ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာ အတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည် သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာ မေးပါ။
• အီးမေးလ် အခက်အခဲရှိလို့ Facebook Comment မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://dts-medicaleducation-adult.blogspot.in/ အသက် (၁၈) နှစ်ပြည့်မှဖတ်ပါ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Saturday, August 10, 2013

Allergy - Urticaria - Hives အင်ပြင် ထွက်ခြင်း

Jul 24, 2011 at 6:45 PM
ကျနော် လွန်ခဲ့တဲ့ ၂ လလောက်စပြီး အသားအရေ ယားယံတဲ့ ဝေဒနာ ခံစားနေရပါတယ်။ ယားလို့ ကုတ်လိုက်တဲ့ အခါတိုင်း (Allergic) တွေ ဖြစ်လာပါတယ်။ အဲဒါကြောင့် အသိမိတ်ဆွေ တစ်ယောက်ရဲ့ အညွှန်း အတိုင်း Lergi (Cetrizine 10mg) ဆေးကို တစ်နေ့ တစ်လုံးကျ သောက်ပါတယ်။ ထိုဆေး သောက်ဖို့ တစ်ရက် ပျက်ကွက်ပါက နောက်တစ်နေ့တွင် ယားယံခြင်းကို ပြန်လည်ခံစားရပါတယ်။ သို့ပါကြောင့် ထိုဆေးကို ရေရက်ဆက် သောက်သင့်၊ မသောက်သင့်၊ ရောဂါဖြစ်ပေါ်ရခြင်း အကြောင်းရင်းနှင့် ကုသခြင်းဆိုင်ရာ အချက်အလက်များကို ပြန်လည် ဖြေကြား ပေးစေလိုပါတယ် ခင်ဗျာ။

Sat, Aug 10, 2013 at 9:09 AM
ကျနော့်သားလေးရဲ့ Allergic Reaction အကြောင်းသိချင်လို့ပါ။ အမည့့်။ အသက် ၈ နှစ်။ နေရပ် ရန်ကုန်။ လက္ခဏာ ညနေ ၄ နာရီမှ ညအိပ်ရာမဝင်ခင် ၉ နာရီ အတွင်း အဖုအပိမ့်များထွက်ခြင်း။ လွန်ခဲ့တဲ့ သုံးပတ်လောက်ကစပြီး ညဦးပိုင်းတွေမှာ ထွက်လာတတ်ပါတယ်။ ပထမရက်တွေမှာ အနီးအနားက ဆေးခန်းမှာ ကုသမှုခံယူတော့ ဓာတ်မတည့်တတ်တာတွေ၊ အစားအသောက်မှ ယားယံမှုဖြစ်ပေါ်စေတာတွေ၊ တကိုယ်ရည်သန့်ရှင်းရေး ဂရုစိုက်ဖို့ စသဖြင့် ကုသမှုပေးခဲ့ပါတယ်။ သောက်ဆေးများလည်း ပေးခဲ့ပါတယ်။ အဲဆေးတွေ သောက်နေရတဲ့ရက်တွေမှာတော့ ဖြစ်လေ့မရှိပါဘူး။ ပေးထားတဲ့ဆေးပတ် ပြီးသွားပြီး နောက်တစ်ရက်ခြားလောက်ဆို ထပ်ဖြစ်တတ်ပါတယ်။

နောက်တစ်ခေါက်ကျတော့ ရန်ကုန်ကို ပြန်ရောက်နေတာနဲ့ အရင်ကလေးငယ်တုန်းက ပြနေကျ ကလေးအထူးကုနဲ့ ပြဖို့ စီစဉ်တဲ့အခါမှာ ဆရာဝန်မကြီးက နေပြည်တော်ကို အရေးပေါ်သွားရလို့ မပြဖြစ်ဘဲ အဲဆေးခန်းက အထွေထွေရောဂါကု ဆရာဝန်တစ်ယောက်နဲ့ပဲ ကုသမှုခံယူခဲ့ပါတယ်။ ကလေးသန်မချတာ ခြောက်လကျော်နေလို့ သန်ချဆေးတိုက်ပါတယ်။ ပြီးတော့ ယားယံလာရင် အဖုအပိမ့်ပေါ်လာရင် သောက်ဖို့ဆိုပြီး ဆေးပေးပါတယ်။ ဆေးတွေ သောက်နေတဲ့ရက်ပိုင်းတွေမှာ သက်သာပါတယ်။ ပြီးတော့ အရင်လိုပဲ ဆေးမသောက်တော့တဲ့အချိန်ကျရင် ညနေဘက်တွေဆို ယားယံအဖုအပိမ့်တွေ ထွက်လာတတ်ပါတယ်။ ဒါနဲ့ ကလေးအထူးကုဆရာဝန်တစ်ယောက်နဲ့ ထပ်ပြဖြစ်ပါတယ်။ အပေါ်ကလိုပဲ ဆေးသောက်တာ ဆေးပတ်ကုန်သွားရင် နောက်တစ်ရက်ခြားလောက်ဆို ထပ်ဖြစ်ပါတယ်။ အခုလက်ရှိကတော့ တကိုယ်ရည်သန့်ရှင်းရေးကို ကျနော်ကိုယ်တိုင် ဂရုစိုက်ပေးနေပါတယ်။ အစားအသောက်ပိုင်းကတော့ ဘာကိုမစားစေဘူးဆိုတာမျိုးမရှိသေးဘဲ သင့်တင့်မျှတအောင်ပဲ စားခိုင်းထားပါတယ်။ ဆရာ့ဆီက အကြံပြုချက်တွေကို တောင်းခံအပ်ပါတယ်ခင်ဗျာ။

အဖြေ
Allergy (အလာဂျီ) ရရင် ဘာတွေ ဖြစ်သလဲ။ ၂ မျိုးဖြစ်မယ်။
၁။ Hay Fever ဆိုတာ ဖြစ်ရင် Sneezing နှာချေ၊ Allergic rhinitis နှာခေါင်းယား၊ Itchy eyes မျက်စိမွှန်တာတွေ ခံစားရမယ်။
၂။ Urticaria (Hives) ဆိုတာ အနီပြင် (အင်ပြင်) တွေထွက်တာဖြစ်တယ်။

အကြောင်းရင်းတွေ ရှာရင် ရက်တိုခဏ ဖြစ်တာနဲ့ ရက်ရှည်ဖြစ်တာ ၂ မျိုးရှိတယ်။
• ဆေးတခုခုနဲ့ မတည့်လို့ဖြစ်တာ၊ Sulphonylurea glimepiride (Amaryl)၊ Dextroamphetamine, Aspirin, Ibuprofen, Penicillin, Clotrimazole, Sulfonamides (Septein) နဲ့ Anticonvulsants အတက်သက်သာဆေးတွေ ပါတယ်။ ဆေးကြောင့်ဖြစ်ရင် အရေးပေါ်ဖြစ်တတ်တယ်။
• မတည့်လေ့ရှိတဲ့ အစားအစာတွေထဲမှာ Shellfish ငါးနဲ့ အစေ့အဆွတွေပါတယ်။ မြေပဲ၊ ဥ၊ ဂျုံ၊ ပဲပုတ်။ သူများမတည့်တိုင်း ကိုယ်မတည့်တာမဟုတ်သလို၊ ကိုယ့်ပဲ မတည့်တာရှိတယ်။ သူများပြောတိုင်း လိုက်ရှောင်နေရင် စားစရာမရှိသလို ဖြစ်တတ်တယ်။ မမှန်ပါ။ တချို့မှာ အကြောင်းတရားတခုမကဲ တွဲမှ ဖြစ်တာလဲ ရှိပါတယ်။ (ကျွန်တော်ဆိုရင် ဆေးကျောင်း တက်ရကာစာ မန္တလေးဘူတာကြီးကရတဲ့ ကျောက်မီးသွေးအနံ့နဲ့ ဆောင်းရာသီ အအေးဓါတ် တွဲနေတာကို သိပ်သဘောမကျဘူး။)
• ရုပ်ဝတ္ထုနဲ့ မတည့်လို့ဖြစ်တာ၊ (ဂွမ်းစောင်၊ အနွေးထည်)
• စိတ်ဖိအားကနေဖြစ်တာ၊
• အေးလို့ဖြစ်တာ၊ ပူလို့ဖြစ်တာ၊ နေရောင်ကြောင့်ဖြစ်တာ၊ ရေကြောင့်ဖြစ်တာ၊ တုံခါမှုကြောင့်ဖြစ်တာ၊ လေ့ကျင့်ခန်းလုပ်လို့ဖြစ်တာ၊
• အနံ့အသက်မတည့်တာ၊ ပန်းနံ့၊ ရေမွှေးနံ့၊ ခြင်ဆေးနံ့၊ ကားအိတ်ဇောနံ့။

အများဆုံးသုံးရတဲ့ဆေး
Generic name ဆေးနာမည် Cetirizine နဲ့ Brand name ဆိုင်တင်နာမယ် Zyrtec စတဲ့ နာမည်တွေ အများကြီးရှိတယ်။ (စီထရက်ဇင်း) ဟာ Antihistamines (အင်တီ-ဟစ်တမင်း) ဆေးခေါ်တယ်။ (အလာဂျီ) ရရင်ထွက်လာတဲ့ Histamines တွေကို တားဆီးပေးတယ်။ Histamine (H-1) receptor blockers လို့လဲ ခေါ်တယ်။ (အင်တီဟစ်တမင်း) ဆေးတွေထဲမှာ စတုတ္ထမျိုးဆက်ဆေး ဖြစ်တယ်။ နောက်ပေါ်လို့ ပြောရင် မှန်တယ်။ နောက်ပေါ်တာက ဘာထူးလဲဆိုရင် အိပ်ချင်စိတ် နည်းတယ်။ ဆေးအလေးချိန် 5mg နဲ့ 10mg စားဆေးဖြစ်တယ်။

ဆေးကို အစာနဲ့သောက်သင့်တယ်။ အစာနဲ့ဝေးလဲ ရပါတယ်။ Theophylline ဆေးနဲ့တွဲပေးရသူဆိုရင် Theophylline ကို လျှော့ပေးပါ။ ကလေးတွေကိုလဲ ပေးနိုင်တယ်။ ဘေးထွက်-ဆိုးကျိုးတွေ = ၁၄% မှာ အိပ်ချင်တယ်၊ အာခေါင်ခြောက်၊ ပျို့၊ ခေါင်းကိုက်၊ အားယုတ်၊ လည်ပင်းနာ။

Hives အနီပြင် (အင်ပြင်) ထနေတာကို Cetirizine ဆေးတမျိုးထဲနဲ့ မရလို့ အရေးပေါ်ဖြစ်လာရင် Epinephrine ဆေးပါ ပေးရတတ်တယ်။ လိုအပ်သူတွေကို စိတ်အခြေခံတာဆိုရင် stress management လုပ်သင့်တယ်။ Tricyclic antidepressants ဆေးအုပ်စုထဲက Doxepin ဆေးကိုလဲ သုံးနိုင်တယ်။ သိပ်ဆိုးဆိုးဝါးဝါး ခံစားရသူကို Corticosteroid ဆေးအုပ်စုထဲက Prednisone ထိုးဆေး-စားဆေး ပေးနိုင်တယ်။ Topical creams လိမ်းဆေး Hydrocortisone, Fluocinonide, Desonate တွေလဲ သုံးနိုင်တယ်။ ဆရာဝန်မတိkင်ပင်ပဲ လုံးဝမသုံးပါနဲ့။ Calamine lotion လိမ်းတာ သိသိသာသာသက်သာတယ်။

ဒီစာတွေကိုလဲ တွဲဖတ်ပါ၊ လိုက်နာပါ။ ကြာရင် (အလာဂျီ) ကို ဆရာဝန်ထက်ပိုသိသူ ဖြစ်လာပါလိမ့်မယ်။ အထူးသဖြင့် ကိုယ့်အကြောင်းကို သိတာပါ။
• Allergic Rhinitis အလာဂျီ နှာခေါင်း http://dts-medicaleducation.blogspot.com/2010/08/allergic-rhinitis.html
• Allergy သို့မဟုတ် မတည့်အတူနေ http://dts-medicaleducation.blogspot.com/2010/05/allergy.html
• Allergy and Worm နာတာရှည် (အလာဂျီ) နှင့် သန်ကောင် http://dts-medicaleducation.blogspot.com/2010/09/chronic-allergies.html
• Allergy Medications (အလာဂျီ) ကို ဘယ်လို ကုသမလဲ http://dts-medicaleducation.blogspot.com/2011/05/allergy-medications.html
• Allergy Relief Kit (အလာဂျီ) ရှေးဦးသူနာပြု ဆေးအိတ် http://dts-medicaleducation.blogspot.in/2012/04/allergy-relief-kit.html
• Allergy Triggers (အလာဂျီ) ရစေတတ်တဲ့ အကြောင်းတရား (၁ဝ) ပါး http://dts-medicaleducation.blogspot.in/2012/03/10-common-allergy-triggers.html

ဒေါက်တာတင့်ဆွေ
၁ဝ-၈-၂ဝ၁၃
၂၄-၇-၂ဝ၁၁
၁ဝ-၈-၂ဝ၁၃