ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာ အတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည် သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာ မေးပါ။
• အီးမေးလ် အခက်အခဲရှိလို့ Facebook Comment မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://dts-medicaleducation-adult.blogspot.in/ အသက် (၁၈) နှစ်ပြည့်မှဖတ်ပါ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Friday, January 7, 2011

Iodine ပင်လယ်နဲ့မနီး လည်ပင်းကြီး

January 04, 2011 4:57 AM
အိုင်အိုဒင်းဓါတ် နည်းလို့ လည်ပင်ကြီးရောဂါ ဖြစ်တယ်ဆိုတာ ကြားဖူးပါတယ်။ အိုင်အိုဒင်းဓါတ် များလို့လည်း ၄င်းရောဂါ ဖြစ်တယ်လို့ သိရပါတယ်။ ဆောင်ရန်-ရှောင်ရန် နှင့် ကုသပုံလေးကို အဓိကထားပြီး ပြောပြပေးပါ။

လူတွေ လိုအပ်တဲ့ ဓါတ်ဆားတွထဲမှာ Iodine (အိုင်အိုဒင်း) ဟာ အရေးပါတာတခု ဖြစ်တယ်။ လည်ပင်းကြီးရောဂါနဲ့ ဆက်စပ်နေတာကို အတော်များများ သိကြတယ်။ တကမ္ဘာလုံးမှာ (အိုင်အိုဒင်း) နည်းနေသူပေါင်း သန်း ၂ဝဝဝ ရှိနေတယ်။ Iodized Salt (အိုင်အိုဒင်း) ဆားလဲ အိမ်တိုင်းမှာ စားနေကြပါတယ်။ ကြာကြာဖွင့်ထားရင် လေထဲက အောက်စီဂျင်နဲ့ သွားပေါင်းတာမို့ သတ္တိပျယ်စေတယ်။ သံဓါတ်ပါတည့်ထားတဲ့ Double-fortified salt (DFS) ဆား အမျိုးအစားလဲ ရှိသေးတယ်။

လည်ပင်ကြီးနေသူတွေကို တွေ့ရင် တယောက်မက အများကြီး တထိုင်ထဲ တွေ့ရတတ်တယ်။ ပုလဲနယ်မှာ နယ်လှည့် ဆေးကုသွားရင်း တောင်ပေါ်ပိုင်းကြတဲ့ ရွာတချို့မှာ “ပုဂံက စေတီပုထိုးတွေကို ပြောသလို လက်ညှိုးထိုးမလွဲ” လည်ပင်းကြီးတွေချည်းဘဲ တွေ့ရဘူးတယ်။ ဒါကို ကြည့်ရင် နေရာဒေသနဲ့ ဆိုင်နေတာ သေခြာသွားတယ်။ နေရာ တခုထဲမယ် လူအများကြီးမှာ ဖြစ်နေတာကို Endemic goiter ခေါ်တယ်။

အဲလို နေရာတွေမှာက ဘာကွာလို့လဲ။ ရေထဲ၊ မြေထဲမှာကိုက (အိုင်အိုဒင်း) ဆားတွေ နည်းပါးနေလို့ပါ။ Manganese နဲ့ Cobalt ဓါတ်ဆားတွေ များနေတဲ့ နေရာတွေမှာ Iodine နည်းနေတယ်။ တောနယ်၊ တောင်ပေါ်တွေမှာ သိတဲ့အတိုင်း ဈေးရယ် ဆိုင်ရယ်ရှိတာ မဟုတ်ဘူး။ လိုခြင်တာကို ဝယ်ခြင်တိုင်း ဝယ်လို့ရတာ မဟုတ်တော့ ကိုယ့်မြေမှာ စိုက်တာ-ပျိုးတာ ကိုသာ စားသုံးကြရတယ်။ ရေသန့်လဲ ဝယ်သောက်ကြတာ မဟုတ်ဘူး။ သူတို့မြေထဲမှာ ဒီဆားမျိုးဟာ နည်းနည်းသာ ရှိတဲ့အထဲ မိုးတခါရွာလိုက်ရင်တခါ တောင်စောင်းတလျှောက် အောက်ဖက်ကို စီးဆင်းပါသွားပြန်လို့ နည်းသထက် နည်းရပြန်ရော့။ ဒီတော့ နေတဲ့သူမှန်သမျှ ခံစရာလဲ အတူတူ၊ နာစရာရှိလဲ အတူတူ။

လူတိုင်းမှာ Thyroid ခေါ်တဲ့ လည်ပင်းအကြိတ် ကိုယ်စီရှိကြတယ်။ မကြီးရင် စမ်းလို့မရဘူး။ သူကနေ (အိုင်အိုဒင်း) ဆား သုံးပြီး၊ ဟော်မုန်း ၂ မျိုး ထုတ်ပေးတယ်။ Thyroxine (T4) နဲ့ Triiodothyronine (T3) တွေ ဖြစ်တယ်။ ဒီဟော်မုန်းတွေက (ဆဲလ်) မှန်သမျှအပေါ် သက်ရောက်ပြီး ဇီဝဖြစ်စဉ်တွေကို ထိန်းညှိပေးတယ်။ အရိုးရှည် အမျိုးအစားတွေ ကြီးထွားဘို့မှာ လိုတယ်။ နည်းနေသူ လူပုနေမယ်။ လိုအပ်ချက် ပြည့်မီအောင် ထုတ်နိုင်ဘို့ စက်ကို အတင်းအလည်ခိုင်းတော့ စက်ပန်း ကျလာသလိုမျိုး သောက်တဲ့ရေ၊ စားတဲ့အစာမှာ ဆားနည်းနေရင် စက်နဲ့တူတဲ့ လည်ပင်းက ကြီကြီးလာတော့တယ်။

Iodine deficiency ခေါ်တဲ့ ဒီဆားနည်းနေတာဖြစ်ရင် လည်ပင်းကြီးယုံ။ အရပ်ပုယုံသာမက ဥာဏ်ရည်လည်း နိမ့်စေတယ်။ ရင်သားကင်ဆာ၊ အစာအိမ်ကင်ဆာ၊ ဆီးကျိတ်ကင်ဆာ၊ သားအိမ်ကင်ဆာ၊ မျိုးဥအိမ်ကင်ဆာတွေနဲ့ပါ ဆက်စပ်နေတာ တွေ့ရတယ်။ လည်ပင်ကြီးကင်ဆာ မဖြစ်ဘူးလဲ မပြောနိုင်ပါ။ သိပ်များသွားတဲ့အခါ နည်းတာနဲ့ ဆင်တာ ဖြစ်တတ်ပါတယ်။

ဒီဆားနည်းရင် အမျိုးသမီးတွေမှာ မျိုးဥအိမ်ကနေ တလတလုံး ထွက်ရမဲ့ မျိုးဥမထွက်ဘဲ အိမ်ထောင်ကျရင် ကလေးမရ ဖြစ်နိုင်တယ်။ ကိုယ်ဝန်ဆောင်တွေမှာဖြစ်ရင် မအေရော ကလေးအတွက်ပါ ဆိုးတယ်။ သွေးတိုးနိုင်တယ်။ မွေးမဲ့ကလေး ဦးနှောက်ချို့ယွင်းနိုင်တယ်။

အရပ်ပုလို့ အိုင်အိုဒင်းဆား တအားစားမယ် မကြံနဲ့။ သူများရင်လဲ လည်ပင်းအကြိတ်အလုပ်ကို ထိခိုက်စေနိုင်တယ်။ ဒါ့ကြောင့် အများဆုံးပေးနိုင်တဲ့ အကန့်အသတ်ကို သတ်မှတ် ပေးထားတယ်။ တနေ့မှာ အများဆုံး 200 mcg က ၁-၃ နှစ်၊ 300 mcg က ၄-၈ နှစ်၊ 600 mcg က ၉-၁၃ နှစ်၊ 900 mcg က လူရွယ်တွေအတွက် သတ်မှတ်ပေးတယ်။ လူကြီး 1100 mcg ထက် မကျော်စေရပါ။ များသွားရင် လူကဆားနံ့ရလာမယ်၊ သွား-သွားဖုံးနာမယ်၊ ပါးစပ်-လည်ချောင်း ပူမယ်၊ တံတွေး များမယ်၊ လည်ချောင်းရောင်၊ အစာမကျေ၊ ဝမ်းပျက်၊ လူပိန်၊ စိတ်ပိန်တာတွေပါ ဖြစ်လာမယ်။ အမေရိကန် FDA ကနေ တနေ့မှာ ကျားရော မပါ 150 mcg အနည်းဆုံး လိုတယ်လို့ သတ်မှတ်ပေးထားတယ်။

(အိုင်အိုဒင်း) ပါတဲ့ဆေးတွေကို Cutaneous sporotrichosis အရေပြား မှိုရောဂါ၊ Fibrocystic အမျိုးသမီး ရင်သား ရောဂါ၊ ရင်သား ကင်ဆာ၊ မျက်စိရောဂါ၊ ဆီးချို၊ နှလုံးရောဂါတွေကို ကုသရာမှာ သုံးနိုင်တယ်။ Potassium iodide ဆေးကို ဓါတ်ရောင်ခြည် သင့်သူတွေကို အရေးပေါ် ကုပေးရာမှာ သုံးပါတယ်။

(အိုင်အိုဒင်း) ကို တခြားနေရာတွေမှာပါ သုံးသေးတယ်။
၁။ Tincture of iodine 2-7% ဆိုတာ Potassium iodide or Sodium iodide + Ethanol ကို ရေနဲ့ ဖျော်ထားတာကို အနာတွေမှာ သုံးတယ်။ ရှေးဦးသူနာပြုအိတ်တွေမှာ ပါမယ်။ သောက်ရေ ၁ လီတာထဲကို 2% Tincture ၅ စက်ထည့်ရင် ပိုးသန့်စေတယ်။
၂။ Lugol's iodine ဆိုတာက 5 g Iodine နဲ့ 10 g Potassium iodide ကို ရေနဲ့ ဖျော်တာကို ဓါတ်ခွဲခန်းမှာ ဆိုးဆေး အဖြစ် သုံးတယ်။
၃။ Betadine, Povidone iodine 9-12% ရောဂါပိုးသန့်ဘို့ အများဆုံး သုံးနေပါတယ်။ ဆေးဆိုင်တွေမှာ အလွယ်ဝယ်ရတဲ့ 10% Povidone-iodine in water က အနာအဆာထည့်ဘို့၊ အနာမခွဲခင် အရေပြားသန့်ဘို့ သုံးနိုင်တယ်။
၎။ Diluted iodophor ဆိုတာကို ဝိုင်-အရက်ချက်သူတွေ၊ နို့လုပ်ငန်းသမားတွေက ပုလင်းတွေ၊ ကရိယာတွေ သန့်စေအာင် သုံးတယ်။

(အိုင်အိုဒင်း) ဆား အများဆုံးရှိတာက ပင်လယ်ထဲမှာပါ။ ဒီဆား များများပါတဲ့ အစာတွေဟာ ပင်လယ်စာလို့ ပြောနိုင်သလို သူဌေးစာပြောလဲ ဟုတ်နေသေးတယ်။ Iodized Salt (100 grams) ဆားတထုပ်မှာ 3000 mcg ပါတာနဲ့ ယှဉ်သိအောင် ပြောပါမယ်။
• Kelp ပင်လယ်ရေညှိ (0.25 cup) = 415 mcg
• Haddock ပင်လယ်ငါး (100 grams) = 300 mcg
• Cod ငါးကြီး (100 grams) = 90 mcg
• Low Fat Yogurt အဆီနည်း (ရောဂတ်) (1 cup) = 87 mcg
• Cow Milk (2%) နွားနို့ (1 cup) = 58-59 mcg
• Jaffa cakes ကိတ်မုံ့ (100 grams) = 32 mcg
• Bread ပေါင်မုံ့ (100 grams) = 29-30 mcg
• Meat အသား (100 grams) = 26-27 mcg
• Boiled Egg ကြက်ဥပြုတ် (1 egg) = 23.76 mcg
• Raw Oyster မုတ်ကောင် (13-14 grams) = 21-22 mcg
• Cheese ဒိန်ခဲ (40 grams) = 13.6 mcg
• Ice Cream အိုက်စ်-ခရင်မ် (45-50 grams) = 9.6-9.7 mcg
• Fruits သစ်သီး (100 grams) = 4-5 mcg

အသီးအရွက် (100 grams) ထဲမှာ Iodine 32-33 mcg ပါပေမဲ့ လည်ပင်းကြီးနေသူတွေနဲ့ မတည့်တဲ့တာတွေလဲ ရှိတယ်။ ကညွတ်၊ မုံလာထုပ်၊ မုံလာပွင့်စိမ်း၊ မုံညင်းစိမ်း၊ သစ်တော့သီးတွေ ဖြစ်တယ်။ Cassava ပီလောပီနံ က လည်ပင်းကြီး ဖြစ်စေတဲ့သတ္တိ ရှိတယ်။

လည်ပင်းကြီးနေတာ မမြင်ရဘဲ ဟော်မုန်းများနေတာလဲ ရှိတယ်။ Hyperthyroidism ခေါ်တယ်။ Toxic Goitre လို့လဲ ခေါ်တယ်။ Hypothyroidism ဆိုတာက ဟော်မုန်းနည်းရောဂါ ဖြစ်တယ်။ နောက် Cancer ကင်ဆာနဲ့ တခြား အကြောင်း တွေကြောင့် ကြီးနေတာဆိုပြီး ရှိတယ်။ ဖြစ်တာ မတူကြလို့ ကုရတာလဲ တခြားဆီ။

လည်ပင်း ကြီးနေမှတော့ ဆားပေးကုပေမဲ့ ကြီးပြီးသားက ပြန်မငယ်နိုင်တော့ပါ။ ဆက်မတိုးတာနဲ့ ဟော်မုန်းနည်းလို့ ဖြစ်ရတာတွေကိုသာ ကာကွယ်ပါမယ်။ လည်ပင်းကြီးနေတော့ အကြည့်ရဆိုးတဲ့ ပြဿနာသာ ရှိပါတယ်။ မျိုလို့လဲ မခက်၊ အသက်လဲ ကောင်းကောင်း ရှူနိုင်တယ်။ Hyperthyroid ကို Carbimazole, Methimazole, Propylthiouracil ဆေး ပေးနည်း၊ Iodine-131 Radioactive isotope အနုမြူဆေးပေးနည်း၊ Thyroidectomy ခွဲစိတ်နည်း ဆိုပြီးရှိတယ်။ (မေဂျာ-အော်ပရေးရှင်း) ဖြစ်ပါတယ်။ တော်တော့ ဆရာဝန် မခွဲခြင်ပါ။

Hyperthyroidism ထဲမှာ အများဆုံးဖြစ်တဲ့ Graves disease ဆိုတာက Autoimmune disease အမျိုးအစား ဖြစ်တယ်။ ဘာလို့လဲဆိုတော့ ရောဂါပြီးစနစ် ကမောက်မဖြစ်လို့ ဟော်မုန်းတွေ လိုတာထက် ပိုထုတ်ပေးနေလို့ပါ။ အမျိုးသမီးတွေက ပိုဖြစ်ကြတယ်။ ၂၅-၃ဝ% မှာ Exophthalmos ဆိုတဲ့ မျက်လုံးပြူလာတာ ဖြစ်ကြတယ်။ ခြေသလုံး ရှေ့ပိုင်း ရောင်နေမယ်။ သွေးတိုး (အထက်သွေး) များမယ်။ ဘာဖြစ်ဖြစ် တုံ့ပြန်တာ မြန်ဆန်တယ်။ ဘာဘဲလုပ်လုပ် သွက်လက် တက်ကြွနေမယ်။ အားယုတ်တယ်လို့ ခံစားရမယ်။ အိပ်မပျော်ဘူး။ လက်တုံနေမယ်။ ပိန်လာမယ်။ စားခြင်စိတ် ပိုနေမယ်။ ဒါ့ကြောင့် တချို့က ဝလာမယ်။ အပူမခံနိုင်ဘူး။ မအိုက်လှတာတောင် ရောဂါသည် ဇနီးက ပန်ကာဖွင့်အိပ်ခြင်နေမယ်။ ချွေးထွက် များနေမယ်။ ဆံပင်ပါးမယ်။ လက်သည်းခြေသည်း ကြွပ်တယ်။ (ဆိုင်းနပ်) ရောဂါဝင်လာမယ်။ ဝမ်းပျက်မယ်။ ယောက်ျားမှာ ရင်သား ထွက်လာမယ်။

ဖြစ်နေလဲ စိတ်အားမငယ်ပါနဲ့။ မြောက်ကိုရီးယား ခေါင်းဆောင် Kim Il-Sung မှာရော အမေရိကန်သမတ George H. W. Bush နဲ့ သူ့ဇနီး Barbara Bush တို့မှာ ဒီရောဂါ ရှိကြတယ်။ သားတွေကို ခေါင်းဆောင်ဖြစ်အောင် လုပ်ပေးနိုင်ကြသူတွေပါ။

လူဦးရေရဲ့ ၃% မှာ Hypothyroidism ဟော်မုန်းနည်းရောဂါ ရှိတယ်။ ကလေးဖွါးပြီး တနှစ်အတွင်းမှာ ၅% အမေတွေ ဖြစ်တတ်ကြတယ်။ လူက ထိုင်း-လေးနေမယ်။ အေးတာ မခံနိုင်ဘူး၊ ချွေးများတယ်။ ဝမ်းချုပ်တယ်၊ လူက ဝလာမယ်။ စိတ်ဓါတ် ကျတယ်။ ခြေသည်း-လက်သည်းတွေ ကြွပ်ဆတ်နေမယ်။ ဆံပင်ကြမ်းမယ်။ နှလုံးခုန် နှေးနေမယ်။ ကြာလာရင် စကားအပြောအဆိုပါ နှေး-လေးလာမယ်။ အသားအရေလဲ ခြောက်နေမယ်။ မျက်ခုံးမွှေးက ဘေးဘက်မှာ ပါးလာမယ်။ ရာသီမမှန်ဖြစ်မယ်။

Levothyroxine ဆေးပေးကုတယ်။ အရွယ်အစားလည်း လျှော့စေတယ်၊ ကင်ဆာနဲ့ ကင်ဆာမဟုတ် အကြိတ်ဖြစ်တာလဲ နည်းစေတယ်။ ဟော်မုန်းများလို့ ခွဲတဲ့အခါ တချို့မှာ ဟော်မုန်း ဆက်ထုတ်ဘို့တောင် မကျန်တော့ရင် ဟော်မုန်းနည်းရောဂါ ဖြစ်လာပြန်လို့ တသက်လုံး ဆေးသောက်နေရမယ်။

မြန်မာပြည်မှာ မုန်းတိုင်းတွေ နှိပ်စက်နေတယ်။ နှစ်သစ်အတွက် ကျိန်းကျေအောင် Thyroid Storm လည်ပင်းကြီး-မုန်တိုင်း ဆိုတာပါ ထည့်ရေးလိုက်မယ်။ Graves’ disease ဖြစ်နေရင်းကနေ မုန်တိုင်းဝင်လာသလို အရေးပေါ်ဌာန ရောက်လာကြတဲ့ အခြေအနေပါ။ စမ်းကြည့်တော့ ကိုယ်ပူ၊ လူက ရင်တုံ၊ စိတ်က ပုံမှန်မဟုတ် ဖြစ်နေမယ်။ ချက်ချင်းဘဲ အောက်စီဂျင်ပေး၊ သွေးပြန်ကြောထဲဆေးသွင်း၊ Dexamethasone ထိုး၊ Propranolol ဆေး IV ၁ဝ မိနစ်တခါ ထိုးပေးရတယ်။ Reserpine နဲ့ Guanethidine ဆေးတွေအပြင် Propylthiouracil, Methimazole တွေကိုလည်း ပေးတယ်။

လည်ပင်း မကြီးအောင် ဓါတ်ဆားဆောင်။ မုန်တိုင်းဒုက္ခ ဝိုင်းကူကြ။

Dr. တင့်ဆွေ
၆-၁-၂ဝ၁၁

Hypothyroidism လည်ပင်းကြီး ခွဲပြီးသည့်နောက် နဲ့ တွဲဖတ်ပါ။