ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာအတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည်သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာမေးပါ။
• အီးမေးလ် အခက်အခဲရှိလို့ Facebook message မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• Facebook Comment ကနေမေးတာ-ဖြေတာ အဆင်မပြေပါ။
စာရှည်ရေးမရပါ။ သူများတွေကို အနှောင့်အယှက်ဖြစ်နိုင်ပါတယ်။
• နာမ်စားသုံးတာမှာ ကိုယ်ကိုယ်ကို ‘သား’၊ ‘သမီး’ လို့ သုံးရင် မေးတဲ့သူရဲ့ သားသမီးလား ထင်မှတ်မှားနိုင်တာသတိပြုပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။ ကျွန်တော့်မှာ Viber မရှိပါ။ ဖေ့စ်ဘွတ် ဖုန်း-ဗီဒီယို အဆင်မပြေပါ။ Skype ကိုတော့ နိုင်ငံရေးနဲ့ မိသားစုအတွက်သာသုံးပါတယ်။
drswe01@gmail.com ကို (အီးမေးလ်) ပို့ပါ။

(ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်
- https://tintswe.wordpress.com/ Dr. Tint Swe ဒေါက်တာတင့်ဆွေ ဆေးပညာစာများ

Monday, April 14, 2014

Commercial medicine ဆေးလှလှလေးတွေ ဝယ်ကြမလား

ဆရာမင်္ဂလာပါဆရာ။ ကျွန်တော်တို့ပတ်ဝန်းကျင်မှာ အခုပုံမှာပြထားတဲ့ ဆေးတွေခေတ်စားနေလို့ လူတွေကို အန္တရာယ်ပေးနိုင်သလား ဒုက္ခပေးနိုင်သလားဆိုတာသိချင်လို့ပါ။ နှစ်သစ်မှာရွှင်လန်းချမ်းမြေ့ပါစေဆရာ။

• ပုံတွေကိုကြည့်ရတာနဲ့ ကြော်ညာဆေးတွေဖြစ်တာ သိသာတယ်။ ဆေးနဲ့ဆေးပစ္စည်းတွေကို အမျိုးမျိုး ရောင်းချတယ်။
• အစစတိုးတက်တဲ့ ဥပဒေသက်ရောက်မှု ပိုပြီးထိရောက်ကောင်းမွန်တဲ့တိုင်းပြည်တွေမှာ ဆေးမှန်သမျှကို လက်လွတ်စပယ် မရောင်းရပါ။ OTC ခေါ်တဲ့ အမျိုးအစားတွေကိုတော့ ဆိုင်တွေက ကောင်တာမှာ ဘယ်သူမဆို ဝယ်လို့ရတယ်။ Prescription ဆေးတွေက ဆရာဝန်လက်မှတ်နဲ့သာရောင်းတယ်။
• ဒါ့အပြင် Vaccines ကာကွယ်ဆေးလို ဆေးတွေ၊ MDR တီဘီ ကုသဆေးတွေ စတာကို ကန့်သတ်မှု ထပ်လုပ်ထားတယ်။ အပြင်မှာ ဆရာဝန်လက်မှတ်ပါလဲ မရောင်းရပါ။
• နောက်တခုက FDA ကလဲခွင့်ပြုထားပြီး ရောင်ပန်းလှအောင် ကြောညာကောင်းကောင်း၊ ဗူးခွံလှလှ မော်ဒယ်ပုံတွေနဲ့၊ ဆေးနာမည်ပေးတာကလဲ လူကို ဆွဲဆောင်မှုနဲ့ ရောင်းတာတွေရှိတယ်။ ဆေးဈေးကိုလဲ တင်ထားတယ်။ ကြော်ညာဘိုး ပိုယူထားတာပါ။
• ဒါကြောင့် အစိုးရတွေကနေ Generic medicine သာ ရောင်းဘို့ ဥပဒေနဲ့ တားမြစ်လာရတယ်။ (ဂျဲနရစ်ဆေး) ဆိုတာက ဆေးနာမယ်ရင်းအတိုင်း နာမယ်တပ်ဘို့ပါ။ ဥပမာ ဗီတာမင် (ဘီ) ကို ဘားပလက်စ်၊ ဘီကွန်ပလက်၊ ဘာ-ညာ နဲ့ရောင်းတာမျိုးကို ခွင့်မပြုတာဖြစ်ပါတယ်။
• နောက်တခုက ဆေးတွေကို တမျိုးထဲမဟုတ်ဘဲ ရောစပ်ထားတာတွေကို ဆရာဝန်တိုင်းက မကြိုက်ပါ။ ဥပမာ အနာအကိုက်ပျောက်ဆေး (ပါရာစီတမော) နဲ့ နောက်အနာအကိုက်ပျောက်ဆေး (ဒိုက်ကလိုဖဲနစ်) ကို ရောထားတယ်။ ဆေးအလေးချိန် လိုတာထက်ပိုနိုင်လို့ ချိန်ဆရခက်တယ်။ သံဓါတ်နဲ့ ဖေါလစ်အက်စစ်ရောတာ ကောင်းပေမဲ့ တမျိုးထဲလိုသူရှိတယ်။ တမျိုးက ဆေးအလေးချိန်ကိုက်ပြီး နောက်တမျိုးက ပိုတာ-လိုတာရှိမယ်။
• ရောဂါရှာဖွေရေး စက်ကိရိယာတွေကိုလဲ ပိုက်ဆံရှိတိုင်း ဝယ်မရပါ။ ဥပမာ အာလ်ထွာဆောင်းကနေ ဗိုက်ထဲက ကလေးကို ကျား-မ ခွဲပေးနိုင်လို့ ဥပဒေအရ ဆရာဝန်တွေက အာလ်ထွာဆောင်း ရိုက်တိုင်း မှတ်ချက်မှာ ခွဲခြားမှု လုပ်မပေးလိုက်ပါလို့ ပါရတယ်။ ဆေးတိုက်မှာလဲ စာကပ်ထားကြတယ်။ စက်ကို ခွင့်ပြုချက်ယူပြီးမှသာ ဝယ်လို့ ရတယ်။
• ဒီကြားထဲမှာ ကြော်ညာနဲ့ရောင်းတဲ့ ဆေးတွေ၊ အလှကုန်တွေ စတာတာတွေက များမှများဘဲ။ အွန်လိုင်းကနေ ရောင်းတာမျိုးက ပိုဆိုးသေးတယ်။ အာမခံချက်မရှိပါ။ တခုခုဆက်ဖြစ်တာကို တာဝန်ယူမှု ဘယ်သူ့မှာမှ မရှိပါ။ သုံးမိလို့ ဒုက္ခရောက်တာတွေ တကယ်ရှိပါတယ်။
• ကြော်ညာဆေးတိုင်း အသုံးမကျဘူးလို့တော့ ဝါးလုံးသိမ်းမပြောလိုပါ။ ဒါပေမဲ့ ဘယ်အထဲမှာ ဘာပါသလဲကြည့်ပြီး မှတ်ချက်ပေးရတယ်။ ဒါလဲ ဘက်လိုက်မှုကင်းကင်း ပြောရလို့ပါ။
• အမှန်အတိုင်းပြောရရင် အကောင်းဆုံးဆေးကို ဈေးလဲသင့်သင့်၊ လွယ်ရတာလဲမခက်တာ ရှိနေပါလျှက်ကနဲ့ အဲလို ဆေးမျိုးတွေကို အားမပေးချင်ပါ။ မေးလာရင် (ဂူဂယ်) ကိုနှိပ်ပြီးရှာ၊ အစအဆုံးဖတ်၊ ဘာသာပြန် ဖြေနေရတာက ကျွန်တော့်မှာ တဒုက္ခ။
• ကလေးတွေဆိုရင် ပိုသတိထားရလို့ Combo (ကွန်ဘို) နာမယ်ပါဆေးမျိုးတွေကို တားလာရတယ်။ (ကွန်ဘို) ဆိုတာ နှစ်မျိုးရောထားတာ။ Antibiotics ပိုးသေဆေးတွေကို ရောထားတာတွေကလဲ သတိမကြီးလို့ မရပါ။
• အရင်ကရောင်းဘို့ FDA ကနေ ခွင့်ပြုထားတာတွေထဲက လိုအပ်တာတွေကို ဈေးကွက်ကနေ ပြန်ရုပ်သိမ်းတယ်။
• ဒါကြောင့် ဆေးပညာသုတမှာ အမြဲခေတ်မီနေမှ တော်ကာကြတယ်။ အသိပညာပေးမှုတွေ အများကြီး ဝိုင်းလုပ်နေကြရမှာဘဲဗျာ။

Paracetamol Combo drugs (ပါရာစီတမော) ပူးတွဲဆေး သတိပေးချက် http://dts-medicaleducation.blogspot.com/2011/11/12-11-2011-paracetamol-combo-drugs-to.html

ဒေါက်တာတင့်ဆွေ
၁၃-၄-၂ဝ၁၄