Friday, May 31, 2013

Supraventricular Tachycardia နှလုံးခုန်မြန်ရောဂါ

လူနာက အသက် ၆၂ နှစ်၊ အမျိုးသမီးပါ။ ဆီးချိုလည်း ရှိပါတယ်။ ရန်ကုန်မှာ လုပ်ရမှာဖြစ်ပါတယ်။ ၂ဝဝ၉ မှာတစ်ကြိမ်ဘဲဖြစ်ခဲ့ဖူးပါတယ်။ လူနာက လုပ်ရမှာကြောက်နေလို့ လုပ်သင့် မသင့်မသိလို့ပါ။ SVT အကြောင်းလည်း ဗဟုသုတအနေနဲ့ သိချင်လို့ပါဆရာ။

Supraventricular tachycardia (SVT) ဆိုတာ ပုံမှန်ဖြစ်တတ်တဲ့ ကိုယ်လက်လှုတ်ရှားမှုလုပ်တာ၊ ကိုယ်ပူတာ၊ စိတ်ဖိအားများတာတွေကြောင့် မဟုတ်ဘဲ နှလုံးခုန်မြန်တာမျိုးဖြစ်တယ်။

အမျိုးအစား (၂) ခုရှိတယ်။
၁။ Atrioventricular nodal reentrant tachycardia (AVNRT) နဲ့
၂။ Atrioventricular reciprocating tachycardia (AVRT), including Wolff-Parkinson-White syndrome တွေ ဖြစ်တယ်။

တမိနစ်မှာ ၁ဝဝ ကျော်နေမယ်။ ၃ဝဝ အထိလဲ ရောက်နိုင်တယ်။ ဆေးကုလို့ဖြစ်ဖြစ်၊ သူ့အလိုလိုဖြစ်ဖြစ် ၆ဝ-၁ဝဝ ပြန်ရောက်နိုင်တယ်။ တချို့မှာ ရုတ်တရက်ဖြစ်ပြီး ရုတ်ရက်ပျောက်နိုင်တယ်။ တချို့မှာ ဘာမှ မခံစားရဘူး။ ခံစားရရင်၊ ခဏခဏဖြစ်နေရင်၊ ဖြစ်နေတာကြာရင် ဆေးကုဘို့လိုမယ်။ ဆေးစာမှာ SVT ကို Paroxysmal supraventricular tachycardia (PSVT) နဲ့ Paroxysmal atrial tachycardia (PAT) လို့လဲခေါ်သေးတယ်။

ဘာလို့ဖြစ်သလဲ
နှလုံးထဲက လျှပ်စစ်သွယ်တန်းမှုမှာ ချို့ယွင်းလို့ဖြစ်လာရတယ်။ ဘာလို့ အဲလိုလာဖြစ်သလဲကတော့ မရှင်းဘူး။ Digoxin နှလုံးဆေးနဲ့ Theophylline ပန်းနာဆေးတွေကြောင့်လဲ အဲလိုဖြစ်နိုင်တယ်။ Wolff-Parkinson-White syndrome က မိသားစုမျိုးရိုးလိုက်နိုင်တယ်။ COPD or Pneumonia အဆုပ်ရောဂါတွေကနေလဲ ဆက်ဖြစ်နိုင်တယ်။

အသက်ကိုအန္တရာယ်ပေးနိုင်တယ်ဆိုတာထက် နေရထိုင်ရခက်တာက ပြဿနာပိုဖြစ်တယ်။ ခံစားရရင်
• ရင်တုန်မယ်၊
• သွေးလွှတ်ကြောစမ်းရင် အတင်းအားကောင်းကောင်းနဲ ခုန်နေတာ စမ်းလို့ရမယ်။
• ခေါင်းမူးဝေဝေနဲ့ ပေါ့နေပြီး နေမထိဖြစ်နေမယ်။
• သတိလစ်ချင်သလောက်နီးနီး၊ တကယ်သတိလစ်ခြင်း၊
• အသက်ရှူတိုတောင်းခြင်း၊
• အသက်ရှူမြန်မယ်၊
• ရင်ပတ်နာမယ်၊
• လည်ပင်းထဲတင်းကျပ်နေမယ်၊
• ချွေးပြန်မယ်။

Electrocardiogram (EKG, ECG) ရိုက်ရမယ်။

ဘယ်လိုကုသမလဲ
SVTs ကို AV node ဆိုတဲ့နှလုံးနေရာလေးတခုနဲ့ဆိုင်တာနဲ့ မဆိုင်တာဆိုပြီး ၂ မျိုးရှိတယ်။

ဆိုင်တဲ့ဟာဆိုရင် AV nodal blocking နည်းသုံးတယ်။ Physical maneuvers ရုပ်ပိုင်းနည်း = Vagal maneuvers လို့ခေါ်တယ်။ ရင်ပတ်ထဲမှာ ဖိအားကိုများစေအာင် တမင် လုပ်နည်းဖြစ်တယ်။ ချောင်းဆိုးမယ်၊ အသက်မရှူဘဲ အောင့်ထားမယ်၊ ရှူထုတ်တဲ့အခါ အားနဲ့ထုတ်မယ်၊ နှာခေါင်းကို ပိတ်ထားပြီးမှ အသက်ရှူထုတ်မယ်။ မျက်နှာပေါ်ရေခဲတင်တာ၊ Carotid sinus massage လည်ပင်းမှာ နေရာလေးတခုကို နှိပ်ပေးနည်းလဲ သုံးနိုင်တယ်။ အသက်သိပ်ကြီးနေသူကိုတော့ မလုပ်စေပါ။

Adenosine ဆေးကို အထက်ကနည်းတွေနဲ့ မရရင် ဆေးမယ်။ ဒီဆေးနဲ့သက်သာရင် Diltiazem, Verapamil or Aetoprolol တွေနဲ့ ထိန်းထားပေးမယ်။ Adenosine ဆေးကို ကိုယ်ဝန်ဆောင်နေချိန်မှာလဲ ပေးနိုင်တယ်။

AV node နဲ့မဆိုင်တဲ့ SVT ရောဂါအမျိုးအစားဆိုရင် Sotalol နဲ့ Amiodarone ဆေးတွေပေးတယ်။

Electrical cardioversion လျှပ်စစ်နည်းနဲ့လဲ ကုသပေးချင်ပေးမယ်။ လူနာအခြေအနေက မတည်ငြိမ်ရင်၊ ဆေးတွေနဲ့လဲ မနိုင်ရင် ဒီနည်းသုံးနိုင်တယ်။ Synchronized electrical cardioversion လို့လဲခေါ်တယ်။ Catheter ablation ခွဲစိတ်နည်းလဲ ရှိတယ်။

အရက်နဲ့မတည့်ပါ။ ကေဖင်း (ကော်ဖီ) နဲ့ မတည့်ပါ။ ဆေးလိပ်နဲ့ မတည့်ပါ။ တိုင်းရင်းဆေး၊ ဟာဗယ်လ်ဆေး၊ အားဆေးဆိုပြီးဆိုင်တွေမှာ ကြော်ညာပြီးရောင်းတဲ့ဆေးတွေနဲ့ မတည့်ပါ။ Decongestants အအေးမိပျောက်ဆေး သောက်ရင် သတိထားပါ။ Cocaine, Ecstasy, or Methamphetamine တရားမဝင်ဆေးတွေနဲ့ မတည့်ပါ။

ဒေါက်တာတင့်ဆွေ
၃၁-၅-၂ဝ၁၃

Wednesday, May 29, 2013

မြန်မာနိုင်ငံမှာ ဘီပိုး လူခြောက်သန်းခန့် ရောဂါကူးစက်ခံရ

မြန်မာလူထုကို အခြိမ်းခြောက်ဆုံးရောဂါ ဆေးသုတေသန စစ်တမ်းများအရ လူ ၁ဝ ဦးလျှင်တစ်ဦး အသည်း ရောင်အသားဝါ ဘီပိုး ကူးစက်ခံ နေရသောကြောင့် မြန်မာနိုင်ငံတွင် ခန့်မှန်းခြေ လူခြောက်သန်းခန့် ရောဂါကူးစက်ခံရ

အသက် (၅ဝ)အရွယ် ဒေါ်မီမီအတွက် အကြောက်ဆုံးအချိန်သည် ၎င်း၏ မြေးကလေးများ ဖျားနာသည့်အချိန်ပင်ဖြစ်သည်။ ခန္ဓာကိုယ်အတွင်းတွင်ရှိနေသည့် ပိုးကောင်များ အကြောင်းတစ်ခုခုဖြင့် သူ့မြေးကလေးများထံ မကူးစက်စေရန် ဂရုပြုနေထိုင်ရန် ဆုံးဖြတ်ချက်သည် ၎င်းအတွက်ကြီးမားသည့် ခံယူချက်တစ်ခုလည်းဖြစ်သည်။

“သူတို့နေထိုင်မကောင်းတဲ့အခါတိုင်း ငါ့ဆီကများ ပိုးတွေကူးသွားသလားဆိုပြီး အရမ်းကိုထိတ်လန့်မိတယ်။ အရာရာတိုင်း အရမ်းကို ဂရုစိုက်ထားပြီး ကာကွယ်ဆေးထိုးထားတာတောင် အခုထိ သူတို့တစ်ခုခုဖြစ်တိုင်း အသည်းရောင်အသားဝါ စစ်တာပါ တွဲလုပ်တယ်” ဟု ဒေါ်မီမီက ပြောသည်။

မည်သို့သောနည်းလမ်းဖြင့် အသည်းရောင်အသားဝါ ဘီပိုးကူးစက်ခံရမှန်း ဒေါ်မီမီမသိသော်လည်း ရောဂါပိုးရှိကြောင်း သိရှိသည့် လွန်ခဲ့သည့် လေးနှစ်ခန့်မှစ၍ ဆေးဝါးကုသမှု မှန်မှန်ပြုလုပ်ခဲ့ကာ ယခုအချိန်ထိ ဆေးစစ်သည့် အဖြေများကြောင့် ဒေါ်မီမီတွင် အသည်းထိခိုက်မှုတော့ မရှိသေးချေ။

ဆေးသုတေသနဦးစီးဌာနမှ ပြုလုပ်ထားသည့် စစ်တမ်းများအရ မြန်မာနိုင်ငံရှိ လူ ၁ဝ ဦးတွင် တစ်ဦး အသည်းရောင် အသားဝါ ဘီပိုးကူး စက်ခံနေရကြောင်း တွေ့ရှိခဲ့ကြသဖြင့် ခန့်မှန်းခြေအားဖြင့် ပြည်တွင်းတွင် ရောဂါပိုးကူးစက်ခံထားရသူ ခြောက်သန်းခန့်ရှိနေသည်။

မြန်မာနိုင်ငံရှိ လူထုအား သေဆုံးစေသည့်ရောဂါများအနက် အသည်းခြောက်ရောဂါသည် နံပါတ်ရှစ်နေရာတွင် ရှိနေကြောင်း GBD 2010 တွင် ဖော်ပြထားပြီး အခြားနိုင်ငံများနှင့်မတူ မြန်မာနိုင်ငံသည် အသည်းရောင်ဘီပိုးကြောင့် အသည်းခြောက်ရောဂါ အများဆုံးဖြစ်ပွားသည့် နိုင်ငံလည်းဖြစ်သည်။

ပြည်တွင်းရှိ အသည်းအထူးကုဆရာဝန်များထံသို့ ရောက်ရှိလာသည့် လူနာအားလုံး၏ ၇ဝ ရာခိုင်နှုန်းကျော်သည် အသည်းရောင်အသားဝါဘီပိုးကြောင့် နောက်ဆက်တွဲ ရရှိလာသည့် ရောဂါများဖြင့် ရောက်ရှိလာသည့် လူနာများ ဖြစ်နေကြောင်း အသည်းအထူးကုသမားတော်ကြီးများက ပြောသည်။

ခုခံအားကျဆင်းသည့်ရောဂါ (အိတ်ခ်ျအိုင်ဗီဗိုင်းရပ်စ်)ကူးစက်ခံရမှုကို အထူးတလည်ကြောက်ရွံ့နေသည့်အချိန်တွင် အိတ်ခ်ျအိုင်ဗီနှင့် ကူးစက်ပုံတူညီသည့် အသည်းရောင် အသားဝါဘီပိုးသည် အိတ်ခ်ျအိုင်ဗီထက် အဆငါးဆယ် ပိုမိုကူးစက်နိုင်ခြေရှိကြောင်း ကမ္ဘာ့ကျန်းမာရေးအဖွဲ့ (WHO) က ဖော်ပြထားသည်။

ရောဂါပိုးသည် သွေးနှင့် ခန္ဓာကိုယ်မှထွက်ရှိသည့် အရည်များထဲတွင် ပမာဏများစွာပါဝင်နေပြီး အနည်းငယ်ထိရှမိရုံဖြင့် ရောဂါပိုးကူးစက်နိုင်သည်။ ရောဂါပိုးသည် ပမာဏနည်းနည်းဖြင့် တံတွေး၊ နို့ရည်၊ ချွေးစသည်တို့တွင်လည်း ပါဝင်နေပြီး အခြားဗိုင်းရပ်စ်ပိုးများနှင့်မတူ ခန္ဓာကိုယ်ပြင်ပတွင်လည်း တစ်လခန့် အသက်ရှင်နိုင်သည်။

အသည်းရောင်အသားဝါဘီကြောင့် ဆေးရုံ၊ ဆေးခန်းရောက်လာသည့် လူနာများတွင် ကလေးငယ်မှစတင်ပြီး သက်ကြီးရွယ်အိုအထိ အရွယ်စုံပါဝင်ကာ ထိုရောဂါသည် ပျောက်ကင်းအောင် ကုသရန် မလွယ်ကူသည့် နာတာရှည်ရောဂါမျိုးဖြစ်သည်။

ရောဂါပိုးသည် သွေးအတွင်း၌ ပျံ့နှံ့နေပြီး အခြားသူတစ်ဦးထံသို့ သွေး၊ ခန္ဓာကိုယ်မှထွက်ရှိသည့် အရည်နှင့်ရောဂါရှိသော မိခင်မှ ကလေးသို့ မီးဖွားချိန်များတွင် ကူးစက်ပျံ့နှံ့သည်။ များသောအားဖြင့် သွေးမကြာခဏသွင်းသူများ၊ ကျောက်ကပ် ဆေးနေရသူများ၊ မူးယစ်ဆေးဝါးအကြောထဲသွင်းသူများ၊ လိင်အပျော်အပါးများသူများ၊ ခန္ဓာကိုယ်တွင် အပေါက်ဖောက်သူများ ဆေးမင်ကြောင်ထိုးသူများတွင် ရောဂါကူးစက်နိုင်ခြေများပြားသည်။

“ဒီနိုင်ငံထဲမှာ ကူးတာကတော့ ရောဂါပိုးရှိတဲ့မိခင်ကနေ ကလေးကို ကူးတာများတယ်” ဟု အသည်းအထူးကုသမားတော် ဒေါက်တာသံစစ်က ပြောသည်။

ရောဂါပိုးကူးစက်ခံထားရသူများမှာ ဆေးဝါးကုသမှုများဖြင့် ပုံမှန်ရှင်သန်နိုင်သော်လည်း အခြားသော နိုင်ငံများမှ နိုင်ငံတွင်းလာရောက် အလုပ်လုပ်မည့်သူများ၊ ပညာသင်မည့်သူများအား အသည်းရောင်အသားဝါပိုးမရှိမှသာ ပြည်တွင်းဝင်ရောက်ခွင့်ပြုထားသည်။

“အခုဆိုရင် နိုင်ငံတကာမှာ အခွင့်အရေးတွေရှိလာပေမယ့် ဘီပိုးရှိလို့ အလုပ်မရကြတာတွေ၊ ပိုးရှိနေလို့ ကျောင်းသွားမတတ်နိုင်တာတွေလည်း အများကြီးရှိလာတယ်” ဟု ဒေါက်တာသံစစ်က ပြောသည်။

“အိမ်ထောင်ပြုသည့် အသက်အရွယ်တွေကို အိမ်ထောက်ဖက်ကို ပြောသင့်သလားဆိုပြီး တိုင်ပင်ကြတာတွေလည်း ရှိတယ်။ အချို့ဆိုလည်း အိမ်ထောင်ပြုပြီးမှသိသွားလို့ ပြဿနာတွေ တက်ကြတာတွေလည်းရှိတယ်” ဟု ဒေါက်တာသံစစ်က နေ့စဉ်ကြုံတွေ့နေရသည့် ပြဿနာကိုပြောသည်။

ဘီပိုးသည် မသန့်ရှင်းသော သောက်ရေ၊ မသန့်ရှင်းသည့် အစားအသောက်တို့မှ ကူးစက်တတ်သည့် ရောဂါ မဟုတ်သော်လည်း ဘီပိုးရှိသူများတွင် မသန့်ရှင်းသည့် အစားအသောက်ကြောင့် အသည်းရောင်အသားဝါ A, E ကဲ့သို့သော ပိုးများထပ်ဝင်လျှင် ရောဂါများရရှိပြီး ရောဂါအခံရှိသည့်သူများတွင် ရောဂါပိုးဆိုးသွားနိုင်ကြောင်းလည်း သတိပြုသင့်သည်။

ဘီပိုးကူးစက်ခံရပြီးနောက် အသားဝါခြင်း၊ မျက်လုံးဝါခြင်း၊ နုံးခြင်း၊ ဗိုက်အောင့်၊ ဗိုက်နာခြင်း၊ အစားအသောက်ပျက်ခြင်း၊ ပျို့အန်ချင်ခြင်း၊ အဆစ်နာခြင်း လက္ခဏာများပြသလေ့ရှိသော်လည်း ရောဂါကူးစက်ခံရသူ သုံးပုံတစ်ပုံနှင့် ကလေးသူငယ်များတွင် ထိုကဲ့သို့ ရောဂါလက္ခဏာ မပြသဘဲ နာတာရှည်အသည်းရောဂါ၊ အသည်းခြောက်ရောဂါ၊ အသည်းကင်ဆာများအဖြစ် ပြောင်းလဲသွားကြသည်။

ကမ္ဘာပေါ်တွင် တစ်နှစ်လျှင် လူတစ်သန်းခန့် အသည်းရောင်အသားဝါဘီပိုး၏ နောက်ဆက်တွဲအသည်းရောဂါများဖြင့် သေဆုံးနေကြပြီး မြန်မာနိုင်ငံတွင်လည်း သေဆုံးမှု စာရင်းအတိအကျမရှိသော်လည်း World life expectancy ၏ တွက်ချက်မှုအရ မြန်မာသည် ကမ္ဘာပေါ်တွင် အသည်းရောဂါဖြင့် သေဆုံးနှုန်း နံပါတ် ၂ဝ နေရာတွင် ရှိနေသည်။

အသည်းရောင်အသားဝါဘီပိုးကို ကာကွယ်ရန် နည်းလမ်းအမျိုးမျိုးအနက် ကာကွယ်ဆေးထိုးခြင်းသည် အထိရောက်ဆုံး ကာကွယ်နိုင်မှုပင် ဖြစ်သည်။ ကာကွယ်ဆေးတစ်လုံး ကျပ် ၂ဝဝဝ မှ ၄ဝဝဝ ဝန်းကျင်ဖြင့် သုံးကြိမ်ထိုး၍ကာကွယ်နိုင်သည်။

ဘီပိုးကူးစက်မှုလျှော့ချနိုင်ရန် ပုဂ္ဂလိကအဖွဲ့အစည်းအချို့မှ ရည်မှန်းထားသည့် လူအနည်းငယ်အား ကာကွယ်ဆေးထိုးခြင်းလုပ်ငန်းများ ဆောင်ရွက်နေပြီး ကျန်းမာရေးဝန်ကြီးဌာနမှ ၂ဝဝဝ ပြည့်နှစ်ကျော်မှ စတင်၍ ကလေးငယ်များ ကာကွယ်ဆေးထိုးလုပ်ငန်းများတွင် အသည်းရောင်အသားဝါဘီပိုးကာကွယ် ဆေးကိုပါ ထည့်သွင်းထိုးနှံမှုများ ဆောင်ရွက်ခဲ့သည်။

ပြီးခဲ့သည့်လပိုင်းက ဆေးဝါးထုတ်လုပ်သည့်စက်ရုံမှ ညွှန်ကြားရေးမှူး အငြိမ်းစားများ၊ အသည်းအထူးကုဆရာဝန်ကြီးများ၊ ဆရာဝန်အသင်းမှ ဆရာဝန်များစသည်ဖြင့် ဖွဲ့စည်းထားသည့် အသည်းဖောင်ဒေးရှင်းတစ်ခုဖွဲ့စည်း၍ တရားဝင် မှတ်ပုံတင်ရရှိရန် ဆောင်ရွက်နေပြီး မြန်မာနိုင်ငံတွင် အသည်းရောင်အသားဝါဘီပိုး ကာကွယ်မှုများအတွက် ပထမဆုံးသော ဖောင်ဒေးရှင်းတစ်ခုလည်း ဖြစ်လာမည်ဖြစ်သည်။

မှတ်ပုံတင်ပြီးပါက ကမ္ဘာ့အသည်းရောင် မဟာမိတ်အဖွဲ့ (World Hepatitis Alliance) ကဲ့သို့ အဖွဲ့များနှင့်ဆက်စပ်ပြီး ပြည်တွင်းတွင် ရောဂါကူးစက်မှု လျှော့ချရေး လုပ်ငန်းများ ဆောင်ရွက်ရန် ရည်ရွယ်ထားကြောင်း အဆိုပါအဖွဲ့၏ အဖွဲ့ဝင်တစ်ဦးက ပြောသည်။

“အခု ၁ဝ ရာခိုင်နှုန်းဆိုတာကလည်း လွန်ခဲ့တဲ့ ၁ဝ နှစ်လောက်က စာရင်းတွေ။ အခု ဘယ်လောက်အထိ ကူးစက်နေလဲဆိုတဲ့ စာရင်းမရှိဘူး။ ဖြစ်ပွားနှုန်းကိုသိမှ တားဆီးနိုင်မယ်။ ရည်မှန်းချက်တစ်ခုထားပြီး လျှော့ချနိုင်မယ်။ ပြီးတော့ တစ်ဦးချင်းကာကွယ်လို့ရတယ်ဆိုတဲ့အကြောင်း ပညာပေးတွေလုပ်နိုင်ဖို့ နိုင်ငံတကာအသည်းဖောင်ဒေးရှင်းတွေနဲ့ ချိတ်ဆက်ဖို့လုပ်မှာပါ” ဟု ထို အဖွဲ့တွင်ပါဝင်သည့် အသည်းအထူးကုဆရာဝန်တစ်ဦးက ပြောသည်။

ရောဂါဖြစ်ပွားလာလျှင် ပျောက်ကင်းအောင် ကုသနိုင်ရန်ခဲယဉ်းပြီး နှစ်ရှည်လများ ဆေးသောက်ကာ အမြဲမပြတ် ဆေးထိရောက်မှုရှိ၊ မရှိနှင့် ပိုးကောင်ရေစစ်ဆေးရခြင်းလုပ်ငန်းများသည် ငွေကြေးကုန်ကျမှုလည်း များပြားသည်။

“ဆေးတွေ၊ အသည်းအားဆေးတွေနဲ့ တစ်လတစ်လကို အနည်းဆုံး သောင်းဂဏန်းကနေ သိန်းဂဏန်းလောက်ကုန်တယ်” ဟု ဒေါ်မီမီက ပြောသည်။

ကူးစက်နိုင်သည့် ရောဂါဖြစ်သည့်အတွက် ပတ်ဝန်းကျင်တွင် ခွဲခြားဆက်ဆံခံရမှုလည်း ခံစားကြရပြီး တကယ်တမ်း ဘီပိုးသည် ကာကွယ်နိုင်သည့် ရောဂါတစ်ခုဖြစ်သည်။ ရောဂါပိုးရှိသူများမှာ သွေးစသွေးနစွန်းနိုင်သည့် ပစ္စည်းများအား သီးသန့်အသုံးပြုခြင်းများ၊ ရောဂါရှိသူနှင့် အိမ်ထောင်ပြုရန် စီစဉ်ထားသူများမှာလည်း အချိန်ယူပြီး ကာကွယ်ဆေး သုံးကြိမ်ထိုးပြီး သီးသန့်အသုံးအဆောင်လေးများဖြင့် အခြားသူများသို့ ရောဂါပိုးမကူးစက်စေရန် ကာကွယ်နိုင်ကြသည်။

အပြည့်အဝကာကွယ်ပေးနိုင်သည့် ကာကွယ်ဆေးထိုးလုပ်ငန်းများ အကောင်အထည်ဖော်ဆောင်ရွက်ပြီး လူအများကို ကာကွယ်ဆေးထိုးနှံပေးခြင်းသည် အသည်းရောင် အသားဝါဘီပိုးကူးစက်မှုလျှော့ချရာတွင် အထိရောက်ဆုံး နည်းလမ်းတစ်ခုဖြစ်သည်။

“ကုသနိုင်တဲ့ဆေးက ရောဂါပျောက်ဖို့မလွယ်ဘူး။ ပိုးကောင်ရေ မများလာအောင်သာ ထိန်းသိမ်းနိုင်မယ်။ တစ်သက်လုံးဆေးသောက် နေရမယ်။ တစ်လကို လေး၊ငါးသောင်းလောက်ကျတော့ အများစုက မကုသနိုင်ဘူး” ဟု ဒေါက်တာသံစစ်က ပြောသည်။

လက်ရှိလုပ်နိုင်သည့် ပညာပေးလုပ်ငန်းများတွင် ရေဒီယို၊ ကျန်းမာရေးစာစောင်များ၊ ရုပ်သံမီဒီယာများတွင် အသည်းရောင် အသားဝါနှင့် ပတ်သက်၍ ဆောင်းပါးအမျိုးမျိုး ရေးသားကာ အများပြည်သူဖတ်ရှုပြီး သတိပြုမိစေရန်သာ ဆောင်ရွက်နေ၍ ထိရောက်မှုလည်းရှိနေကြောင်း သိရသည်။

ထို့အတွက် သက်ဆိုင်ရာ အာဏာပိုင်အဖွဲ့အစည်းများအနေဖြင့် ပြည်တွင်းရှိ အသည်းရောင်အသားဝါဘီပိုး ဆေးဝါး ထုတ်လုပ်မှုလုပ်ငန်းများတွင် လုံလောက်သည့် ဆေးဝါးထုတ်လုပ်ပြီး ရောဂါကူးစက်နိုင်သည့် အခွင့်အရေးရှိသူများ ကာကွယ်ဆေးထိုးခြင်းကို တွန်းတွန်းတိုက်တိုက်ဆောင်ရွက်ခြင်းဖြင့်သာ ရောဂါကူးစက်မှုကျဆင်းနိုင်မည်ဖြစ်ကြောင်း အကြံပေးပြောကြားကြသည်။

“ထိရောက်တဲ့ ကာကွယ်မှုလည်းမရှိဘူး။ ဖြစ်လာရင်လည်း တစ်သက်လုံး မကုသနိုင်ဘူးဆိုရင်တော့ ပိုးတွေ ဆက်ကူးဖို့ပဲရှိတော့တာပေါ့။ ကိန်းဂဏန်းအတိအကျမရှိပေမယ့် ဒါတွေကြည့်ပြီး ကူးစက်ဖို့ ပိုများလာနိုင်တယ် ဆိုတာကတော့ သေချာတယ်” ဟု ဒေါက်တာသံစစ်က ပြောသည်။

ရေးသားသူ- ဝတ်ရည်အောင် - 7Day News Journal

Nails and Health လက်သည်းကပြောပြနေတဲ့ ကျန်းမာရေး

မျက်လုံးဟာ လူ့ဝိဥာဉ်ရဲ့တံခါးပေါက်လို့ တင့်စားသလိုဘဲ လက်သည်းခြေသည်းကလဲ အတူတူဘဲလို့ အရေပြားအထူးကု ဆရာဝန်တွေက ဆိုကြတယ်။ ဖတ်တဲ့သူ စိတ်ဝင်စားအောင် တမင်ပြောတာ မဟုတ်ပါ။ လူနာ လက်သည်းအရောင် ကြည့်ပြီး ဆေးအစစ်ခိုင်းတော့ အဆုပ်ထဲမှာ အရည်အောင်းနေတာ တွေ့နိုင်ပါတယ်။ အသဲရောင်ရောဂါ၊ နှလုံးရောဂါရှိတာကိုပါ လက်သည်းကနေဖေါ်ပြေနေနိုင်တယ်။ ဖန်းဂတ်စ် (မှို) ပိုးနဲ့ သွေးအားနည်းတာဆိုရင်လဲ ကြည့်တာနဲ့ တန်းသိပါတယ်။ အတွင်းထဲက ရောဂါဝေဒနာကို သဲလွန်းအဖြစ် ဆရာဝန်တွေက သုံးပါတယ်။ ဥပမာ (လူးပတ်စ်) ရောဂါ ဖြစ်နေသူမှာ သူများနဲ့မတူတဲ့သွေးကြောလေးတွေကို လက်သည်းအခြေမှာ မြင်နိုင်တယ်။ ပျောက်နိုင်ခဲလှတဲ့ (ဆိုရီယေးဆစ်) ရောဂါရှိနေရင် ၁ဝ% မှာ လက်သည်း ကွဲနေ ခွက်နေတာမြင်နိုင်တယ်။ လက်သည်းခြောက်နေ၊ ကြွတ်ဆတ်နေပြီး ကွဲအက်လွယ်နေရင် လည်ပင်းကြီးရောဂါလား စစ်ဆေးရမယ်။


၁။ Pale Nails ဖြူရော်ရော်
• Anemia သွေးအား (သံဓါတ်) နည်း၊
• Congestive heart failure နှလုံးရောဂါ၊
• Liver disease အသဲရောဂါ၊
• Malnutrition အာစာရချို့တဲ့ရောဂါ၊


၂။ White Nails လက်သည်းဖြူ
• Hepatitis အသည်းရောင်၊ ပုံထဲမှာ ဝါနေတာကိုလည်းမြင်ရတာဟာ (ဂျွန်းဒစ်) အသာဝါပါဖြစ်နေလို့။


၃။ Yellow Nails ဝါပြီး အခြေမှာ ခပ်ပြာပြာ
• Diabetes ဆီးချို
• Fungal infection ဖန်းဂတ်စ် မှိုရောဂါ၊ ပိုဆိုးလာရင် အခေကြတိုဝင်ပြီး လက်သည်းတွေထူမယ်၊ ကွာချလွယ်မယ်။
• Thyroid disease လည်ပင်းကြီးရောဂါ၊
• Lung disease အဆုပ်ရောဂါ၊
• Psoriasis (ဆိုရီယေးဆစ်) နှင်းကူနဲ့ဆင်တဲ့ရောဂါ။


၎။ Bluish Nails လက်သည်းပြာ
• Oxygen အောက်စီဂျင်နည်းနေခြင်း၊ အသက်မရှူခြင်း၊ အသက်ရှူမဝခြင်း၊
• Pneumonia နူမိုးနီးယား၊
• Heart problems နှလုံးမကောင်းခြင်း။


၅။ Rippled or pitted Nails ဖေါင်းကြွလက်သည်း
• Psoriasis (ဆိုရီယေးဆစ်) နှင်းကူနဲ့ဆင်တဲ့ရောဂါ။
• Inflammatory arthritis အဆစ်ရောင်ရောဂါ၊


၆။ Cracked or Split Nails ကွဲအက် လက်သည်း
• Thyroid disease လည်ပင်းကြီးရောဂါ၊
• Fungal infection ဖန်းဂတ်စ် မှိုရောဂါရှိနေရင် ကွဲအက်တာအပြင် ခပ်ဝါဝါနေမယ်။


၇။ Puffy Nail Fold ရောင်နေတဲ့လက်သည်း
• inflammation of the nail fold လက်သည်းအခြေရောင်ရမ်းနေခြင်း၊ နီနေတာလဲ မြင်ရမယ်။
• Lupus (လူးပတ်စ်) တွယ်ဆက်တစ်ရှူးရောဂါ၊


၈။ Dark Lines လက်သည်းအောက်ထဲမှာ အနက်ရောင်မျဉ်း
• Melanoma အရေပြားကင်ဆာ။


၉။ Gnawed Nails မလှမပလက်သည်း
• Nails biting လက်သည်းကိုက်တတ်တဲ့အကျင့်၊
• Anxiety စိုးရိမ်စိတ်ကဲနေခြင်း၊


၁ဝ။ Nails Are Puzzle ကျန်းမာရေးပဟေဠိ
လက်သည်းမှာ တခုခုထူးခြေားနေရင် ကိုယ်ထဲမှာ ဘာဖြစ်နေသလဲ ဆေးစစ်သင့်တယ်။ Dermatologist အရေပြားအထူးကုဆရာဝန်ပြပါ။

ဒေါက်တာတင့်ဆွေ
၂၉-၅-၂ဝ၁၃

Thursday, May 23, 2013

ဘယ်သူတွေက ဘယ်လိုကုသနေမှန်းမသိတဲ့ ဆေးခန်းတွေ

၂၂ မေ ၂ဝ၁၃ ထုတ် ပြည်သူ့ခေတ် ဂျာနယ်မှာ ဖော်ပြခဲ့တဲ့ မောင်ဝံသ ပြောချင်လွန်းလို့ ဆောင်းပါး။ တစ်မျိုးသားလုံးအတွက် အရေးကြီးလို့ပါ

သည်တစ်ပတ်ဖြင့် ပုံမှန်ဆောင်းပါး မရေးတော့ဘဲ အပြည့်အဝ အနားယူလိုက်မယ်လို့ စိတ်ကူးထားတာ မရေးမဖြစ် ရေးချင်စိတ်ပေါ်လာအောင် စေ့ဆော်ပေးတဲ့ အကြောင်းတစ်ခုကြောင့် ရေးဖြစ်သွားပါတယ်ခင်ဗျာ။ အကြောင်းက ကျွန်တော် အများဆုံးရေးလေ့ရေးထရှိတဲ့ နိုင်ငံရေး အကြောင်းအရာ မဟုတ်ဘဲ ပြည်သူ့ကျန်းမာရေး ဖြစ်ပေမယ့် တစ်မျိုးသားလုံးအတွက် အရေးကြီးတယ်လို့ ယုံကြည်တဲ့အတွက် အလေးထားပြီး ရေးသားလိုက်ရပါတယ်။

မီဒီယာတွေက ပြောခဲ့ပေါင်းများပြီ
မီဒီယာတွေမှာ သည်အကြောင်းအရာကို ဖွင့်ချဖော်ထုတ်ရေးခဲ့တာတွေလည်း ဖတ်ဖူးပါတယ်။ တစ်ချိန်တည်းမှာ စောင်ရေကောင်းလှသော မီဒီယာကြီးအချို့မှာကို သူတို့ရဲ့ ဆေးခန်းကြော်ငြာကြီးတွေနဲ့ မစားရဝခမန်း အလိမ်အညာ ရေးသားချက်တွေကို အပတ်တိုင်း တွေ့နေရပါတယ်။ ကြော်ငြာအား ကောင်းကောင်းနဲ့ ဆက်တိုက် ဖိထားလေတော့ စောစောက မီဒီယာလေးတွေမှာရေးခဲ့တဲ့ အဲဒီ မသမာဆေးခန်းတွေအကြောင်းက စာဖတ်ပရိသတ်များများ မဖတ်မိလိုက်ဘဲ မေ့မေ့ပျောက်ပျောက် ဖြစ်ကုန် ပါလေရော။

ကျွန်တော်က ကိုယ်တိုင်ကျန်းမာရေးမကောင်းလို့ ဆေးဝါးကုသ ခံယူနေရသူဖြစ်လို့ ရောဂါဝေဒနာရှင်များကို ကိုယ်ချင်းစာနာမိပါတယ်။ မိမိမှာ စွဲကပ်နေတဲ့ ရောဂါကို အမြန်ပျောက်ကင်း ချမ်းသာလိုတယ်။ ဖြစ်နိုင်ရင် ဥုံဖွမန်းမှုတ်လိုက်ရုံနဲ့ ပျောက်တယ်ဆိုရင်လည်း မန်းမှုတ်ခံလိုက်ချင်တာပဲ။ ဘယ်က ဆရာကတော့ ဆေးတောင်ဝှေးနဲ့ တို့လိုက်ရုံနဲ့ ပျောက်ကရောဆိုလည်း ပျောက်ချင်ဇောနဲ့ ပြေးသွားချင်တာပဲ။

လူနာကို စကားပြန်နဲ့ပြောရတယ်
သည်လိုအချိန်မျိုးမှာ နိုင်ငံရေးပွင့်လင်းလာချိန် အသွင်ကူးပြောင်းရေး ကာလကို အခွင့်ကောင်းယူပြီး သည်ဆေးခန်းတွေ သည်လူတွေ ပေါ်လာတာ ဖြစ်ပါတယ်။ သူတို့ဟာ လူဝါမျိုး နိုင်ငံခြားသားတွေဖြစ်ပြီး လူနာတွေကို စကားပြန်နဲ့ ပြောရပါသတဲ့။ ရောဂါမပျောက်ရင် ဆေးဖိုးဝါးခတွေအားလုံး ပြန်လျော်မယ်လို့ ကြော်ငြာမှာ လိမ်ညာကြော်ညာထားပေမယ့် ဘာမှ ထပ်မံ ပြောဆိုခွင့်မရကြပါဘူး။ ဆေးပေးခနဲ့ ဆေးဖိုးက မြန်မာငွေ သိန်းချီပြီး ယူပါတယ်။ မီဒီယာတချို့က တာဝန်သိသိနဲ့ အဲဒီမသမာဆေးခန်းတွေ အကြောင်း၊ စကားပြန်နဲ့ ပြောရတဲ့ ဆေးဆရာဆိုသူတွေအကြောင်းကို ရေးခဲ့ကြတာ ကြာပါပြီ။ သို့ပေမယ့် ဘာတစ်ခုမှ စစ်ဆေး အရေးယူမှုပြုလုပ်တယ်ဆိုတာ မကြားမသိရပါဘူး။ တရားဥပဒေ စိုးမိုးရေးလက်တံက အဲဒီ ဆေးခန်းတွေဆီ မရောက်ဘူးထင်ပါ့ဗျာ။

ဒေါက်တာမြသိန်းဟန်နှင့်တွေ့ဆုံခန်း
ခုတော့ တာဝန်သိ မီဒီယာတစ်ခုဖြစ်တဲ့ မော်ဒန်ဂျာနယ် (၁၇ မေ ၂ဝ၁၃)မှာ သတင်းထောက် ဟေမာန်ညီညီရဲ့ အမြစ်ပြတ်ကုသည်ဆိုတိုင်း ယုံသင့်သလား၊ ရင်ခေါင်းနှင့် အထွေထွေ ခွဲစိတ် အထူးကု ဆရာဝန်ကြီး ဒေါက်တာ မြသိန်းဟန်နှင့် တွေ့ဆုံခြင်းဆိုတဲ့ မျက်နှာပြည့် အင်တာဗျူး ဆောင်းပါးဖတ်လိုက်ရလို့ မော်ဒန်ကို အထူးကျေးဇူးတင်လျက် ကျွန်တော့် ပြည်သူ့ခေတ်ကော်လံကပါ စာဖတ်ပရိသတ် မြန်မာ တိုင်းရင်းသားပြည်သူများထံ ထပ်ဆင့် နှိုးဆော်လိုက်ပါရစေ။

သည်ကိစ္စဟာ အင်မတန်မှ အရေးကြီးပါတယ်။ ကျွန်တော်တို့ရဲ့ သတိပေးနှိုးဆော်မှုဟာ မီဒီယာကြီးတချို့မှာ မျက်နှာပြည့် မျက်နှာဝက် ကြော်ငြာကြီးတွေနဲ့ ဖိထားတဲ့အောက်မှာ သက်ငယ်ချောင်းနဲ့ ခေါင်းလောင်း ထိုးရသလိုများ ဖြစ်သွားလေမလားလို့ အားငယ်မိပါတယ်။

သို့ပေမယ့် ပြည်သူ့ခေတ်ဂျာနယ်ဖတ်တဲ့ ပရိသတ်၊ ကျွန်တော့် ပင်တိုင်ဆောင်းပါး ပုံမှန်ဖတ်တဲ့ ပရိသတ်များကို ရွှေပေလွှာဆရာတွေလိုပဲ ပန်ကြားလိုတာက သည်ဆောင်းပါးဖတ်ပြီးတဲ့အခါ စကားစပ်မိသမျှ မိတ်ဆွေ သင်္ဂဟများကို လက်ဆင့်ကမ်း သတင်းပေးကြဖို့ ဖြစ်ပါတယ်။

စီးပွားရေးတင်မကဘူးထင်မိတယ်
ဒါဟာ မသမာစီးပွားရေးသမားတချို့ရဲ့ လုပ်ရပ်သာ ဖြစ်နိုင်ပါတယ်၊ သိပ်လည်း အတွေးမခေါင်ပါနဲ့လို့ ပြောချင်လည်း ပြောကြပါတော့။ ကျွန်တော်ကတော့ သည်လောက် ငွေကြေးရော၊ သြဇာအာဏာရော ပုံအောပြီး မြန်မာတိုင်းရင်းသား ပြည်သူတွေရဲ့ ပြည်သူ့ကျန်းမာရေးကို ဘက်စုံ ထိခိုက်အောင်၊ လမ်းလွဲရောက်အောင် ထိထိရောက်ရောက် လုပ်လာနေ တာဟာ စီးပွားရေး ရည်မှန်းချက်လောက် မကဘူးလို့ ထင်တယ်ဗျ။ အနောက်နိုင်ငံတွေကို စားသောက်ကုန်တွေပို့ရင် စည်းမဲ့ကမ်းမဲ့မလုပ်ရဲပေမယ့် နယ်စပ်ကနေ မြန်မာနိုင်ငံကို ပို့တဲ့စားသောက်ကုန်တွေကျတော့ တမြေ့မြေ့ သေစေနိုင်တဲ့ အဆိပ်အတောက်ပါတာတွေကို ဈေးပေါပေါနဲ့ ပို့တတ်တဲ့ ရာဇဝင်ရှိသူ သည်လူတွေကို သတိထားနိုင်မှ တန်ကာကျမယ်လို့ ကျွန်တော်က အလေးအနက် သတိပေးချင်တယ်ဗျာ။

ကိုင့်း ဆရာကြီး ဒေါက်တာ မြသိန်းဟန်က မော်ဒန်ဂျာနယ်ကို သူ့ကိုယ်တွေ့ ပြန်ပြောတာတွေထဲက သိသင့်တာလေးတွေ ထပ်ဆင့်ဝေမျှ ပေးလိုက်ပါတယ်။

သုံးတဲ့စက်တွေကြည့်ခွင့်မပေး
ဆရာ့အနေနဲ့ လိပ်ခေါင်းရောဂါ၊ ရင်သား ခွဲစိတ်ကုသတာတွေ လုပ်တဲ့အတွက် သူတို့ရဲ့ ကုသနည်းတွေ ကောင်းရင် လူနာတွေကို လွှဲပေးချင်တဲ့ ဆန္ဒရှိလို့ ဆရာကိုယ်တိုင် သွားလေ့လာတယ်။ ဆေးခန်းတစ်ခုကို ဆရာသွားပြီး ကျွန်တော်က ဆရာဝန်ပါ၊ ကုသတာကောင်းရင် လူနာတွေကို ပို့ချင်လို့ ဆေးကုသတာ ကြည့်ချင်တဲ့အကြောင်း၊ သုံးတဲ့စက်တွေကို ကြည့်ချင်တဲ့အကြောင်း ပြောတယ်။ သူတို့က ကြည့်ခွင့်မပေးဘူး၊ ပွင့်လင်းမြင်သာမှုမရှိဘူး၊ ဘယ်လိုနည်းနဲ့ ဆေးခန်းလိုင်စင်ရနေသလဲမသိ။

မေး။ အဲသည်ဆေးခန်းတွေက ဆေးခန်းဖွင့်ခွင့်လိုင်စင် ရှိလားဆရာ။
ဖြေ။ ဆေးခန်းဖွင့်ခွင့်လိုင်စင် ရှိမရှိကို သက်ဆိုင်ရာ မြို့နယ်၊ ခရိုင်၊အလိုက် ဆေးရုံ ဆေးခန်း ကြီးကြပ်ရေးကော်မတီကနေ သွားစစ်ဆေးတယ်။ တချို့ ဆေးခန်းတွေမှာ ဆေးခန်းဖွင့်ခွင့် လိုင်စင်မရှိဘူး။ လိုင်စင်ရမှ ဖွင့်ဖို့ ပြောပြီး ခဏပိတ်ထားခိုင်းလိုက်တယ်။ အဲသည်လို ပိတ်ထားခိုင်းချိန်မှာပဲ အလားတူ ဆေးခန်း သုံးလေးခု ပေါ်လာတယ်။ လိုင်စင်ရနေတယ်။ သူတို့ ဘယ်လိုနည်းနဲ့ရလဲ မသိဘူး။ လိုင်စင်နဲ့ဖွင့်နေတာတွေကော လိုင်စင်မရှိဘဲ ဖွင့်နေတာတွေပါ တွေ့နေရတယ်။

ဆေးကောင်စီကိုလည်း မလာဘူး
ဆေးကောင်စီက အနောက်တိုင်းဆေးပညာအတွက် လိုင်စင် ထုတ်ပေးတာ။ အခုဟာက ဆရာတို့နဲ့ ပတ်သက်တဲ့ ဆေးပညာ မဟုတ်ဘူး။ အနောက်တိုင်းရော တိုင်းရင်းဆေးရော အားလုံးပေါင်းပြီး မဆီမဆိုင် စာလုံးတွေနဲ့ ရေးပြီး ကြောငြာထားတာ။ ဆရာတို့လို ဆေးပညာရှင်တွေ နားမလည်နိုင်အောင် ရေးထားတာ။ နိုင်ငံခြားသားဆရာဝန်က အနောက်တိုင်း ဆေးပညာနဲ့ မြန်မာနိုင်ငံမှာ ကုချင်ရင် ဆေးကောင်စီကို လျှောက်ထားရတယ်။ ဆေးကောင်စီက ဆေးကုသခွင့်လိုင်စင် ပေးသင့်မပေးသင့် စဉ်းစားတယ်။့့ အခုဆေးခန်းတွေက ဆရာတို့ ဆေးကောင်စီကိုလဲ မလာဘူး။

မီဒီယာကကြော်ငြာတွေ
သည်လိုဆေးခန်းတွေရှိနေတာကို မီဒီယာတွေကတစ်ဆင့် ပြည်သူတွေသိရတာ များတယ်။ မီဒီယာတွေကို သည်လို ကြော်ငြာတွေ မထည့်ပါနဲ့လို့ မပြောလိုပါဘူး။ ဒါပေမယ့် အထောက်အထား ခွင့်ပြုချက် ယူပြီးမှလုပ်ရင် ပိုပြီး ပြည်သူကို ကာကွယ်ပေးရာရောက်မယ်။ ပြောင်းလဲလာတဲ့ အခုလိုအချိန်မှာ ပြည်သူကို ကူညီပံ့ပိုးရမယ့်အစား စီးပွားရေးသမားတွေကို အားပေးသလို ဖြစ်နေတာမျိုး မဖြစ်စေချင်ပါဘူး။

ဆရာကြီးဒေါက်တာ မြသိန်းဟန်က တာဝန်သိ ဆရာဝန်ကြီး တစ်ယောက်အနေနဲ့ရော၊ တာဝန်သိ ပြည်သူတစ်ယောက် အနေနဲ့ရော လုပ်သင့်လုပ်ထိုက်တာတွေ လုပ်ခဲ့တယ်ဆိုတာ မော်ဒန်ဂျာနယ်ရဲ့ အင်တာဗျူးမှာ အထင်အရှားတွေ့ရပါတယ်။ အဲဒီ နိုင်ငံခြားသားဆရာဆိုသူတွေ စကားပြန်နဲ့ ရမ်းကုလုပ်နေတဲ့ ဆေးခန်းတွေမှာ ငွေသိန်းနဲ့ချီပေးခဲ့ရပြီး ဘာရောဂါမှ မပျောက်သူ လူနာတွေက ဆရာကြီးဆီလာရောက်တိုင်ပင်တဲ့အခါ သိရတာတွေကိုလည်း ပြောပြထားပါတယ်။

ကျွန်တော့်အနေနဲ့ ပြောချင်တာကတော့ သည်မသမာသူတွေရဲ့ လုပ်ရပ်ကို သက်ဆိုင်ရာ အုပ်ချုပ်ရေးပိုင်းဆိုင်ရာတွေ၊ ဥပဒေပိုင်းဆိုင်ရာတွေက အဂတိတရားကင်းကင်းနဲ့ တားမြစ်အရေးယူဖို့လိုသလို ပြည်သူတွေအပိုင်းကလည်း သူတို့ ကြော်ငြာကောင်းတိုင်း မယုံကြပါနဲ့၊ ဆင်ခြင်တုံတရားနဲ့ စဉ်းစားကြပါ၊ တတ်သိနားလည်တဲ့ မြန်မာဆရာဝန်ကြီးများနှင့် တိုင်ပင်ပြီးမှ ကျန်းမာရေးဆောင်ရွက်ကြပါလို့ တိုက်တွန်းလိုက်ချင်ပါကြောင်း။

(မောင်ဝံသ)
maungwuntha@gmail.com
၁၉-ဝ၅-၂ဝ၁၃

Wednesday, May 22, 2013

Lichen Planus of the Mouth ပါးစပ်နာတမျိုး

Wed, May 22, 2013 at 11:38 AM ပုံမှာ ရေးထားတာဘာရောဂါလဲဆရာ။ ဘာကြောင့်ဖြစ်တာလဲ။ ကူးတက်လား။ ကျွန်တော့်ကောင်မလေးကို ကူးမှာစိုးလို့ပါ။ ဘယ်လိုကုရမလဲ ။နှုတ်ခမ်း အာခေါင်ဘေးနဲ့ လိမ်တံထိပ်ဖူးအောက်မှာဖြစ်ပါတယ်။ အဖြူအစိလေးများလိုဖြစ်ပြီး ယားလဲမယား နာလဲမနာပါ၊ အမြန်ပြန်ဖြေပေးစေခြင်ပါတယ်။

နာတာရှည်ရောဂါဖြစ်တယ်။ အဖြူစက်လေးတွေ၊ မျဉ်းကြောင်းလေးတွေလို ပေါက်နေမယ်။ ဇာပန်းထိုးထားသလို၊ အဖြူရောင်၊ အထက်ကိုနည်းနည်းကြွနေတဲ့ အကွက်လေးတွေမြင်ရမယ်။ အနီကွက်လဲဖြစ်နိုင်တယ်။ ရောင်ပြီး နာနေမယ်။ အနာလဲဖြစ်နိုင်တယ်။ ပါးစပ်ထဲမှာ ပါးစောင်၊ သွားဖုံး၊ လျှာ၊ နှုတ်ခမ်း၊ အာခေါင်နေရာတွေမှာဖြစ်တယ်။ မျက်စိ၊ အစာမြိုပြွန်၊ နားမှာလဲဖြစ်နိုင်တယ်။ ဦးခေါင်းခွံနဲ့လက်သည်းတွေမှာလဲ ဖြစ်နိုင်တယ်။

အရေပြားမှာဖြစ်တာထက် ပါးစပ်မှာဖြစ်တာက ပိုပြီး အကုရခက်ပါတယ်။ ကံဆိုးကံကောင်းပြောရမှာကတော့ ပြဿနာ ဖြစ်တာ နည်းပါတယ်။ ပါးစပ်မှာ ဖြစ်နေသူတွေရဲ့ ၃ ပုံ ၁ ပုံလောက်က အရေပြားမှာပါတွဲဖြစ်နေတတ်ပြီး အမျိုးသမီးတွေမှာ ဆိုရင် မွေးလမ်းကြောင်းမှာပါ တွဲဖြစ်နေတတ်တယ်။

ရောဂါသေချာအောင် အသားစဖြတ်ပြီး မှန်ဘီလူးနဲ့စစ်တာလုပ်ရတယ်။ မှို (ဖန်းဂတ်စ် = ရိစ်) ပိုးနဲ့လဲ တွဲဖြစ်နေတတ်တယ်။ အဲလိုဖြစ်နေရင် အဲဒါကိုအရင်ကုပါ။ ရွှေ၊ ပြဒါးတို့နဲ့ မတည့်တာ (အလာဂျီ) ဖြစ်တာနဲ့ ဆင်တူတတ်တယ်။ ဆိုးတာ ဖြစ်နေတာတောင်မှ ခံတွင်းကင်ဆာဖြစ်နိုင်ခြေဟာ မဖြစ်သူတွေထက် သိသာပြီးမများတတ်ပါ။

ဘာလို့ဖြစ်သလဲ အတိအကျ မသိပါ။ ဆေးလိပ်၊ ကွမ်းယာသမားတွေမှာ အဖြစ်ပိုနိုင်တယ်။ အသဲရောင် (စီ) နဲ့ အသဲရောဂါ၊ အသဲရောင် (ဘီ) ကာကွယ်ဆေး၊ Ibuprofen, Naproxen ဆေးတွေ၊ အလာဂျီရစေတာတွေကြောင့် ဖြစ်နိုင်တယ်လို့ ယူဆတယ်။

ဘာမှတော့ အနေရခက်တာမရှိဘူး။ ဖြစ်လာရင် အနာဖြစ်ပြီး နာတာကိုခံစားရနိုင်တယ်။ အနာဖြစ်လာချိန်မှာ ပူလောင်နေနိုင်တယ်။ အရသာပျက်နိုင်တယ်၊ အပူအစပ်ကို မခံနိုင်ဖြစ်မယ်။ သွေးထွက်နိုင်တယ်။

Symptomatic treatments ရောဂါလက္ခဏာကုကုသခြင်း၊
• ဘာမှမခံစားရရင် ဘာဆေးမှမလိုပါ။
• Corticosteroids (ကော်တီကိုစတီရွိုက်) ဆေး ပေးလေ့ရှိတယ်။ ရောင်တာလျှောမယ်၊ နာတာသက်သာမယ်။ ခံစားရတာသက်သာမယ်။ ဒီဆေးကို mouthwash ပါးစပ်ဆေး ဆေးရည်၊ ointment လိမ်းဆေး၊ gel ဂျဲလ်၊ pill ဆေးပြား အနေနဲ့လာတယ်။
• Retinoids ဗီတာမင် (အေ) လဲပေးနိုင်တယ်။ ကိုယ်ဝန်ဆောင်စဉ် ရှောင်သင့်တယ်။
• Immune response medicines ခုခံအားလျှော့ဆေး၊ အထူးသတိနဲ့ ပေါ်ရတယ်။ ဥပမာ calcineurin inhibitors ကိုယ်အင်္ဂါအစားထိုးသူတွေကိုပေးတဲ့ဆေး။ tacrolimus (Protopic) နဲ့ pimecrolimus (Elidel) လိမ်းဆေးတွေကို FDA ကတော့ ကင်ဆာနဲ့ပတ်သက်မလား သတိပေးထားတာရှိတယ်။ ဆိုးဝါးတဲ့ ဥပမာ အစာမျိုပြွန်၊ ဦးရေခွံ၊ လိင်အင်္ဂါ နေရာတွေမှာ ဖြစ်ရင်တော့ ဒီအမျိုးအစားဆေးတွေကို သုံးလေ့ရှိတယ်။
• ပါးစပ်-ခံတွင်းကို ထိခိုက်မှု မရှိအောင် ဂရုစိုက်ပါ။ စိတ်ဖိအားလျှော့ချပါ။

ဒေါက်တာတင့်ဆွေ
၂၂-၅-၂ဝ၁၃

Monday, May 20, 2013

Paracetamol with Pepsi (ပါရာစီတမော) နဲ့ (ပက်စီ)

• Paracetamol with Pepsi (ပါရာစီတမော) နဲ့ (ပက်စီ) တွဲသောက်ရင်
(ပါရာစီတမော) ခေါ်တဲ့ အကိုက်အခံပျောက်ဆေး၊ အဖျားကျဆေးထဲမှာ ၅ဝဝ မီလီဂရမ်ပါတာ များတယ်။ Coke/Pepsi ထဲမှာ (ကေဖင်း) ၅ဝ မီလီဂရမ်ပါတယ်။ Panadol Extra ထဲမှာ (ကေဖင်း) ၆၅ မီလီဂရမ်ပါတယ်။ ပုံမှန်ဆိုရင် (ပါရာစီတမော) ၂ ပြား = ၁ဝဝဝ မီလီဂရမ်နဲ့ (ကေဖင်း) ၅ဝ မီလီဂရမ်ပါတာကို တွဲသောက်တာနဲ့ ကျန်းမာရေးကို ထိခိုက်မှုမရှိပါ။ အစာအိမ်မှာတော့ အနေရခက်ပြီး ပျို့ချင်ချင်ဖြစ်နိုင်တယ်။

• 2 Paracetamol (ပါရာစီတမော) ၂ ပြားသောက်ရင်
ဘာမှမဖြစ်ပါ။

• 3 Paracetamol (ပါရာစီတမော) ၃ ပြားသောက်ရင်
Paracetamol 300 mg ကျန်းမာရေးကောင်းနေသူကို ဒုက္ခမပေးနိုင်ပါ။ ဆေးကို ပိုသောက်လို့ အနာသက်သာစွမ်းကို တိုးမရပါ။ များများသောက်လေ အသဲကိုထိခိုက်လေဖြစ်မယ်။

• 4 Paracetamols (ပါရာစီတမော) ၄ ပြားသောက်ရင်
သိမ်မထူးလှပါ။ များများသောက်လေ အသဲကိုထိခိုက်လေဖြစ်မယ်။

• Overdose of Acetaminophen / Paracetamols (ပါရာစီတမော) များသွားရင်
အသဲကိုထိခိုက်မယ်။ လူကြီး ကျန်းမာရေးမှန်နေသူတယောက် အများဆုံးသောက်သင့်တာက 1 gram (1000 mg) per dose တခါသောက် ၁ဝဝဝ မီလီဂရမ် နဲ့ 4 grams (4000 mg) per day တနေ့မှာ ၄ဝဝဝ မီလီဂရမ်။ Vicodin ထဲမှာ (ပါရာစီတမော) 750 mg ပါတာကိုသတိထားပါ။

• Aspirin and Coke (အက်စပရင်) နဲ့ (ကုတ်) တွဲသောက်ရင်
ဘာမှမဖြစ်ပါ။

• Ibuprofen (အိုင်ဘူပရိုဖင်) နဲ့ Coke (ကုတ်) တွဲသောက်ရင် ဘာမှမဖြစ်ပါ။

• 10 Paracetamol (ပါရာစီတမော) ၁ဝ သောက်ရင်
အသဲမကောင်းရင် သေစေတဲ့ဆီအထိ ဦးတည်နေမယ်။

• 2 800mg Ibuprofen (အိုင်ဘူပရိုဖင်) ၂ ပြားသောက်ရင်
မသေစေပါ။ အသဲကိုတော့ ထိခိုက်မယ်။

ဒေါက်တာတင့်ဆွေ
၂ဝ-၅-၂ဝ၁၃

Saturday, May 11, 2013

Thai Fish Sauce unsafe ထိုင်းနိုင်ငံထုတ် ငန်ပြာရည်တချို့ စိတ်မချရ

Most fish sauces have 'unsafe' levels of preservative
• ထိုင်းနိုင်ငံထုတ် ငန်ပြာရည်အများစုထဲမှာ အထားခံအောင်ထည့်ရတဲ့ဓါတ်တွေ လွန်ကဲပြီးပါနေတယ်လို့ ၉-၅-၂ဝ၁၃ နေ့ထုတ် နေးရှင်းသတင်းစာမှာ ရေးလိုက်ပါတယ်။ အဲဒီ ဓါတ်တွေဟာ စိတ်ချရမှု စံချိန်စံညွှန်းတွေနဲ့ မကိုက်ညီဘူးလို့ ဆိုပါတယ်။
• ထိုင်းနိုင်ငံ Department of Medical Sciences (DMS) ဆေးသိပ္ပံဌာနကနေ ဈေးကွက်ထဲမှာ ရောင်းနေတဲ့ Fish sauces ငန်ပြာရည်နဲ့ Mixed fish sauces ငန်ပြာရည်အရော အမျိုးမျိုးကို လေ့လာမှုလုပ်ခဲ့တာပါ။
• စက်ရုံပေါင်း ၁၁၈ ကနေထုတ်တဲ့ နမူနာပေါင်း ၄၇၁ ခုကို ပြီးခဲ့တဲ့ ဖေဖေါ်ဝါရီနဲ့ မတ်လတွေထဲမှာ စမ်းသပ်မှုတွေ လုပ်ခဲ့တာ ဖြစ်ပါတယ်။
• ငန်ပြာရည် ၂၄၂ မျိုးက ဘတ်ငွေ ၁ဝ ကနေ ၄၅ အထိပေးရပြီး။ ၂၂၉ မျိုးကတော့ အရောဖြစ်ပြီး ၆ ဘတ်ကနေ ၁၈ ဘတ် သာပေးရပါတယ်။
• စမ်းသပ်မှုအဖြေကတော့ ငန်ပြာရည် ၆၂့၈% နဲ့ အရောထဲက ၃၇့၁% တို့ဟာ စံချိန်မီတယ်။
• ၂၁ ဘတ်ကနေ ၂၉ ဘတ်ပေးရတာထဲမှာ ၄၅့၎% သာ စားသုံးဘို့သင့်တာတွေ့ရပါတယ်။
• ၃၆% ထဲမှာ Glutamic acid (ဂလူတားမစ်အက်စစ်) ထဲက နိုက်ထရိုဂျင်ဟာ စံချိန်ထက် မြင့်နေတယ်။ ၉့၁% က နိမ့်နေတယ်။
• ၄့၅% တွေက Benzoic acid ခေါ်တဲ့ အထားခံဓါတ်ဟာ ပါသင့်တာထက်များနေတယ်။
• ကောက်ချက်ချရရင် ဈေးပိုပေးရတိုင်း စိတ်ချရတာမဟုတ်ပါ။ ဘတ် ၁ဝ-၂ဝ ထဲမှာလဲ စားသုံးဘို့ သင့်တာရှိသလို ၃ဝ-၄ဝ ပေးရပေမဲ့ မသင့်တာရှိပါတယ်။

http://www.thaivisa.com/forum/topic/638312-most-fish-sauces-in-thailand-have-unsafe-levels-of-preservatives/

ဒေါက်တာတင့်ဆွေ
၁၁-၅-၂ဝ၁၃

Sunday, May 5, 2013

Cosmetics and Cancer Risks အလှအပသုံးပစ္စည်းတွေနဲ့ ကင်ဆာအန္တရာယ်

၅-၅-၂ဝ၁၃ Johnson & Johnson ဂျွန်ဆင်-အင်-ဂျွန်ဆင်ရဲ့ အလှအပသုံးထုတ်ကုန် လိုင်စင်တွေကို အစားအသောက်နဲ့ ဆေးဝါး အာဏာပိုင်ကနေ ပယ်ဖျက်လိုက်ဆိုတဲ့သတင်းထွက်လာပါတယ်။

ကလေးပေါင်ဒါ ၁၅ မျိုးကို ၂ဝဝ၇ ကတည်းက ထုတ်နေပါတယ်။ ပိုးသေအာင်သုံးတဲ့ Ethylene oxide ဟာ ကင်ဆာ ဖြစ်စေနိုင်တယ်လို့ တွေ့ရှိလာတာပါ။ (FDA) ရဲ့တားမြစ်ချက်ဟာ အိန္ဒိယနိုင်ငံ Mulund plant မူလွန်ဒ် စက်ရုံကနေ ထုတ်နေတာတွေကို ၂၄-၆-၂ဝ၁၃ ကနေစပြီး သြဇာသက်ရောက်ပါမယ်။ Ethylene oxide (အက်သလင်း အောက်ဆိုက်) အော်ဂဲနစ်ဓါတ်ပေါင်းရဲ့ သတ္တိတွေထဲမှာ Flammable မီးလောင်လွယ်တယ်၊ Irritating ထိတဲ့နေရာကို ကလိသလို နေတယ်၊ Anaesthetic ထုံစေမယ်၊ Carcinogenic at room temperature အခန်းတွင်းအပူချိန်မှာ ကင်ဆာ ဖြစ်စေနိုင်တယ်။

Cancer Risks ကင်ဆာအန္တရာယ်
1. Diethanolamine (DEA) နဲ့ Triethanolamine (TEA)
ထုတ်လုပ်ဖြစ်စဉ်မှာသုံးရတယ်။ Bronopol (2-bromo-2-nitropropane-1,3-diol) အထားခံအောင်ထည့်ရတဲ့ ဓါတ်ပေါင်း ဖြစ်တယ်။ ဈေးကြီးတာတွေထဲမှာလဲ ပါတတ်တယ်။ ဥပမာ Chanel (ရှနယ်လ်)။ နောက်ပြီး Baby products ကလေးသုံး ပစ္စည်းတွေနဲ့ Body Shop (ဘော်ဒီ ရှော့ပ်) တွေမှာသုံးတာတွေ။
2. 1, 2-Dioxane in Surfactants/detergents
Shampoos ခေါင်းလျှော်ရည်၊ Hair conditioners ဆံပင် (ကွန်ဒီရှင်နာ)၊ Cleansers (ကလင်းဇာ)၊ Lotions (လိုးရှင်း)၊ Creams (ခရင်မ်)၊ Soaps ဆပ်ပြာ Cleaning products သန့်ရှင်းရေးသုံးတွေမှာပါတဲ့ Ethoxylated alcohols, Polysorbates နဲ့ Laureths ဆိုတာတွေ ဖြစ်တယ်။

• Artificial Colors အရောင်တုတွေ
Blue 1 နဲ့ Green 3 တွေမှာ ကင်ဆာဖြစ်မှာပါတယ်။ D&C Red 33, FD&C Yellow 5, and FD&C yellow 6 တွေထဲမှာ Impurities အညစ်အကြေးလိုဟာတွေ ပါတယ်။ ကင်ဆာဖြစ်စေနိုင်တယ်။
• Hair Dyes ဆံပင်ဆိုးဆေးတွေ
Black အနက်နဲ့ Dark brown အညိုရင့်ရောင်တွေထဲမှာ Non-Hodgkin's lymphoma, Multiple myeloma နဲ့ Hodgkin's disease ကင်ဆာအမျိုးအစားတွေဖြစ်စေနိုင်တယ်။
• Lanolin လင်နိုလင် ခရင်မ်
ယေဘုယျ စိတ်ချရပေမဲ့ DDT, Dieldrin နဲ့ Lindane တွေပါနေနိုင်တယ်။
• Talc ပေါင်ဒါ
Ovarian cancer မျိုးဥအိမ်ကင်ဆာဖြစ်စေနိုင်တယ်။
• Silica စီလီကာ
(စီလီကွန်) ထဲမှာပါတယ်။ (စီလီကွန်) ကို အတုပစ္စည်းတွေလုပ်ရာမှာသုံးတယ်။ ရင်သားအတု၊ ယောက်ျားလေးတွေ လူပေါင်းမှားလို့ ကျားအင်္ဂါကို ဆေးထိုးတာမျိုး။

• Cosmetics အလှအပသုံးပစ္စည်းတွေဟာ ကျန်းမာရေးဥပဒေအောက်မှာ အနည်းဆုံးရှိတဲ့ လူသုံးကုန်ဖြစ်တယ်။ အမေရိကားမှာရှိတဲ့ Federal Food, Drug, and Cosmetic Act အက်ဥပဒေအရ ဈေးကွက်ထဲမဝင်ခင် စမ်းသပ်မှု၊ ဆန်းစစ်မှု နဲ့ အတည်ပြုမှုရယူစရာ မလိုဘူး။
• FDA ကထောက်ပြတာတချက်ကတော့ ၄ဝဝဝ ကနေ ၅ဝဝဝ အလှအပသုံးကုန်ပစ္စည်း ဖြန့်ဖြူးသူတွေထဲက ၃% ကဘဲ အစိုးရဆီကို ထိခိုက်မှုရှိတဲ့ အစီရင်ခံစာတင်တယ်။ အမယ်ပေါင်း ၂ဝဝဝ ကနေ ၂၅ဝဝဝ ထဲက ၄ဝ% ထက် နည်းပြီး မှတ်ပုံတင်ထားကြတယ်။
• ၁၉၉ဝ ခုနှစ်ထဲမှာ အလှအပသုံးပစ္စည်းကနေ ဒဏ်ရာရရှိပြီး ဆေးကုသမှုခံယူဘို့လိုသူပေါင်း ၃၈ဝဝဝ ယောက် ရှိခဲ့တယ်။ ဒဏ်ရာဆိုတာထဲမှာ Allergies အလာဂျီရတာ၊ irritation နေမထိထိုင်မသာဖြစ်တာနဲ့ Photosensitization နေရောင်နဲ့ထိရင် တုံ့ပြန်မှုပြောင်းလဲသွားတာတွေပါဝင်တယ်။ အလာဂျီ နဲ့ မျက်စိ ထိခိုက်တာတွေကြောင့် ဆေးရုံ အရေးပေါ်ခန်းကိုလာကြရတယ်။
• လူ့အရေပြားဟာ အလွန်စုပ်ယူနိုင်စွမ်းကောင်းတယ်။ အရေပြားပေါ်တင်တဲ့၊ လိမ်းတဲ့အရာ ဘာမဆို စုပ်ယူလို့ ကိုယ်ထဲ (သွေးထဲ) ရောက်တယ်။ တချို့ဓါတုပစ္စည်းတွေက အဲလိုဖြစ်တာ ပိုမြန်တယ်။
• Facial makeup မျက်နှာသုံး မိတ်ကပ်လို ကြာကြာထားတာမျိုးက သိသာစေတယ်။ လေ့လာမှုတခုအရ အလှအပသုံး ပစ္စည်းတွေမှာ အထားခံအောင်ထည့်ရတဲ့ Butylate hydroxytoluene ၁၃% နဲ့ ကင်ဆာ ဖြစ်စေနိုင်တဲ့ DDT ပိုးသတ်ဆေး ၄၉% တို့ဟာ အရေပြားထဲကနေ စိမ့်ဝင်ကြတာကို တွေ့ရှိရတယ်။
• အလှအပပစ္စည်းတွေကိုသုံးရင် အထဲမှာ အမယ်နည်းနည်းပါရင် ဆိုးကျိုးလည်း နည်းစေနိုင်တယ်ဆိုတဲ့ ဥပဒေသ မှတ်ပါ။ ဗက်တီးရီးယား မဝင်စေအောင်ဂရုစိုက်ပါ။ အဖုံးဖွင့်မထားပါနဲ့။ သူများနဲ့ တွဲမသုံးပါနဲ့။ ကရိယာနဲ့ သုံးရမှာကို လက်ချောင်းနဲ့မသုံးပါနဲ့။

ဒေါက်တာတင့်ဆွေ
၅-၅-၂ဝ၁၃

တခေတ်တခါက မြန်မာစာကို မှန်ကန်စွာ ရေးသားကြ၏

တခါက တခါတုန်းက တခါက တဘဝ တခေတ် တခါက တခါက မွေးဌာနီ တခါက မကြေးစည် တခေတ်တခါက မြန်မာစာကို မှန်ကန်စွာ ရေးသားကြ၏။ ဒေါက...