ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာအတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည်သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာမေးပါ။
• အီးမေးလ် အခက်အခဲရှိလို့ Facebook message မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• Facebook Comment ကနေမေးတာ-ဖြေတာ အဆင်မပြေပါ။
စာရှည်ရေးမရပါ။ သူများတွေကို အနှောင့်အယှက်ဖြစ်နိုင်ပါတယ်။
• နာမ်စားသုံးတာမှာ ကိုယ်ကိုယ်ကို ‘သား’၊ ‘သမီး’ လို့ သုံးရင် မေးတဲ့သူရဲ့ သားသမီးလား ထင်မှတ်မှားနိုင်တာသတိပြုပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။ ကျွန်တော့်မှာ Viber မရှိပါ။ ဖေ့စ်ဘွတ် ဖုန်း-ဗီဒီယို အဆင်မပြေပါ။ Skype ကိုတော့ နိုင်ငံရေးနဲ့ မိသားစုအတွက်သာသုံးပါတယ်။
drswe01@gmail.com ကို (အီးမေးလ်) ပို့ပါ။

(ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်
- https://tintswe.wordpress.com/ Dr. Tint Swe ဒေါက်တာတင့်ဆွေ ဆေးပညာစာများ

Friday, January 14, 2011

Atrial Septal Defects (ASD) နှလုံး-အပေါက်

Jan 14, 2011 at 3:36 AM
ကျွန်တော်က အခု ၂၅ နှစ်ထဲမှာပါ။ အသက် ၂၁ တုန်းက ASD (Atrial Septal Defect) ခွဲဘူးပါတယ်။ ကျွန်တော်က အခု (့) နိုင်ငံက ကုမ္ပဏီတစ်ခုမှာ အလုပ်လုပ်နေတာပါ။ Computer modeling operator ပါ။ မိုးလင်း-မိုးချုပ် ကွန်ပျူတာ ရှေ့မှာ ထိုင်ရပါတယ်။ အပေါ့အပါးသွားရုံပဲ ထသွားထလာရှိပါတယ်။ အိမ်မှာလည်း ကုတင်ပေါ်က ဖြစ်ဖြစ်၊ စားပွဲမှာ ဖြစ်ဖြစ် ကွန်ပျူတာပဲ သုံးလေ့ရှိပါတယ်။ လည်လေ့ ပတ်လေ့မရှိပါဘူး။

အရင်လကစပြီး ဂိမ်းစက်ဝယ်ပြီး ဆော့ဖြစ်ပါတယ်။ အဲဒါ (1) Excited ဖြစ်လို့ ASD ကို ဖာထားတာ ပြန်ပွင့်တတ်ပါသလား။ (2) ASD ကို ဘယ်လိုဖာတာလဲ။ (3) ရင်ဘတ် တွေလည်း နာသလို အောင့်သလိုလည်း ခံစားရပါတယ်။ ညည ၁နာရီ ၂ နာရီလောက်မှ အိပ်ရာ ဝင်တတ်ပါတယ်။ အစောဆုံးက ၁၂ ခွဲပါ။ အဲဒါ အိပ်ရေးပျက်ရင် ဘယ်လိုနှလုံးရောဂါ ဖြစ်တတ်ပါသလဲ။ ASD ပြန် ဖြစ်နိုင်ပါသလား။ ဘယ်လို ကာကွယ်သင့်ပါသလဲ။ ခွဲစိတ်ခဲ့တာကတော့ ရန်ကုန်-ဆေးရုံကြီးမှာပါ။

A hole in the heart နှလုံးအပေါက် လို့ ခပ်လွယ်လွယ်ခေါ်တဲ့ ရောဂါဟာ မွေးရာပါဖြစ်တယ်။ နှလုံးမှာ အခန်း လေးခန်း ရှိတာမှာ အထက် နှစ်ခန်းကို ခြားထားတဲ့ အကန့်မယ် အပေါက်ဖြစ်နေတာကို Atrial Septal Defects (ASD) ခေါ်တယ်။ အောက်နှစ်ခန်း ကြားမှာလဲ အပေါက် ဖြစ်နိုင်သေးပါတယ်။ တခြားနေရာတွေမှာလဲ တခြားအပေါက်တွေ ရှိသေးတယ်။

နှလုံးမှာ အပေါ်ခန်း နှစ်ခန်းက သွေးလက်ခံရာတွေ ဖြစ်တယ်။ ဆေးပညာနဲ့ မနီးစပ်သူတွေလဲ Atrium စာလုံးကို သိကြပါမယ်။ ဟော်တယ်တွေ၊ အဆောက်အဦကြီးတွေ ရောက်သွားရင် အကျယ်ဆုံး အဝင်ခန်းမကို ဒီလိုဘဲ ခေါ်တယ်။ Tallest atrium အမြင့်ဆုံးဟာ (ဒူဘိုင်း) က Burj Al Arab ဖြစ်ပြီး၊ အကျယ်ဆုံး Largest atrium ဟာ (လပ်စ်-ဗေးဂတ်စ်) က Luxor Hotel ဖြစ်တယ်။ နှလုံးမှာတော့ ဒီအခန်းတွေက အကျယ်ဆုံး မဟုတ်ပါ။ အောက်ခန်းတွေက ပိုကျယ်တယ်။ အထဲဝင်ရင် စဝင်ရတယ် ဆိုတဲ့သဘောကတော့ တူပါတယ်။

အထက်-ညာဘက်ခန်းကို တကိုယ်လုံးက ရှိရှိသမျှ သွေးတွေ ဝင်လာကြတယ်။ သွေးဟောင်းတွေလို့ ခေါ်မယ်။ နောက် သူ့အောက်က ညယ-အောက်ခန်းကို ရောက်မယ်။ အဲဒီကနေ အဆုပ်ဆီကို သွေးရောက်အောင် ညှစ်အားနဲ့ ပို့လွှတ်တယ်။ အဆုပ်မှာ သွေးဟောင်းတွေကို အသက်ရှူတဲ့အထဲက အောက်စီဂျင်နဲ့ ထိတွေ့-ပေါင်းစပ်ပေးလိုက်တော့ သွေးဟာ နီရဲပြီး၊ သွေးသစ် ဖြစ်လာတော့တယ်။ ဒီသွေးသသစ်တွေက နှလုံးအထက် ဘယ်ဘက်ခန်းဆီ ဝင်လာမယ်။ ဝင်လာရာဖြစ်နေလို့ Atrium ခေါ်ပြန်တယ်။

ဒီတော့ နှလုံးအထက် နှစ်ခန်းဟာ သွေးတွေကို လက်ခံရာတွေဖြစ်ပေမဲ့ ညာဘက်မှာက သွေးဟောင်း၊ ဘယ်ဘက်မှာက သွေးသစ်၊ ကြားထဲမှာ နံရံလေးသာ ခြားထားတယ်။ အဲဒီအကန့်မှာ အပေါက်ဖြစ်တာကို ASD လို့ ခေါ်လိုက်တာပါဘဲ။ အပေါက် ရှိနေတော့ သွေးသစ်နဲ့ သွေးဟောင်းတွေ ရောနေတာပေါ့။ နှလုံးခုန်နေတဲ့ အသံ ပြောင်းနေတာကို ဆရာဝန်တွေ နားကြပ်နဲ့ နားထောင်တော့ Heart murmur တမျိုး ကြားရတယ်။

သန္ဓေတည်ပြီး အစပါတ်တွေမှာ နှလုံးစဖြစ်တယ်။ ဘာလို့ အပေါက်လာဖြစ်တယ်ဆိုတာ တိတိကျကျ ပြောမရသေးပါ။
မိခင်မှာ ကိုယ်ဝန်ဆောင်နေတုံး Rubella ခေါ်တဲ့ German measles ဂျာမန်-ဝက်သက်ရောဂါပိုး ကူးစက်ခံရရင်၊ Diabetes ဆီးချိုရှိ ကောင်းကောင်း မထိန်းနိုင်ရင်၊ ဆေးဝါး၊ အရက်၊ ဓါတ်ရောင်ခြည်တွေနဲ့ မကင်းရင်၊ တချို့မှာ ဘာလို့ဆိုတာ မသိပါ။

အပေါက်ကလဲ အကန့်နေရာ အမျိုးမျိုးမှာ အရွယ်ရွယ် အစားစား ရှိနိုင်တယ်။
• Secundum ASD (ASD 2) အပေါက်က အလည်မှာရှိတဲ့ အမျိုးအစား အများဆုံးရှိတယ်။
• Primum ASD (ASD 1) အောက်နားမှာ ရှိတာက ဒုတိယအများဆုံး၊
• Sinus Venosus ASD (Sinus Venus) သွေးပြန်ကြောကြီးတွေနဲ့ နီးရာမှာ အပေါက် ရှိတာက အနဲဆုံး။

မိန်းကလေးတွေမှာ ပိုအတွေ့များတယ်။ ASD က အဖြစ်မများလှပါဘူး။ စာရင်းဇယား ရှိတဲ့ တိုင်းပြည်တွေမှာ ကလေး ၁ဝဝဝ မွေးရင် ၄-၈ ယောက်မှာ ဒီရောဂါ လာတွေ့တယ်။ မျိုးရိုး လိုက်တာတွေလဲ တွေ့ရလို့ ကိုယ့်မှာ ဒါရှိနေရင် ကိုယ်က မွေးမဲ့ကလေးမှာလဲ လာရှိတတ်တယ်။ လူတိုင်းကို ပြောတာ မဟုတ်ပါ။

တချို့က ဘာမှ မဖြစ်သလို နေနိုင်တယ်။ ခံစားရနိုင်တာတွေကတော့ အစားပျက်၊ ဖွံ့ထွားမှုနှေး၊ အားယုတ်၊ အသက်ရှူမဝ၊ အသက်ရှူလမ်း ခဏခဏပိုးဝင်၊ ကိုယ့်နှလုံးခုန်နေတာ ကိုယ်သိ၊ တခုခုလုပ်နေရင်း အသက်ရှူတာ အားမရ ဖြစ်မယ်။ ဆေးမကုရင် Atrial arrhythmia နှလုံးခုန် မမှန်တာ ဖြစ်လာမယ်။ ကြီးတဲ့အထိ မကုရင် အထဲကသွေး ခဲတာ ဖြစ်စေမှာမို့ ဦးနှောက် ရောက်သွားရင် Stroke ရလာတတ်တယ်။ Pulmonary hypertension အဆုပ်မှာ သွေးတိုးတာ လာဖြစ်မယ်။ Atrial fibrillation (လူကြီတွေမှာ) နှလုံးခုန် မမှန်တာ၊ Heart failure နှလုံးက လိုသလောက် အလုပ် မလုပ်နိုင်တော့တာ၊ အများအားဖြင့် အဲဒီလိုဟာတွေ ဖြစ်မလာခင် ဆေးကုကြတာ များပါတယ်။

စစ်ဆေးရာမှာ Cardiac catheterization နှလုံးထဲ ပိုက်ငယ်သွင်း၊ Chest x-ray ရင်ပတ်-ဓါတ်မှန်၊ Coronary angiography နှလုံးသွေးကြော-ဓါတ်မှန် (အသက် ၃၅ နှစ်အထက်)၊ ECG (အီး-စီ-ဂျီ)၊ Echocardiography (အက်ကို)၊ Heart MRI (အမ်-အာရ်-အိုင်) တွေ လုပ်ပါမယ်။

အပေါက် သေးသေးလေးဆိုရင် သူ့ဖါသာ ပြန်ပိတ်သူလဲ ရှိနိုင်တယ်။ တချို့တိုင်းပြည်တွေမှာ ၄ဝ% က ၂ နှစ်သားဆို ပြန်ပိတ်တာ တွေ့ရတယ်။ ဒိထက် ကြီးလာရင် ပြန်ပိတ်နှုန်း လျှော့လာတယ်။ အိန္ဒိယ National Institutes of Health အဆိုကတော့ တဝက်လောက်က သူ့အလိုလို ပိတ်တယ်၊ ၂ဝ%က တနှစ်အရွယ်မှာ ပိတ်တယ်၊ ငယ်ငယ်နဲ့ မပိတ်ရင်တော့ နောင်လဲ ပိတ်မှာ မဟုတ်ဘူး။

ခွဲစိတ်တာမလုပ်ခင်၊ ဆေးပေးရတာတွေလဲ ရှိတတ်တယ်။ နှလုံးခုန် မှန်အောင်-ကောင်းစေအောင် Inderal နဲ့ Digoxin ဆေး၊ နှလုံးထဲ သွေးများ မနေအောင် Lasix ဆေး၊ သွေးမခဲအောင် Coumadin နဲ့ Aspirin ဆေးတွေ သုံးရတယ်။

ခွဲစိတ်ကုသနည်း (၂) နည်း သုံးပါတယ်။
၁။ Cardiac catheterization လူနာရဲ့ ပေါင်ရင်းကနေ သေးငယ်တဲ့ ပိုက်-ပြွန်ကလေ ထိုးသွင်းပြီး၊ Mesh patch or Plug ခေါ်တဲ့ ပစ္စည်းကို အပေါက်မှာ ထည့်ပေးပြီး နှလုံး (တစ်ရှူး) တွေ အသစ်တိုး ဖြစ်လာပြီး၊ ပိတ်ပေးစေနည်း ဖြစ်တယ်။ Cardiac catheterization လုပ်ပြီး၊ Amplatzer Septal Occluder ဆိုတဲ့ ပစ္စည်းနဲ့ ပိတ်နည်းကို ၂ဝဝ၁ ကစပြီး လုပ်ခဲ့တာ ဖြစ်တယ်။
၂။ Open-heart surgery မေးဆေးပေး၊ Heart-lung machine စသုံးပြီး၊ ခွဲစိတ်-ချုပ်ပိတ်နည်း ဖြစ်တယ်။

ခွဲစိတ် ကုသတာဟာ ၉၉% အောင်မြင်တယ်။ ငယ်ငယ်မှာ ခွဲရင် ခွဲပြီး ၄-၆ လအတွင်း ကလေးရဲ့ ကြီးနေခဲ့တဲ့ နှလုံးဟာ နဂိုအရွယ် ပြန်ရောက်တယ်။ ခွဲစိတ်ထားသူတွေ Lifestyle ပြောင်းစရာ လိုတယ်။ Exercise လုပ်နိုင်ပါတယ်။ Infection ရောဂါပိုး ဝင်မှာကို Antibiotics ပဋိဇီဝဆေးတွေနဲ့ ကာကွယ်ပါ။ ပိတ်ပေးထားတာ ပြန်ပွင့်တာ မရှိပါ။ အလုပ်လုပ်ချိန်၊ နားချိန် မျှတပါစေ။ နာရင် Pain killers (Analgesic) အနာ-အကိုက် သက်သာဆေးတွေ သုံးပါ။ နှလုံးရောဂါသမားတွေကို ပိုတောင်မှ ပေးရသေးတယ်။

အိပ်ရေးအတွက် “Sleeping မအိပ်ဘဲနေ အသက်မရှည်” ကို ဖတ်စေချင်ပါတယ်။
နောက်ပြီး “Computer Eye Strain ကွန်ပြူတာနဲ့ မျက်စိ” ကိုလည်း ဖတ်စေချင်ပါတယ်။

Dr. တင့်ဆွေ
၁၄-၁-၂ဝ၁၁