ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာအတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည်သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာမေးပါ။
• အီးမေးလ် အခက်အခဲရှိလို့ Facebook message မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• Facebook Comment ကနေမေးတာ-ဖြေတာ အဆင်မပြေပါ။
စာရှည်ရေးမရပါ။ သူများတွေကို အနှောင့်အယှက်ဖြစ်နိုင်ပါတယ်။
• နာမ်စားသုံးတာမှာ ကိုယ်ကိုယ်ကို ‘သား’၊ ‘သမီး’ လို့ သုံးရင် မေးတဲ့သူရဲ့ သားသမီးလား ထင်မှတ်မှားနိုင်တာသတိပြုပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။ ကျွန်တော့်မှာ Viber မရှိပါ။ ဖေ့စ်ဘွတ် ဖုန်း-ဗီဒီယို အဆင်မပြေပါ။ Skype ကိုတော့ နိုင်ငံရေးနဲ့ မိသားစုအတွက်သာသုံးပါတယ်။
drswe01@gmail.com ကို (အီးမေးလ်) ပို့ပါ။

(ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်
- https://tintswe.wordpress.com/ Dr. Tint Swe ဒေါက်တာတင့်ဆွေ ဆေးပညာစာများ

Tuesday, August 13, 2013

IBS ဝမ်းမငြိမ်ပြဿနာ

အသက် ၃ဝ ကျော်သူတိုင်း ရင်ဆိုင်ရနိုင်သည့် ကျန်းမာရေး ပြဿနာများ Irritable Bowel Syndrome (IBS)

ဘာကြောင့် ဖြစ်ရမှန်းမသိတဲ့ အစာအိမ် အူလမ်းကြောင်း လက္ခဏာတွေ နာတာရှည် ဖြစ်တာ၊ ဒါမှမဟုတ် မကြာခဏ ပြန်ဖြစ်တာကို IBS လို့ ခေါ်ပါတယ်။ IBS ရောဂါရှိသူတွေမှာ အူမကြီး ဒါမှမဟုတ် အူသိမ်တွေမှာ ပုံမမှန်တာ ဘာမှ မရှိပါဘူး။

ရောဂါလက္ခဏာ
- ဝမ်းသွားပြီးနောက်ပိုင်း ဗိုက်နာတာ သက်သာသွားခြင်း၊
- ဝမ်းဗိုက်နာတာနဲ့အတူ ဝမ်းပျက်ခြင်း၊
- လေပွခြင်း ဒါမှမဟုတ် ဗိုက်တင်းနေခြင်း၊
- ဝမ်းသွားလို့ မဝခြင်း၊
- ဝမ်းနဲ့အတူ အချွဲပါဝင်ခြင်း၊

တခြားလက္ခဏာတွေအနေနဲ့ ပျို့ချင်တာ၊ အစာအနည်းငယ်စားပြီး ဗိုက်ပြည့်တင်းနေတာနဲ့ မောပန်းတာတွေ ဖြစ်တတ်ပါတယ်။ ရောဂါလက္ခဏာရဲ့ ဆိုးရွားမှုနဲ့ မကြာခဏ ပြန်ဖြစ်မှုက တစ်ယောက်နဲ့တစ်ယောက် ကွာခြားပါတယ်။ IBS လက္ခဏာတွေဟာ အူမကြီး ရောင်ရမ်းတဲ့ရောဂါ (Inflammatory Bowel Disease) နဲ့ ကွာခြားပါတယ်။ ဝမ်းထဲမှာ သွေးပါတာ ဒါမှမဟုတ် အဖျားရှိတာ တုန်ချမ်းချမ်းတာတွေ မဖြစ်ပေါ်တတ်ပါဘူး။

ဘာကြောင့် ဖြစ်သလဲ
စိတ်ဖိစီးမှုကြောင့် အစာအိမ်နဲ့ အူလမ်းကြောင်းလုပ်ငန်း ဆောင်တာတွေမှာ ထိခိုက်မှု ရှိတတ်ပါတယ်။ စိတ်ဖိစီးမှုများတာဟာ IBS လက္ခဏဖြစ်ဖို့ အဓိက ကဏ္ဍမှာ ပါဝင်ပါတယ်။ IBS ရောဂါရှိသူရဲ့ ၆ဝ ရခိုင်နှုန်းဟာ စိတ်ဖိစီးမှုများချိန်မှာ ရောဂါထတတ်ပါတယ်။ လုပ်ငန်းသစ် ပြုလုပ်တာ ဒါမှမဟုတ် နေအိမ်ပြောင်းရွှေ့ ရတာတွေလိုမျိုး သိသာပြောင်းလဲတဲ့ ဘဝပုံစံတွေကြောင့် IBS လက္ခဏာတွေ ဖြစ်ပေါ်တတ်ပါတယ်။ IBS ရောဂါရှိသူတွေရဲ့ ၄ဝ-၆ဝ ရာခိုင်နှုန်းဟာ စိုးရိမ်စိတ်များတာနဲ့ စိတ်ကျဝေဒနာတွေ ရှိတတ်ပါတယ်။

ရောဂါသတ်မှတ်ခြင်း
လူနာ ရောဂါလက္ခဏာ ခံစားရတဲ့ ဝေဒနာပေါ်မှာ မူတည်ပြီး ရောဂါသတ်မှတ်နိုင်ပါတယ်။ အောက်ပါလက္ခဏာတွေ သုံးလဆက်တိုက် ဒါမှမဟုတ် မကြာခဏ ဖြစ်ပေါ်ခဲ့ရင် IBS ရောဂါလို့ သတ်မှတ်ပါတယ်။

၁။ ဝမ်းဗိုက်နာကျင်တာ ဒါမှမဟုတ် သက်တောင့်သက်သာ မရှိတာဟာ
- ဝမ်းသွားပြီး သက်သာရင်
- ဝမ်းသွားချိန်ပြောင်းလဲတာနဲ့ ဆက်စပ်မှုရှိရင်
- ဝမ်းထဲမှာ ပါဝင်တဲ့ မစင်ပုံသဏ္ဍာန်ပြောင်းလဲတာနဲ့ ဆက်စပ်မှုရှိရင်

၂။ အောက်ပါတို့မှ နှစ်မျိုး ဒါမှမဟုတ် နှစ်မျိုးထက်ပိုပြီး မကြာခဏ ဖြစ်တတ်ရင်
- ဝမ်းသွားချိန် ပြောင်းလဲရင်
- ဝမ်းပုံသဏ္ဍာန် ပြောင်းလဲရင် (ဥပမာ ဝမ်းမာတာ၊ ဝမ်းပျော့တာ ဒါမှမဟုတ် ဝမ်းအရည်သွားတာ)
- ဝမ်းသွားတဲ့ အနေအထားပြောင်းလဲရင် (ဥပမာ ဝမ်းသွားပြီး ဝမ်းကုန်စင်တယ်လို့ မထင်ခြင်း၊ ဝမ်းမထိန်းနိုင်ခြင်း ဒါမှမဟုတ် ဝမ်းညှစ်ရခြင်း)
- ဝမ်းထဲမှာ ချွဲပါရင်
- လေပွတာ ဒါမှမဟုတ် ဝမ်းဗိုက်တောင်းတင်းနေတယ်လို့ ခံစားရရင်

အထက်ပါလက္ခဏာတွေနဲ့ ဆင်တူဖြစ်တတ်တဲ့ တခြားရောဂါတွေမှာ ခွဲခြားနိုင်ဖို့အတွက် အောက်ပါ စမ်းသပ်မှုတွေကို ပြုလုပ်ရပါမယ်။
- အစာအိမ်နဲ့ အူလမ်းကြောင်း အောက်ပိုင်း ဓာတ်မှန်ရိုက်ခြင်း (Barium enema)
- အစာအိမ်နဲ့ အူလမ်းကြောင်းကို ဓာတ်မှန်ရိုက်ကြည့်ခြင်း (BArium follow through)
- အူမကြီးအတွင်း မှန်ပြောင်းနဲ့ ကြည့်ခြင်း

ကုသခြင်း
IBS ရောဂါကို ကုသရာမှာ ရောဂါဆိုးရွားမှုနဲ့ လူနာတစ်ယောက်ချင်းစီရဲ့ လက္ခဏာပေါ်မှာ မူတည်ပါတယ်။ ဘဝနေထိုင်မှုပုံစံ ပြောင်းလဲတာ၊ ဆေးဝါးနဲ့ကုသတာနဲ့ စိတ်ပိုင်းဆိုင်ရာ ကုသမှုတွေ ပြုလုပ်ဖို့ လိုအပ်ပါတယ်။

ဘဝနေထိုင်မှုပုံစံ ပြောင်းလဲခြင်း
အမျှင်ဓာတ်ဟာ အပင်အစားအစာတွေမှ အစာမေခြေနိုင်တဲ့ အပိုင်းဖြစ်ပါတယ်။ အမျှင်ဓာတ်ကြောင့် အူမကြီးအတွင်း အစာရွေ့လျားမှု အချိန်ကြာမြင့်နိုင်ပါတယ်။ လူတိုင်းဟာ အမျှင်ဓာတ်ကြောင့် အကျိုးကျေးဇူး မရရှိနိုင်ပါဘူး။ ဝမ်းချုပ်တတ်တဲ့ IBS လူနာတွေအနေနဲ့ အမျှင်ဓာတ်ကြောင့် အကျိုးရှိနိုင်ပါတယ်။

အစားအသောက် ပြောင်းလဲခြင်း
IBS လက္ခဏာတွေဟာ တစ်ခါတစ်ရံမှာ တချို့အစာစားပြီး ဖြစ်ပေါ်တတ်ပါတယ်။ ဘာအစာကြောင့် IBS လက္ခဏာ ဖြစ်တယ်ဆိုတာ တစ်ယောက်နဲ့တစ်ယောက် ကွဲပြားတတ်ပါတယ်။ ဒါကြောင့် အစားအစာနဲ့ ပတ်သက်ပြီး ဒိုင်ယာရီ ထားကာ ဘယ်အစာကြောင့် IBS လက္ခဏာ ဖြစ်တယ်ဆိုတာ မှတ်ထားပြီး အဲဒီအစားအစာကို ရှောင်ပါ။ နွားနို့၊ ပဲအမျိုးမျိုးနဲ့ ဂေါ်ဖီထုပ်လိုမျိုး ဟင်းသီးဟင်းရွက် အဆီစာနဲ့ အယ်လ်ကိုဟောတွေဟာ IBS လက္ခဏာကို ပိုဆိုးစေတဲ့ အစာတွေပါ။

ဒေါက်တာခင်မိုးမိုး