ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာ အတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည် သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာ မေးပါ။
• အီးမေးလ် အခက်အခဲရှိလို့ Facebook Comment မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://dts-medicaleducation-adult.blogspot.in/ အသက် (၁၈) နှစ်ပြည့်မှဖတ်ပါ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Monday, September 9, 2013

Influenza (Flu) တုပ်ကွေး

(၁) Mon, Sep 9, 2013 at 12:43 PM
ဆရာခင်ဗျာ။ တုတ်ကွေးရောဂါနဲ့ပတ်သက်တာလေးတွေ ညွှန်းပေးပါ။

(၂) တုပ်ကွေးဖြစ်နေရင် Paracetamol တစ်ခုပဲ သောက်ရတာလား အများအားဖြင့် ဆရာတွေက အဲဒီဆေးပဲ ညွန်းကြတယ်ကော ကျေးဇူးတင်ပါတယ်ဆရာ။

တုပ်ကွေးကလည်း အခုခေတ်မှာ “လေးကောင်ဂျင်ရောဂါ” လား မေးရတော့မယ်။ အကောင်နာမယ်တွေနဲ့ ပြောကြတယ်။ ကြက်-ဝက်-ဆင်-မျောက်။ ဘာနာမယ်ဖြစ်ဖြစ် ဗိုင်းရပ်စ် ကနေဖြစ်တာချည်းပါဘဲ။ ဆရာဝန်တွေ သိပ်မနိုင်သေးတဲ့ အကောင်ပေါ့။ ဒီအကောင်ကို မနိုင်ပေမဲ့ မကူးစေအောင်နဲ့၊ ခံချနိုင်အောင်လောက်တော့ ရပါတယ်။

တုပ်ကွေးကို Flu (ဖလူး) လို့လဲ ခေါ်တယ်။ အင်မတန် ကူးစက်မြန်လှတယ်။ RNA virus အုပ်စုထဲက ဗိုင်းရပ်စ်တွကြောင့်ပေါ့။ လူတွေအပြင် ငှက်တွေရော နို့တိုက် သတ္တဝါတွေမှာလည်း ကူးတယ်။ အေ၊ ဘီ၊ စီ ဆိုပြီး မတူတာလေးတွေ ရှိသေးတယ်။ Influenzavirus A ထဲကနေမှာ နာမည်ကြီးလာတာက H1N1 ဆိုတဲ့ အကောင်ဘဲ။ ၁၉၁၈ တုံးက စပိန်မှာ စနာမည်ကြီးခဲ့တယ်။ ၁၉၅၇ မှာ အာရှတိုက်၊ ၁၉၆၈ မှာ ဟောင်ကောင်၊ အခုဖြစ်နေတာက တကမ္ဘာလုံး။

မူလလက်ဟောင်း တုပ်ကွေးအကြောင်းဘဲ ရေးပါမယ်။ မလွဲမသွေဖြစ်မှာက ဖျား၊ ချောင်းဆိုးနဲ့ နှာခေါင်း ပွစိပွစိဖြစ်တာ။ ချမ်း၊ ကိုယ်ပူ၊ လည်ချောင်းနာ၊ ကြွက်သားနာ၊ ခေါင်းကိုက်၊ အားယုတ်၊ မအီမသာဖြစ်၊ ပျို့-အန်။ ဝမ်းပျက်ရင် အစာအိမ်-တုပ်ကွေးလဲ ခေါ်တယ်၊ ၂၄ နာရီ တုပ်ကွေးလဲ ခေါ်တယ်။ သူနဲ့ ရုပ်ချင်းခွဲမရအောင် တူတဲ့ အအေးမိတာထက် ပိုဆိုးသွမ်းတယ်။ အပူချိန် ပိုများတယ်။ အားပိုယုတ်တယ်။

ရောဂါကူးနည်း ၃ နည်း ရှိတယ်။ (၁) ဖြစ်နေသူ ချောင်းဆိုး-နှာခြေလို့ ထွက်တာတွေ လေထဲပါနေတာကို ရှူမိရင်၊ (၂) ချောင်းဆိုး-နှာခြေတာတွေက တခြားလူရဲ့ မျက်စိ၊ နှာခေါင်း၊ ပါးစပ်ထဲ ဝင်မိရင်၊ (၃) လက်ကနေ မျက်စိ-နှာခေါင်း-ပါးစပ်ထဲ ဝင်တာကြောင့်ပါ။ လူတယောက် နှာချေတာထဲမှာ ဝ့၅ ကနေ ၅ μm သာရှိတဲ့ အမှုံပေါင်း လေးသောင်းပါနိုင်တယ်။ μm ဆိုတာ တမီတာရဲ့ တသန်းပုံတပုံသာရှိတာကို ခေါ်တယ်။ ဒါ့အပြင် ရောဂါသည် ငှက်က ချေးပါချတာ ခံရရင်။ ကံ အတော် မကောင်းသူပေါ့ဗျာ။

တုပ်ကွေးအတွက် (ပါရာစီတမော) တခုထဲတော့ မဟုတ်ပါ။ ဆရာဝန်တွေ ဒိထက်မက တတ်ပါတယ်။ နှာစေးနေရင်၊ (အင်တီဟစ်စ်တမင်း) ပါတဲ့ဆေး၊ ချောင်းဆိုရင် ချောင်းဆိုး ပျောက်ဆေး။ တခါထဲ ပြောပါအုံးမယ်၊ ချောင်းဆိုး ပျောက်ဆေး ဆိုတာ အမျိုးမျိုးရှိတယ်။ တံဆိပ်ကို ပြောတာ မဟုတ်ဘူး။ Dry cough ချောင်းခြောက်ဆိုးတာအတွက်၊ Expectorant ချွဲတွေ ထွက်အောင်အတွက်၊ လေပြွန်ကျဉ်းပြီး Asthma ပန်းနာလို ကြပ်နေတာအတွက်၊ Dissolvent ချွဲပျော်စေအောင်၊ ချောင်းဆိုးပျောက်ဆေး၊ ၃-၄ မျိုးရှိတယ်။ အားယုတ်ရင် ဗီတာမင်နဲ့ အစားအသောက်။ အနေအထိုင် ဂရုစိုက်ဘို့ကလည်း အရေးပါသေးတာ။ ကိုယ့်ဆီကနေ သူများ၊ သူများဆီကနေ ကိုယ့်ဆီ မကူးအောင်။ မရသေးရင် ကျောင်းတွေ ပိတ်ခိုင်းတာလဲ လုပ်ရသေးတယ်။ ကာကွယ်ဆေး ရှိတာမျိုးကြ ထိုးပေါ့။

တုပ်ကွေး Vaccine ကာကွယ်ဆေးလည်း ထိရောက်သင့်သလောက် ထိရောက်နေပါပြီ။ ကူးစက်ခံရနိုင်လောက်သူတွေကို ထိုးပေးသင့်တယ်။ ပေါ်တာ သိပ်မကြာသေးတဲ့ ဗိုင်းရပ်စ် ကုသဆေးကို စောစောပေးရင် ကောင်းတယ်။ Neuraminidase inhibitors နဲ့ M2 inhibitors (Adamantanes) ၂ မျိုးသုံးနေတယ်။

ကိုက်တာ၊ ဖျားတာအတွက် (ပါရာစီတမော) Acetaminophen/Paracetamol သောက်။ ကလေးဖြစ်ဖြစ်၊ လူကြီးမှာ လေနာရှိရှိ သောက်နိုင်လို့ပါ။ သွေးလွန်တုပ်ကွေး အတွက်လဲ စိတ်ချရတယ်။ ကလေးနဲ့ လူငယ်တွေကို Aspirin မပေးသင့်ဘူး။ ပဋိဇီဝဆေး မတိုးပါ။ တခုတော့ရှိတယ် တုပ်ကွေး မိနေရင်း ဗက်တီရီးယားကြောင့် နူမိုးနီးယား ရရင်တော့ ဒါပါပေးရမယ်။

အရက်လျှော့-ရှောင်၊ ဆေးလိပ်လျှော့-ရှောင်ပါ။ တုပ်ကွေးမိရင် နေရောင်က ကောင်းတယ်။ ပိုးကို သေစေနိုင်တယ်။ လက်ဆေး-ကိုယ်လက် သုတ်သင်တာ မကြာမကြာ လုပ်တာ ကောင်းတယ်။ တုပ်ကွေးမိသူ ရေများများ သောက်ရတယ်။

အပြင်းစားနဲ့ ညားရင် နူမိုးနီးယား ဖြစ်တတ်သေးတယ်။ အသက်ငယ်လွန်း၊ ကြီးလွန်းရင် ကံမကောင်း၊ အကြောင်းမလှ ဖြစ်ရတတ်တယ်။ တုတ်ကွေးကင်းတဲ့ ရာစုနှစ်ရောက်ဘို့ ဆရာဝန်တွေ စိတ်ကူးမယဉ်နိုင်ကြသေးပါ။

Chikungunya ဆင်ဖြူတော် တုပ်ကွေး http://dts-medicaleducation.blogspot.com/2010/10/chikungunya.html

Dr. တင့်ဆွေ
၂၃-၈-၂ဝ၁ဝ