Tuesday, August 6, 2013

Entropion in children ကလေးမျက်တောင်စိုက်ရောဂါ

အမေး
Tue, Aug 6, 2013 at 11:24 AM
ဆရာရှင့် တစ်ချိန်လုံး ဆရာ့ဆီက အကြံဥာဏ်တွေ လှမ်းယူနေကြမို့ နာမည် မြင်တာနဲ့ မှတ်မိနေလောက်ပြီ ထင်ပါတယ်ရှင့်။ နောက်ထပ် သိချင်တာလေး မေးပါရစေ။ ကလေးက အသက် ( ၆ ) လပါ။ အောက် မျက်တောင်မွှေးလေးတွေက အပြင်ကို မထွက်ဘဲ အမြဲတမ်း မျက်လုံးမှာ ကပ်နေပါတယ်။ စိုက်နေတဲ့ သဘောမျိုးပါ။ အဲဒါကြောင့် ထင်ပါတယ် ကလေးက မျက်လုံးကို အရမ်းပွတ်ပါတယ်။ နောက်ပြီး မျက်ရည်လဲ တစ်ချိန်လုံး ၀ဲနေပါတယ်။ အဲဒါ အန္တရာယ်ရှိလား သိချင်လို့ပါ။ နောက်ပြီး တစ်ချိန်လုံးပဲ အဲလို ဖြစ်နေမှာလား။ နောက်ပိုင်း သက်သာသွားနိုင်လား သိချင်လို့ပါ။ မျက်စဉ်းခပ်ပေးဖို့ရော လိုလား ဆရာ။

အဖြေ
မစိုးရိမ်ပါနဲ့။ တလောက ဆရာ့ဆေးခန်းကိုလဲ ကလေးတယောက်အဲလိုဖြစ်တာ လာပြသေးတယ်။ မျက်တောင်စိုက်တယ် လို့တော့ ခေါ်တယ်။ ဒါပေမဲ့ တကယ်တန်း Entropion မျက်တောင်စိုက်တဲ့ရောဂါဟာ Trachoma မျက်ခမ်းစပ် ဖြစ်ပြီးနောက်မှာ ဆက်ဖြစ်လာတာကိုသာခေါ်တယ်။ အခုခေတ်မှာ အတော်ကြီးနည်းသွားပြီ။ ဒီအရွယ်မှာလဲ မဖြစ်ပါ။

မွေးစကလေးတွေမှာ အဲလိုဖြစ်တာက သန္ဓေသားဘဝတုံးက ဖွံဖြိုးမှုကြောင့်လို့ယူဆရတယ်။ Epiblepharon မျက်ရစ်အပို ပါနေတာလဲ ရှိတတ်တယ်။ တခြားပုံမှန်မဟုတ်တာရှိနေ-မနေလဲ စစ်နိုင်ရင် ကလေးအထူးကုဆရာဝန်နဲ့စစ်သင့်ပါတယ်။ ကလေးကြီးလာချိန်မှာ ဖြစ်တာဆိုရင် ထိခိုက်မိတာ၊ ပိုးဝင်တာတွေကိုပါ စဉ်းစားရတယ်။

ကလေးငယ်လေးတွေ မျက်တောင်စိုက်နေရင် မျက်ရည်ကျနေတာကို မိခင်ကသတိထားမိလိမ့်မယ်။ မျက်စိနီနေမယ်။ အနေရခက်နေမယ်။ အလင်းရောင်ကိုမကြည့်ချင်ဘူး။ ဆေးကုသမှု လုပ်ရပါမယ်။ မလုပ်ရင် နောက်ဆက်တွဲတွေ ဖြစ်လာနိုင်တယ်။ ပိုးဝင်နိုင်တယ်။ မျက်ကြည်လွှာ အမာရွတ် ဖြစ်မယ်။ ဒါဆိုရင်တော့ ဆိုးတယ်။

Artificial teardrops မျက်ရည်တုခေါ်တဲ့မျက်စဉ်းကို အရင်ဆုံးသုံးသင့်တယ်။ မျက်ရည်တုကို တခါခပ် ၁-၂ စက်၊ တနေ့မှာ အကြိမ်များစွာ ခပ်ပေးနိုင်တယ်။

ပိုးဝင်တာဖြစ်ချိန်မှာတော့ ပိုးသေဆေး မျက်စဉ်း ခပ်ရလိမ့်မယ်။
• Cipro eye drops
• Sulfacetamide ophthalmic eye drops (ဆာလ်ဖါ နဲ့ မတည့်သူရှိတာ သတိထားပါ။)
• Gentamicin eye drops

မိခင်ကနေ လက်ကလေးနဲ့ မျက်ခွံလှန်ပေးတာ လုပ်ပေးပါ။ ဒါတွေနဲ့ မရတော့ရင်တော့ မျက်စိအထူးကုရာဝန်ပြပါ။ ဆရာဝန်ကနေ Botulinum toxin ဆေးကို မျက်ခွံမှာထိုးပေးတာ လုပ်နိုင်တယ်။ လူကြီးတွေကိုလုပ်တာ ပိုအောင်မြင်တယ်။ ခွဲစိတ်ပြုပြင်တာလဲ လိုချင် လိုလာနိုင်တယ်။ မခဲယဉ်းပါ။ ထုံဆေးလေးနဲ့သာ ခွဲပါမယ်။

ဒေါက်တာတင့်ဆွေ
၆-၈-၂ဝ၁၃

ပြည်ပြေးတယောက် ဟိုရောက် သည်ရောက်

၁။ ၁၉၉၃ ဗုဒ္ဓဂါယာ မြန်မာဘုန်းတော်ကြီးကျောင်းမှာ ဆံသခဲ့ဖူးတယ်။ ၂။ ဝါရှင်တန်၊ ဒီစီ၊ ကက်ပီတော် ကိုရောက်ခဲ့စဉ်က ကက်ပီတော် တောင်ကုန်းမှာရြှိ...