ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာ အတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည် သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာ မေးပါ။
• အီးမေးလ် အခက်အခဲရှိလို့ Facebook Comment မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://dts-medicaleducation-adult.blogspot.in/ အသက် (၁၈) နှစ်ပြည့်မှဖတ်ပါ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Thursday, February 27, 2014

Nail fungal infection လက်သည်းမှို

(၁) ဆရာရှင့် သီတင်းကျွတ်လပြည့်ကျော် (၁) ရက်နေ့မို့ ပထမဆုံး ဆရာကိုကန်တော့ပါတယ်ဆရာ။ သမီးခြေမ (ကန်တော့်နော်ဆရာ) က ခြေသည်းညှပ်ရင်းနဲ့ ဘေးစွယ်ကို ညှပ်ရင်းကနေ ခြေစွယ်ငုတ်သွားတာ၊ မလှမှာစိုးလို့ ခွာရင်းခွာရင်း၊ ခြေသည်းအားလုံး ကွာသွားပါတယ်။ ပြန်ထွက်လာတော့ခြေသည်းက အဖတ်လိုက်တွေပဲထွက်လာတယ်။ ခွာလိုက်ရင် အားလုံးအလွှားလိုက်ကွာသွားပါတယ်။ တော်တော်ကြာနေပါပြီဆရာ။ သမီးအရင်က EZON-T လိမ်းဘူးပါတယ်။ ပထမတော့သက်သာပြီး၊ နောက်ပိုင်းသိပ်မသိသာလို့ မလိမ်းတော့ အရင်တိုင်းပဲဖြစ် ခြေသည်းက အဖတ်တွေ ကွာသွားပါတယ်။ သမီးဘာဆေးလိမ်းရမလဲ ကျေးဇူးပြုပီးဖြေပေးပါဆရာ။

(၂) အမျိုးသမီး (၃၁ နှစ်)။ ပြည်ပမှာဆိုတော့ ရောဂါ ဖြစ်လို့ ဆေးခန်းသွားရင် သေချာမပြောပြတတ်တော့ မသက်သာဘူး။ စဖြစ်တာကလက်သည်းရဲ့ ထိပ်ပိုင်းဘေးတဖက်စီမှာလက်စွယ် ငုတ်သလို ဖြစ်နေတော့ ခွာထုတ်တာ၊ အပေါက်တွေက ချိုင့်ခွက်လေးလို ဖြစ်နေတာ။ ခုဆိုလက် ၅ ချောင်းလုံးပဲ။ လက်သည်းပိုးများလားမသိဘူးတဲ့။ ခွာနေတုန်းကတော့ သွေးကြောအမျှဉ်လေးလိုနီနီလေးတွေ့လို့ ခွာထုတ် တိုင်းလဲ ပြန်ပေါ်လာတယ်တဲ့။ ပေးတဲ့ ဆေးနဲ့လဲမသက်သာတော့ ကြားဖူးနားဝဖယောင်းစက်ချပြီးလုပ်ကြည့်တော့လဲမသက်သာပါဘူး။
(၃) ကျွန်တော်က ခြေဆီတအားထွက်တက်ပါတယ်။ အခု ကျွန်တော့် ခြေထောက် ခြေဖဝါးအောက်မှာ ထုံးပေါက်သလိုမျိုး အပေါက်တွေ ဖြစ်နေလို့ပါ။ ခြေဖျားပိုင်းနဲ့ ခြေချောင်းလေးတွေရဲ့ ထိပ်တွေမှာ ဖြစ်နေတာပါ။ ခြေဖဝါးအလယ်ပိုင်းနဲ့ ဖနောင့်မှာ မဖြစ်ပါဘူး။ အဲလိုမျိုးကိုအရင်ကလဲဖြစ်ဖူးပါတယ်။ ၂ဝဝ၇ လောက်ကတုန်းကပါ။ ပုဂံကိုဘုရားဖူးသွားတုန်းက ဘုရားဖူးဖို့ ဖိနပ်ချွတ်ပြီး မြေကြီးပေါ်နင်းလိုက်၊ ကားပေါ်ပြန်ရောက်တော့ ဖိနပ်ပြန်စီးလိုက်နဲ့နေတာသုံးရက်လောက် နေတော့ အဲလိုဖြစ်လာတာပါပဲ။ အဲ့တုန်းက ဆေးရုံကြီးကအရေပြားရောဂါ ဌာနမှာသွားပြပြီး ညွှန်ကြားတဲ့အတိုင်း ဆေးဝယ်လိမ်းလိုက်တာ ပျောက်သွားပါတယ်။ အခုတစ်ခါ ပြန်ဖြစ်လာတာပါ။ ခြေဖဝါးကိုလဲဓါတ်ပုံရိုက်ပြီး ထည့်ပေးလိုက်ပါတယ်။ ပထမတစ်ခါ ဖြစ်တုန်းကရေးပေးထားတဲ့ ဆေးစာကိုလဲထည့်ပေးလိုက်ပါတယ်။ အဲဒါ ဘာလို့ ဖြစ်တာလဲ။ ခြေဆီနဲ့ သဲတွေနဲ့ ရောပြီးခြေထောက် ညစ်ပါတ်လို့ ဖြစ်တာလား။ ဖြစ်ရတဲ့အကြောင်းအရင်းနဲ့ နောက်မဖြစ်အောင် ဘယ်လိုနေထိုင်ရမယ် ဘယ်ဆေးလိမ်းရမယ် ဆိုတာလဲညွှန်ကြားပြသပေးပါ။ ပြီးတော့ အဲ့ဒါကိုဆေးလိမ်းမှ ပျောက်မှာလား။ ဆေးမလိမ်းပဲခြေထောက်ကိုဖုန်တွေ သဲတွေ မကပ်အောင် ထားရုံနဲ့ ပျောက်နိုင်မလား။
(၄) ကျွန်တော့်အဘွားခြေထောက်မှာလေ ခြေသည်းတွေ ပိုးတွေလိုက်တာ ကြည့်မကောင်းဘူး။ ဆယ်ချောင်းလုံးဖြစ်တာ။ ပြီးတော့ ခြေထောက်က အသားပတ်တာလို အသားတွေကွဲပြီး အရေပြားတွေ လန်နေတယ်။ ခြေသည်းပိုးက တော်တော် ဆိုးတယ်။ ဦးလေးလည်း အဲ့လိုဖြစ်လာတယ်။ အဲ့ဒါ ဘာဆေးထည့်ရင် သက်သာနိုင်မလဲဆရာ။ ဘယ်လို ကုပေးရမလဲ။ ကျေးဇူးပြုပြီး သိချင်ပါတယ်။

လက်သည်း-ခြေသည်းကိုမှိုဝင်လာရင် အစမှာတော့ ဖြူ-ဝါဝါ အစက်အပျောက်လေး ဖြစ်လာပြီးနောက်တော့ အောက်ထဲ ဝင်လာလို့ အရောင်ပြောင်းလာ၊ ထူလာ၊ ကျွတ်ဆတ်လာ၊ ပုံပြောင်းလာမယ်။ ကုရတာမလွယ်လှပါ။ ခြေသည်း-လက်သည်း ကြွတက်လာတဲ့ အဆင့်ရောက်ရင် Onychomycosis လို့ ဆေးစာကခေါ်တယ်။ နာလာ၊ အနံ့ပါရလာပြီ။ သေခြာမကုရင် တသက်လုံးလို့ ပြောရမလိုနေမယ်။

Fungus မှိုပိုးဆိုတာမျက်စိနဲ့ မမြင်ရဘူး။ စိုထိုင်းတာ ကြိုက်တယ်။ ကိုယ့်မှာအပေါက်-အပြဲ၊ အကွဲ-အရှ ရှိလာမှ အထဲဝင်လာတာ။ သူနဲ့ဆင်တဲ့ Yeasts တို့ Molds တို့ကနေလဲရောဂါဖြစ်ပါတယ်။ ချွေးထွက်များသူ၊ ယောက်ျား၊ အသက် မငယ်သူ၊ စိုထိုင်းတဲ့ အလုပ်လုပ်ရသူ၊ ခြေအိတ်-လက်အိတ် အမြဲဝတ်ထားရသူ၊ ဘာမှမစီးဘဲလမ်းသွားရသူ၊ ဆီးချို ရှိသူတွေမှာအဖြစ်များတယ်။ Leukemia, AIDS နဲ့ အင်္ဂါအစားထိုးထားရသူတွေမှာလဲပိုဖြစ်တတ်တယ်။

Terbinafine, Fluconazole and Itraconazole စားဆေးတွေ ပေးတယ်။
• Terbinafine (Lamisil) စားဆေး 250 mg ကိုတနေ့ ၁ လုံး၊ ဖြစ်ခဲ့တာ ကြာကြာသလိုသောက်ရမယ်။ ဥပမာ ၆ ပါတ်။ ဘေးထွက်ဆိုးကျိုးတွေကဝမ်းပျက်၊ ယား၊ အစာမကျေ၊ အနီပြင်ထွက်၊ အစားပျက်။
• Fluconazole (Diflucan) စားဆေးကို 150 mg တနေ့ ၁ လုံး၊ ဖြစ်ခဲ့တာ ကြာကြာသလိုသောက်ရမယ်။ ဥပမာ ၆ ပါတ်။ ဘေးထွက်ဆိုးကျိုးတွေကခေါင်းကိုက်၊ မူး၊ ဝမ်းပျက်၊ ယား၊ အစာမကျေ၊ အစားပျက်။
• Itraconazole (Sporanox) စားဆေးကို 200-400 mg တနေ့ ၁ ကြိမ်၊ ၂ ခါခွဲသောက်လဲရတယ်။ ဖြစ်ခဲ့တာ ကြာကြာသလိုသောက်ရမယ်။ ဥပမာ ၆ ပါတ်။ ဘေးထွက်ဆိုးကျိုးတွေကဝမ်းလျှော-ဝမ်းချုပ်၊ လေထ၊ ခေါင်းကိုက်၊ မူး၊ ယား၊ အစာမကျေ၊ ပါးစပ်နာ၊ သွးဖုံးသွေးယို၊ ချွေးထွက်၊ ကြွက်သားနာ၊ အတူနေခြင်စိတ်နည်း၊ စိတ်ကျ၊ နှာစေး၊ အိပ်မက်မက်။

Ezon-T Solution ဆေးထဲမှာTolnaftate, Triacetin တွေပါတယ်။Tolnaftateက ဖန်းဂတ်စ် (မှို) ဆေးဖြစ်တယ်။ cream, powder, spray, or liquid aerosolအမျိုးမျိုးနဲ့လာတယ်။ Jock itch ယောက်ျားဂျွတ်။ Athlete’s foot ကစားသမား ခြေထောက်။ ringworm ပွေးတွေအတွက်သုံးရတယ်။ ခြေသည်း-လက်သည်း။ ဦးရေခွံမှိုရောဂါတွေ အတွက်လဲ သုံးနိုင်တယ်။ Tinactin, Odor Eaters, Absorbine, Aftate, Desenex, Genaspor, NP 27, and Ting နာမည်တွေနဲ့ ရောင်းတယ်။

နောက်ပိုးဝင်တာရှိနေရင်လဲ နောက်ဆေးပေးရမယ်။ Ciclopirox (Penlac) ဆိုတဲ့ Antifungal nail polish ကိုလဲ သုံးနိုင်တယ်။ လိမ်းဆေးတခုထဲနဲ့ မရတတ်ပါ။ စားဆေးနဲ့ တွဲတာကောင်းတယ်။ သိပ်ဆိုးရင် ဖြစ်တဲ့ လက်သည်း-ခြေသည်းခွဲထုတ်ရတယ်။ Laser လေဆာနည်း၊ Photodynamic therapy အလင်းရောင်ပေးကုနည်းတွေလဲရှိတယ်။

အိမ်မှာတင် လုပ်လို့ရတာတွေလည်းရှိတယ်။ Vinegar (ဗနီဂါ) ၁ ဆ၊ ရေ ၂ ဆ ထဲမှာ ၁၅-၂ဝ မိနစ်ကြာ၊ တပါတ်မှာ ၃ ကြိမ် စိမ်ထားရမယ်။ Vicks VapoRubကိုလဲလိမ်းလို့ရတယ်။

ခြေသည်း-လက်သည်းတိုတိုထားပါ။ ခြောက်သွေ့နေပါစေ၊ တကိုယ်ရေ-သန့်ရှင်းရေးလုပ်ပါ။ စိုတဲ့အလုပ်မှာ ရာဘာ လက်အိတ်-ခြေအိတ်သုံးပါ။ သင့်တော်တဲ့ ခြေအိတ်ရေါးသုံးပါ။ ချွေးထွက်များရင် လဲပါ။ ဖိနပ်မပါဘဲလမ်းမသွားပါနဲ့။ Manicure and Pedicure salon လက်သည်း-ခြေသည်းအလှပြင်ဆိုင်သွားရင် နာမည်ရတဲ့ဆိုင်သာသွားပါ။ Nail polish and artificial nails အလှလုပ်တာ၊ အတုလုပ်တာတွေ ရှောင်ပါ။

Tinea Pedis Medication ခြေထောက်မှိုရောဂါဆေးများ
(၁) Topical imidazoles လိမ်းဆေးများ
• Clotrimazole 1% (Mycelex, Lotrimin) ၄ ပါတ်ကြာလိမ်းပါ။
• Econazole (Spectazole Topical)
• Ketoconazole topical (Nizoral)
• Miconazole topical (Monistat) 2% lotion, 2% cream
• Oxiconazole 1% cream (Oxistat)
• Sertaconazole nitrate cream (Ertaczo)

(၂) Topical pyridines လိမ်းဆေးများ (ဗက်တီးရီးယား) အတွက်လဲပါတယ်။
• Ciclopirox 1% cream (Loprox) (၃) Topical allylamines လိမ်းဆေးများ
• Terbinafine 1% (Lamisil) ၁-၄ ပါတ်လိမ်းပါ။
• Naftifine 1% cream and gel (Naftin)
• Terbinafine topical (Lamisil) တပါတ်သာလိမ်းပါ။

(၄) Topical benzylamines လိမ်းဆေးများ
• Butenafine (Mentax) တပါတ်သာလိမ်းပါ။

(၅) Oral antimycoticsစား ဆေးများ၊ လိမ်းဆေးနဲ့မရမှသောက်ပါ။ ခုခံအားနည်းသူ၊ ဆီးချိုရှိသူ၊ အသက်သိပ်ကြီးသူတွေကို ပေးနိုင်တယ်။
• Itraconazole (Sporanox)
• Terbinafine (Lamisil, Daskil)
• Fluconazole (Diflucan)

(၆) Dermatological agents တခြားဆေးများ၊ မှိုဆေးတွေနဲ့ တွဲသုံးနိုင်တယ်။
• Aluminum acetate (OticDomeboro, Burow's Solution)
• Ammonium lactate lotion (Lac Hydrin) 12% lotion
• Urea, topical (Carmol-40, Keralac) 10-40% concentration

ဒေါက်တာတင့်ဆွေ