ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာ အတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည် သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာ မေးပါ။
• အီးမေးလ် အခက်အခဲရှိလို့ Facebook Comment မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://dts-medicaleducation-adult.blogspot.in/ အသက် (၁၈) နှစ်ပြည့်မှဖတ်ပါ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Sunday, September 15, 2013

Nosebleed (2) နှာခေါင်းသွေးယိုခြင်း (၂)

Facebook 53 minutes ago 15-9-2013
ဆရာရှင့် နှာခေါင်းကနေ သွေးတွေထွက်ထွက်နေတာရော ဘာဆေးသောက်ရပါမလဲရှင့်။ အဲ့ဒိလိုဖြစ်တာတော့ နဲနဲကြာနေပါပြီရှင့်။ ဆရာဝန်နဲ့သွားပြတာလဲ နှာခေါင်းထဲထည့်တဲ့ဆေးရည်ပေးပါတယ်။ ပေးတုန်းခဏပါပဲ။ ကုန်သွားလို့ မထည့်ဖြစ်ရင် နှာပြန်စေးပြီး နှာခေါင်းပိတ်လာပါတယ်။ အဲ့ဒိကနေပြီး နှာခေါင်းသွေးပြန်ယိုလာပါတယ်။ ဘယ်လိုလုပ်ရမလဲ ပြောပြပေးပါဆရာ။


2011/11/29
ကျနော့်အသက် ၂ဝ ရှိပါပြီ။ လူမှန်းသိတတ်စ အရွယ်ကတည်းက နှာခေါင်းသွေး ခဏခဏ ထွက်ပါတယ်။ ပူတဲ့ရာသီဆိုရင် ပိုထွက်ပါတယ်။ နွေရာသီဆိုရင် တပတ်ကို တစ်ကြိမ်လောက် ထွက်ပါတယ်။ နှာခေါင်းကို ထိခိုက်မိတာမျိုး မရှိခဲ့ဖူးပါ။ အရမ်းအများကြီး ထွက်တာမဟုတ်ပေမဲ့ ခဏခဏ ဆိုတော့ ကြောက်ပါတယ်။ ဆေးခန်းတွေလဲ ပြပါတယ်။ Ferrous Sulphate တစ်လလောက် သောက်ဖူးပါတယ်။ သွေးစစ်တော့ ဘာမှ Abnormalities မရှိဘူးတဲ့။ ငယ်ငယ်ကတော့ ငှက်ဖျား ခဏခဏ ဖျားပါတယ်။ အဖေအမေ နှစ်ယောက်စလုံးလဲ ငယ်ငယ်တုန်းက နှာခေါင်းသွေးထွက်ပါတယ်တဲ့။ သွေးပေါင်ချိန်လဲ ပုံမှန်ပါပဲ။ ၁။ ဘာကြောင့် နှာခေါင်းသွေးထွက်လဲ။ ၂။ လုံးဝ တသက်လုံး မထွက်အောင် ကုထုံးမရှိဘူးလား။ ၃။ မျိုးရိုးနဲ့ ဆိုင်ပါသလား။

နှာခေါင်းသွေးယိုတာကို Epistaxis လို့ဆေးစာနဲ့ ခေါ်ပါတယ်။ လူ ၇ ယောက်မှာ တယောက် နှာခေါင်းသွေးယိုတယ်။ ဆောင်းတွင်းမှာ ပိုဖြစ်တယ်။ အေးပြီး ခြောက်သွေ့တဲ့ ဥတုမျိုးမှာ ဖြစ်တယ်။ မနက်ခင်းမှာ ဖြစ်တာများတယ်။ အဖြစ်များပေမဲ့ သိပ်စိုးရိမ်စရာ မရှိပါ။ ဘယ်နေရာကနေ သွေးယိုတာလဲဆိုပြီး ခွဲခြားဘို့လိုတယ်။ နှာခေါင်း ရှေ့ပိုင်း နဲ့ နောက်ပိုင်း ကုသရတာ မတူပါ။ ၉ဝ% ဟာ ရှေ့ပိုင်းကနေထွက်တာပါ။ Nasal septum ခေါ်တဲ့ နှာခေါင်းကို ဘယ်-ညာ ပိုင်းခြားထားတဲ့ နေရာမှာရှိနေတဲ့ Kiesselbach plexus ဆိုတဲ့ သွေးကြောစုကနေ သွေးယိုတာဖြစ်ပါတယ်။ နောက်ပိုင်းကနေ သွေးယိုတာက ရှားတယ်။ အသက်ကြီးသူတွေမှာ ပိုဖြစ်တယ်။ သွေးလွှတ်ကြောကနေ ယိုတာမို့ ထိန်းရတာ ခက်တယ်။ လိုအပ်ရင် ဆေးရုံ တင်ရမယ်။ ဆရာဝန်မလိုဘဲ သွေးတိတ်သွားမှာ များပါတယ်။

ဘာလို့ သွေးယိုသလဲ သိနိုင်တာတွေရော မသိနိုင်တာတွေပါ ရှိတယ်။
• Nasal and sinus infections ဆိုင်းနပ်စ်၊
• Allergic rhinitis အလာဂျီ၊
• Nasal foreign body ပစ္စည်းတခုခုဝင်တာ၊
• Nasal surgery ခွဲစိတ်တာ၊
• Cocaine (ကိုကိန်း) ဆေးသုံးတာတွေကနေ ဖြစ်စေတယ်။
• Warfarin (Coumadin), Clopidogrel bisulfate (Plavix), (NSAIDs), or Aspirin ဆေးဝါးတွေကနေလဲ ဖြစ်စေနိုင်တယ်။
• Corticosteroids and Antihistamines ဆေးတွေပါတဲ့ လိမ်းဆေး-ပန်းဆေးတွေကနေလဲ ဖြစ်စေနိုင်တယ်။
• Liver disease အသဲရောဂါ၊
• Chronic alcohol abuse အရက်သမား၊
• Kidney disease ကျောက်ကပ်ရောဂါ၊
• Platelet disorders သွေးမှုံနည်းရောဂါ၊ နဲ့
• Inherited blood clotting disorders မွေးရာပါ သွေးရောဂါတွေကနေလဲ ဖြစ်စေနိုင်တယ်။
• Vascular malformations သွေးကြောပုံမမှန်တာ နဲ့ Nasal tumors ကင်ဆာဆိုတာ အတော်ရှားပါတယ်။
• High blood pressure သွေးတိုးကနေလဲဖြစ်စေနိုင်တယ်။ စိုးရိမ်စိတ်များလို့ သွေးဖိအားတက်လို့ ဖြစ်တာ ဖြစ်ပါမယ်။

Nosebleeds in Children ကလေးတွေမှာ နှာခေါင်းသွေးယိုရင် ပိုစိုးရိမ်တတ်ကြတယ်။ အမှန်ပါ သိပ်စိုးရိမ်စရာ မရှိပါ။ ခိုက်မိလို့ဖြစ်ရတာ များတယ်။
သွေးက နှာခေါင်းတဖက်ကနေထွက်တာ များတယ်။ ထွက်တာများရင် နှာခေါင်းကို ပိတ်နေနိုင်တယ်။ Nasopharynx အောက်ပိုင်းအထိ ဆို့နေနိုင်တယ်။ အောက်ထဲ ဆင်းကျသွားတာလဲရှိမယ်။ အစာလမ်းထဲရောက်ပြီး ပြန်အန်တာလဲ ဖြစ်နိုင်တယ်။

သွေးယိုထွက်တာ များရင်
- ခေါင်းမူးမယ်၊
- အားယုတ်မယ်၊
- စိတ်မကြည်မလင်ဖြစ်မယ်၊
- သတိလစ်ချင်သလိုဖြစ်မယ်။
- နှလုံးခုန်မြန်လာမယ်၊
- သွေးအန်မယ်၊

ဆရာဝန်ပြဘို့လိုမှာတွေကတော့ -
- ခဏခဏယိုရင်၊
- နှာခေါင်းအပြင် တခြားနေရာတွေကနေယိုရင်၊
- သူများထက်ပိုပြီး သွေးခြည်ဥတတ်ရင်၊
- Aspirin or Warfarin သွေးယိုစေနိုင်တဲ့ဆေးတွေသောက်နေရင် ယိုတာဖြစ်ရင်၊
- Liver disease, Kidney disease, Hemophilia ရောဂါတွေ ရှိနေသူဆိုရင်၊
- Chemotherapy ကင်ဆာဆေး သောက်နေသူဆိုရင်၊
- ၁ဝ-၂ဝ မိနစ်မက ယိုနေရင်၊

ဘာလုပ်မလဲ
- စိတ်တည်ငြိမ်ပါ။
- မတ်မတ်ထိုင်ပါ။ ခေါင်းရော ကိုယ်ရော ရှေ့နဲနဲကိုင်းထားပါ။ ခေါင်းနောက်လှန်ထားရင် သွေးက အောက်ပိုင်း ဆင်းကျမယ်။
- နှာခေါင်းကို လက်နဲ့ ဖိညှစ်ထားပါ။ ၁ဝ မိနစ်အထိ ဖိထားပါ။ တောက်လျှောက်ဖိထားပါ။ ဖိလိုက် လျှော့လိုက်မလုပ်ရပါ။
- ပါးစပ်ထဲကျတာကို ထွေးထုတ်ပြစ်ပါ။
- ရပ်သွားပေမဲ့ နှာခေါင်းကို မထိခိုက်အောင်ဂရုစိုက်ပါ။ နှာခြေတာ၊ ချောင်းဆိုးတာ သတိထားပါ။
- ရေခဲတင်တာ အကျိုးမရှိလို့ ဆိုပါတယ်။
- Heater မကောင်းပါ။ Humidifier နဲ့ Vaporizer တွေက ကောင်းမယ်။
- Nasal saline sprays or Lubricating ointments or gels တွေကနေ အနာကျက်တာမြန်စေနိုင်တယ်။

Medical Treatment သုံးနိုင်တဲ့ ဆေးကုနည်းတွေ
(က) ရှေ့ပိုင်းကထွက်တာ
လိုအပ်ရင် သွေးထွက်နေတဲ့ သွေးကြောကိုမြင်နေရရင် Chemical cauterization နည်းနဲ့ ပိတ်နိုင်တယ်။ Silver nitrate ကို Topical anesthetic ထုံဆေးပေးပြီး သုံးတဲ့နည်းပါ။ တချို့ကို Nasal packing နှာခေါင်းထဲကို ပတ္တီးစထည့်ပြီး ပိတ်ဆို့နည်းသုံးနိုင်တယ်။ Petroleum (Vaseline) Gauze, Balloon nasal packs, and Synthetic sponge packs နည်းတွေ အမျိုးမျိုးသုံးနိုင်တယ်။ ၄၈-၇၂ နာရီအကြာမှာ ပြန်ထုတ်ရမယ်။

(ခ) နောက်ပိုင်းကထွက်တာ
Posterior nasal packing ဆို့ပိတ်နည်းသုံးရမယ်။ Balloon nasal pack ကို အများဆုံးသုံးတယ်။ စိတ်ငြိမ်ဆေး၊ အနာသက်သာဆေးလိုနိုင်တယ်။ ၄၈-၇၂ နာရီ အကြာမှာ ပြန်ထုတ်ရမယ်။ Infection ပိုးဝင်တတ်တယ်။ အသက်ရှူလမ်းပိတ်တာ ဖြစ်တတ်တယ်။ ဆေးရုံတက်ရတတ်တယ်။ မရရင်တော့ Arterial embolization ခွဲစိတ်ကုသနည်း တခုခုလုပ်ရနိုင်တယ်။

Dr. တင့်ဆွေ
၂၉-၁၁-၂ဝ၁၁
၁၅-၉-၂ဝ၁၃