ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာအတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည်သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာမေးပါ။
• အီးမေးလ် အခက်အခဲရှိလို့ Facebook message မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• Facebook Comment ကနေမေးတာ-ဖြေတာ အဆင်မပြေပါ။
စာရှည်ရေးမရပါ။ သူများတွေကို အနှောင့်အယှက်ဖြစ်နိုင်ပါတယ်။
• နာမ်စားသုံးတာမှာ ကိုယ်ကိုယ်ကို ‘သား’၊ ‘သမီး’ လို့ သုံးရင် မေးတဲ့သူရဲ့ သားသမီးလား ထင်မှတ်မှားနိုင်တာသတိပြုပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။ ကျွန်တော့်မှာ Viber မရှိပါ။ ဖေ့စ်ဘွတ် ဖုန်း-ဗီဒီယို အဆင်မပြေပါ။ Skype ကိုတော့ နိုင်ငံရေးနဲ့ မိသားစုအတွက်သာသုံးပါတယ်။
drswe01@gmail.com ကို (အီးမေးလ်) ပို့ပါ။

(ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်
- https://tintswe.wordpress.com/ Dr. Tint Swe ဒေါက်တာတင့်ဆွေ ဆေးပညာစာများ

Friday, March 1, 2013

Hospital-acquired infection ဆေးရုံ-ကူးစက်ရောဂါ

Thu, Feb 28, 2013 at 12:39 PM
ဆေးရုံတွေမှတဆင့် ကူးစက်နိုင်သောရောဂါများထဲမှာ ခွဲစိတ်ဒဏ်ရာပိုးဝင်ရောက်ခြင်းအပြင် အခြား မည်သည့်ရောဂါများ ကူးစက်နိုင်သည်ကို သိရှိလိုပါသည်ခင်ဗျာ။ ထို့အပြင် ခွဲစိတ်ဒဏ်ရာပိုးဝင်ရောက်ခြင်းကြောင့် လူနာအနေဖြင့် အသက်အန္တရာယ် စိုးရိမ်ရမှုရှိ၊ မရှိ နှင့်မည်သည့်အတွက်ကြောင့် ထိုသို့ဖြစ်ပွားရသည်ကို သိရှိလိုပါသည်။ လက်ရှိ မြန်မာနိုင်ငံရှိ အစိုးရဆေးရုံများ၏ သန်ရှင်းရေး အခြေအနေအပေါ် ဆရာရဲ့ သုံးသပ်ချက်အမြင်ကိုလည်း သိရှိလိုပါသည်။

ဆေးရုံတက်လူနာတွေ၊ လူနာစောင့်နဲ့ လူနာမေးလာသူတွေရော ဆေးရုံမှာ အလုပ်လုပ်နေသူတိုင်းကို ဆေးရုံတွေကနေ ကူးစက်ရောဂါတွေရတယ်။ ဆေးစာနဲ့ Hospital-acquired infection ဆေးရုံရ ကူးစက်ရောဂါတွေလို့ခေါ်ပါတယ်။ Nosocomial infection (နိုဆိုကော်မီကယ်) ကူးစက်ရောဂါဆိုတာက ဆေးရုံဝန်းကျင်မှာ ပျော်နေကြတဲ့ ရောဂါပိုးတွေကနေ ကူးစက်ရောဂါတွေ ရစေတာ ဖြစ်ပါတယ်။ ဖန်းဂတ်စ် (မှို) တွေ၊ ဗက်တီးရီးယားတွေ။ ဗိုင်းရပ်စ်တွေ ပါဝင်တယ်။ ဝေဒနာခံစားနေရလို့ ကိုယ်ခံစွမ်းအား နည်းနေသူတွေမှာ ပိုဖြစ်လာစေတယ်။

မြန်မာပြည်မှာ ဘယ်လောက်များသလဲ ဆန်းစစ်မှုတွေ မသိပါ။ တိုးတက်မှုထိပ်ဆုံးက အမေရိကားမှာ တနှစ်ကို ဆေးရုံ ကူးစက်ရောဂါသည်ပေါင်း ၂ သန်းရှိပြီး၊ ဒီအထဲက လူနာပေါင်း ၂ သောင်း၊ သေဆုံးနေပါတယ်။ ဥရောပမှာ (ဂရမ်-အနုတ်) ဗက်တီးရီးယား အမျိုးအစားကြောင့် တနှစ်မှာ လူနာပေါင်း နှစ်သောင်းခွဲ သေဆုံးစေပါတယ်။

(နိုဆိုကော်မီကယ်) ကြောင့် အလွန်ဆိုးလှတဲ့ နူမိုးနီးယား၊ ဆီးလမ်းကြောင်းပိုးဝင်တာ၊ သွေးထဲပိုးဝင်တာ၊ ကိုယ်ခန္ဓာ တခြားနေရာမှာ ပိုးဝင်တာတွေ ဖြစ်စေနိုင်တယ်။ ဆိုးတယ်လို့ ပြောရတာက ဒီပိုးတွေဟာ သုံးနေကြ ပဋိဇီဝဆေးတွေကို ခံနိုင်ကြလို့ပါ။ ဆေးရုံကပါလာပြီး နေအိမ်တွေကိုပါ ပြန့်နှံ့စေသေးတယ်။

ပိုးနာမည်တွေကို စာရင်းချရင် မနည်းလှပါ။
• Ventilator-associated pneumonia
• Staphylococcus aureus
• Methicillin resistant Staphylococcus aureus
• Candida albicans
• Pseudomonas aeruginosa
• Acinetobacter baumannii
• Stenotrophomonas maltophilia
• Clostridium difficile

ဒီလိုပိုးတွေကနေ -
• Tuberculosis တီဘီ၊
• Urinary tract infection ဆီးလမ်းပိုးဝင်ခြင်း၊
• Hospital-acquired pneumonia ဆေးရုံကရ နူမိုးနီးယား၊
• Gastroenteritis အစာလမ်းရောင်၊
• Vancomycin-resistant Enterococcus ဆေးယဉ်ကူးစက်ရောဂါ နဲ့
• Legionnaires' disease ရောဂါတွေရစေတယ်။

Transmission ဘယ်လမ်းကြောင်းတွေကနေ ရောဂါပိုးတွေ ဝင်လာသလဲ။
1. Direct contact တိုက်ရိုက်ထိစပ်ခြင်း။ အများဆုံးကူးပါတယ်။
2. Droplet transmission အမှုံလေးတွေကနေကူးခြင်း။ ချောင်းဆိုး၊ နှာချေ၊ စကားပြောရာကနေ ကူးတယ်။
3. Airborne transmission လေထဲကနေကူးခြင်း။ 5 µm ထက်ငယ်တဲ့ အမှုံအမွှားလေးတွေက လေငွေ့၊ ရေငွေ့ ပျံတာထဲမှာ ပါနေနိုင်တယ်။ သူတို့ထဲမှာ ပိုးတွေပါနေမယ်။ နောက်တယောက်က အသက်ရှူတဲ့အခါ ပါသွားမယ်။ ဒီလိုမဖြစ်စေအောင် လေကို စနစ်တကျထိန်းသိမ်းရေး၊ ကြံခိုင်ရေးတွေ လုပ်နေရပါမယ်။ Legionella, Mycobacterium tuberculosis ဗက်တီးရီးယားတွေအပြင် Rubeola နဲ့ Varicella viruses ဗိုင်းရပ်စ်ပိုးတွေ ဖြစ်ကြတယ်။
4. Common vehicle transmission ကြားခံကသက်မဲ့တွေတဆင့်ကူးခြင်း။ အစားအသောက်၊ ရေ၊ ဆေးဝါး၊ ကရိယာပစ္စည်းတွေကနေ ကြားခံပြီး ကူးတယ်။
5. Vector borne transmission ကြားခံသက်ရှိအကောင်လေးတွေကနေတဆင့်ကူးခြင်း။ ခြင်၊ ယင်၊ ကြွက်၊ ပိုးဟပ်၊ စသည်။

ဘယ်လိုအခြေအနေတွေမှာ အန္တရာယ်ရှိသလဲ။
လူနာဖြစ်နေရခြင်း၊ အသက်ကြီးခြင်း၊ လမစေ့ပဲမွေးလာရခြင်း၊ အင်္ဂါအစိတ်အပိုင်း အစားထိုးထားလို့ ကိုယ်ခံအားကို တမင်ကျစေအောင်ဆေးသုံးနေရခြင်း၊ ဓါတ်ကင်နေရခြင်း၊ ကင်ဆာဆေးသုံးနေရခြင်း၊ အသက်ရှူလမ်းပိတ်ရောဂါ ရှိနေသေးခြင်း၊ ကိုယ်ထဲကို စမ်းသပ်ကရိယာ၊ ဆေးကုသကရိယာတွေ ထည့်သွင်းခံရခြင်း၊ ပိုက်အမျိုးမျိုးတပ်ထားရခြင်း၊ ပိုးသေဆေး၊ လေနာဆေးသောက်နေရခြင်း၊ သွေးသွင်း၊ ဆေးသွင်းရခြင်း၊ ဆေးထိုးရခြင်း၊ ဆေးထည့်ရခြင်း။

အတန်းအစားခွဲခြင်း
ဗက်တီးရီးယားက ထိပ်မှာရှိတယ်။ MRSA ဆိုတာ ဆေးယဉ်တဲ့ S. aureus ပိုးကနေဖြစ်တယ်။ သူက ဂရမ်-အပေါင်း အမျိုးအစား နဲ့ ဂရမ်-အနုတ် အမျိုးအစားက Acinetobacter baumannii ဖြစ်တယ်။ နောက်အမျိုးအတွက် ဆေးက ရှားသေးတယ်။ Polymyxin-type antibacterials ဆေးမျိုးနဲ့ကုမှရမယ်။ နောက်တမျိုးက ဂရမ်-အနုတ်၊ ဆေးယဉ်တဲ့ Klebsiella pneumonia နူမိုးနီးယားပိုး ဖြစ်တယ်။ (နိုဆိုကော်မီကယ်) ကူးစက်ရောဂါတွေထဲက သုံးပုံတပုံဟာ ကာကွယ်လို့ရတာတွေလို့ ဆိုနိုင်ပါတယ်။

ဘယ်လိုကာကွယ်မလဲ။
• ဆေးရုံတွေမှာ Hospitals sanitation protocols သန့်ရှင်းရေးလက်စွဲထားကြရတယ်။ ယူနီဖေါင်း၊ ကရိယာ ပစ္စည်း၊ ဆေးကြောလျှော်ဖွတ်ခြင်း စတာတွေအတွက် ဘယ်လိုဘယ်ပုံလုပ်ရမလဲ အားလုံးစုံ ရေးထားပြီး လိုက်နာကြရတယ်။ စစ်ဆေးနေရမယ်။
• ဆေးရုံတာဝန်ရှိသူများအားလုံးအတွက် (ချက်-လစ်)
- လက်တွေကို ဆပ်ပြာ + ရေနဲ့ လိုအပ်လာတိုင်းဆေးပါ။ လိုအပ်သေးချိန်မှာ အရက်ပျံသုတ်လိမ်းပါ။
- လူနာအရေပြားကို ပိုးသန်ဘို့ရာ Chlorhexidine ၂% ပါတဲ့ဆေးရည် တမျိုးသုံးပါ။ တခြားဆေးလည်း သုံးနိုင်တယ်။
- နှာခေါင်းစီး၊ Cap ခေါင်းစီး၊ ပိုးသန့်ပြီးဝတ်ရုံ၊ ပိုးသန့်ပြီးလက်အိတ်တွေ သုံးပါ။
• Sterilization ပိုးသန့် နည်းတွေထဲမှာ Chemicals ဓါတုနည်း၊ Ionizing radiation ဓါတ်ရောင်ခြည်နည်း၊ Dry heat အပူခြောက်၊ Steam under pressure ရေနွေးငွေ့ + ဖိအားနည်းတွေပါတယ်။
• ကူးစက်ဆောင်မှာ သီးသန့်ခွဲထားတာ လိုအပ်သူတွေအတွက် လုပ်ရမယ်။
• ဆေးရုံကိုလာသူတိုင်းလဲ ဆေးရုံတာဝန်ရှိသူတွေက ညွှန်သလို လိုက်နာကြရမယ်။
• လက်အိပ်ကနေ ဆရာဝန်ဆီကရောဂါကို လူနာကိုရော၊ လူနာဆီကနေ ဆရာဝန်ဆီသမကာ လူနာ တယောက်ကနေ နောက်တယောက်ကို ဆရာဝန်ဆီကတဆင့်ကူးမှာကိုပါ ကာကွယ်တယ်။
• မျက်နှာပြင် ပိုးသန့်ခြင်းနည်းရှိတယ်။ စားပွဲ၊ ကုတင်၊ ထိုင်စရာ စသည်။
• Antimicrobial copper alloy ကြေးနီသတ္တုရောက ကောင်းတယ်။
• NAV-CO2 နည်းက ခေတ်မီနည်းဖြစ်တယ်။
• Hydrogen peroxide vapor ဟိုပ်ဒရိုဂျင်-ပါအောက်ဆိုက် ဓါတ်ငွေ့နည်းလဲ ကောင်းတယ်။
• အေပရွန် (ကိုယ်ကာအစ) သုံးကြရမယ်။

ခွဲစိတ်ခန်းကနေ ပိုးဝင်တာ ဖြစ်တတ်တယ်။
အမှန်က မခွဲခင် ခွဲရမဲ့နေရာ၊ ခွဲရာမှာသုံးတာမှန်သမျှ၊ ခွဲရာမှာ ပါနေသူအားလုံး စနစ်တကျ ပိုးသန့်ထားတဲ့ အခင်းအကျင်းမှာ ခွဲရတယ်ဆိုရင် ခွဲပြီးပေမဲ့ ပိုးသေဆေး တခုမှတောင် ပေးစရာ မလိုပါ။ ပဋိဇီဝဆေးတွေကို ကြိုတင်ပေးတာမျိုးလဲ လုပ်ဘို့မလိုပါ။ လိုပြီဆိုကတည်းက တနေရာမှာ တခုခုလိုသွားတာဖြစ်မယ်။

ဒီလိုကူးစက်မှုတွေ ဘာလို့ဖြစ်ပါသလဲ။ ဆေးရုံမှာ တာဝန်ရှိသူတွေကိုလက်ညှိုးထိုးတာ မမှားပါ။ သန့်ရှင်းရေးလုပ်ရမဲ့ စည်းကမ်းသတ်မှတ်ချက်တွေကို အတိအကျ မလိုက်နာတာကနေ ဖြစ်ပါမယ်။ အတွင်းလူနာဖြစ်ပြီဆိုကတည်းက ကျန်းမာရေး အတော်ချို့တဲ့နေတာမို့လဲ ခံနိုင်ရည် နည်းနေကြလို့ ကူးစက်ရောဂါတွေက ပိုဆိုးတယ်။ လူနာတဦးကို ပြုစုပေးပြီး နောက်တဦးဆီ ကူးလုပ်ပေးရာကနေ လူနာအချင်ချင်းကြား ဆရာဝန်၊ ဆရာမတွေက "ကယ်ရီယာ" လုပ်ပေးနေသလို ဖြစ်စေနိုင်သေးပါတယ်။

ဆရာဝန်တွေကို အပြစ်ဖို့ပြီးတဲ့နောက် ဆရာ့ဆရာတွေကို အပြစ်တင်ပါရစေ။ (မဆလ) ခေတ်မှာ ပညာကို အားမပေးလို့ တတ်သိတာမှန်သမျှ အသုံးချမရခဲ့ပါ။ လက်ဆေးရမှန်းသိပါရဲ့ ဆပ်ပြာဝယ်ဘို့ရာ ဘတ်ဂျက်ထဲမပါပါ။ အရက်ပျံဆိုတာလဲ ငါးနှစ်စီမံကိန်းထဲ ထည့်ဆွဲပုံမရပါ။ ဒါတွေက ကြာခဲ့ပြီမို့ထားလိုက်ပါဆို ထားပါ့မယ်။ အခုကော လိုချင်တာမှန်သမျှ အားလုံး ရနိုင်နေပါပြီတဲ့။ အခုမေးခွန်းမေးလာတာဟာ တိုးတက်လာတာပါ။ ဒါပေမဲ့ဗျာ "လူနာကို အဝယ်ခိုင်းရတာကတော့ တိုးပျက်လာတာ မဟုတ်ပါလား။" လူနာဆိုတာ မရှိလို့ ရောဂါရသူက ပိုများပါတယ်။ ရောဂါတော့ ပျောက်ချင်ပါရဲ့၊ ဘာမဆို ငွေပေးမှ ဆေးရုံတွေကလဲ လုပ်ပေးတာမို့ ကူးကာမှကူးပေါ့ ကံတရားအားကိုးရမှပဲဆိုသူတွေက အလွန်ကြီး များနေတယ်။

ကောင်းပေ့ဆိုတာမှန်သမျှ သန့်ပေ့ဆိုတဲ့ အရည်အချင်း ပါရတယ်။ ခွဲစိတ်ခန်း၊ သားဖွါးခန်းတွေမှာ ပိုးတွေရှိနေရင် နံရံကအစ ခွါချပြီး အသစ်လုပ်ကြရပါတယ်။ မြန်မာတပြည်လုံးမှာ နံရံဆေးသုတ်နည်းနဲ့ ကူးစက်ရောဂါကင်းသွားမှာ မဟုတ်သလို၊ အစစခွါချပြီး ပြုပြင်နိုင်ရေး ဝိုင်းဝန်းအားပေးကြပါစို့။

ဒေါက်တာတင့်ဆွေ
၁-၃-၂ဝ၁၃