ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာအတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည်သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာမေးပါ။
• အီးမေးလ် အခက်အခဲရှိလို့ Facebook message မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• Facebook Comment ကနေမေးတာ-ဖြေတာ အဆင်မပြေပါ။
စာရှည်ရေးမရပါ။ သူများတွေကို အနှောင့်အယှက်ဖြစ်နိုင်ပါတယ်။
• နာမ်စားသုံးတာမှာ ကိုယ်ကိုယ်ကို ‘သား’၊ ‘သမီး’ လို့ သုံးရင် မေးတဲ့သူရဲ့ သားသမီးလား ထင်မှတ်မှားနိုင်တာသတိပြုပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။ ကျွန်တော့်မှာ Viber မရှိပါ။ ဖေ့စ်ဘွတ် ဖုန်း-ဗီဒီယို အဆင်မပြေပါ။ Skype ကိုတော့ နိုင်ငံရေးနဲ့ မိသားစုအတွက်သာသုံးပါတယ်။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Wednesday, February 12, 2014

GERD အချဉ်ရည် အထက်ဆန်ခြင်း

ဒေလီမြို့တော်နားက ဗုဒ္ဓတက္ကသိုလ်မှာ ပညာသင်နေတဲ့ မြန်မာရဟန်းတော်တွေကနေ စာသင်ဘက် ဗီယက်နမ်က သီလရှင်တပါးကို ခေါ်လာပြီးရောဂါပြပါတယ်။ ဆေးစစ်ချက်တွေအရ ရောဂါနာမည်က GERD ဖြစ်နေတယ်။

Gastroesophageal reflux disease (GERD) ဆိုတာ အစာအိမ်-အစာမြိုပြွန် အဆက်နေရာကနေ အစာခြေရည်တွေ အထက်ဆန်တဲ့ရောဂါ ဖြစ်ပါတယ်။ လူအတော်များများမှာ ဖြစ်ကြတယ်။ အစာအိမ်နဲ့ အစာမြိုပြွန်ဆက်တဲ့ နေရာမှာရှိတဲ့ အထိန်းက အလိုအလျှောက် ပွင့်တဲ့အခါ ဖြစ်တယ်။ သူပွင့်လို့ အစာအိမ်ထဲက အစာနဲ့ ရေ-အရည်တွေဟာ အထက်က အစာမြိုပြွန်ဆီကို တက်လာတယ်။ တက်တော့ ပြောသလိုတွေဖြစ်ရော။


Acid reflux or Acid regurgitation လို့လဲ ခေါ်တယ်။ အစာအိမ်ထဲက အစာခြေအရည်ဆိုတာက (အက်စစ်) ဖြစ်လို့ပါ။ အဲလိုဖြစ်လာရင် ပါးစပ်မှာ အဲဒီအရသာကို သိလာစေတယ်။ ဒါကို အစာမြိုပြွန်က မခံနိုင်ဘူး။ လောင်သလို ဖြစ်စေတယ်။ ပူလောင်သလို ခံစားရတာကို Heartburn လို့ခေါ်တယ်။ တခါတလက အကြောင်းမဟုတ်ပေမဲ့ တပါတ်မှာ နှစ်ခါထက်ပိုဖြစ်တာ ရောဂါ။ အရွယ်သိပ်မရွေးဘူး။ ငယ်သူတွေဖြစ်ရင် ရင်ပူတာသိပ်မခံစားရတတ်ဘူး။ ပန်းနာလိုလို ချောင်းဆိုးတယ်၊ အမြိုရခက်တာမျိုးလဲ ခံစားရမယ်။

ဘာလို့ဖြစ်လဲ သိပ်မသိသေးဘူး။ တချို့မှာ Hiatal hernia အစာအိမ်ထိပ်ပိုင်းက အစာမြိုပြွန်ဝင်တဲ့နေရာ ကျဉ်းကျဉ်းလေး ဘေးကနေ အထက်ဘက် ကျွံတက်လာတဲ့ရောဂါနဲ့ တွဲနေတတ်တယ်။ ဖြစ်လာတိုင်း ဆေးကုစရာ ထူးမလိုပါ။ ကျွံတာက သွေးမလျှောက်သလို ပိတ်တာဆိုရင်တော့ ခွဲစိတ်ကုသရမယ်။

ရောဂါသေခြာအောင်
• Barium swallow radiograph X rays ဆေးမျိုပြီး ဓါတ်မှန်ရိုက်ရင် Hiatal hernia ရှိတာ၊ အနာရှိတာသိမယ်။
• Upper endoscopy ကရိယာထည့်ကြည်တာက ပိုသေခြာတယ်။ တခါထဲ Biopsy အသားစ ဖြတ်ယူ စစ်ဆေးတာလဲ လုပ်နိုင်တယ်။
• pH monitoring examination စစ်ဆေးနည်း၊

ကုသနည်း
၁။ နေတာ-စားတာ ပြောင်းရပါမယ်။ ဝနေရင် လျှော့ပါ၊ ဆေးလိပ်သောက်ရင် လျှော့ပါ-ဖြတ်ပါ။ အချဉ်၊ ချော့ကလက်၊ ကော်ဖီ၊ အရက်၊ အဆီများတဲ့အစာ၊ ချင်း၊ ကြက်သွန်၊ အစပ်၊ ခရမ်းချဉ်၊ စတာတွေနဲ့လဲ ပိုဖြစ်တာတွေ့ရတယ်။ ချောင်းဆိုးတာ၊ အန်တာ၊ အလေးအပင်မတာမျိုးတွေကနေ အစာအိမ်ကျွံတာ ဖြစ်လာစေနိုင်တယ်။ အဝလွန်တာ၊ ကိုယ်ဝန်ဆောင်တာတွေကနေလဲ စေ့ဆောင်နိုင်တယ်။

တချို့အစားအသောက်တွေကနေလဲ ဖြစ်စေနိုင်တာသတိထားရှောင်ကျဉ်ပါ။ အနေအထိုင်ကြောင့်လဲ ဆိုးစေတတ်တယ်။ တချို့မှာ မတ်မတ်ရပ်နေရင် သက်သာတယ်။ ချောကလက်၊ အဆီများတဲ့ အစားအစာ၊ စပ်တာ၊ ကျော်တာ၊ ကော်ဖီ တွေကနေ ပိုဆိုးတတ်တယ်။ အချဉ်ရည်၊ ခရမ်းချဉ်သီးတွေကနေလဲ ဖြစ်တတ်တယ်။ တခါစားရင် နည်းနည်းခြင်း စားသင့်တယ်။ ညစာစားပြီး ၂-၃ နာရီနေမှအိပ်-လှဲသင့်တယ်။ အိပ်ယာ-ကုတင်ကို ခေါင်းရင်းက မြှင့်ပေးထားတာ သက်သာတယ်။ ခေါင်းအုံးမြှင့်ရတာ မဟုတ်ပါ။

ဆရာလေးက အသားမစားတဲ့ပြင် သွေးအားကလဲ နည်းနေတယ်။ အစားအသောက်ညွှန်ရတာ ခက်တယ်။ သူများတိုင်းပြည်မှာ ပညာသင်ရသူတိုင်းတွေ့ရတတ်တဲ့ အခက်အခဲတွေလဲရှိတယ်။

၂။ ဆေးတွေက သက်ရောက်စေတာတွေ မတူကြလို့ ဆေးတွေကို တွဲပေးရတယ်။
• Antacids = Alka-Seltzer, Maalox, Mylanta, Rolaids, and Riopan ဆေးတွေ အသေအခြာပေးမယ်။ Magnesium, Calcium, Aluminum တွေနဲ့ လုပ်ထားတာတွေ ဖြစ်တယ်။ Magnesium salt တွေက ဝမ်းလျှော စေတယ်။ Aluminum salt တွေက ဝမ်းချုပ်စေတယ်။ Calcium carbonate antacids ဆေးကို ဒီနေရာမှာ သာမက (ကယ်လ်စီယမ်) လိုတာ ဖြည့်ဘို့ အနေနဲ့လဲ ပေးနိုင်တယ်။ Antacids ဆေးတွေကို တာရှည်သုံးပြန်ရင်လဲ ဘေးထွက်-ဆိုးကျိုးသတိထားရမယ်။ ဝမ်းလျှောတာ၊ (ကယ်လ်စီယမ်) ဓါတ် နည်းတာတွေဖြစ်စေနိုင်တယ်။ (မက်ဂနီဆီယမ်) များလာမယ်။ အဲဒါဆိုရင် ကျောက်ကပ်ကို ထိခိုက်နိုင်တယ်။ ဒါကြောင့် (အင်းတစစ်) ဆေးကို ၂ ပါတ်သောက်ပြီး နားထားသင့်တယ်။

• Foaming agents (Gaviscon) ဆေးကတော့ (ကာဗာ) အကာကွယ်လို သဘောလုပ်ပေးတယ်။
• H2 blockers အုပ်စုဝင်ဆေးတွေကို နာတာရှည်သမားတွေ ပေးတယ်။ Cimetidine (Tagamet HB), Famotidine (Pepcid AC), nizatidine (Axid AR), and Ranitidine (Zantac 75) ဆေးတွေက အက်စစ်ဓါတ် ထွက်တာ နည်းစေအာင် လုပ်ပေးတယ်။
• Proton pump inhibitors ဆေးအမျိုးအစားလဲ သုံးတယ်။ Omeprazole (Prilosec, Zegerid), Lansoprazole (Prevacid), Pantoprazole (Protonix), Rabeprazole (Aciphex), Esomeprazole (Nexium) ဆေးတွေကတော့ လက္ခဏာတွေ သက်သာစေတယ်။ အနာလဲ ကျက်စေတယ်။
• Prokinetics ဆေးတွေကတော့ အစာအိမ်ထဲက အစာတွေကို မြန်မြန် အောက်ဆင်းစေတယ်။ Bethanechol (Urecholine) နဲ့ Metoclopramide (Reglan) တွေဖြစ်တယ်။ ဒါပေမဲ့ ဆေးတွေက အားယုတ်သလို ခံစားရမယ်၊ အိပ်ခြင်မယ်၊ စိတ်ကျတတ်တယ်၊ စိုးရိမ်စိတ် ဝင်တတ်တယ်။

၃။ ခွဲစိတ်ကုသနည်းတွေ ရှိတယ်။
လူနည်းနည်းလောက်သာခွဲစိတ်ကုသဘို့လိုတယ်။ Fundoplication ခွဲစိတ်နည်း ဆိုတာ အစာအိမ်အထက်နေရာကို အားကောင်းအောင်၊ လုံအောင် လုပ်ပေးနည်း ဖြစ်တယ်။ Hiatal hernia ရှိရင်လဲ ပြင်ပေးမယ်။ Nissen fundoplication နည်းကို Laparoscope ကရိယာနဲ့ ခွဲတယ်။ Endoscopic techniques နည်းတွေလဲ ရှိသေးတယ်။

နာတာရှည်ဖြစ်နေ၊ ဆေးလဲ သေခြာမကုရင် နောက်ဆက်တွဲတွေ ဖြစ်လာမယ်။ Esophagitis ရောင်တာ၊ သွေးယိုတာနဲ့ အနာဖြစ်တာတွေဖြစ်တယ်။ အမာရွတ်ဖြစ်ပြီး ကျဉ်းတာတွေ ဖြစ်လာနိုင်တယ်။ အနေအစားဆင်ခြင်ရင် အသက်မတိုပါ။

Dr. တင့်ဆွေ
၁၂-၂-၂ဝ၁၄