်ကြွတ်ခြင်း

A: Baldness (Alopecia) ဆံပင်ကြွတ်၊ ထိပ်ပြောင်၊ ကတုံး ဖြစ်ရတာက ယောက်ျားတွေမှာ ပိုပြီး အဖြစ်များပါတယ်။ နည်းနည်း ဖြစ်ပေမဲ့ များများ ခံစားရတာက အမျိုးသမီးတွေ ဖြစ်တယ်။ ဒါ သဘာဝကျပါတယ်။ ယောက်ျားတွေကတော့ ကတုံးမင်းသား Yul Brynner စတန့်မင်းသား Bruce Willis ဂျိမ်းစ်-ဘွန်းမင်းသား Sean Connery တို့နဲ့ ဆင်တယ်ဆိုပြီး၊ တချို့က ဂုဏ်ယူချင် ကြသေးတာကိုး။

Q: Hello Saya,
I would like to ask you about hair loss. I am 22 and I have been suffering terrible hair loss (from the head) since I came here. I can see and feel that my hair gets thinner and thinner. It's been over one year now while I am waiting for recovery.

But the loss rate is still the same. Some people say it is because of stress, some says because of changing region and hard water. But I think my body should be familiar with the water and food now after living here for more than one year. I took some antibiotic like Tinidazole because of inflammation of liver which was caused by bacteria from food. My hair was OK in my country even though I took those medicines. I would like to know why it happens to me in my current age and any remedies to cure for it. I am happy to answer any further questions about my past medical history if necessary. Thank you so much if you could answer the question or forward this mail to any doctor who specializes in this case.

ဘာလို့ ဖြစ်ရသလဲ။ မျိုးဇီဖ နဲ့ ပတ်ဝန်းကျင်တို့ကို လက်ညှိုးထိုးဘို့ ကြိုးစားကြပေမဲ့ တကယ်တော့ မသေခြာဘူး။ မျိုးရိုး လိုက်တာတောင် အမေရဲ့ အဖေဘက်ကလို့ ထင်ကြတယ်။ မတိကျပါ။ လေ့လာချက်တွေ အမျိုးမျိုးလုပ်၊ ကိန်းဂဏန်းတွေလည်း အမျိုးမျိုး ထုတ်ကြတယ်။

ဆံပင်ကြွတ်တဲ့ အကြောင်းတွေထဲမှာ ဆံပင်ကို တင်းနေအောင်ဆွဲပြီး၊ ဖီးတာ၊ ဆံပင်ပုံစံ လုပ်တာကနေဖြစ်တာ ပါတယ်။ (ပိုနီတေးလ်)၊ (ကောင်းန်-ရိုးလ်) လိုမျိုးပေါ့။ Trichotillomania ခေါ်တယ်။ ငယ်ရွယ်သူတွေမှာ ပိုဖြစ်တယ်။ ပြင်းတဲ့ ဆေးတွေနဲ့ ကုရလို့၊ ဓါတ်ကင်-ခွဲစိတ်ခံရလို့၊ အဆိပ်သင့်လို့ကြောင့်လည်း ဖြစ်ကြရတယ်။ Tinidazole ရဲ့ Side-effects တွေထဲမှာ ဆံပင်ကြွတ်တာ မပါပါ။ ကလေးဖွါးရလို့လည်း ဖြစ်သေးတယ်။ အမှန်က ကိုယ်ဝန်ဆောင်နေတုံး ဆံပင် ပိုထူလာရာကနေ၊ မွေးပြီးတော့ ပါးသွားရတာပါ။ ကလေးဖွါးပြီး ၃ လောက်နေ ဆံပင် ကြွတ်တတ်တယ်။ သံဓါတ် (သွေးအား) နည်းရင်လည်း ဖြစ်တတ်တယ်။ ကွက်ပြီး ဆံပင်ကြွတ်တာက (အော်တို-အင်မြူး) ရောဂါရလို့ ဖြစ်တယ်။ ချွေးထွက်အိပ်တွေမှာ အလုံးအကြိတ်-ကင်ဆာရောဂါ ရလို့လဲ ဖြစ်တယ်။

ဆေးကုမ္ပဏီတွေ အတော် အလုပ်ဖြစ်ကြတယ်။ တကယ်တော့ အောင်မြင်တာဟာ အကန့်အသတ်သာ ဖြစ်ပါတယ်။ ဆေးပညာအရ ဟုတ်ပါတယ်လို့ လက်ခံထားတဲ့ဆေးတွေက Finasterois (Propecia) နဲ့ Dutasteride (Avodart) ဆေးတွေပါ။ ဒီဆေးတွေက ယောက်ျားဆီးကြိတ်ကြီးရောဂါ BPH ကိုကုရတဲ့ Antiandrogen ကျားဟော်မုန်း ဆန့်ကျင် ဆေးတွေ ဖြစ်တယ်။ အခု Finasteride (Propecia) နဲ့ Minoxidil (Rogaine) တို့ကိုဘဲ အမေရိကားမှာ တရားဝင် ထုတ်လုပ် ရောင်းချခွင့် ရှိတယ်။

Minoxidil (Rogaine) ဆေးက ဆံပင်အတွက်သက်သက် လိမ်းဆေးဖြစ်တယ်။ အရက်ပြန်ပါလို့ ဦးရေခြောက်ပြီး Dandruff ဘောက် ဖြစ်စေတတ်တယ်။

ကြော်ညာတွေကလည်း များသလားမမေးနဲ့။ (ဝက်ဘ်-ဆိုက်တ်) တမျက်နှာကို နမူနာပြရရင် Avacor for Women Monthly Packages, Bao Shi Womens Herbal Hair Vitamins, Follicare Set Hair Loss Kit for Women with Minoxidil, MelanPlus Gray Hair Vitamins for Women, Minoxidil 2%, NuHair: Hair Growth for Women, Shen Min for Women Vitamins, Therapro Folligen Shampoo for Hair Loss in Women, Therapro MEDIceuticals Hair Gain Vitamins for Women ဒီဆေးတွေ တွေ့ရတယ်။

တကယ်တော့ ဆံပင်ပြန်ပေါက်ဘို့ထက် ရှိနေသေးတဲ့ဆံပင်ကို ထိန်းသိမ်းဘို့က လက်တွေ့ကျတယ်။ ပုံမှန် (အေရိုးဘစ်) လေ့ကျင်ခန်းလုပ်၊ စိတ်ဖိအားများတာ လျှော့ချနည်း၊ Immuno-suppressants ဆိုတဲ့ ခုခံအားနှိမ်လိမ်းဆေး၊ Cosmetic transplant surgery အလှပြုပြင်နည်းတွေတော့ ပေါ်လာနေပါတယ်။ ဆံပင်ကို ဆီးပူလိမ်းကုနည်း၊ မသခြာတဲ့ ဆေးလိမ်း ကုနည်းတွေကို ရှောင်သင့်သည်။ နောက်ဆုံးတော့ လူမမြင်အောင် ဖုံးထားနည်းတွေ လုပ်ကြတယ်။ နောက်ဆုံးရဲ့ နောက်ဆုံးကတော့ ကတုံးတုံးလိုက်တာပါ။

အမျိုးသမီးတွေ G.I. Jane ထဲက Demi Moore, Alien ထဲက Sigourney Weaver, V for Vendetta ထဲက Natalie Portman နဲ့ Empire Records ထဲက Robin Tunney တို့ကို အားကျရင်လဲ ကုစရာမလိုဘူးပေါ့။

ဒီလိုဖြစ်သူတွေမှာ စိတ်ထိခိုက်မှု ရှိတတ်တယ်။ ကျား-မဆက်ဆံရာမှာလည်း ထူးတာရှိတတ်တယ်။ ထိပ်ပြောင်ရင် ယောက်ျား ပိုပီသတယ်တဲ့။ သုတ်လွှတ်ရတာများသူမှာ ပြောင်တယ်တဲ့။ ကိုယ့်ဆံပင်ကောင်းနေတာ နုတ်မပြစ်နဲ့။ ရီစရာ ပြောတာတွေကလည်း ရှိသေးတယ် ပြောင်နေတဲ့ခေါင်းကို အမြဲအောက်စိုက်ထားရင် ပျောက်မယ်တဲ့။

အကြောင်းတွေထဲမှာ နေမကောင်းပြီး ဆံပင်ကြွတ်တာလဲ ပါတယ်။ ရုပ်-စိတ် ဖိစီးတာကြောင့်ဆိုရင် ရောဂါပျောက်၊ စိတ်ပြန်တည်ငြိမ်ရင် ပြန်ကောင်းမှာပါ။ လည်ပင်းကြီး ဟော်မုန်း နည်းလို့ရော၊ များလို့ပါ ဖြစ်တတ်တယ်။ နဖူးပိုင်းနဲ့ မျက်ခုံးမွှေး အပြင်ပိုင်းတို့မှာ အများအားဖြင့် ဖြစ်ရတယ်။ ကျား-မ ဟော်မုန်း နှစ်မျိုးလုံးနဲ့ ဆိုင်တာမို့ အပြောင်းအလဲရှိရင် ဖြစ်စေတယ်။ ရာသီမမှန်၊ ကိုယ်ဝန်တားဆေး၊ ကိုယ်ဝန်ဆောင်၊ ကလေးမွေး၊ ဆေးဝါး စတာတွေကြောင့် ဟော်မုန်း အပြောင်းအလဲတွေ ဖြစ်စေတယ်။

Anticoagulants သွေးကျဲဆေး၊ ဂေါက်ဆေး၊ ဗီတာမင် A များသွားရင်၊ သွေးတိုးကျဆေးတချို့၊ နှလုံးရောဂါဆေး တချို့၊ စိတ်ကျဆေးတချို့ စတာတွေကြောင့်လည်း ဖြစ်နိုင်တယ်။ မှိုပိုး Fungal infections ကြောင့်လည်းဆံပင် ကြွတ်တယ်။ ဆီးချိုရှိနေရင်၊ (လူးပတ်စ်) ရောဂါတွေက ဖြစ်စမှာ ဆံပင်ကြွတ်တာနဲ့ စတတ်တယ်။ ဒါတွေကို ပြင်ပါ၊ စစ်ပါ၊ ကုပါ။

ဆံပင်ဖီးတာ ကြမ်းတမ်းလို့ရှိရင် ဖြစ်တတ်လို့ မလုပ်တော့ရင် ကောင်းပေမဲ့ ကြွတ်တဲ့နေရာက အမာရွတ် ဖြစ်သွားတဲ့အထိ ဆိုးသွားခဲ့ရင် အဲဒီနေရာမှာ ပြန်မပေါက်တော့ဘူး။ ဒါ့ကြောင့် ဆံပင်ဖီးတာကအစ ဘာလုပ်လုပ် သပ်သပ်ရပ်ရပ်၊ ညင်ညင် သာသာ လုပ်တဲ့အကျင့် မွေးယူဘို့-သင်ပေးဘို့ ကောင်းတယ်။ ရေစိုနေတုံး၊ ဆွပင်ခြောကနေတုံး ဘီးဖြီးတာမှာ သတိနဲ့လုပ်ပါ။ မိခင်တွေ အဒေါ်တွေစကား နာထောင်ပါ။ ဘီး အစိတ်-အကျဲအနေတော်တာ ရွေးဘို့လိုတယ်။ ခေါင်းသုံးဆီကအစ သဘာဝပစ္စည်းထက် ကောင်းတာ ရှားလှတယ်။

ကိုယ့်ဆံပင်ကိုယ် ယုယုယယ၊ စိတ်ထဲကပါ ကြင်နာမှုထားပြီး၊ ဖီးလိမ်း၊ ပြုပြင်တာ အလွန်ကောင်းတဲ့နည်း ဖြစ်တယ်။ သစ်ပင်-ပန်းပင်တွေကိုတောင် စကားပြော၊ သီချင်း-ဂီတ လုပ်ပေးတာနဲ့ တုံ့ပြန်နိုင်စွမ်းရှိတယ်။ အနာကို စိတ်နဲ့တောင် ကုလို့ ရနိုင်တယ်။ “ပျောက်စေရမယ်။ ပျောက်လာနေပြီ၊ အနာရဲ့ဘယ်နေရာက တစတစနဲ့ ဘယ်လို ကောင်းလာနေပြီ” ဆိုပြီး အာရုံထား၊ အမိန့်ပေး၊ စေခိုင်းသလို Suggestion ပေးနေရင် တကယ် ကောင်းလာ စေနိုင်တယ်။ ဆံပင်ကိုလဲ ကုစရာ၊ လုပ်စရာတွေနဲ့အတူ ဒီနည်းပါ ကြိုးစားသင့်တယ်။ ကိုယ့်စိတ်က ခိုင်မာ၊ တည်ငြိမ်၊ သမာဓိ ရှိအောင် အရင် ပြုစုပျိုးထောင်ပါလေ။

Dr. တင့်ဆွေ
၉-၆-၂ဝ၁ဝ

Tuesday, June 8, 2010

Arthritis အဆစ်နာ

“လေးဘက်နာ” ကို ဖတ်ရာကနေ မေးလာတာတွေရှိလို့ အဆစ်နာကို ထပ်ဖြည့်လိုက်ပါတယ်။ အဆစ်နာ အမျိုးပေါင်း ၂ဝဝ ရှိတယ်။ အကြီး-အငယ်၊ အရွယ်မရွေး၊ ကျား-မ မရွေး ဖြစ်တယ်။ တကိုယ်လုံးအနှံ့ ဖြစ်တယ်။ Osteoarthritis အဆစ်ကို အသုံးချတာ များရာကနေ ကြာတော့ ပွန်းပဲ့ ဟောင်းနွမ်းရာကနေဖြစ်တာမျိုး။ Rhumatoid arthritis ခုခံအားစနစ်ကြောင့် ဖြစ်တယ်။ Juvenile arthritis ကလေးတွေမှာဖြစ်တာ ဆိုပြီး သုံးမျိုးခွဲနိုင်တယ်။

(က) ဆေးပေးကုသနည်း
အဓိက စားဆေး လေးမျိုးရှိတယ်။
(၁) Analgesics အနာသက်သာဆေး။ Aspirin, Paracetemol, Ibuprofen တို့ဖြစ်တယ်။ Aspirin နဲ့ Ibuprofen က အရောင်ကျတာမှာ ပိုကောင်းတယ်။ ပိုပြင်းတဲ့ အနာသက်သောဆေးတွေက Codeine နဲ့ Diamorphine တို့ဖြစ်တယ်။
(၂) Anti-inflammatory medicines အရောင်ကျဆေး။ Non-steroidal anti-inflammatory drugs (NSAIDs) Ibuprofen, Indomethacin, Naproxen, Fenbufen, Piroxicam, Diclofenac နဲ့ Osteoarthritis အတွက်ပေးတဲ့ ဆေးသစ် Cox-2 inhibitors တွေ ဖြစ်တယ်။
(၃) Steroids (စတီရွိုက်)ဆေး။ ကိုယ်ထဲကနေ အလိုလိုထုတ်ပေးနေတဲ့ cortisone သဘာဝဟော်မုန်းဖြစ်ပြီး၊ အရောင်ကျစေတယ်။ သတိထားရမှာက ဘေးထွက်ဆိုးကျိုးတွေဖြစ်တယ်။ တခြားဆေးနဲ့မတိုးမှ သုံးတာကောင်းတယ်။
Disease-modifying medicines (DMARDs) ခုခံအားကြောင်ဖြစ်တဲ့ Rhumatoid arthritis နဲ့ Juvenile arthritis အဆစ်နာမျိုးအတွက် သုံးတယ်။ Methotrexate, Sulfasalazine, Gold (sodium aurothiomalate), Penicillamine နဲ့ Azathioprine တွေဖြစ်တယ်။
(၄) Biologic response modifiers (BRMS) ဆေးတွေက ဆေးသစ်တွေဖြစ်တယ်။ အလွန်ဆိုးတဲ့ Rheumatoid arthritis အဆစ်နာကိုသာပေးရာကနေ အခု တခြားအဆစ်နာတာကိုပါ ပေးလာတယ်။ အဆစ်ပျက်စီးမှာကို ကာကွယ်နိုင်လို့ ဖြစ်တယ်။ Etanercept, Infliximab နဲ့ Adalimumab ဖြစ်တယ်။ ဆေးဈေးကြီးတယ်။ ထိုးရ-သွင်းရတယ်။

ဆေး အချိုးအဆ၊ တခါသောက် ဘယ်လောက်၊ ဘယ်လောက်ကြာကြာ၊ အစာနဲ့နီး-ဝေး၊ ဘေးထွက်ဆိုးကျိုး၊ ဆိုတာတွေ သိထားပါ။ ဘေးထွက်ဆိုးကျိုးတွေက တယောက်နဲ့တယောက်၊ ဆေးတမျိုးနဲ့တမျိုး မတူဘူး။

(ခ) Physiotherapy (ဖီဇီယို-သာရာဖီ) အကြောကုနည်း
Electrotherapy လျှပ်စစ်သုံးကုတာ၊ Massage နှိပ်နယ်တာ၊ Acupuncture အပ်စိုက်တာတွေပါတယ်။ Hydrotherapy ရေနဲ့ကုနည်း၊ Occupational therapy အလုပ်အကိုင်မပျက်အောင်ကုသပေးနည်း။

(ဂ) Surgery for arthritis ခွဲစိတ်ကုသနည်း
ရောင်နေတဲ့ အဆစ်ဖုံးကို ထုတ်တာ။ နာနေတဲ့ အရွတ်အဖုံးကို ထုတ်တာ။ အရွတ်ကို ပြုပြင်တာ၊ အနာသက်သာအောင် အရိုးထုတ်ပြစ်တာ၊ အာရုံကြောဖြတ်ပေးတာ၊ အဆစ်တုထည့်ပေးတာ စသဖြင့် နည်းတွေပါတယ်။

(ဃ) Complementary therapies တခြားနည်း
• Acupuncture အပ်စိုက်ကုသနည်း၊
• Alexander technique ဘယ်လိုရပ်၊ ဘယ်လိုထိုင် ပညာပေးတာ၊
• Aromatherapy ပန်း၊ အပင်တွေကရတဲ့ အဆီသုံး ကုတာ။
• Herbalism အပင်တွေကရတဲ့ပစ္စည်းတွေသုံးကုတာ။
• Homeopathy (ဟိုမီယိုပသီ) နည်း။
• Osteopathy ကိုင်တွယ်နှိပ်နယ်ပေးတာ။ Osteoporosis နဲ့ ရောင်နေတဲ့ အဆစ်မျိုး မသုံးသင့်ပါ။
• Reflexology ခြေထောက်ကို နှိပ်ပေးနည်း။
• Yoga (ရောဂ) နည်း ကိုယ်-စိတ် လျှော့နည်း၊ အသက်ရှူနည်း၊
• အရိုး-အဆစ် အထူးကုဆရာတွေကနေ ရောဂါရှိလျက် နေတတ်၊ စားတတ်၊ သွားလာတတ်အောင်၊ စိတ်ပိုင်းမှာပါ ထားတတ်အောင်လည်း ကူညီပေးကြသေးတယ်။

• Rheumatism လေးဘက်နာ (၁) http://dts-medicaleducation.blogspot.com/2010/06/rheumatism_08.html
• Rheumatoid arthritis လေးဘက်နာ (၂) http://dts-medicaleducation.blogspot.com/2011/11/rheumatoid-arthritis.html

Dr. တင့်ဆွေ
၈-၆-၂ဝ၁ဝ

Friday, June 4, 2010

Varicose veins သွေးပြန်ကြောထုံးခြင်း

“အကြောပြတ်ခြင်း” ကို ဖတ်ပြီး၊ “အကြောထုံး” တာလည်း သိချင်တယ်ဆိုလို့။ နောက်တခါ “သားကြောဖြတ်” တာ ရေးရမလားဘဲ။

ဗမာစကားမှာ “အကြော” ဆိုတာကို အလွယ် သုံးတတ်ကြတယ်။ Nerve အာရုံကြော၊ Muscle ကြွက်သား၊ Tendon အရွတ်၊ အကုန် အကြောချည်းဘဲ ပြောတယ်။ တခါတလေ ဘာပြောတယ်ဆိုတာ မှန်းမရတတ်ဘူး။ “ရှက်ကြောပြတ်တာ” တာ့ ဆရာဝန်ရော၊ လူနာပါ အတူတူ သိကြတယ်။ တခြားလူမျိုးတွေက မသိကြရှာဘူး။

သွေးကြောဆိုတာ နှလုံးကနေ တကိုယ်လုံး ရောက်အောင်လွှတ်ပေးတဲ့ Artery သွေးလွှတ်ကြော နဲ့ ခန္ဓာကိုယ်အနှံ့ကနေ နှလုံးဆီကို ပြန်လာတဲ့ Vein သွေးပြန်ကြော ဆိုပြီး နှစ်မျိုးရှိတယ်။ Capillaries သွေးကြောမျှဉ်လေးတွေ ဆိုတာလည်း ရှိပါသေးတယ်။ မျက်စိနဲ့တော့ မမြင်နိုင်ဘူး။ Varicose veins သွေးကြောထုံးရောဂါက သွေးပြန်ကြောမှာ ဖြစ်တာပါ။

သွေးပြန်ကြော အတွင်းမှာ တဖက်သတ်သာ သွေးစီးအောင်လုပ်ပေးတဲ့ Leaflet Valves အဆို့ရှင်တွေ ရှိနေတယ်။ သွေးလွှတ်ကြောကတော့ နှလုံးက ညှစ်ပေးလို့ သွေးစီးသွားစေနိုင်ပေမဲ့၊ သွေးပြန်ကြောထဲက သွေးတွေ နောက်ပြန် မစီးအောင် သူတို့ကနေ လုပ်ပေးကြတယ်။ ဒီကောင်တွေ ကောင်းကောင်း အလုပ် မလုပ်တော့ရင် ဒီရောဂါ ရတယ်။ အမှန်က အကြောတွေ ထုံးနေတာတော့ မဟုတ်ဘူး။ ဖေါင်း-ရောင်-တွန့်နေတာပါ။ ခပ်ပြာပြာ၊ အရေပြားပေါ်မှာ ဖေါင်းကြွနေတာ။ အများဆုံး တွေ့နိုင်တာက ခြေသလုံး နောက်ဖက်မှာ။ ကြာလေ ဖေါင်းလေ။ ကြည့်မကောင်းတာအပြင် နာတတ်တယ်။ ယားတတ်တယ်။

အသက် ၅ဝ ကျော်ရင် ၂ ယောက်မှာ ၁ ယောက်လောက် အနည်းနဲ့အများ ရှိလာတတ်တယ်။ အမျိုးသမီးတွေမှာ ပိုများတယ်။ မျိုးရိုး လိုက်တတ်တယ်။ ကိုယ်ဝန်ဆောင်ရတာ၊ အဝလွန်တာ၊ သွေးဆုံးတာ၊ အသက်ကြီးတာ၊ အကြာကြီး ရပ်ရတာ၊ ခြေထောက် ခိုက်မိတာတွေကြောင့် ဖြစ်လာစေနိုင်တယ်။ Piles လိပ်ခေါင်းဆိုတာလည်း စအိုမှာ ဒီလိုသဘော ဖြစ်တာပါဘဲ။ ဒါ့အပြင် ခပ်ဆင်ဆင် Spider veins ပင့်ကူလို ဖြစ်နေတာလည်း ရှိတယ်။

ခြေထောက် ရောင်လာမယ်။ Cramps ကြွက်သား နာတာ ဖြစ်တတ်တယ်။ သူကို ခိုက်မိလို့ အနာဖြစ်ရင် ပျောက်ခဲလှတယ်။ အနာကို ခိုက်မိပြန်ရင် သွေးအလွန်ထွက်မယ်။ ခြေမျက်စိအနားမှာ ဖြစ်လေ့ရှိတယ်။ နှင်းခူနာလိုပါ ဖြစ်လာတတ်တယ်။ အသက်ကြီးသူတွေဆိုရင် Thrombophlebitis သွေးပြန်ကြောရောင်တာ ဖြစ်တတ်တယ်။ ပြဿနာ ကြီးတာက သိပ်ဆိုးမှပါ။ သွေးလျှောက်တာ နည်းလွန်းလာလို့။ လမ်းတောင် မလျှောက်နိုင်၊ မရပ်နိုင် ဖြစ်လာတယ်။ တချို့ကြ အနာက Carcinoma or Sarcoma ကင်ဆာ ပြောင်းသွားတတ် သေးတယ်။

ခြေထောက်မြှင့်ထားပြီး နားပါ။ Compression stockings ကြပ်အောင်စီမံထားတဲ့ ခြေအိမ်တမျိုး ဝတ်ထားပါ။ နာတာကို Ibuprofen သောက်ရတယ်။ Aspirin ကတော့ သွေးခဲတာအတွက်ပါ ကောင်းတယ်။ အစာလမ်း သွေးမယိုအောင်တော့ သတိထားပါ။ သွေးခဲတာဖြစ်ရင် သွေးမခဲဆေး Anti-coagulation ပေးမယ်။ Thrombectomy, Foam Sclerotherapy အခဲကိုခွဲထုတ်တာ လုပ်ရတယ်။

သွေးကြောထုံးတာကို သမားရိုးကျ ခွဲစိတ်နည်းက Vein stripping ဖြစ်တယ်။ ဖြစ်တဲ့သွေးပြန်ကြောကို ခွဲထုတ်ပြစ်တာပါ။ ခေတ်ပေါ်နည်းကတော့ Ultrasound သုံးပြီး Sclerotherapy နဲ့ ရေဒီယိုလှိုင်းသုံးတဲ့ Radiofrequency ablation နောက်ပြီး လေဆာသုံးတဲ့ Endovenous laser နည်းတွေဖြစ်တယ်။ ခြေထောက်ကနေ နှလုံးဆီကို ပြန်လာတဲ့ သွေးတွေရဲ့ ၉ဝ% က အတွင်းပိုင်းက သွေးပြန်ကြောတွေကနေ လုပ်ပေးတာမို့၊ သွေးကြောထုံး ဖြစ်စေတတ်တဲ့ အပေါ်ယံ သွေးပြန်ကြောကို ခွဲစိတ်ထုတ်ပြစ်တာ ပြဿနာမကြီးဘူး။

ခြေထောက် အဖျားပိုင်းကို မြှင့်ထားပြီး နားပါ၊ ထိုင်နေရင်လည်း ခြေထောက်တွေကို ချိတ်မထားနဲ့။ အောက်ပိုင်း အဝတ်အစား ခပ်ချောင်ချောင်ဝတ်။ ထမီ နဲ့ ဂါဝန်။ စကပ်လည်းရတယ်။ မတိုစေနဲ့ အကြောထုံးတာ လူမြင်မယ်။ အဝ မလွန်၊ အလွန် မဝစေနဲ့။ ရပ်ရတဲ့ အလုပ်မှန်သမျှ ရှောင်။ မတ်တတ်ရွာကလူတွေ သတိထား။ မရပ်ရအောင် ရေတောင် မချိုးနဲ့ ရေဘဲကူး။ ရှူပေါက်ရင်လည်း ရပ်မပေါက်နဲ့။ အမျိုးသမီးတွေ အဖြစ်များတာ ဒါ့ကြောင့်တော့ မဟုတ်ဘူး။ ကိုယ်ဝန်မဆောင်နဲ့။ သွေးမဆုံးစေနဲ့။ အသက် မကြီးစေနဲ့။

• Varicose Veins and Spider Veins သွေးပြန်ကြောထုံးခြင်းများ http://dts-medicaleducation.blogspot.in/2012/04/spider-veins-and-varicose-veins.html

Dr. တင့်ဆွေ
၎-၆-၂ဝ၁ဝ

ESL အင်္ဂလိပ်စာ

ကျောင်းစဖွင်ပြီလို့ရေးတော့ မေးပါတယ်။ ဘာသင်တဲ့ကျောင်းလဲ ဆရာတဲ့။  ကျောင်းအကြောင်း နည်းနည်း နည်းနည်း ရေးထားပြီး။ တယောက်က မေးဖူးတယ်။ အခုမှ...