Friday, June 29, 2012

Diabetic neuropathy ဆီးချိုကြောင့်ဖြစ်ရတဲ့ အာရုံကြောရောဂါ

Thu, Jun 28, 2012 at 4:26 PM
ဆီးချိုရောဂါသည်တွေ အကိုက်အခဲပျောက်ဆေးနဲ့ ပတ်သက်ပြီး ဘယ်လိုဆေးတွေကို သုံးသင့်ပါသလဲ။ ကြွက်သားတွေ အားပျော့ပြီး လမ်းမလျှောက်နိုင်ဖြစ်နေပါတယ်။ အင်အားအတွက် သုံးစွဲသင့်သော ဆေးဝါးများ နှင့် အကိုက်အခဲ ပျောက်ဆေးများကို ဖြေကြားပေးပါ။ အစားအသောက်တော့ ကောင်းကောင်း စားနိုင်ပါတယ်။ အားအင်တွေ ကုန်ခမ်းပြီး ကြွက်သားတွေ တင်းနေပါတယ်။

ဆီးချိုဖြစ်နေတာ ကြာသူတွေမှာ အာရုံကြောတွေကို ထိခိုက်တာကို Diabetic neuropathy ခေါ်တယ်။ ခြေထောက်မှာ ခံစားမှု နည်းလာတာကနေ စတယ်။ ဘယ်-ညာ နှစ်ဘက်လုံး ညီတူညာတူလို ဖြစ်မယ်။ တဖြေးဖြေးနဲ့ အထက် တက်လာတယ်။ ထုံသလိုဖြစ်နေလို့ ထိခိုက်မိမှာကို ပိုးပြီးသတိထားရမယ်။ ထိခိုက်မိရင် အာရုံကြော အားနည်းတာရော သွေးလျှောက်တာ နည်းတာတွေကြောင့် အနာဖြစ်မယ်။ ပိုးဝင်မယ်။ ပျောက်ခဲတယ်။

Diabetic neuropathies ရှိနေပေမဲ့ ဘာမှ မခံစားဘဲလဲ နေသေးတယ်။ ဆီးချိုရှိနေသူတွေထဲ ၆ဝ-၇ဝ% မှာ တချိန်မှာ ဒီအဆင့်ရှိလာတယ်။ များသောအားဖြင့် ၂၅ နှစ်ကြာရင်ဖြစ်တယ်။ ခြေ-လက်တွေမှာ Pain နာတာ၊ Tingling ကျင်တာ၊ Numbness ထုံတာ၊ ခြေ-လက်တွေက ကြွက်သားတွေ လှီလာတာ၊ ပုံသဏ္ဌာန်ပြောင်းတာ၊ Reflexes ခေါ်တဲ့တုန့်ပြန်မှု ပျက်စီးတာ၊ လမ်းသွားပုံမမှန်တာ၊ ထုံနေတာ သိပ်မသိ၊ ဖိတာကို သတိမထားမိရာကနေ Blisters and sores အပူဖူးနဲ့ အနာ ဖြစ်လာတတ်တယ်။

အာရုံကြောကို သက်ရောက်တာက ချက်ချင်း ဖြစ်လာတာနဲ့ နာတာရှည် ၂ မျိုးရှိတယ်။ Acute neuropathy (Neuritis) ရက်တိုဖြစ်တာက ဆီးချိုကို ထိန်းနိုင်ရင် သက်သာသွားတယ်။ ဖြစ်နေရင် ပူလောင်သလို ခံစားရနိုင်တယ်။ ညပိုင်းမှာ ပိုဆိုးတယ်။ အိပ်ရေးပျက်တဲ့အထိ ဖြစ်နိုင်တယ်။ Chronic neuropathy နာတာရှည်က ပိုဆိုးတယ်။ နောက်ဆက်တွဲ ဖြစ်နိုင်တာတွေ ရှိတယ်။

Diabetic neuropathy ကို အစဆုံး သိနိုင်တဲ့ လက္ခဏာက Vibrations တုန်ခါမှုကို မသိတာဖြစ်တယ်။ အဖြစ်နည်းပေမဲ့ လက်မှာလဲ ဖြစ်နိုင်တယ်။ ဆိုးတာက ပျက်စီးမှုဟာ ရာသက်ပန်ဖြစ်တယ်။ ဆီးချိုကို ထိန်းနိုင်ပေမဲ့ ဒီလို ဖြစ်နေတာက ပျောက်မသွားဘူး။ နောက် အာရုံကြောရောဂါတမျိုးက Paralysis involving single nerves အာရုံကြောတခုက လေဖြတ်တာ ဖြစ်တယ်။ နောက်တမျိုးက Painful types of neuralgia နာနေတဲ့ အာရုံကြောရောဂါ ဖြစ်တယ်။ ဒါတွေကတော့ ဆီးချိုကို ထိန်းနိုင်ရင် သက်သာပါမယ်။

- Peripheral neuropathy အဖျားပိုင်းအာရုံကြောတွေ ထိခိုက်တာက အများဆုံးဖြစ်တယ်။ Peripheral neuropathy ကို Distal symmetric neuropathy လဲခေါ်တယ်။ sensorimotor neuropathy လို့လဲခေါ်တယ်။
- Autonomic neuropathy ထဲမှာ ချွေးထွက်များတာလဲပါတယ်။ သွေးဖိအား၊ အဆုပ်နဲ့ မျက်စိ အာရုံကြောတွေ၊ နောက်ပြီး သွေးထဲမှာ သကြားဓါတ်ကျနေတာကို သတိပေးစနစ်အားနည်းမယ်။ Hypoglycemia Unawareness သွေးထဲမှာ သကြားဓါတ် နည်းလာရင် (Blood glucose below 70 mg/dL) လက်-ခြေတုန်လာမယ်၊ ချွေးပြန်မယ်၊ ရင်တုန်မယ်။ အခုရောဂါရလာရင် ဒီလိုသတိပေးချက်တွေ အားနည်းလာမယ်။
- Proximal neuropathy ကြောင့် ပေါင်၊ တင်ပါးနေရာတွေနာမယ်။ ခြေထောက်ပိုင်း အားနည်းနေမယ်။
- Focal neuropathy ကြောင့် ဖြစ်တဲ့နေရာက အာရုံကြော အလုပ်လုပ်တဲ့နေရာမှာ အားနည်းနေမယ်။ နာနေမယ်။ ဥပမာ မျက်စိ၊ မျက်နှာကြွက်သား၊ နား၊ ဗိုက်အောက်ပိုင်း၊ ရင်ပတ်၊ ဗိုက်၊ ပေါင်၊ ခြေသလုံး၊ ခြေထောက်။

Autonomic nervous system (ANS) (အော်တိုနောမစ်) အာရုံကြောစနစ်ကိုလဲ ထိခိုက်စေနိုင်တယ်။ အစာစားပြီး ဗိုက်ကယ်နေမယ်။ အစာမကျေ၊ ပျို့ချင်၊ အန်ချင်၊ ဝမ်းပျက်၊ ဝမ်းချုပ်၊ မတ်တပ်ရပ်ချိန်မှာ ခေါင်းမူးတာ၊ ဆီးအသွားရခက်၊ အားယုတ်၊ ကိုယ်အလေးချိန် ကျပြီး၊ စိတ်ဓါတ်လဲကျ။ မတ်တပ်ရပ်ချိန် သွေးဖိအားတက်၊ မတ်တပ်ရပ်ရင် ခေါင်းမူးမယ်။ Fainting ဖြစ်မယ်။ Erectile dysfunction (ED or Impotence) ယောက်ျား ပန်းသေ-ပန်းညှိုး၊ မိန်းမ ဗဂျိုင်းနား ခြောက်သွေ့မယ်။

နာတာအတွက်
• Mild painkillers အနာသက်သာဆေး သိပ်မပြင်းတဲ့ Paracetamol or Aspirin တခုခု၊
• Antidepresant drugs စိတ်မကျဆေးဖြစ်တဲ့ Antidepressants (Amitriptyline, Imipramine, Desipramine, Duloxetine (Cymbalta), Venlafaxine, Bupropion (Wellbutrin), Paroxetine (Paxil), and Citalopram (Celexa) တွေ၊
• Anticonvulsants အတက်သက်သာဆေး = Pregabalin (Lyrica), Gabapentin (Gabarone, Neurontin), Carbamazepine, and Lamotrigine (Lamictal) ဆေးတွေ၊
• Opioid painkillers ဘိန်းပါတဲ့ အနာသက်သာဆေး အပြင်းစား Tramadol (Zydol) or Dextropropoxyphene ကိုလဲ တခြားဆေးတွေနဲ့ မရရင် သုံးနိုင်တယ်။

• Lidocaine patches (Lidoderm, Lidopain) ဆေးကပ်ခွါ၊
• Nitrate sprays or patches ဖြန်းဆေး၊
• Alpha-lipoic acid Evening primrose oil တိုင်းရင်းဆေး၊
• Capsaicin cream (Zacin) ခြေထောက်နာနေတာကို လိမ်းနိုင်တယ်။

• Electrical stimulator (TENS machine) လျှပ်စစ်နည်းနဲ့ ဆေးရုံမှာ လုပ်ပေးနိုင်တယ်။
• Compression stockings ခြေအိပ်ကြပ်တာ စွပ်ထားရင် မတ်တပ်ရပ်လို့ မူးတာ သက်သာစေမယ်။
• Nausea and vomiting အန်ချင်တာအတွက် Metoclopramide သောက်နိုင်တယ်။
• Codeine phosphate နဲ့ တခြား ဝမ်းရပ်ဆေးတခုခုကို ဝမ်းပျက်တာ မရပ်ရင် သောက်ပါ။

Good advice အကြံပေးချက်များ
• ဆီးချိုကို နေ့စဉ်ထိန်းနေပါ။
• ဖိနပ်၊ ရှူး အနေတော်တာကိုသာ စီးပါ။
• ခြေသည်း၊ လက်သည်းဖြတ်တာ ဂရုစိုက်ပါ။
• ခြေထောက်ကို နေ့စဉ်စစ်ဆေးပါ။
• ထိခိုက်တာ၊ အနာပေါက်တာဖြစ်ရင် သေးသေး ကြီးကြီး ဆရာဝန်ပြပါ။
• မေးတဲ့သူက အစားအသောက်တော့ ကောင်းကောင်းစားနိုင်တယ်ဆိုပေမဲ့ ဆီးချိုရှိသူတွေ စားရမှာတွေကိုသာ စားပါ။

Dr. တင့်ဆွေ
၂၉-၆-၂ဝ၁၂

Thursday, June 28, 2012

Ear Infections (2) နားပိုးဝင်ခြင်း (၂)

အလွန်အဖြစ်များတယ်။ အထူးသဖြင့် ကလေးတွေ နှာရည်ယိုရာကနေ သိပ်ဖြစ်တတ်တယ်။ ကလေး အအေးမိသူထဲက ၆၁% မှာ နားပါ ရောင်တယ်လို့ လေ့လာမှုတခုက ဆိုတယ်။ နားရောင်နေတာသေခြာအောင် နားကို ဆရာဝန်ကနေ Otoscope ကရိယာနဲ့ ကြည့်မယ်။

Inside Your Ear နားထဲမှာ
Eustachian tube နားပြွန်ရှိတယ်။ သူက Middle ear နားအလည်ပိုင်းနဲ့ Throat လည်ချောင်း (အာခေါင်) ကို ဆက်ပေးထားတယ်။ ပြွန်မှာ နှာခေါင်းထဲ၊ လည်ချောင်းထဲမှာလိုမျိုး Mucus အချွဲရှိတယ်။ ဒါရှိနေလို့ နားအလည်ပိုင်းကနေ အရည်ရှိရင် ထုတ်ပေးနိုင်တယ်။ နားထဲက ဖိအားကိုလည်း ထိန်းပေးတယ်။

Eardrum နားစည် ကောင်းနေဘို့က အရေးကြီးတယ်။
ကြည့်လိုက်ရင် ကောင်းနေတဲ့ နားစည်က ကြည်လင်နေရတယ်။ ပန်းရောင်နဲ့ မီးခိုးရောင် ရောနေသလို ရှိရတယ်။ ပိုးဝင်ထားတာဆိုရင် နီပြီး ရောင်နေမယ်။ Colds အအေးမိတာ၊ Flu တုပ်ကွေးမိတာ နဲ့ Allergies (အလာဂျီ) ရတာတွေကနေ နားပြွန်ကို ထိခိုက်စေပြီး ရောင်လာစေတယ်။

Fluid in the Ear နားထဲအရည်ဝင်ခြင်း
Eustachian tube နားပြွန်မှာ လာပိတ်ရင် အလည်နားထဲ အရည်တွေ အောင်းနေတော့မယ်။ ဗက်တီးရီးယားတွေ ဗိုင်ရပ်တွေ ပေါက်ပွါး များပြားလာလိမ့်မယ်။ ရောဂါရလာမယ်။ Pneumatic Otoscope ကရိယာနဲ့ လေနဲနဲသွင်းကြည့်ရင် လှုတ်လာရမဲ့ နားစည်က အထဲမှာ အရည်ရှိနေရင် မလှုတ်နိုင်တော့ဘူး။

Ruptured Eardrum နားစည်ပေါက်ခြင်း
အရည်တွေများလာရင် ဖိအားများလာမယ်။ ကြာတော့ နားစည်ပေါက်သွားမယ်။ Ruptured eardrum ဖြစ်နေရင် အဖြူ၊ အဝါ၊ အညို အရည်ထွက်လာမယ်။ နာတာကသက်သာလာမယ်။ သူ့ဖါသူ ၂-၃ ပါတ်နေရင် ပြန်ပိတ်နိုင်တယ်။ ခဏခဏ ပေါက်တာ ဖြစ်ရင်တော့ နားအကြားကိုပါ ရာသက်ပန် ထိခိုက်စေမယ်။

Ear Infection Symptoms ကလေးငယ်လေးတွေမှာဖြစ်ရင် သိဘို့ခက်တတ်တယ်။ မအိပ်နိုင်၊ မစားနိုင်၊ အငိုမတိတ်နိုင်တာ ဆိုရင် ဆရာဝန်ပြပါ။ Ear Infection Symptoms နားပိုးဝင်ခြင်း လက္ခဏာတွေကတော့ -
• Piercing pain နားကို ထိုးဖေါက်သလို နာမယ်။ လှဲလိုက်ရင် ပိုနာမယ်။ အိပ်ရေးပျက်မယ်။
• Trouble hearing နားအကြားကို ထိခိုက်မယ်။
• Fever ကိုယ်ပူမယ်။ Fluid drainage from ears နားထဲက အရည်ထွက်မယ်။
• Dizziness ခေါင်းမူးမယ်။ Congestion နီရဲနေတာမြင်ရမယ်။

Home Care for Ear Infections အိမ်မှာ လုပ်နိုင်တာတွေ ရှိတယ်။ Warm washcloth အပူကပ်ပေးပါ။ Ear drops နားခပ်ဆေးလိုမယ်။ Painkillers အနာသက်သာဆေးတမျိုးမျိုး လိုမယ်။ ဥပမာ Ibuprofen နဲ့ Acetaminophen ဆေးတွေ။

Complications of Ear infections ဘာဆက်ဖြစ်လာနိုင်သလဲ
• Scarring of the eardrum with hearing loss နားစည် အမာရွတ်ဖြစ်မယ်။ အကြားထိခိုက်မယ်။ Speech and language developmental problems စကားပြော နောက်ကျမယ်။ Meningitis ဦးနှောက်မြှေးရောင်မယ်။

Ear Tubes နားထဲ ပိုက်ထည့်ပေးခြင်း
Recurrent ear infections or fluid က တော်တော်နဲ့ မပျောက်ရင် ကလေး စကားပြောတာ နှေးစေမယ်။ Eardrum ကို Tubes ပိုက်ကလေး တပ်ထားပေးနိုင်တယ်။ Middle ear အလည်နားထဲက အရည်ကို ထုတ်ပေးနေလို့ သက်သာစေမယ်။ ၈-၁၈ လအထိ ထည့်ထားတတ်တယ်။ သူ့ဖါသူ ထွက်ကျလာတတ်တယ်။

Surgery to Remove the Adenoids တက်စေ့တွေရောင်ရင် ခွဲထုတ်နိုင်တယ်။
Adenoids တွေဆိုတာ လည်ချောင်း နောက်ပိုင်းမှာရှိတဲ့ Glands (ဂလင်း) တွေ ဖြစ်တယ်။ ဒါတွေရောင်လာရင် Eustachian tubes ကို ထိခိုက်စေမယ်။ Adenoidectomy ခွဲထုတ်သင့်တယ်။

Preventing Ear Infections ဘယ်လို ကာကွယ်မလဲ
Common cold ကနေ အများဆုံးဖြစ်ရတယ်။ အအေးမမိအောင်နေပါ။ လက်ခဏခဏဆေးပါ။ ကလေးကို ကာကွယ်ဆေးတွေ စနစ်တကျထိုးပါ။
အအေးမိတာလိုဘဲ Allergies (အလာဂျီ) ကနေ နားပိုးဝင်နိုင်တယ်။

Swimmer’s Ear ရေကူးသူတွေနား
ရေကူးနေရင်းယင်း ရေဖြစ်ဖြစ်၊ အမှုံ-အမှိုက်ဖြစ်ဖြစ် နားထဲဝင်ပြီး ပြန်မထွက်ရင် ဗက်တီးရီးယားတွေ ပေါက်ပွါးစေနိုင်တယ်။ နားအပြင်ပိုင်းမှာ နာတာ၊ ရောင်တာ၊ ယားတာတွေဖြစ်လာမယ်။ ရေကူးတာက မဟုတ်ဘဲ တခြား အခြေအနေတွေကနေလဲ အဲလိုဖြစ်စေနိုင်တယ်။ နားသန့်ရှင်းပေးရင် ထိခိုက်ရာကနေလဲ ဖြစ်စေနိုင်တယ်။ Medicated ear drops နားဆေးခပ်ပါ၊ နားကို ခြောက်သွေ့အောင်ထားပါ။

Ear infections ဝင်တဲ့ ကလေး ၅ ယောက်မှာ ၁ ယောက်သာလိုတယ်။ ကျန် ၄ ယောက်မှာ ၄၈ နာရီ နေရင် ကောင်းသွားနိုင်တယ်။ ကလေးရဲ့ကိုယ်ခံစနစ်ကနေ ကောင်းအောင် လုပ်ပေးတယ်။ Bacterial ear infection အတွက် ပဋိဇီဝဆေးတွေက အသုံးကျတယ်။ Virus ကြောင့်ဖြစ်ရင် အသုံးမဝင်ဘူး။

Antibiotics for Ear Infections နားပိုးဝင်ရင် ဘယ်လို ပဋိဇီဝဆေးတွေသုံးနိုင်သလဲ
1. Penicillins
a. Amoxicillin
b. Augmentin
2. Sulfonamides
a. Bactrim and Septra
b. Gantrisin
3. Cephalosporins
a. Cefdinir (Third generation oral cephalosporin)
b. Cefixime (Suprax)
c. Cefpodoxime = Vantin (Third generation cephalosporin)
d. Ceftriaxone (Third generation cephalosporin)
e. Cefuroxime = Ceftin (Second generation parenteral cephalosporin)
f. Cefzil (Cefprozil)
g. Lorabid = Loracarbef (Second-generation cephalosporin antibiotics)
4. Erythromycins
5. Clarithromycin (Macrolide antibiotic)
6. Azithromycin
7. Combination Antibiotics for Ear Infections
a. Pediazole (Erythromycin + Sulfisoxazole)

• Ear infections (1) နားပိုးဝင်ခြင်း (၁) http://dts-medicaleducation.blogspot.com/2011/04/ear-infection.html
• Ear Infections (2) နားပိုးဝင်ခြင်း (၂) http://dts-medicaleducation.blogspot.in/2012/06/ear-infections.html
• Earache နားကိုက်ရင် http://dts-medicaleducation.blogspot.com/2011/11/earache.html
• Perforated eardrum နားစည်ပေါက်ခြင်း http://dts-medicaleducation.blogspot.com/2011/04/perforated-eardrum.html

Dr. တင့်ဆွေ
၂၈-၆-၂ဝ၁၂

Tuesday, June 26, 2012

Beauty medication အလှဗေဒ

Date: 2012/6/25
ရင်သား ဖွံ့ဖြိုးအောင်၊ ကိုယ်ခန္ဓာ အချိုးအစားလှအောင် ဆေးသောက်လို့ရတယ်လို့ ကြားဖူးပါတယ်။ အကျိုး-အပြစ်တွေကို သိချင်ပါတယ်ရှင်။ လေ့ကျင့်ခန်းလုပ်ဖို့ အဆင်မပြေလို့ပါရှင်။

အမေ မွေးပေးထားတဲ့ ရုပ်အင်္ဂါကို ပြင်ချင်တာဟာ အခက်ဆုံးတွေထဲမှာ ပါတယ်။ ဒါကို ဆရာဝန်က ပြောတာပါ။ ဆရာဝန်က ဆေးပေးမယ်၊ နည်းလမ်းပေးမယ်၊ ခွဲစိတ်ပေးမယ်။ ခွဲစိတ်တာကိုတော့ ဆရာဝန်ဘက်က ပိုင်ပိုင်နိုင်နိုင် လုပ်နိုင်တာပေါ့။ ကျန်တာကို လိုက်နာရမှာက ကာယကံရှင် ဖြစ်တယ်။ ညွှန်းတဲ့ဆေး သောက်တာ၊ လေ့ကျင့်ခန်း လုပ်တာ၊ ရှောင်စရာ-ဆောင်စရာတွေကို လိုက်နာဘို့ကတော့ ကောင်းချင်၊ ပျောက်ချင်သူတွေက လုပ်ကြရတယ်။ ဆရာဝန်တွေမှာလဲ လုပ်ပေးနိုင်တာထက် မလုပ်နိုင်တာတွေက ပိုများမလားဘဲ။

ပိန်ချင်၊ ဝချင်၊ လှချင်၊ ရှည်ချင်၊ ဖြူချင်၊ ညိုတိုတို ဖြစ်ချင်၊ သေးတာကိုကြီးချင်၊ ကြီးတာကိုသေးချင် လိုအင်ဆန္ဒတွေ လူမျိုးတိုင်းမှာရှိတယ်။ ကျား-မ မရွေးလဲရှိတယ်။ အရွယ် မရွေးလဲ ရှိသေးတာဘဲ။ ဖြစ်ချင်သူကို အပြစ်မြင်စရာ မရှိသင့်ကြပါ။ ဆရာဝန် ညွှန်တာကို ရချင်တာလဲ ကောင်းတာဘဲ။ အကျိုး-အပြစ် သိချင်တာလဲ ပညာရှိရာကျတယ်။

ကြွက်သားကိုတော့ ဖွံ့ထွားစေဘို့ မခက်လှပါ။ အလေးမသူတွေသာ ကြည့်ပါ။ ကြွက်သား မဟုတ်တဲ့ အရိုး၊ အဆီ နဲ့ တခြား (တစ်ရှူး) တွေကို ဖွံ့ထွား၊ များပြားလာဘို့ လေ့ကျင့်ခန်းနဲ့တော့ မရပါ။ ရင်သားက ကြွက်သား မဟုတ်ဘူး။ အထောက်အကူ ပြုနိုင်တာတွေတော့ ရှိပါတယ်။ ဒါကြောင့် ရင်သား၊ တင်ပါးအတွက် နည်းတွေ ရေးထားပါတယ်။ မေးတဲ့သူက အခြေအနေ မပေးလို့ လေ့ကျင့်ခန်း လုပ်မရတော့ ခက်ပြန်ပေါ့။ ခက်တာကို ရအောင်ယူနိုင်ရင် လူတော်လို့ ဆိုကြတာမို့ တော်ချင်လိုက်စမ်းပါ။ တခုလေးတော့ သတိပေးပါရစေ။ ဖြစ်သင့်တာကိုသာ ရချင်သင့်တယ်။ မရနိုင်တာ၊ မရသေးတာအတွက် စိတ်ပျက်မနေပါနဲ့။ ကံတရား အားကိုးနိုင်သေးတာဘဲ။ ကံကောင်းချင်ရင် စိတ်ကောင်း အရင်မွေးလို့ ဆရာတော်များက ဆုံးမလေ့ရှိတယ်။

ဆေးပဲ သောက်ချင်သူကမေးလို့ ဆေးကိုသာ အဓိကထား ရေးပါရစေ။ ဆေးတွေလဲ ရှိပါတယ်။ (အေလိုပက်သစ်) ဆေး၊ (ဟိုမီယိုပက်သစ်) ဆေး၊ (အာယုဗေဒ) ဆေး၊ တိုင်းရင်းဆေး၊ (ဟာဗယ်) ဆေး၊ တရုပ်ဆေး၊ အိန္ဒိယဆေး၊ အစုံပါဘဲ။ ကြော်ညာတွေက အများကြီး။ တခြားဆေးနည်းတွေကို သင်မထားရလို့ မပြောနိုင်ပါ။ ကိုယ့်ဆေးပညာနဲ့ ဆိုင်တာဘဲ ရေးပါမယ်။

Anabolic steroids (အင်နာဘောလစ်-စတီရွိုက်) တွေရှိတယ်။ ၁၉၃ဝ ကျော်ကတည်းက သုံးလာတယ်။
Medical uses ဆေးကုရာမှာ အသုံးပြုနိုင်တာတွေက
- Bone marrow stimulation ရိုးတွင်းခြင်ဆီ စေ့ဆော်ပေးခြင်း၊
- Growth stimulation ကြီးထွားစေအောင် စေ့ဆော်ပေးခြင်း၊
- Stimulation of appetite and preservation and increase of muscle mass စားချင်စိတ်ကဲစေပြီး၊ ကြွက်သား ထုထည် ကြီးစေခြင်း၊
- Induction of male puberty ယောက်ျားလေး စောစော လူပျိုဖြစ်စေခြင်း၊
- Male contraception (Testosterone enanthate) ယောက်ျားသုံး သားသမီးမရဆေး၊
- Stimulation of lean body mass and prevention of bone loss in elderly men ကိုယ်ခန္ဓာသေးနေသူတွေကို စေ့ဆော်ပေးခြင်း နဲ့ အသက်ကြီးသူတွေမှာ အရိုးပျက်စီးတာ သက်သာစေခြင်း၊
- Hormone replacement for men ယောက်ျား-ဟော်မုန်း အစားထိုးကုသခြင်း၊
- Gender Identity Disorder ယောက်ျား-မိန်းမ ပီသစေခြင်း၊

Ergogenic use and abuse တလွဲ အသုံးပြုနေတာလဲရှိတယ်။
အမေရိကားမှာ လူဦးရေရဲ့ ၁% ဟာ ဒီဆေးမျိုးကို တလွဲသုံးနေကြတယ်။ လူလတ်တန်းစားတွေကနေ အားကစား ပြိုင်ပွဲဝင်ဘို့ မဟုတ်ဘဲ Cosmetic purposes ကိုယ်ခန္ဓာလှချင်လို့ လုပ်ကြတာဖြစ်တယ်။ ဒီဆေးမျိုးသုံးသူတွေဟာ မီဒီယာမှာ ဖေါ်ပြတာတွေကို ကြည့်-ဖတ်ပြီး စိတ်ထဲ တလွဲထင်မှတ်နေကြတယ်။ အားကစား နယ်ပယ်မှာတော့ ယောက်ျားတွေရော မိန်းမတွေပါ ကိုယ်ကာယ၊ အလေးမ၊ သံလုံးပြစ်၊ ပြေး-ခုန်-ပြစ်၊ စက်ဘီးစီး၊ (ဘေ့စ်-ဘောလ်)၊ နဘမ်းသတ်၊ သိုင်း၊ လက်ဝှေ့၊ ဘောလုံး၊ ခရစ်ကက်၊ အားကစား နည်းတွေမှာ သုံးကြတယ်။

ဒီလို လူမျိုးတွေထဲက ၅၆% ဟာ ဆရာဝန်တွေ ပြောတာကို မယုံကြဘူး။
ဆေးတွေကို လူသာမက တိရစ္ဆာန်တွေကိုပါ သုံးတာရှိတယ်။
ဆိုင်ကကြက်သား ဝယ်မစားရဲအောင် တချို့နေရာတွေမှာ ဖြစ်နေပြီ။
မြန်မာတွေကတော့ အကောင်အတွက်ဆေး လူသုံးလို့ အကောင်နဲ့ တူသူတွေ မျက်စေ့အောက်မှာတင် ရှိတယ်။
သဘာဝ ဟော်မုန်း (၃) မျိုး (Estradiol, Testosterone, and Progesterone) နဲ့ တည်ဆောက် ဟော်မုန်း ၃ မျိုး (Estrogen compound zeranol, Androgen trenbolone acetate, and Progestin melengestrol acetate) တွေကို တိရစ္ဆာန်တွေကို အသားတိုးအောင် ထိုးပေးတယ်။

Bodybuilding drug ကိုယ်ခန္ဓာ သန်မာကြံ့ခိုင်အောင် သုံးကြတဲ့ဆေးတွေကို ဆရာဝန်တွေတောင်မှ အံ့သြရတယ်။ ဆေး နမူနာ (၃) ခုရေးပြပါမယ်။ (၁) Lasix ဆီးဆေးလို့ အလွယ်ခေါ်တဲ့ ကိုယ်ရောင်နေသူ၊ သွေးတိုးရှိသူ၊ နှလုံး အလုပ် မလုပ်နိုင်သူတွေကို ပေးတဲ့ဆေး။ (၂) Cytomel ဆိုတာ Thyroid drugs လည်ပင်းကြီးဆေး ဖြစ်တယ်။ (၃) Human chorionic gondotropin (HCG) အလွယ်ပြောရင် အချင်းဟော်မုန်း။ အများ နားလည်အောင် ပြောရရင် ကိုယ်ဝန်ရှိ-မရှိစစ်တယ်ဆိုတာ ဆီးထဲ-သွေးထဲမှာ ဒီဟာ ပါနေ-မနေ စစ်တာဖြစ်တယ်။

Breast augmentation ရင်သားကို ခွဲစိတ်ပြုပြင်နည်းတွေလဲ ရှိတယ်။ Breast implant ရင်သားအတုထည့်တာ နဲ့ Fat-graft mammoplasty procedures အဆီကို နေရာပြောင်းထည့်ပေးတာတွေဟာ ရင်သား မလှတာကို လှစေဘို့၊ ပိုပြီး အရွယ်အစားကြီးစေဘို့ နဲ့ ထိတွေ့မှုမှာ သာစေဘို့ အတွက်လုပ်တယ်။ ရင်သားခွဲစိတ်ပြုပြင်နည်းတွေမှာ Saline-filled (စေလိုင်း) သုံးနည်း နဲ့ Silicone-filled prosthetic breast (စီလီကွန်) သုံးနည်း လုပ်နိုင်တယ်။ Post–mastectomy ရင်သား ခွဲစိတ်ထုတ်ထားရသူတွေကို Breast reconstruction ရင်သား အသစ်တပ်ပေးတာ လုပ်နိုင်တယ်။ ရင်သား ဝိုင်းစက်-ဖေါင်းကြွနေတာ ဓါတ်ပုံမှာ အသားပေးထားရင် အဲဒါသာမှတ်။
• Breast implant ရင်သားအတု http://dts-medicaleducation.blogspot.com/2012/01/breast-implant.html
• Breast Reconstruction ရင်သား အသစ်တပ်ပေးခြင်း http://dts-medicaleducation.blogspot.com/2012/01/breast-reconstruction.html တွေ ရေးထားပါတယ်။

အပြင်ပမ်း ကြည့်ပြီး ရုပ်လှ-မလှ စသဖြင့် အကဲဖြတ်လေ့ရှိတယ်။ အမြင်မှာ သာစေဘို့ အခုအခံလဲ လုပ်ကြပါတယ်။ Camouflage ခေါ်တယ်။ ပုံဖျက်ထားတာပေါ့။ အမှန်က သူများအမြင်ကို အာရုံပြောင်းစေနည်းတွေ ဖြစ်ပါတယ်။ ဒီအရေးမှာ (စပါယ်ရှယ်လစ်) တွေ ပြောတာက ရင်သားကို ပိုကြီးချင်သူအရေအတွက်နဲ့ ကြီးနေတာကို သေးချင်သူ အရေအတွက် မကွာဘူးတဲ့။

ရင်သား ကြီးနေတာကို ဆေးမပါ၊ ဆရာဝန်မပါဘဲ လှည့်စားနည်းတွေ ရှိပါတယ်။
• Baggy and wavy blouses ချောင်ကျပြီး လှိုင်းထနေတဲ့ အဝတ်အစား ရွေးဝတ်ပါ။
• Classic dark, black or navy blue အနက်ရောင်၊ အရောင်ရင့်၊ (နေဗီ-ဘလူး) ဝတ်ဆင်ပါ။
• Avoid exposing it ကိုယ့်ဟာကို သူများကို မမြင်သာပါစေနဲ့။
• Tops with higher collar and neckline ကော်လာပါတာ ဝတ်ပါ။ လည်မဟိုက်စေပါနဲ့။ ဆွဲကြိုးဝတ်ပါ။ ပုလဲပုတီးဆွဲပါ။
• Stripes and different patterns အစဉ်းကြောင်းပါတဲ့ (ပက်တန်) မတူတဲ့ အဆင်ရွေးဝတ်ပါ။
• Seamless bra (ဘရာစီယာ) အခွက်ဝိုင်းမှာ ဘာအစဉ်း၊ ဒီဇိုင်းမှမပါတဲ့ ပြောင်ချောနေတာ ဝတ်ပါ။
• လူကပိန်ပြီး ရင်သားကထွားနေသူဆိုရင် အောက်က Skinny jeans ဂျင်းဘောင်းဘီ ကြပ်တာဝတ်ပါ။ ကြည့်တဲ့သူ မျက်စိကို တနေရာလွှဲစေပါ။

ဒီတော့ ရင်သားသေးနေသူတွေက ပြောင်းပြန်ယူက ရမလားဘဲ။

ကိုယ်ခန္ဓာ အချိုးအစားကျဘို့ရာ တကယ်လိုပါတယ်။ မိန်းမတွေအလှကို "ခါးသေး-ရင်ချီ" လို့ သတ်မှတ်သေးရင် ရင်နဲ့ တင်ကို ပြင်ဘို့ လိုမယ်။ ရင်သားဟာ ရင်ခေါင်းပိုင်း အရိုးစုအပေါ်မှာ ရှိတယ်။ တင်ဆိုတာ ဘေးကားတာနဲ့ နောက်ကော့နေတာဟာ အရိုးပုံပန်းအပေါ် မူတည်တယ်။ လူကိုယ်ခန္ဓာဟာ အရိုးပေါ်မှာ တည်ဆောက်ထားတယ်။ အရိုးကို အလှအပအတွက် ပြင်ပေးဘို့ရာ မရသလောက် ခက်ပါတယ်။ ခေမာမိဖုရားကြီး တရားချွတ်ခန်း ပန်းချီ တွေ့ဘူးသူ များမှာပါ။ အရိုးပဒေသာပေါ်ကနေ ကြွက်သားတွေ၊ အရွတ်တွေ၊ အဆီတွေ နဲ့ အပေါ်ကနေ အရေပြား ဖုံးထားတယ်။ အတွင်းထဲမှာ အင်္ဂါအစိတ်အပိုင်းတွေရှိတယ်။

လှချင်သူတွေက အလှဗေဒ နားလည်ကြမယ် ထင်ပါတယ်။ (ဗီးနပ်စ်) ဂရိလက်ရာ ရုပ်ထုဟာ သမိုင်းမှာ အချစ်နဲ့ အလှကို ကိုယ်စားပြုတယ်။ လက်တွေ ပြတ်နေတာတောင် ခုထိ တန်ဘိုးထားတုံးဘဲ။ သတိပြုဘို့က ခါးမသေးပါ။ ရင်ကလဲ သူလိုကိုယ်လိုပါ။ သက်ရှိလူတွေကို လှတယ်လို့ သတ်မှတ်တာတော့ ရုပ်တုတွေနဲ့ မတူနိုင်ပါ။ ကိုယ်နေဟန်ထား၊ အဝတ်အစား၊ မျက်နှာပေး၊ မူယာ--မာယာ၊ စတာစတာတွေနဲ့ အလှကို အသက်ဝင်စေနိုင်တယ်။ ဖက်ရှင် ဘန်းစကားတခု ဖြစ်တဲ့ Catwalk လျှောက်လမ်းမှာ လမ်းလျှောက်ပြရတဲ့ ဖက်ရှင်မယ်တွေဟာ အသစ်ပေါ် အဝတ်အစား၊ အသုံးအဆောင်တွေဝတ်ပြီး၊ အင်မတန် ပိန်ပါးပြီး တအားအရပ်ရှည်ကြရတာကို စံလို့ သတ်မှတ်ထားတယ်။ ရင်မထွားတာလဲ တန်ဘိုးတရပ် မဟုတ်ပါလား။

ပုဗ္ဗစေတနာ ပျက်စီးမှုကြောင့် အရုပ်ဆိုးရသူ (ပဉ္စပါပီ) ဟာ ဖောဋ္ဌာဗ္ဗာရုံမှာတော့ နာမည်ကြီးတယ်လို့ ဖတ်ရတယ်။ အာရုံခံစားမှု အရည်အချင်း အလွန့်အလွန်ကို ကောင်းလှသတဲ့။ အာရုံကြောတွေ ကောင်းဘို့ရာ ကျန်းမာဘို့ မလိုပါလား။ ဗီတာမင် (ဘီ) တွေက အာရုံကြောအတွက် ကောင်းတယ်။ ဆီးချိုရှိနေသူတွေ ခြေလက် ထုံတာဟာ B6 နဲ့ B12 နည်းလို့ ဖြစ်တယ်။ B1 ဟာ စိုးရိမ်စိတ်ကို သက်သာစေတာက အာရုံကြောတွေအပေါ် သက်ရောက်လို့ ဖြစ်တယ်။ E လဲနည်းရင် Neuron degeneration အာရုံကြောရောဂါ ရစေနိုင်တယ်။ ဗီတာမင် (စီ) ကလဲ စိုးရိမ်စိတ်ကို သက်သောစေတဲ့အပြင် ဦးနှောက်-ဓါတုအလုပ် နဲ့ (အဒြီနယ်-ဂလင်း) တွေကို ကူညီတယ်။ ဓါတ်ဆားတွေထဲက (ကယ်လ်စီယမ်) နဲ့ (မဂ္ဂနီဆီယမ်) တွေလဲ အာရုံကြောတွေအတွက် လိုတယ်။

ကြွက်သားတွေအတွက်လဲ ဗီတာမင်တွေက အရေးပါတယ်။ A ကနေ ကြွက်သားတွေ တင်းအားနည်းတာကို ကူညီမယ်။ B နည်းရင် အားယုတ်ပြီး ကြွက်သာတွေနာနေမယ်။ B-1 နည်းရင်၊ B-6 နည်းရင်၊ B-12 နည်းရင် ကြွက်သားတွေ အားယုတ်နေတယ်။ B-12 က ကြွက်သား ပြန်အသစ်ဖြစ်တာ ကူညီမယ်။ E ထဲမှာ Antioxidant and Anti-inflammatory သတ္တိတွေ ရှိလို့ ကြွက်သားပျက်စီးတာပြင်ဘို့ အသုံးကျတယ်။ C ကလဲ ကြွက်သား ထိခိုက်တာအတွက် ကောင်းတယ်။ နည်းရင် တင်းအားနည်းမယ်။ D က ကြွက်သား အကွေး-အဆန့် အတွက်လိုတယ်။ D အလွန်နည်းရင် ကလေးတွေမှာ Rickets အရိုးပျော့ရောဂါ ဖြစ်မယ်။ လူကြီးတွေမှာ Osteomalacia အရိုးမသန်တာ ဖြစ်မယ်။

အရေကြီးဆုံးတခုနဲ့ နိဂုံးချုပ်ပါမယ်။ ကိုယ်ခန္ဓာ အချိုးအစား၊ အဝတ်အစား၊ တန်ဆာပလာ၊ လူနေဟန်၊ စတာတွေရဲ့ အတွင်းဘက်မှာ မမြင်ရတဲ့ အလှဆိုတာ သိကြတဲ့အတိုင်း စိတ်အလှဖြစ်ပါတယ်။ ဆရာဝန် မတတ်နိုင်ပါ။ ကိုယ်တိုင်တော့ ကောင်းကောင်း မွေးမြူ၊ သင်ယူ-ကျင့်ဆောင်နိုင်ကြပါတယ်။ မမြင်ရတဲ့ အလှဆိုတာ မကြည့်ဘဲလဲ သိနိုင်ကြတယ်။ အရာတိုင်းမှာ လှကြပါစေ။

• Beauty of Breast ရင်သားအလှ http://dts-medicaleducation-adult.blogspot.in/2012/04/beauty-of-breast.html
• Better Butt အောက်ပိုင်း-နောက်ပိုင်း လေ့ကျင့်ခန်း http://dts-medicaleducation-adult.blogspot.in/2012/04/better-butt.html
• Beauty Questions လှချင်ရက် စက်စက်ယို (၁) http://dts-medicaleducation-adult.blogspot.in/2012/03/beauty-questions.html
• Cosmetic Procedures လှချင်ရက် စက်စက်ယို (၂) http://dts-medicaleducation.blogspot.in/2012/03/cosmetic-procedures.html
• Beauty Product Dangers အလှအပသုံးပစ္စည်းတွေရဲ့ အမှန်တရား http://dts-medicaleducation-adult.blogspot.in/2012/03/beauty-product-dangers.html
• Bodily Changes သွေးသားပြောင်းလဲမှုများ http://dts-medicaleducation.blogspot.com/2011/02/bodily-changes.html
• Body building Amino acids (ပရိုတင်း) http://dts-medicaleducation.blogspot.com/2011/01/body-building-amino-acids.html
• Body hair တလွဲဆံပင်ကောင်းသူများ http://dts-medicaleducation.blogspot.com/2010/12/body-hair.html
• Misuse တလွဲမသုံးပါနဲ့ လုံးရာကပြားလိမ့်မယ် http://dts-medicaleducation.blogspot.in/2010/12/blog-post.html

Dr. တင့်ဆွေ
၂၆-၆-၂ဝ၁၂

Sunday, June 24, 2012

Narcotic Analgesics မူးယစ်ဆေးပါ အနာသက်သောဆေးများ

မူးယစ်ဆေးပါတဲ့ အနာသက်သောဆေးတွေက (၂) မျိုးရှိတယ်။ Opiates ဘိန်း နဲ့ Opioids ဘိန်းနဲ့ဆင်တာ ဖြစ်တယ်။

Opioids ဘိန်းပါတဲ့ဆေးက (၄) မျိုးရှိတယ်။
1. Endogenous opioid peptides ကိုယ်ခန္ဓာကနေ အလိုလိုထုတ်ပေးနေတာမျိုး။ ဒါထဲမှာ Endorphins, Dynorphins, Enkephalins တွေပါတယ်။
2. Opium alkaloids (အယ်လ်ကာလွိုက်) Morphine, Codeine, Thebaine တွေဖြစ်တယ်။
3. Semi-synthetic opioids တစိတ်တပိုင်း ဓါတ်ခွဲခန်းမှာ ဖေါ်စပ်တာမျိုး။ Heroin, Oxycodone, Hydrocodone, Dihydrocodeine, Hydromorphone, Oxymorphone, Nicomorphine တွေဖြစ်တယ်။
4. Fully synthetic opioids လုံးဝ ဓါတ်ခွဲခန်းမှာသာ ဖေါ်စပ်တာမျိုး။ Demerol, Methadone, Fentanyl, Propoxyphene, Pentazocine, Buprenorphine, Butorphanol, Tramadol တွေဖြစ်တယ်။

• Oxycodone ဆေးဟာ ပြင်းတယ်။ စွဲတယ်။ နာတာရှည် မခံနိုင်အောင် နာနေသူတွေအတွက် သောက်ဆေး ဖြစ်တယ်။ OxyContin နာမည်နဲ့ 5, 10, 20, 40, 80, and 160 mg ဆေးပြားတွေ လာတယ်။ ၈-၁၂ နာရီအထိ ဆေးစွမ်းရှိတယ်။

• Morphine (မော်ဖိန်း) ဆေးဟာ ပြင်းတယ်။ စွဲတယ်။ ဘေးထွက်-ဆိုးကျိုးတွေကတော့ စိတ်ရဲ့ ပုံမှန်အလုပ်တွေ ပျက်ယွင်းမယ်၊ ကောင်းတာတွေချည်း ထင်မြင်နေမယ်၊ အိပ်ချင်မယ်၊ မလှုတ်ချင်ဘဲ ငြိမ်နေမယ်၊ မျက်စိ ဝေဝါးနေမယ်၊ ဝမ်းချုပ်မယ်။

• Tramadol ဆေးဟာ ပြင်းတယ်။ စွဲတယ်။ စားဆေး၊ ထိုးဆေးရှိတယ်။ Morphine (မော်ဖိန်း) အစွမ်းရဲ့ ၁ဝ% ရှိတယ်။ စားဆေးဆိုရင် တနေ့မှာ 50–400 mg ပေးပြီး ထိုးဆေးဆိုရင် တနေ့မှာ 600 mg IV/IM ပေးတယ်။

• Codeine (ကိုဒင်း) ဆေးကို Acetaminophen နဲ့ ရောသုံးတာများတယ်။ Tylenol, Tylenol with Codeine, Empirin and Phenaphen with Codeine နာမည်တွေနဲ့ရောင်းတယ်။ Aspirin နဲ့လဲ တွဲတာ ရှိတယ်။

• Darvocet ကိုလဲ တွဲလာတယ်။ Propoxy နဲ့ Acetaminophen တွဲတာကို Propacet, Wygesic နာမည်နဲ့ ရောင်းတယ်။

• Propoxyphene ဆေးကို Acetaminophen နဲ့တွဲပြီး Darvon and PP-Cap နာမည်တွေနဲ့ လာတယ်။ ဆေးပြား၊ ဆေးတောင့် နဲ့ ဆေးရည်တွေ ရောင်းတယ်။

• Duragesic ဆေးကို အရေပြား ဆေးကပ်ခွါအနေနဲ့ ရောင်းတယ်။ Generic နာမည်က Fentanyl ဖြစ်တယ်။

• Marijuana (မာရီဂွါးနား) ဆေးခြောက်၊ ဆေးကုရာမှာ သုံးသင့်-မသင့် ငြင်းနေကြတယ်။ နာတာလဲ သက်သာတယ်၊ အစာလဲ စားချင်မယ်၊ ပန်းနာ နဲ့ (မိုင်ဂရင်း) ရောဂါ၊ မျက်စိရေတိမ်၊ (မာလ်တီပယ်-စကယ်လရိုးဆစ်) ရောဂါတွေအတွက်ပါ သုံးနိုင်တယ်။ ဆေးစွဲတယ်။ ဆေးဖြတ်ရင် ပျို့တာ၊ အန်တာ၊ အိပ်မရတာ နဲ့ စိတ်ဓါတ်ကျတာတွေဖြစ်မယ်။

Opioids ဆေးတွေရဲ့ ဘေးထွက်-ဆိုးကျိုးတွေကတော့
ပျို့၊ အန်၊ အိပ်ချင်၊ ဆီးအိမ်တင်း၊ သူငယ်အိမ်ကျဉ်း၊ နှလုံးခုန်နှေး၊ နှလုံးခုန်မြန်၊စိတ်ရှုတ်ထွေး၊ သူများ မမြင်မကြားတာတွေ ထင်မြင်၊ အာခေါင်ခြောက်၊ ယား၊ ဂယောက်ခြောက်ခြားဖြစ်၊ ခေါင်းထဲဖိအားတက်၊ အရေပြားအနီကွက်တွေထွက်၊ ကိုယ်အပူချိန်ကျ၊ ကြွက်သားတွေတင်း၊ အသက်ရှူမကောင်း၊ ဆေးလွန်ရင် သေဆုံး။

- NSAIDs (1) အကိုက်အခဲပျောက်ဆေးများ http://dts-medicaleducation.blogspot.in/2012/06/nsaids.html
- NSAIDs (2) အကိုက်အခဲပျောက်ဆေးတွေကို လေ့လာခြင်း http://dts-medicaleducation.blogspot.com/2011/11/nsaid.html
- Painkillers အနာသက်သာဆေးများ http://dts-medicaleducation.blogspot.in/2012/06/painkillers.html

Dr. တင့်ဆွေ
၂၄-၆-၂ဝ၁၂

Friday, June 22, 2012

Lumbar spondylosis ခါးရိုး ကျီးပေါင်းတက်ခြင်း

Fri, Jun 22, 2012 at 7:21 AM
အမည် (့)၊ အသက် ၅ဝ၊ ကျား၊ ရန်ကုန်။ ကျွန်တော် ခါးနည်းနည်းအောင့်တာကြောင့် ဆရာဝန်ကိုသွားပြတော့ ဓါတ်မှန်ရိုက်ကြည့်တာ ကြောရိုးမှာ အရိုးအတက်ထွက်နေတာကို တွေ့ရတယ်။ ဘယ်လိုကြောင့် ဘာရောဂါကြောင့် ဖြစ်ရတာလဲဆရာ။ ဘာဆေးတွေက ထိရောက်အောင် ကုသပေးနိုင်ပါသလဲ။

“Cervical Spondylosis လည်ပင်း ကျီးပေါင်းတက်နေပါတယ်” ဆိုတာကို ရေးထားပြီးဖြစ်ပါတယ်။ အခု မေးတာက ခါးမှာဖြစ်တာ။ သိပ်တော့ မကွာလှပါ။ ခါးရိုးမကြီးဆိုတာ အရိုးလေးတွေထပ်နေပြီး အထက်အောက် တန်းနေတယ်။ လည်ပင်း၊ ရင်ခေါင်၊ ခါး၊ အပိုင်းလိုက် ခွဲခြားထားတယ်။ အရိုးတွေကြား အရိုးနုအပြားလေးတွေရှိတယ်။

ပုံမှန်ဆိုရင် ချောမွေ့နေရမဲ့ ခါးရိုးအနားသတ်တွေမှာ အပိုတွေဖြစ်တာကို ခါးရိုး ကျီးပေါင်းတက်တယ်လို့ ခေါ်တယ်။ အရိုး (ဘော်ဒီ) ပင်မနေရာရဲ့ ရှေ့ပိုင်း၊ ဘေးပိုင်းနေရာတွေမှာ အဖြစ်များတယ်။ အထက်-အောက် နေရာတွေရဲ့ နောက်ဖက်မှာ အဖြစ်နည်းတယ်။ ဒီလိုဖြစ်နေရင် အသက်ရလာလေလေ တိုး-ဆိုးလာလေလေဖြစ်မယ်။ ဖြစ်ကာစမှာ ၂၇-၃၇% မယ် ဘာမှမခံစားရသေးဘူး။ နာရင် Back Pains ခါးနာတာ နဲ့ Sciatic pains ပေါင်တလျှောက် နောက်ဖက်မှာ တန်းနေအောင် နာတယ်။

အများထင်သလို Lifestyle လုနေမှုပုံစံ၊ Height အရပ်၊ Weight အလေးချိန်၊ Body mass ကိုယ်ခန္ဓာထုထည်၊ Physical activity ကိုယ်လက်လှုတ်ရှားမှု၊ Cigarette and Alcohol consumption ဆေးသောက်-အရက်သောက်၊ Reproductive history မျိုးပွါးခြင်းတွေနဲ့ ပတ်သက်ခြင်းမရှိဘူးလို့ သိလာရတယ်။ အမေရိကားမှာ အသက် ၄ဝ ကျော်သူတွေထဲမှာ ၈ဝ% အဲလိုဖြစ်နေကြတယ်။ ယောက်ျားတွေမှာ ၈၄%၊ မိန်းမတွေမှာ ၇၄% ဖြစ်တယ်။ အများဆုံးဖြစ်တဲ့ အရိုးနံပါတ်တွေကတော့ T9-10 (ရင်ခေါင်း ၉-၁ဝ) နဲ့ L3 (ခါး ၃) နေရာတွေမှာ ဖြစ်ကြတယ်။

ဓါတ်မှန်၊ CT scans (စီတီ-စကင်) နဲ့ MRIs (အမ်အာရ်အိုင်) တွေကလဲ နောက်ဆက်တွဲဖြစ်တာ ရှိနေသူအတွက်သာ လိုတယ်။ Bone density scan ဆိုတာလဲ လုပ်တယ်။

Complications နောက်ဆက်တွဲ ဖြစ်လာနိုင်တာကတော့
• Posterior osteophytes နောက်မှာဖြစ်လာတဲ့ အရိုးစွန်းတွေကနေ Nerve compression အာရုံကြော အဖိခံရတာ ဖြစ်လာလို့ဖြစ်ရတယ်။ ဒါကလဲ Neuroforamen နေရာက ပုံမှန်ထက် ၃ဝ% ထက်နည်းလာမှဖြစ်တယ်။
• Posterior disk အရိုးရဲ့ နောက်ဖက်အမြင့်က 4 mm ထက်နည်းတာနဲ့ Foram အမြင့်က 15 mm ထက် နည်းတာ ဆိုရင် အာရုံကြော အဖိခံရတာ ဖြစ်နေပြီလို့ သတ်မှတ်တယ်။
• တကယ်လို့ Spinal canal ခါးရိုး အခေါင်းထဲဝင်လာရင် Spinal stenosis ခါးရိုးအခေါင်း ကျဉ်းတယ်လို့ ခေါ်တယ်။
• တကယ်လို့ Osteophytes (အော်စတီယိုဆိုက်) တွေ ပျောက်သွားရင် Aortic aneurysm (အေယိုတာ) သွေးကြောမကြီး ဖေါင်းတဲ့ရောဂါကို စစ်ဆေးရမယ်။
• Transverse foramen ထဲကို Vertebral artery သွေးလွှတ်ကြော ဖြတ်တဲ့နေရာမှာ ပိတ်ဆို့တာကနေ Vertebrobasilar insufficiency ဖြစ်တယ်။
• Spinal joints အဆစ်တွေက တင်းတောင့်လာမယ်။ Disc အရိုးကြား အရိုးနုပြားတွေထဲက Chondrocytes တွေ အာဟာရ မရလို့ သေတာ ဖြစ်လာမယ်။ အားနည်းလာတဲ့ Disc Herniation အရိုးနုပြား စူထွက်လာမယ်။ Drop attack ခေါ်တယ်။ အသက်ကြီးသူတွေမှာ လာဖြစ်တယ်။

ဘယ်လိုကုသမလဲ
• Lumbar spondylosis ခါးရိုး ကျီးပေါင်းတက်ခြင်းကနေ ဒုက္ခိတ မဖြစ်စေပါ။
• Complete bed rest ၂ ရက်တိတိ အိပ်ရာထဲမှာ အနားယူခြင်းဟာ ဘယ်ဆေး၊ ဘယ်ခွဲစိတ်မှုမှ မပါဘဲ ကောင်းသွားနိုင်တယ်။
• Lumbar supports အထူးခါးပတ် စည်းပေးထားနိုင်တယ်။
• Medical Therapy ဆေးပေးတာကို နောက်ဆက်တွဲ ဖြစ်တာ မရှိရင် မလိုအပ်ပါ။ ဆေးတွေကတော့ -
o Nonsteroidal anti-inflammatory drugs NSAIDS (စတီရွိုက်) မပါတဲ့ အနာသက်သာဆေးတွေကို အများဆုံး သုံးတယ်။
o Opioid medications ဘိန်းပါတဲ့ အနာသက်သာဆေးတွေလဲ သုံးတယ်။
o Antidepressants စိတ်မကျဆေးလဲ သုံးတယ်။
o Muscle relaxants ကြွက်သားပြေလျှော့ဆေးလဲ သုံးတယ်။
• Epidural steroid injections ခါးရိုးဆစ်ထဲ (စတီရွိုက်) ဆေးထိုးနည်းလဲရှိတယ်။
• Surgery ခွဲစိတ်ကုသပေးနည်းကို နောက်ဆက်တွဲ ဖြစ်တာရှိနေသူတွေမှာ ၂ ရက်တိတိ အိပ်ရာထဲမှာ အနားယူလို့ မသက်သာမှ လုပ်ရတယ်။
• တခြားနည်းတွေကို ဆရာဝန်တိုင်းက ထောက်ခံချက် မပေးပါ။ တချို့နည်းက တချို့လူနာတွေအတွက် အကျိုး ရှိနိုင်ပါတယ်။
o Exercise-based and behavioral interventions လေ့ကျင့်ခန်းနည်းတွေကို တဦးချင်းအတွက် ရွေးချယ်ရတယ်။ Aerobic exercise (အေရိုးဘစ်) နည်း၊ Muscle strengthening ကြွက်သား သန်မာစေနည်း၊ Stretching exercises ဆန့်တန်းနည်းတွေ ရှိတယ်။
o Transcutaneous electrical nerve stimulation လျှပ်စစ်သုံးကုသနည်းလဲရှိတယ်။
o Back School နည်းဆိုတာ ဆွီဒင်မှာ စသုံးတယ်။ Lumbar traction ခါးဆန့်ပေးနည်း၊ Spine manipulation ခါးနှိပ်နယ်ပေးနည်း၊ Massage therapy အနှိပ်သည်နည်း၊ Osteopathic manipulation treatment (OMT) အရိုးနှိပ်နည်း၊ Yoga ယောဂနည်း၊ Acupuncture အပ်စိုက်ကုသနည်းတွေလဲ ရှိတယ်။

• Cervical Spondylosis လည်ပင်း ကျီးပေါင်းတက်နေပါတယ် http://dts-medicaleducation.blogspot.com/2010/12/q-and-cervical-spondylosis.html

Dr. တင့်ဆွေ
၂၂-၆-၂ဝ၁၂

တခေတ်တခါက မြန်မာစာကို မှန်ကန်စွာ ရေးသားကြ၏

တခါက တခါတုန်းက တခါက တဘဝ တခေတ် တခါက တခါက မွေးဌာနီ တခါက မကြေးစည် တခေတ်တခါက မြန်မာစာကို မှန်ကန်စွာ ရေးသားကြ၏။ ဒေါက...